هو ده برضه ينفع!!!!!!

طبعاً لأ

ما ينفعش طبعا ييجى اول يوم فى السنه الجديدة
وما أحط حاجة جديدة .... ماينفعش!!!
بس كان نفسى احط بطاقة حلوة

من الحاجات الكتير اللى جت لى او اتحطت فى المنتديات
او شوية بلالين متلونين
او حتى صحبة ورد احمر وما اكثرها وما احلاها
لكن حاحط صورة جت لى فى الميل من صديق مع عتاب
بانه لا وقت للكلمات او التعاطف بالكلمات فالموقف اكبر من كل هذا
وان ما يحدث على ارض الواقع مفزع ورهيب واحنا لسه ناااااااايمين
وبص ياسيدى وبصى ياستى

ده مش مجزر آلى ولا سلخانة ولا حتى حارة فى بلدنا فى العيد الكبير
ده ببساطة شديدة

شارع او بيت او كان بيت فى غزة

وكام غيره زيه
واللى على الارض

ده دم بشر..ايوه بشر
بيقولوا ان الارض مابتشربش الدم
لكن يظهر ان ارض فلسطين مختلفة

لانها بتشرب دم اولادها حتى
لا يضيع عبثا وليكون لها مدد فى ايامها الطويلة
والا قولوا لى كيف يستمرون فى كل هذا العناد
والقوة والصمود بالرغم من كل الحصار
والضغوط والذبح العلنى والخفى لهم
دمائهم ودماء شهداءهم

حصن ومصد لهم من الاستسلام
اللهم كن معنا على حالنا
وكن معهم كما انت دائما