دموعى قريبة !!
وزادت قربا فى هذه الايام
اخجل منها فى احيان كثيرة
ولكن لا حيلة لى فيها
ابكى وانا امام ربى فى صلاتى
حينما اتذكر ذنوبى
وأسأل نفسى هل يغفر لىّ ربى
أبكى وانا استطيع ان أساعد مريضا
ولكن الروتين واللوائح تمنع ذلك
والا تحولت الى مذنبة إداريا
ولهم حق توقيع الجزاء علىّ
أبكى وأنا أرى من لا يستحق يكافىء فى عملى
وإذا ما طالبت بحقى
ادخل فى مجادلات ومطالبات عقيمة
لا أقوى عليها
تجعلنى أعف نفسى عن الدخول فيها
فانا أعلم
أنى لن أقوى على الصمود أمام من أطالب بحقى امامه
خاصة اذا كان ممن امتهن المجادلة سبيلا لأخذ حقوق الاخرين
أبكى إذا ما حكى أحدهم مشكلة
وكان هناك مثلها مررت بها أو حتى أعيشها
أبكى لكل صرخة الم حقيقية أو دموع صادقة
من ظلم واضح
تنقلها صورة فوتوغرافية
او إذاعة مرئية
تحرجنى دموعى
إذا دخلت فى مناقشة وكنت انا على حق
واعلم أن من امامى على باطل
ولكن
وأه
من
لكن
هذه فى بلدنا
صاحب الصوت الأعلى له الغلبة
دائما
وناسنا قالوا زمان
وناسنا قالوا زمان
خدوهم بالصوت ليغلبوكوا
هناك 76 تعليقًا:
جميلة وحساسة ... أنت أنسانة في زمن يفتقد للأنسان
لكن دموعك جزء من أنسانيتك لا تخجلي منها، بل أسعدي بهذه الدموع فهناك من البشر من لا يبكي ولا يعرف الدموع.. أنه نعمة.
أعتقد أن كل ما حولنا يضغط بلا رحمة على أعصابنا و مشاعرنا و يستفز دموعنا.
يكفى تلك الدموع التى ستشفع لنا
وتدل على اننا مازلنا بشر
انتى قلتى المفيد لما قلتى الحكمه اللى بلدنا و بلد غيرنا من العرب ماشيه عليها " خدوهم بالصوت ليغلبوكوا " .. و لو عايزه تبكى ابكى قبل ما يجى زمن يعز فيه حتى البكاء
السلام عليكم و رحمة الله ..
بصراحة مش عارف أقول لك إيه يا دكتورة نور ,
هو عامة الدموع مفيدة جدا , هي بتغسل النفس بجد و بتعطي إحساس بالنظافة الداخلية ,
و هي نعمة من الله , أنا أعرف ناس مش بتعرف تعيط , و نفسها تعيط ,
أما بالنسبة لتوقيت الدموع ممممممممممم
مممممممممممممممم
مش هعرف أكمل ..... لأني حاسس إني ....
عموما ربنا يوفقك لما يحب و يرضى و يجعل أمرك لك كله خير ..
أفضل أن أعلق بغير معرف ..
السلام عليكم
بعمرها ما كانت الدموع شي عيب او شي بيدل على الضعف
الدموع بترتاح الواحد واكيد انسانيتك كبيره لدرجه بتخليكي تبكي كتير
تقبلب مروري
معلش يا نور
ان شاء الله الاوضاع حتتحسن
لان اللى سايد اليومين دول خدوهم بالصوت فعلا
الصوت العالى بيخلى صاحبه ياخد حقه
لكن الزوق و الادب مش بينفعوا اليومين دول
ازى حضرتك
انا بحبك جدا ويألمنى أوى انك تتكلمى عن دموعك
هى اه نعمه وبتريح انما برضه غاليه خصوصا لو من انسانه حقيقى زيك
انا مش عندى اعتراض ان دموعك تنزل فى وقت ماتحسى بالالم
ووقت ماتحسى ان حقك بيضيع
ووقت ماتحسى انك مش قادره تعملى حاجه علشان خايفه من المسائله لكن ضميرك بيعذبك عليها
لكن اللى مش معاكى فيه انك تتراجعى عن حقك وماتصريش انك تقفى وتاخديه وانتى عارفه انك على الحق لمجرد ان اللى قدامك امتهن مهنه المجادله لاغتصاب حقوق الاخرين.
وكمان وقت ماتحسى ان مشتته بين الموقف وبين ضميرك وحق الانسانيه عليكى مش عارفه بقى صح لو قلتلك اعملى اللى هيبقى ربنا وماتخافيش "من ارضى الله فى سخط الناس رضى الله عنه وارضى عنه من اسخطهم فى رضاه" حديث قدسى
عايزه اقول لحضرتك انك كنتى بتدينى شعاع امل بكلامك فمش عايزة احس بأنك بتضعفى فى وقت انتى فيه صاحبه الموقف الاقوى
ربنا يفرج همك ويخفف المك يارب
انا بعلق بغير معرف لانى منقطعه بسبب الامتحانات
انا "حبيبه"
السلام عليكم
اعتذر عن تقصيري جدا
ازيك يا دكتورة ؟
البكاء صفة انسانية ، و لكن لا تجلعي بكائك ينقص من ثقتك بنفسك او يزحزح ثباتك على الحق
اشكرك بشدة لسؤالك الكريم
المذاكرة و الله هي سبب سوء المتابعة
دعواتك يا دكتورة
زمان يا دكتور كنت زى حضرتك كدة بس من غير دموع " مش للدرجة دى يعنى " وبعدين ما ينفعش اصلا الراجل يعيط " ابويا دايما كان بيقولى كدة " وبعدين لما لقيت ما فيش فايدة قلت اجرب قلة الادب والصوت العالى وبرضه لقيت ان ما فيش فايدة لان الناس ما بتتغيرش ودلوقتى لا بقيت اتضايق ولا بقيت اقل ادبى بس باعمل اللى فى مزاجى ويتحرق الناس كلهم .على اد ما الدموع صفة انسانية اوشكت على الانقراض على اد ماهى خسارة عشان حد ما يستاهلهاش .وفرى دموعك يا دكتور ما حدش يستاهل ولا حاجة تستاهل .
السلام عليكم ورحمة الله
إزيك يا دكتوره وأعتذر لحضرتك عن تأخري ولكني لقيت عندك موضوعات جميله
فشيشكال هذا (أرجو ان اكون كتبت أسمه صح ) ظاهره منتشره للأسف الشديد في كثير من البلاد الإسلاميه
وطبعا معروفه المغرب بكثرة السحر والشعوزة فيها وطغيان هذا الفكر هناك
ولكنها موجوده لدينا أيضا ولكن بصوره أخف من ما هو لديهم
فمسجد سيدي أبو الحسن الشاذلي يحج إليه الكثيرون في توقيت موافق ليوم عرفه أيضا ويطوفون حول المقام وينحرون وكل ذلك من الخزعبلات والأفعال التي لا ترضي الله سبحانه
وكثيرا ما حوربت تلك الأفعال من علماء الدين ولكن دون جدوى
اروح أقرأ البوست الجديد واعود
يا دكتوره إحساس بالفعل جميل ومرهف
ولكن قد يعد عيبا عدم المطالبه بالحق والكفاح في سبيله
وقد قيل في الأمثال
ما ضاع حق ورائه مطالب
دمتي نسمة يا دكتوره
في امان الله
كتير بيعتبرو الدموع دي ضعف
ميعرفوش انها نعمه من عند ربنا
عجبتني جدا حتة ان اصحاب الصوت العالي هم اللي بياخدو حقهم
دي حقيقه في بلدنا فعلا
واعرف امثله في الحقيقه بيتطبق عليها الكلام ده
تحياتي
دموعك هى حليب الروح الطاهره
دكتورة
طبعا متسكتيش وتشاكسى وتطالبى بحقك وبهدوء وبإصرار
أوعى تسكتى عن حق
علشان يوم القيامه تبقى قدام ربنا عملت اللى عليك
واتعلمى تردى وبأدب
وعلى فكرة صاحب الصوت الواطى الناس بتسمعه وتحترمه اكتر من صاحب الصوت العالى اللى بيخافوا منه وبتكرهه
نور
المسلم القوى احب وافضل عند الله من المسلم الضعيف
لن يضيع حق وراءه مطالب
والدموع خليها بتريح النفس
بس متكنش دموع قهر
لا تتركى حقك وان تركت لهم ارض الفساد
السلام عليك يا ابنتي الرقيقه
الدموع
هل هي صفه الضعف ؟؟
كنت و انا في مثل عمرك تماما افعل ما تفعلين و كان الجميع يلوموني ...هو فيه راجل يعيط
و بمرور الوقت صار الدمع لا يقرب عيناي الا نادرا جدا جدا حتي ظننت اني صرت قاسي القلب وتحجر المشاعر
صدقيني افتقد دموعي في مواقف كثيرة جدا
لا تجزعي من هذه الصفة فهي مريحة جدا للنفس
انت انسانة رقيقة ولكن في عملك يحتم عليك بعض ثبات المشاعر لتقومي به
انت تخصصك ايه لو اطفال
و انت كلك حنيه كده مش هتبطلي عياط
تحياتي
كلمات يدعمها الصدق
والاحساس بالالم
ولا تحسبن الله غافلاً عما يعمل الظالمون...
وربنا يكرمك على القلب الطيب
...
دكتورة
امال لو مكنتيش دكتورة كنتى عملتى ايه
انا رغم انى راجل بس برضو كتير دموعى
تغلبنى فى المواقف اللى بحس فيها بالعجز
خصوصا عند احتياج أحدهم لمساعدة
وبخصوص الصوت العالى أنا بواجهم بنفس
اسلوبهم ساعات وساعات مبلقاش فيهم
فايدة اسيبهم وأمشى
تحيتى
هذه مشاعر الانسان الطبيعى السوى
فكان النبى صلى الله عليه وسلم يدعو"اللهم انى اعوذ بك من عين لاتدمع"
فهنيئا لكى بهذه الدكوع التى تدل على رقة قلب و مشاعر صادقة
جزاك الله خيرا على كلامك ليا لكن فعلالازم ابعد شويه
انا كنت داخله علشان اعمل كنترول على التعليقات وقرات تعليقك فكان لازم ارد على حد زيك
ربنا يعزك وميرسي على السؤال جزاك الله خيرا
يا دكتوره أنا ملاحظ أن فيه حالة اٍكتئاب عامه عند كل الناس و أولهم أنا
هو فيه أيه يا جماعه ؟ بجد فيه أيه ؟ اللى أنا شايفه أننا فى حالة حزن و شجن جماعى و دى ظاهره محتاجه للدراسه بجد لأنها بتمس الصحه النفسيه و اللى لا تقل أهميه و خطوره عن الصحه الجسديه
يا أخوانا نحن كلنا تعاتى من حالة اٍكتئاب و اخشى أن تتحول لما هو أخطر
ربنا يستر
كثير من الاشياء تجعل دموعنا تنزل , لكن اصعب الدموع هي دموع القلب , عندما تنزف قلوبنا وجعا والما في انين صامت ولا احد يشعر او يهتم باناتنا
فى بلدنا
صاحب الصوت الأعلى له الغلبة
دائما
وناسنا قالوا زمان
خدوهم بالصوت ليغلبوكوا
عندك كل الحق يا دكتوره
تحياتي دوما
السلام عليكم ورحمة
الله وبركاته
وكأنك تتحدثين عني..لنارب أسمه الكريم
كثيرا متعرضت للظلم في عملي وكنت أطالب بحقي أنحني للرياح تارة لأعودمرة
أخرى وكان أقصي ميؤلمني الضرب تحت الحزام
ممن كنت أحسبهم زملاء مقربون...
أشكر الله عز وجل كنت أفوض أمرى إليه
فيظهر الحق عاجلا أو أجلا فصبرا أختاه
الدموع تطهر النفس وتغسل الذنوب
اللهم إجعلنا أصحاب نفس لوامه وقلوب
رقيقه تعرف الرحمة.
يارب فرج كربنا جميعا
و الله سعات كتير الدموع بتريح و ساعات أكتر الواحد بيبقى نفسه يبكي و مش بيقدر!! و بعدين الدموع أمام الله في خشوع..........يابختك:)
عيطي يا دكتورة أحسن
اصلهم بيقولو الدموع بتغسل العين .. وانا شايف إنها مش بتغسل القلب ...
ومع كده مش عارف أغسل أي حاجة خالص ..
دا نتي تحمدي ربنا إنك عارفه تعيطي ..
افتكري إن المظلوم له دعوة ...
وربنا يهدي الجميع
سلام
انت تملك الدموع فتأكد ان لديك تلك النعمه التى يحسدك عليها الكثيرين ممن يفتقدونها
فالدموع نعمة ميز بها الله أصحاب القلوب الرحيمه والنقيه
فهى تزيل تلك الشوائب التى تعلق بقلوبنا فى حياتنا
تنقيها وتزيل عنها الصدى
لتكمل مسيرتها فى الحياة بما إعتادته من طهر ونقاء
وتقاوم الخضوع للتغير الذى تجره الحياة بمأسيها واحزانها
تقبلى تحياتى
ماضاع حق وراؤه مطالب
في الزمن ده كل حاجه بقت عاوزه تتبكي عليها كل المواقف او خلينا نقول معظمها
وخاصه للناس اللي مش بتكون متعوده علي كده او بتكون لسه ببرائتها
دعواتـــــــــك
علشان انا منقطع عن النت فتره كبيره اهو مذاكره بقي علي اساس اخد الاجازه بتاعت نص السنه
دمتي بخير
زي ماقال عمرو بدر في تعليقه عندك
في حالة من الاكتئاب الجماعي
ليه
عشان كل مايحيط بنا هو الاحزان
غزه واخبارها وجلد الذات اللي عايشينه هو اللي عامل فينا كده
المدونات التليفزيون الجرائد كلام الناس مع بعضها
كله حزن ودموع
عموما الدموع فرج
وبتغسل العين وبتحميها من الامراض
بس الحق حق
والساكت عن الحق شيطان اخرس
كل واحد يقدر ياخد حقه ويتقاعص
يندرج تحت هذا السطر
الدموع مش دايما دليل ضعف ساعات بتبقى دليل على حس مرهف و رقه مشاعر
دموعك امام مريض نفسك تساعديه بس اللوائح مكتفاكى حسيتها انا و انا فى تكليفى كنت فى مستشفى التأمين الصحى لما كان مريض اورام يجى يتحايل علينا عشان نوفر دوا معين قد ايه قلبى كان بياكلنى عليه و مش قادره اجيبله حاجه قبل ما اخد ميه امضاء
ربنا يرحمنا و يرهف حسنا اكتر عشان نحس بغيرنا
و الصوت العالى على الفاضى دليل على ضعف الحجه و الموقف فمتزعليش يا قمر
أحيانا يكون البكاء راحة للقلب وأنس له وتفريج لكربه
لنكي دائما لنغسل دواخلنا
دمتي بود أيتها الرقيقة
معلش في كلمة رقيقة بس ده مدح ليس إلا والله لإني حسيت بكده فعلا في كلامك
مودتي
دكتور :اول مرور لينا عندك فى مدونتك الجميله
انا بحب اغنيه جميله جدا بيغنيها احمد زكى فى فيلم هيستريا
ان ماقدرتش تضحك ..ماتدمعش ولا تبكيش
وان مافضلش معاك غير قلبك اوعى تخاف
مش هاتموت هاتعيش
وان سألوك الناس عن ضي ..جوة عيونك مابيلمعش
قلهم العيب مش فيا
العيب فى الضي
وانا مش عاشق ضلمه
ولا زعلت الضى
مسير الضي لوحده هايلمع
مسير الضحك لوحده هايطلع
مابيجرحش
ولا يئذيش
كلمات على سلامه ابداعيه بصراحه ..لكن انا معاكى انك حساسه جدا ..والبكاء من اعظم المشاعر الانسانيه وخاصه البنى ادمين الحساسين الى زيك بيبقو عاملين زى كوبايه الميه الى لو وقع فيها نقطه حبر بتتعكر وتاخد وقت على ماتروق
اصعب شيئ انك تكون عاجز عن فعل شيئ لمساعده حد
اصعب شيئ انك تكون تحت ايد حد جاهل وهو الى بيحدد القرار
انا مثلا مدرس : وبيصعب عليا التلامذه والى بنعملو فيهم ..وفيه حاجات كتييير بتصعب عليا ..زى مانتى تبكى لو ماعرفتيش تنقذى مريض ..انا بقى عكسك ..بموت عيال بالتصوير البطيئ ..بموت دماغهم وبموت احاسيسهم
معلش طولت عليكى ربنا يسامحك قلبتى علينا المواجع
ميجووووو المقهور
شعرنا بصدق كلماتك
احيانا لا بد منها
ولكن فى النهاية ستجف ونستمر
إلى ما نحب ان نكون
تحياتي
لا خير فى عين لا تبكي
والتغيير لازم يبتدي من نفسنا اولا
والنبي صلى الله عليه وسلم بيقول انصر اخاك ظالما او مظلوما
فلما سئل عن كيفية نصرته ظالما قال برده عن ظلمه
لازم نرد الظالم عن ظلمه والذى يخالط الناس ويصبر على اذاهم خير من الذى لا يخالط الناس ولا يصبر على اذاهم او كما قال صلى الله عليه وسلم
تقبلوا تحياتى
حلم كبير
ابكي كما تريدين ... فالصبر مفتاح الفرج
ومن منا لا يبكي في هذا الزمن
صاحب الصوت الأعلى له الغلبة
صح.. صح.. صح
وصدق اللى قال: العرب ظاهرة صوتية
أنقى دموع هى الدموع اللى بين ايدين ربنا واحنا بنشكيله هواننا على الناس .. وعلى نفسنا..
يا رب
السلام عليكم ورحمة
الله تعالى وبركاته
يسرا
للاسف رقة الشعور الان
ورهافة الحس تعد عيبا
فى زماننا الصعب هذا !
ربنا يرحمنا جميعا !!
احتراماتى لمررورك الكريم
السلام عليكم ورحمة
الله تعالى وبركاته
romansy
ولكنها مؤلمة اوى
يارومنسى وتترك فينا
حزن شديد !
تحياتى لك رومانسى
على انسانيتك !
السلام عليكم ورحمة
الله تعالى وبركاته
Che
للأسف كلامك صح
صاحب الصوت العالى
فى بلاد العرب له الغلبة!
ولو كان على خطأ واضح !!
تحياتى لحضورك وتعليقك تشى.
السلام عليكم ورحمة
الله تعالى وبركاته
غير معرف ولكنه معروف
فعلا هى نعمة ولكن الناس
بيقولوا عليها ضعف منك لو
شافوها وبتتاخد عليك كنقطة ضعف!!
وانا اتمنى لك كل الخير فى كل أمورك.
تحياتى لك ودعواتى لك دائما.
السلام عليكم ورحمة
الله تعالى وبركاته
GeGe
هى بتريح فعلا لكنها
لا تحل المشاكل للاسف
القوة والقسوة!يمكن كمان
مطلوبة فى دنياتنا اللى
تقريبا بقت شبة الغابة
ان لم تكن اصبحت فعلا غابة!!
وتشكراتى لك جى جى
فى اول مرور لكى هنا
السلام عليكم ورحمة
الله تعالى وبركاته
واحدة مفروسة
للاسف الذوق والادب بقوا
موضة قديمة لا تستعمل ولا
يحتاج لها الايام دى !!
الصوت العالى ,القسوة ,
وعدم الاهتمام بالاخريين
هم اهم معالم الاسلوب
فى التعامل بين الناس الان.
تحياتى مفروسة للمرور والتعليق.
السلام عليكم ورحمة
الله تعالى وبركاته
حبيبة الحبيبة
صدقينى ساعات بتتعبى
واللى امامك مابيتعب
بعيد عنك شيطان الظلم
بيعطى له العافية لاجل
مايظلمك اكتر واكتر وبدال
ماتبقى صاحبة حق بيطلعك
غلطانة وعليكى الف حق مش لكى حق!
ربنا ينصرك وينجحك وتشتغلى وماتشوفى
عينة البشر اللى عندنا يارب .
السلام عليكم ورحمة
الله تعالى وبركاته
اسير حبيبته
حررالله اسرانا
ازيك انت عدنان؟
ارجو ان تكون فى احسن
حال والحمد لله اننااطمئننا
عليك, وإن كانت المذاكرة بس
هى السبب فأحنا مش زعلانين منك
بس ارجع لنا بالسلامة والنجاح .
ربنا يوفق الجميع لما يحب ويرضى.
السلام عليكم ورحمة
الله تعالى وبركاته
أستاذ هانى زينهم
ياعنى يامستر لا الادب ولا قلته
ينفعوا فى زماننا هذا !!!!!
ايه بس اللى ينفع؟احترت مع الناس
والله ياستاذ هانى اللى تبقى مؤدب معاك تلاقيه بيشوفك ضعيف!واللى بتقل ادبك معاه يشتكى لطوب الارض ويقولك عمل كذا ومش عارف ايه !معاملة الناس او الجمهور مهمة شاقة جدا جدا والله .
ومتشكريين لمرورك وتعليقك ياأستاذنا.
السلام عليكم ورحمة
الله تعالى وبركاته
ahmed_K
حمدلله على سلامتك انت استاذ احمد
وشكرا لاعجابك بما نقول :شيشكال مثله
مثل كتير افعال واقوال خطأ وكفر والعياذ بالله ياتى بها الناس وهم
لا يعلمون او حتى لو علموا مايريدوا
يغيروها :المستفيدون بالجهالة كثيرون!
(اول مرة اسمع عن الحج يوم عرفة الى مسجد ابى الحسن الشاذلى!!!)
ربنا يرحمنا ويهديهم استاذ احمد.
وسلام مؤقت لحين اللقاء الثانى :)
السلام عليكم ورحمة
الله تعالى وبركاته
ahmed_K
طالبت كتير والله
ياأستاذ لكن اللى
ادامك اعماه الباطل
وكمان زى مابقول انا يمكن
حساسة شوية وبيريح دماغى من كترة
الجدل اللى مافيهوش فايدة الا حرقة
اعصابك وخاصة إذا كنت(ذو كرامة )!!
متشكريين لمرورك الجميل وكلامك
استاذ احمد.
السلام عليكم ورحمة
الله تعالى وبركاته
مذكرات مشاغب
اهل زمان مابيقولوش
حاجة غلط ابدا يامشاغب
هم شوف قالوا المثل من امتى
ولسه للحين المثل شغال ومظبوط للاسف!!
وتسلم للمرور والتعليق يامشاغب.
السلام عليكم ورحمة
اله تعالى وبركاته
msafa
فنان!
كلامك كلام فنان!!!
السلام عليكم ورحمة
الله تعالى وبركاته
الفقيرة الى الله ام البنات
حاولت ويعلم ربى كتير لكن واه من لكن زى ماقلت اللى ادامك اقوى منك لانه يستخدم كل الاسلحة الشريفة والغير
شريفة فى معركته معك بل قد يضرك ايضا .اشكر لك نصيحتك ولكن.( وان تركت لهم ارض الفساد)ما اظن انى استطيع هذا فيكفينى انى اسكن امام العمل!!هل تفهين قصدى؟اضحى من اجل قرب المسكن من العمل بأشياء كثيرة
وربنا يسامحنا ويغفرلنا جميعا .
السلام عليكم ورحمة
الله تعالى وبركاته
احوال الهوى
والهوى احوال
وعليكم السلام ورحمة
الله تعالى وبركات يافندم
الدموع نعمة اعلم والله انها نعمة
لكن الناس بقى هى اللى بتفهمها غلط
ماتخافش انا مابعيط لبكاء الاطفال اثناء الكشف لكن عارف ايه اللى بيأثر فى اكتر يادكتور(كبار السن)لما بحس انهم فى الم او حيرة او احتياج لشىء بتصور نفسى فى يوم من الايام فى نفس الوضع عارف ساعتها بأترعب والله يادكتور بترعب وربنا يستر
ولا يرمى احد فى ضيق ابدا
تحياتى لحضرتك ولمرورك
السلام عليكم ورحمة
الله تعالى وبركاته
نهر الحب
شكرا يانهر الحب
ياأم القلب
الطيب بصحيح.
السلام عليكم ورحمة
الله تعالى وبركاته
Dr.Ibrahim
(وَلاَ تَحْسَبَنَّ اللّهَ غَافِلاً
عَمَّا يَعْمَلُ الظَّالِمُونَ
إِنَّمَا يُؤَخِّرُهُمْ لِيَوْمٍ
تَشْخَصُ فِيهِ الْأَبْصَارُ)
صدق الله العظيم(ابراهيم42)
ويكرمك ويكرم المسلمين اجمعين .
تحياتى لحضرتك ولمرورك.
السلام عليكم ورحمة
الله تعالى وبركاته
المحارب المتيم
أستاذ عرفة :)
ماهو انا علشان دكتورة وبشوف اللى بشوفه علشان كده دموعى قريبة وبيصعب علىّ الناس اوى وخاصة فى لحظات لما مابقدرش اساعدهم لسبب ادارى
او فرمان اصدره انسان قاعد فى
التكيف ولا يدرى بأحوال البشر
شىء على الاطلاق! تتغاظ ولا لأ
ساعتها بذمتك !
تحياتى لمرورك وتعليقك عرفة
السلام عليكم ورحمة
الله تعالى وبركاته
موناليزا
وانا معكى ادعو بدعاء رسولنا الكريم
اللهم انى اعوذ بك من عين لا تدمع وقلب لا يخشع ودعاء لا يستجاب له .او كما قال صلى الله عليه وسلم .
وشكرا لكلامك الغالى موناليزا
السلام عليكم ورحمة
الله تعالى وبركاته
GiGi
وجزاكى احسن الجزاء
ارجو ان تكون فترة مؤقتة
وترجعى لنا قوية كما تعودنا
منك يا جى جى .
سلامى وتمنياتى
ودعواتى لك.
السلام عليكم ورحمة
الله تعالى وبركاته
استاذ عمرو
الظروف اللى حوالينا كلها تبعث على الحزن وماهو اشد من الحزن استاذ عمرو
بطلنا نسمع النشرة ولانقرأ الجرايد ولا نجيب اخبار الحوادث ومع ذلك زعلانين لاننا بشر وعندنا احساس عرفت ليه؟
لو قدرنا نتخلى عن انسانيتنا ممكن مانزعل واحنا فى الظروف دى!!
وتشكراتى استاذ عمرو لحضورك القيّم.
السلام عليكم ورحمة
الله تعالى وبركاته
محمد الفارس الملثم
كلامك يامحمد كله معانى جميلة
(اصعب الدموع هي دموع القلب
عندما تنزف قلوبنا وجعا والما
في انين صامت ولا احد يشعر او يهتم باناتنا).
ربك عليم حكيم
وأعلم منه مافيش
هو يحلها من عنده
وشكرا لمرورك وتعليقك
يامحمد
ياصاحبى
السلام عليكم ورحمة
الله تعالى وبركاته
استاذة وفاء
انت قلتيها
الضرب تحت الحزام
والبحث عن صديق او شاهد
حق يشهد لكى فلا تجدى الا النفاق
وتحول الشكوى ليحقق فيها من اشتكيته انت اصلا!!!تصدقى دى ؟خصم وحكم فى وقت واحد!!!.حسبنا الله ونعم الوكيل .
وتشكراتى لمرورك الكريم
ياأستاذة وفاء.
السلام عليكم ورحمة
الله تعالى وبركاته
Frustrated
فعلا الدموع بتريح
وكمان بأحس انى بفوض امرى
ساعنتها للهوهو يتولانى بحكمته.
اما الدمع امام الله حين تذكر الخطايا
فهى كثيرة كماً وكيفا وعدداً
وتشكراتى لمرورك وتعليقك.
السلام عليكم ورحمة
الله تعالى وبركاته
TeVa
الدموع بتغسل العين=حقيقة علمية
الدموع تغسل القلب=تشبية بلاغى!
والحمدلله حامده فضله وشاكره دايما
وعلى قولك ربنا يهدى الجميع
يارب انا وانت والناس كلهم .
تحياتى لمرورك وتعليقك.
السلام عليكم ورحمة
الله تعالى وبركاته
gana magde
كلامك جميل اوى ياجنىّ
لا املك الا ان اعيد وضعه هنا
( فالدموع نعمة ميز بها الله أصحاب القلوب الرحيمه والنقيه
فهى تزيل تلك الشوائب التى تعلق بقلوبنا فى حياتنا
تنقيها وتزيل عنها الصدى
لتكمل مسيرتها فى الحياة بما إعتادته من طهر ونقاء
وتقاوم الخضوع للتغير الذى تجره الحياة بمأسيها واحزانها)
متشكرة لكلامك الحلو ده
ودعواتى لك بالنجاح يارب .
السلام عليكم ورحمة
الله تعالى وبركاته
حسن حنفى
فى الزمن ده كل حاجة بقت بالخناق والله ياحسن وخاصة إن كانت حقك او كانت حاجة صح!!زمن غريب والله ياحسن ربنا يطلعنا منها على خير ودعواتى لك ولكل الطلبة المصريين (والعرب والاجانب) علشان خاطرك (وخاطر حد تانى كمان) ربنا ينجح الجميع ويوفقهم يارب .
السلام عليكم ورحمة
الله تعالى وبركاته
الحاجة شمس النهار
الساكت ده الساكت
لكن لما تطلبى مرة
اتنين وعشرة وعشرين
ولما اللى ادامك يضرك
او يحاربك بأساليب غير شريفة
ساعتها بتضطرى تسكتى عن قهر
وربنا يكفيكى شرالقهر والاحساس به
وتسلمى ياحاجة شمس للمرور والتعليق.
السلام عليكم ورحمة
الله تعالى وبركاته
صيدلانية طالعة نازلة
الحمدلله انت حاسة وعارفة اللى بقوله من دموعك اللى بتيجى من احساسك بالعجز امام الروتين والامضاءات والباشا او البيه اللى قاعد فى البرج العالى يصدر الفرامانات بصرف ده او عدم صرف ده من غير ما يعرف او يقف وسط المرضى ويسمع كلامهم لكن هو قال كده ولازم كلامه يمشى!!!
رقة الشعور متعبة اوى فى وقتنا ده !!
وتسلملى انتى فى اول مرور لك هنا
نورتينا وشرفتينا وانستينا .
السلام عليكم ورحمة
الله تعالى وبركاته
كاتب مصرى
جزاك الله خير
على كلامك يارب
وشكرا على كلماتك الطيبة.
السلام عليكم ورحمة
الله تعالى وبركاته
Migo Mishmis
اهلا وسهلا بعائلة الاستاذ ميجو وحرمه مدام مشمشة وابنتهما الجميلة ساندوا
(ربنا يسامحك قلبتى علينا المواجع
ميجووووو المقهور)
لا حول ولا قوة الا بالله بقى جبتك ياعبد المعين تعينى لقيتك ياعبد المعين عاوز تتعان!!طيب معلش يامستر ميجو احنا اسفين لزعل حضرتك .خلاص بقى متزعلش!
وشكرا لمرورك الاول
المتميز ياأبو ساندوا
السلام عليكم ورحمة
الله تعالى وبركاته
حاول تفتكرنى
اللهم قونا على
جميع امور حياتنا
إن كان خير لنشكر
وإن كان شرا لنصبر
وشكرا للمرور والتعليق.
السلام عليكم ورحمة
الله تعالى وبركاته
محمد عبد الباسط
والله بأحاول اتغير
لكن صعب لان مطلوب منى
ان اكون عكس ما نشأت
وتربيت عليه :اغير احساسى
بالغلط والصح ازاى؟
ربنا يرحمنا جميعا
وشكرا لمرورك وتعليقك
السلام عليكم وحمة
الله تعالى وبركاته
انت من كنت محتاجا
واغناك الله من فضله
ايوة الصبر مفتاح الفرج
يافيلسوف المدونات
وربنا ينجحك
وينجح الجميع
السلام عليم ورحمة
الله تعالى وبركاته
مها الغالية
الدموع اثناء الصلاة
بتفرج عن الواحد كتير
وبتعشمنى فى رحمة ومغفرة ربى
لانى ابكى خوفا وخشية منه
وبتعطينى الامل فى غفرانه لذنوبى .
وتسلملى مها لحضورك
ومايحرمنى ربى من تعليقك.
البوست بجد رائع جدا
احساسك عالي .. بس ليه مستسلمة لدور الضحية؟؟
والدموع بتطهر القلب.. خلي دموعك تغسل قلبك باستمرار.. فلا خير في عين لا تدمع.
بس نصيحة من اخت في الله.. بلاش تستسلمي لكونك ضحية حتى لو ضحية الحزن.
ربنا يكرمك
السلام عليكم ورحمة
الله تعالى وبركاته
فتافيت
حاولت معهم كثيرا
صدقينى ولكنى لم افلح
بل العكس كدوا وكما
قلت ان يحولونى الى مذنبة!!
لم استطع الا ان ارفض الظلم
ولو بينى وبين نفسى وهذا هو
اضعف الايمان وان أعامل
المرضى بالحسنى قدر
ماأستطيع بالحسنى.
تحيتى وشكرى لكى
فى اول زيارة
لكونك امراة فالدموع جزء منك ودائما تكون قريبة جدا من عينيك اقصد قريبه جدا من قلبك لان الله خلقك ملئية بالمشاعر انتي البراءة والنقاء والصفاء ولذلك فدموعك خير دليل علي تلك البراءة وهذا النقاء وذلك الصفاء
الموضوع غاية في الجمال ومكمل لموضوعي
وكما قلت هناك انا ابكي كثيرا لان البكاء يريحني
سلمت دموعك ودومتي بخير
beautiful mind
السلام عليكم ورحمة
الله تعالى وبركاته
عفواً للتأخر بالرد
فلمم ارى التعليق الا الان
جزاك الله كل الخير على كلامك
الطيب هذا .احتراماتى
فعلا جميله والاجمل انها من احساس صادق فى موقف طبيعى
تعليقى
ان الدموع ليست عيبا انما العيب من لا دموع له ومن يكتم دموعه فى قلبه
فالدمع جلاء وترقيق للقلب
الدمع تجدي وتنشيط للعقل والفكر
انا ارى ان اعظم شىء خلق فى الانسان هى الدموع لقدرتها على الشعور بالارتياح العميق
اشكر لكى يا سيدتى هذه الكلمات فالله قادر على رفع الظلم عنا وعلى الله ان يغفر ذنوبنا
اخوكى
هانى رفعت
أ.هانى رفعت
انا الشاكرة
لمرورك وكلمتك
الجميلة جزاك
الله خــــــيراً
إرسال تعليق