الأحد، ديسمبر 21، 2008

.........ريلاكس.......


السلام عليكم ورحمة الله تعالى وبركاته


ايه رأيكم ياجماعة بعد الوعكة الصحية اللى آلمت


بالنت بتاعنا فى مصر اننا نخفف الكلام


من عليه شوية انا شخصياً اتكلمت كتير اوى



المرتين اللى فاتت واللى قبلهم الصراحة


(كتر الف خيركم انكم والنت كمان استحملتونى )




لا مش حأخد أجازة ولا حاقفل المدونة :)


ولا حأقفل التعليقات لألألألألألألأ


انا قاعدة ماتخافوش اوى كده ربنا يخلينا ويخليكم يارب


ولا يحرمكم منى ولا يحرمنى منكم ابدا ابد ابدا.لكن انا بستأذن ان التدوينة النهاردة تكون الصور اكتر من الكلام ولو إن اللى حاصل لحد دلوقتى العكس!!!المهم نفسى نبص للصور ونسمع المزيكا اللى فى الجنب (انا ما رضيت اعملها اوتو بلاى لاجل اللى عايز يشغلها يتفضل واللى ما عايز يشغلها وبيقول ان الموسيقى حرام برضة اوكى (انا احب كل واحد يكون مبسوط عندى بالمدونة وما نغصب على حد شىء وربنا سبحانه وتعالى يعفوعنا اجمعين .......

ايه رايكم نقعد فى التراس الحلو ده







ونأكل الايس كريم الحلو ده


وماحدش يقولى الدنيا برد احسن ازعل منه ....هو فين البرد ده!!


ارررررررررررر أررررررررررررررررأررررررررررررررررررر اررررررررر



على العموم اللى بردان او عامل رجيم


او مابيحبش الايس كريم او الايس كريم بتاعنا مش عاجبه


يتفضل يشرب شاى





واللى مش عايز لا ده ولا ده


يشرب عصير برتقال فرش


مفيييييييييييييييييييييييييييييييييد للبرد


متهيألى احلى صورة ممكن نبتدى بيها هى الصورة دى


ربنا يارب ينولنا شرف الزيارة


تااااااااااااااانى وتالت وكتيررررررررر






وتانى أحلى صورة هى طفل نايم


والابتسامة على وشه


بعد مايكون وراك الويل عقبال مانام!





واسيبكم مع باقى الصور



























































ودى من أجمل الصور لمكان نفسى ازوره تااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااانى


وما اشبع من زيارته ابدا










يارب تكون صورى عجبتكم



انا حبيت بس نعمل شوية



ريلاكس



بعد الشدة اللى حصلت



اليومين اللى فاتوا (ربنا يستر وماتتكرر تانى)

هناك 53 تعليقًا:

Mafrousa يقول...

هههههههههههه
الدعوة ديه دليل على الادمان
هههههههههه
يعنى مش انا اللى مدمنة لوحدي
هههههه

الصور جميله اوي و خصوصا صورة الكعبة ربنا يوعدك و يوعدنا جميعا بالزيارة

سؤال واحد بس يا نورا

ممكن اعلرف المحل اللى جبتي منه الايس كريم؟
اصله طعمه حلو اوي
:))))

Unknown يقول...

السلام عليكم ورحمة
الله تعالى وبركاته
واحدة مفروسة
أدمان!!!الشر بره وبعيد !!!ده بس حبة تعود وحيروح خالص لما نجيب كتكوتين وكام فرخة اربيهم يشغلونى على طول :):):).
اما عن محل الايس كريم هو اللى على الناصية وانت جاية من اخر الشارع شمال على ايدك اليمين لزم ...عرفتيه؟
ويااااااااااارب توعد كل مشتاق للزيارة وتيسرها لنا وللناس كلها امين
ونورتينى وشرفتينى مفروسة هانم
و سنة جديدة سعيدة عليكى يارب

هانى زينهم يقول...

يا سلااااااام !! ادى العزومات ولا بلاش . بقالك فترة يا دكتور مغيرة المدونة من حيث الشكل والمضمون .التغيير مطلوب اى نعم انما لما الاكل حلو كدة والمناظر الطبيعية موجودة والايس كريم تتاكل الصوابع وراه والعيشة زبادى فى الخلاط يبقى فين الحال اللى صعبان عليكى ؟؟!
سيبك من السؤال ابو دم تقيل ده بجد الموضوع جديد وخفيف وعلى رأيك احنا محتاجين نخفف من الكلام ومن حاجات تانية كتير فى حياتنا .

mohamed ghalia يقول...

حلو قوى الفكرة
بس أنا مضطر أستأذن عشان ورايا مذاكرة
فى حفظ الله

مهرة سالم يقول...

السلام عليكم...
حرام عليكي يا دكتور ...
درجة الحراره عندنا الآن 9....
وعيزاني آكل آيس كريم ...
(على فكره أكتر من مره بشوف عندكم في مصر كل مازادة حدة البرد بتاكلوا آيس كريم أكتر)....
أنا حشرب الشاي وياريت يكون جرين تي وذ منت..
الصور جميله ..
خصوصا الأطفال إلي بينمو بعد مايطلعو عينا...
......
شكرا جزيلا إنك تركتي الإختيار لنا بالموسيقى..
....
دمتي بخير..

الفارس الملثم يقول...

ايه الصور الجامده دي , ابقي استلفهم منك بقي مممممممم

لا مليش في الايس كريم نشرب شاي وخلاص بس مفيس حتة جاتوه ولا باكو بسكويت ايه الشاي القرديحي ده هههههههه

اكيد مفيش احسن من الاسترخاء بس المشكله ان العقل يرضي هو كمان يبقي في حالة استرخاء !!!

ربنا يوعدنا ويوعدك بزياره الكعبه والمدينه المنوره امين يا رب

تحياتي دايما

مذكرات مشاغب يقول...

هههههههههه
انا استرخيت خالص اهه
لدرجة ان شكلي هنام

بس الفكره دي وحشه جدا
تحميل الصور اصعب كتير جدا من تحميل الكلام
يعني ياريتك كنتي كتبتي احسن

وده معناه ان النت لو قطع تاني فانا بحملك المسؤوليه الكامله
وساعتها باه محدش يقولي سفينه ولا قرش ولا مؤامره


لا بجد فكره جميله جدا

مودتي وتحياتي

مصطفى محمود يقول...

هي الفكرة جميلة يا دوك :)

بس مش عملية شوية
النت لسه وحش برضو
ودلوقت الصنية بتاعة الشاي مكملتش التحميل عندي ومش عارف اشرب الكوباية بتاعتي !!
اعمل انا ايه دلوقت بقى ؟!
يعني مش هنعمل دماغ عشان نذاكر بقى ولا ايه ؟ :D

يلا مش مشكلة الايس كريم اتحمل اهو اروح أخد بتاعتي قبل ما حد تاني يحملها

حمد لله على سلامة النت وعلى سلامة حضرتكم كمان

ومبروك على التغير :)

هلحق أبص بقى على الصور إذا كانت اتحملت وامتع عينيا شوية بالطبية الخلابة وبالحرمين الشريفين

سلام :)

جنّي يقول...

اشكرك على الايس كريم

هكذا يكون الريلاكس والا فلا !!

سلام

من غير عنـــوان يقول...

بجد ما فيش أحلى من كده...
فكره جميله للعزومة البلوشي دي

أنا بأموووووووت في الأيس كريم

شوية صور مريحه جميله

وأحلى ما فيها تقديرك للجمال
وكل ما الناس تشوف جمال ، كل ما عنيها تدور عليه..

يارب يحعل حياتك واللي جواليكي كله جمال في جمال

أمنياتي

وشكرا على تعليقاتك الممتعه
وكلامك الطيب

blue-wave يقول...

هههههههههههههههههههه
والله شويه صور تحفه
تسلمى بجد

HERO يقول...

حلوة الصور قوي وانا بقيت سيريلاكس فعلا وحزاكي الله خيرا وعجبني الأيس كريم والشاي والبرتقال بس بطني وجعتني بعديها معرفش ليه

وعلى فكرة تقدري تقولي حمد الله عى سلامة بابا وماما فعلا بس عرفتي منين انهم وصلوا ؟؟

تحياتي

غير معرف يقول...

بصراحه فكره عبقريه جداااا جدااااا
انا بعد ما أكلت العصافير حلييييت بالأيس كريم وجيت اشرب الشاى حسيت انى لسه جعان
دورت وتعبت مالقيتش احسن من البيبى الصغنن ده وفرصه انه نايم
بس الشاى كان فى الخمسينه
تسلم ايدك يا دكتوره وماتحرميناش من عزوماتك الحلوه دى
اسيبكم بقى علشان الحق اروح احج بيت الله الحرام علشان اغسل ذنوبى
سلامو عليكوووووووووووووووو

أحــوال الهـوي يقول...

السلام عليكم ورحمة
الله تعالى وبركاته

ابنتي العزيزة
شرفك الله بزيارة بيته و زيارة قبر نبيه
و رزقك زوجا يقر به عينك و يطيب له فؤادك و يصاحبك في الدنيا و يكون رفيقك في الآخرة

آمين
و مجموعة الصور الراقية و الرائعة تدل علي حس مرهف وذوق عالي
الطبيعة و ابداع الله في خلقه هي القاسم الاعظم لالبوم صورك
سبحان الله في خلقه

تحياتي

حاول تفتكرنى يقول...

صور بديعة

تعكس اختيارك المميز لها

تحياتي

mr_raafat يقول...

الدكتور نوره
بارك الله فيك ومتشكرين علي العزومة
وربنا يحقق طلبك وأملنا بزيارة الحبيب صلي الله عليه وسلم
ونكون في العام القادم من الملبين
بارك الله فيك

Unknown يقول...

ماشى يا ستى
احنا موفقين
صو جميلة
ذوقك عالى كالعادة طبعا
طبعا النت فصل عندنا كمان
برضو كلعادة
تحياتى

غير معرف يقول...

صور رائعة وممتاذة مع موسيقى هادئة .... كنت هنام ..... ولكن ذوءك على وإحساسك مرهف ......... كل الود

تايه في وسط البلد يقول...

السلام عليكم

عندك حق المفروض نخف شوية علي النت بعد الوعكة الاخيرة وصورك بصراحة نمت عن ذوق جميل ومشاعر مرهفة

كل سنة وانت طيبة وانت الي الله اقرب ولغفرانه احق

romansy يقول...

ايس كريم فى البرد دا
يلا بقى مش مشكله
انا عن نفسى اكتشفت ان النت دا حبيبى
وحسيت ان الحياه ممله شويه
مفيد فعلا
وكمان لانه عارفنى على اصدقاء
وعلى اخوات ليه
كتير
بس الصراحه شويه صور رومانسيه فى الجون

Aиgel يقول...


السلام عليكم ورحمة الله وبركاته

نوره ...

وحشتيني جداً

حلو أوي الموضوع ده والله

تغيير جميل والصور رائعة

لأنها صور من الطبيعة الجميلة الي ربنا أنعم علينا بيها

أما بالنسبة للأكل والآيس كريم

فأنا من عشاق الآيس كريم في الشتاء
ههههههههههه


تقبلي مروري المتواضع

وربنا يسعدك ويحقق لكِ كل ما يتمناه قلبك

»-(¯`v´¯)-» A↓N↑G↓E↑L »-(¯`v´¯)-»

حسن حنفى يقول...

انا بقي غلس ومش هاكل ايس كريم علشان عندي برد

: p

اديني اهو قاعد اذاكر وشالوا النت من البيت

:((

كل ده بسبب المذاكره

دعواتك

Kiara يقول...

احلي ريلاكس

انا بحب الايس كريم جدااااااااا

وصورة الطفل شدتني اوووووووووووووووووي

ِِAdem El-Mahdy يقول...

صور هادية و رائعة

و فتحت نفسى للايس كريم

وبس

لاجئ الى متى يقول...

شكرا على العزومة
الحلوة كثير كثير

يعني كان من الضروري انه يصير خلل في النت لتصير العزومة

يسلمو للمرة الثانية على العزومة
والله ينولك اللي في بالك

غير معرف يقول...

يا سلام لوكان في شوية سمك و جمبري و معاهم طبق سلطة طحينه قبل الايس كريم
و الشاى.

المهم الايس كريم الجميل ده من مكان كويس؟

علشان في فيرس A اليومين دول ماشي في البلد
ربنا يسترها معاكم جميعا

Unknown يقول...

السلام عليكم ورحمة
الله تعالى وبركاته
الاستاذ الحاج /هانى زينهم
الف حمدلله على سلامة حضرتك يارب
ويكتبها لنا ربنا يارب ويتقبلها منا
والعيشة مش زبادى اوى ياعنى احنا بس بنحاول بحلىّ عيشتنا يامستر ياعنى لا حقيقة ولا خيال !حتبقى صعبة صدقنى .
مرة تانية حمدلله على سلامتك أستاذ هانى
ويتقبل الله منك ويكتبها لنا يارب.أمين

Unknown يقول...

السلام عليكم ورحمة
الله تعالى وبركاته
mohamed ghalia
الله يحلى عيشتك يارب
وينجحك انت وكل الطلبه
المصريين والاجانب (بالمرة معلش)
وايوووووووووووووووووووووووووة
روح ذاكر احسن انا مش حأزعل ماتخافش:)بس المهم تذاكررررررررررررررررر:):)
نورتنا محمد بتعليقك.

Unknown يقول...

السلام عليكم ورحمة
الله تعالى وبركاته
M.K
ليه بس حرام!ده كده
حتى حتتنشطى وتبقى نشيييييييطة خالص
الدفا بيجيب الكسل لكن البرد بيخليكى لازم تتحركى :صدقينى انا عارفة:)وتشربى الشاى وتختارى اللى انتى عايزاه دى مدونتك وانا ضيفة فيها :)
ونورتينى بتعليقك ووجودك عزيزتى.

Unknown يقول...

السلام عليكم ورحمة
الله تعالى وبركاته
محمد الفارس الملثم
أنا جينا للكلفة :)جاتوة ايه يامحمد اللى كنت عايزة؟انت عارف بكام الحتة؟وهو لو على حتة مش مشكلةلكن داأنا حاجيب للناس كلهم !!حأقضى عمرى ادفع ثمنه:):):):)
ويارب امين لدعوتك
يامحمد
ياصاحبى.

Unknown يقول...

السلام عليكم ورحمة
الله تعالى وبركاته
مذكرات مشاغب
لألألألألألألألألألألألأ
معلش ريلاكس اه لكن تنام دى ممنوع منعا باتاً بتاتاً بتاتاً:):):):)
بقولك ايه ياعم انت انا مش حمل قطع النت تانى بلاش الفأل ده ربنا يهديك :)
والحمد لله انها عجبتك (ياساتر أخيراكلمة حلوة:):)
نورتنا بتعليقك يامشاغب

Unknown يقول...

السلام عليكم ورحمة
الله تعالى وبركاته
TeVa
اه المهندزين وصلوا!! ودول جماعة مش بيعجبهم حاجة وااااااااااااااصل!!
معلش يافندم عقبال ماتشرب العصير يكون الشاى جهز وخلى الايس كريم فى الاخر ......ايه رأيك فى الترتيب ؟:)
وياسيدى يسلمك ويسلم النت ويسلم حضرتك يارب.(بلاش تجيب السيرة دى هنا:)
ويكتب لنا جميعا أحنا وكل مشتاق زيارة بيته الحرام وزيارة رسوله
عليه افضل الصلاة وازكى السلام
ونورتنا يامهندز بعد كام شهر:)

Unknown يقول...

السلام عليكم ورحمة
الله تعالى وبركاته
جنّى
يافندم حضرتك تاخد اللى انت عايزة
انت زيارتك عزيزة علينا ولازم نحفل بك كويس جدا.
نورتنا أستاذ جنىّ

Unknown يقول...

السلام عليكم ورحمة
الله تعالى وبركاته
من غير عنوان
يافندم بالهنا والشفا
الايس كريم والشاى ونختم بالعصير
وكل الصور الحلوة اللى بتقول عليها دى جزء من ذوقك حضرتك وفنك الغالى
جزاكم الله خير الجزاء على كلامك الطيب
ونورتنا بمرورك يابشمهندس محمد

Unknown يقول...

السلام عليكم ورحمة
الله تعالى وبركاته
blue -wave
عجبوك الصور دكتور عمرو؟
مايغلوش عليك يادكتور
اتفضلهم بس بشرط
تشرب الشاى والعصير
وتاكل الايس كريم
نورتنى دكتور عمرو

Unknown يقول...

السلام عليكم ورحمة
الله تعالى وبركاته
HERO
انت بقيت ايه؟
سيريلاكس؟!
عنجليزى ده ياهيرو؟
وحمداًلله على سلامة وصول
الوالدين... وماتسالنيش؟
(العصفورة قالتلى:))
نورتنى هيرو

Unknown يقول...

السلام عليكم ورحمة
الله تعالى وبركاته
Doctor.1
أكلت العصافير!!
بجد بجد أكلت العصافير !!
وحتدورلى على العيل الصغنن النايم!!
لألألألألألألألألأ شكرا أنست وشرفت لحد كده وتانى مرة لما حأعمل عزومة خليك مستريح عندك وانا حبعت لك كل حاجة على هناك!! :):):):)
نورتنى دكتور ون بمرروك وتعليقك

Unknown يقول...

السلام عليكم ورحمة
الله تعالى وبركاته
احوال الهوى
والهوى احوال
اللهم امين نزور بيته الشريف ورسوله الكريم ويجعل لك نصيبا وللمسلمين أجمعين
الطبيعة والنظر الى الطبيعة من أجمل الاشياءأو من احب الافعال الى قلبى (عارف انا بروح المصيف بس علشان اقعد امام البحر الواسع ده اشوفه وخلاص ما اشبع ولا آمل من هذا المنظر ابداً والله.
ومتشكريين لمرورك الجميل وتعليقك كمان.

Unknown يقول...

السلام عليكم ورحمة
الله تعالى وبركاته
حاول تفتكرنى
عجبتك بصحيح؟
طيب الحمد لله
وشكرآآآآآآ
لذوقك العالى

Unknown يقول...

السلام عليكم ورحمة
الله تعالى وبركاته
احمد بدر الدين
مااااااااااشى
ياأحمد بس انت عندك مذاكرة
ومش فاضى يعنى النت يفصل خير وبركة
:):):):):)لكن احنا معندناش مذاكرة نعمل ايه من غيره؟؟
نورتنا احمد بالمرور والتعليق

Unknown يقول...

السلام عليكم ورحمة
الله تعالى وبركاته
يوميات مصرية
لألألألألألألألألألألألأ
قلنا نوم لأ غير مسموح!!! ريلاكس وبس !!
وشكرا لك انت لذوقك وكلامك هذا.
نورتنا بتعليقك ومرورك

Unknown يقول...

السلام عليكم ورحمة
الله تعالى وبركاته
تاية فى وسط البلد
الوعكة او الوقعة الاخيرة اسكت ماتفكرنيش كانت فعلا واااااقعة مايعلم بها الا ربنا !!
وشكرا للكلام الطيب وكل لحظة وانت بالف خير
ونورتنا فى اول مرور وتعليق لك عندنا.

Unknown يقول...

السلام عليكم ورحمة
الله تعالى وبركاته
romansy
طب دا الايس كريم مايحلاش الا فى البرد هو مش عمرو دياب اول ما غنى قال (ايس كريم فى ديسمبر.....ايس كريم فى جليم:)
النت اه ماتفكرنيش وماتجيب السيرة ربنا يخليك(اصله بيبوظ على السيرة!)
ومتشكريين لذوقك ياأستاذ احمد يارومانسى

Unknown يقول...

السلام عليكم ورحمة
الله تعالى وبركاته
Angel
انت الاجمل والاحلى والاذوق دايما ياجميلة
والحمد لله ان الصور عجبتك وكمان طلعتى بتحبى الايس كريم فى الشتا زيىّ وزى عمرو دياب:):)فنانين زى بعض بقى:):):)
ومرورك جميل وظريف ولطيف كمان
ونورتينا بمرورك وتعليقك انجل.

Unknown يقول...

السلام عليكم ورحمة
الله تعالى وبركاته
حسن حنفى
يعنى نصيبك اديه لحد تانى ياحسن ..
الف لابأس عنك من البرد والزكام
أحسن نصيحة ممكن اقولها لك نام وارتاح بقدر الامكان واشرب سوائل بكثرة
ووووووووووووشالو النت من البيت!!!
امال انت بتكتب من النت كافيه ؟
معلش كلها شهر واجازة نص السنة جاية وترجع النت تانى.
وووووووذاكر ياحسن :):):)

Unknown يقول...

السلام عليكم ورحمة
الله تعالى وبركاته
مولان
ايوة انا عارفة
علشان كده جبته :):):)
وانتى اجمل واجمل واجمل

Unknown يقول...

السلام عليكم ورحمة
الله تعالى وبركاته
Adem El-Mahdy
اتفضل يافندم
مايغلاش عليك
احنا عاملين حساب
الناس كلها اتفضل !!
ونورتنا باشمهندس ادم المهدى

Unknown يقول...

السلام عليكم ورحمة
الله تعالى وبركاته
لاجىء الى متى
عائدون إن شاء الله
الشكر لله يافندم والحمد
لله أن كل شىء عجب حضرتك
وبأذن الله نقيم عزومة تانية
قريبا ومن غير ما النت يصير به خلل:):)
والله يناولك انت الخير كله يارب.

Unknown يقول...

السلام عليكم ورحمة
الله تعالى وبركاته
اسماعيل
حرام عليك كده؟فكرتنى ليه؟انا بموت فى السمك (ولوازمه كلها من غير تفصيلات)
حاجيب انا سمك الساعة دى منين ؟
وماتخافش الايس كريم بتاعنا مافيه
فيرس A احنا واخديين بالنا كويس:):)
ويسترها معنا ومعاك ومع الناس لهم يارب

Unknown يقول...

السلام عليكم ورحمة
الله تعالى وبركاته
mr_raafat
وبارك الله فيك يافندم
وينول كل مشتاق للزيارة والحج
ويتقبل منا صالح الاعمال والدعوات
ونورتنا بالمرور والتعليق يا مستر.

وفاء بركات يقول...

القعده في التراس جميله والأيس كريم يجنن بس نزلة البرد هي اللي منعتني من أني حتي اخد لحسه ..
أجمل صورتين صورة الكعبه و الطفل الله عليه بعد كده المناظر الطبيعيه الجميله .. إستمتعنا وشربنا وبحلقنا
متشكريين بس ناقص ساندوتشات الفول والطعميه علي العموم المره الجايه
وارجوكي متنسيهمش ..
تحياتي

Unknown يقول...

السلام عليكم ورحمة
الله تعالى وبركاته
أستاذة وفاء
ياأهلا وسهلا بكى
والف لا بأس عن من البرد
ماسابش حد الا وجه له بما فيها
من تكلمك !!!!نورتينى وشرفتينى وربنا
يوعدنا جميعا بالزيارة والحج والعمرة
ويتقبل منا .امين يارب العالمين .

غير معرف يقول...

~.....................................................