الاثنين، مارس 09، 2009

امس واليوم وغدا




.............أمس.................



>>
...كان ..........فأصبح ...........ثم أمسى..


..........اليوم .........





................غداً......................


وصدق حبيبى رسول الله صلى الله عليه وسلم حين قال منذ اكثر من الف وأربعمائة وثلاثين عاما (تداعى عليكم الامم كما تداعى الأكلة على قصعتها ,قالوا أو من قلة يارسول الله ؟قال لا ولكن كثرة كغثاء السيل)
ولا حول ولا قوة الا بالله العلى العظيم .
اليوم نحن اكثر من مليارى مسلم ويُفعل بنا هذا !
فماذا يُفعل بنا غدا !

هناك 86 تعليقًا:

د/عرفه يقول...

مقارنه صعبه التخيل أوى يادكتوره
ربنا يستر !!!!!

د/عرفه يقول...

اول وتانى تعليق
يا سلاااااااااااااااام
اعد اعمل زى ما انتى بتعملى
ههههههههههههههه

Abd-Allah ibn Aadam يقول...

مش عارف بصراحة إن كانت المقارنة دي هتنفع بجد و لا لأ ,

ربنا يقدم اللي فيه الخير ,
و آدي جزاة اللي ما يسمعش كلمة ماما تقولها .. ماما امريكا يعني :)

انتي عارفة يا دكتورة , الواحد بيشبه كل من خالف امر أمريكا و لم يتبع منهجا إسلاميا زي اللي رقصوا على السلم ,

لا نال صداقة أمريكا , بل نال غضبها ,
و لا هو أُثيب على مقارعته إياها و لا على ما سيصيبه منها !!

ربنا يهدي الجميع ,,

هانى زينهم يقول...

الملك لله يؤتيه من يشاء . وبعدين هم شافوا هنا يخليهم يستحملوا اللى هم فيه دلوقتى . الصحابة كانوا بيهربوا من الخلافة يا دكتور مش بيجروا وراها .

صباح الصباح يقول...

الواقع فعلا مرير وكل يوم يمر واقرا الدستور تتسع عينى عجبا مما يحدث واقول يحق فعلا للغرباء ان يفعلوا بنا هذا ان كنا نحن من سمح لهم واعطاهم الفرصة على طبق من ذهب.

أفندينا يقول...

noor
أولاٌ كل سنة وانت وأسرتك بكل خير
ثانياٌ : البشير ديكتاتور وجرم حرب مثله في ذلك مثل الأغلبية من حكامنا العرب ولا أجد بداخلي أي قدر من التعاطف معه ولو أردت أرسل لك صور المجازر التي أرتكبها جنوده وميلشيات الجنجويد في الجنوب السوداني ......
البعض يقول وأين مجرمي الحرب في فلسطين والعراق وأفغانستان وهذا قول حق يراد به الباطل فمطالبتنا بمحاكمة مجرمي الحرب يجب أن تكون بلا تمييز ....
الموضوع يطول ولنا عودة إن كان في العمر بقية ....
:)

GiGi world يقول...

ليه بتفكرينا بجد الواحد خاسس انه وحش قوي وان احنا ضيعنا سنه النبي عليه الصلاه والسلام وعلشان كده كل ده بيحصلنا
تحياتى

Unknown يقول...

السلام عليكم ورحمة
الله تعالى وبركاته
د /عرفه
فعلا ربنا يستر
لكن ليه صعبة؟
ايه اللى يمنع ان
السيناريو يتكرر؟

Unknown يقول...

السلام عليكم ورحمة
الله تعالى وبركاته
د/عرفة
بافندم حضرتك تشرف:)
بس ليه ما عملت الثالث:)

Unknown يقول...

السلام عليكم ورحمة
الله تعالى وبركاته
iBRAHiM sAllAm
اللهم امين .لكن ازاى
إن الله لا يغير ما بقوم
حتى يغيروا ما بأنفسهم:(
وماماامريكا دى مصعابة
علينا اوى وميّسرها لغيرنا
ربنا يستر:( ربنا يستر:( ربنا يستر:(

Unknown يقول...

السلام عليكم ورحمة
الله تعالى وبركاته
أستاذ/ هانى زينهم
ماهو مفيش حد بيفتكر الكلام
ده الا لما يموت او يعزولوه!
وطبعا شتان بين هؤلاء والصحابة
ايش جاب لجاب: فرق الشمال والجنوب

Unknown يقول...

السلام عليكم ورحمة
الله تعالى وبركاته
صباح الصباح
انا شخصيا والله اقرأ الجرايد
سواء بأنتظام او بعدم الانتظام
وخصوصاً الاخبار السياسية بقت
بتجيبلى العصبى من اللى
بيحصل :المسلم ارهابى!
والصهيونى لأ:(

Unknown يقول...

السلام عليكم ورحمة
الله تعالى وبركاته
أفندينا
وكل لحظة وانت والاسرة
بالف صحة وخير يافندم
انا بتكلم كمان على ليه ما
بيقدروا الا علينا :العرب
المسلمين بالطريقة
والسيناريو المهين
الصراحة ده!
ونورتنا بعد طول غياب

Unknown يقول...

السلام عليكم ورحمة
الله تعالى وبركاته
GiGi
هو احنا بننسى ؟
ولا هم بينسوا ؟
ربنا يهدينا
ويهدى الجميع يارب

المعتصم يقول...

بسم الله الرحمن الرحيم
السلام عليكم ورحمة الله وبركاته
د/Norahaty
تحياتى
كل سنه وانتِ وكل الامه الاسلاميه بخير
والله اللى هيحصل بعد كده هيكون نتيجة افعال سابقه وتبعيه غير مدروسه
ومحدش يقدر يمنع القدر
واكيد يعنى ربنا بيجازى كل واحد على اعماله ومافيش اى ظلم
تحياتى يادكتورة
وكل سنه وانتِ طيبه
تحياتى ودمتِ بكل خير وود
والسلام عليكم ورحمة الله وبركاته

محمد عبد الباسط يقول...

اللى على الدور فى الجدول ان شاء الله مالم ننتبه

كل عام وانتم الى الله اقرب وعلى طاعته ادوم

اللهم صلى وسلم وزد وبارك على المبعوث رحمة للعالمين صلى الله عليه وسلم

شمس النهار يقول...

طول مانبعد عن دينا الحنيف
ونبعد عن توجيهات رسولنا الكريم اللي كان لاينطق عن الهوي
طول ماهيبقا الحال كده واكتر من كده
تحقيق لنبؤته عليه افضل الصلاة والسلام

romansy يقول...

هى دى الحياه لاتدوم لاحد
بس نتمنى اننا نعيش عصر كويس من غير ظلم

اقصوصه يقول...

فعلا محد يعرف الايام شو تخبي

الله يرحمنا برحمته

Beram ElMasry يقول...

Norahaty
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن احببتم بالسعادة والسرور
لك تحياتى والسلام عليكم ، ولا سلام مع اليهود

MaNoO يقول...

اتوقع التكرار وليس ببعيد ايضا لان الظلم لا يدوم ولكن تختلف النهاية فى طريقة القضاء عليه فى الاخر بس برده مش عارف لكن متوقع

عمرو يقول...

كل سنه و أنتى طيبه يا أختنا الفاضله ربنا يعيد علينا و عليكم الأيام بصحه و بخير
الله وحده أعلم بما ستؤول اٍليه الأحوال و لكن أملنا فى الله كبير

حسام غانم يقول...

أكلت يوم أكل الثور الأبيض

hasona يقول...

السلام عليكم

مقارنة رهيبة

لكن ما هي الدروس المستفادة من قصة العراق بالأمس واليوم والغد

وماذا سيحدث للسودان في الغد القريب

ومين اللي عليه الدور


تحياتي

حسن حنفى يقول...

كل ده علشان احنا بنبعد تدريجيا عن دينا

بس مش اعتقد ان هيحصل للبشير اللي حصل لصدام

jonoon 3aqel يقول...

الله المستعان...

نحن لا نستحق النصر من الله بعد..

اللهم أعنى لنصلح حالنا

تحياتي

جنّي يقول...

السلام عليكم

بالطبع سيكون حال كل من تسول له نفسه ولا ينفذ اجندتهم الصهيوامريكية

جزاكي الله خيرا

salma mohamed يقول...

بس لو نرجع لديننا,
كله هيتحل.

موناليزا يقول...

يارب سترك
حسبى الله ونعم الوكيل

شمس النهار يقول...

كل سنه وانت طيبه

مسدس صغير يقول...

لنا الله

ولا نقول الا ما يرضى ربنا

حسبنا الله ونعم الوكيل..

مودتى

مذكرات مشاغب يقول...

على الرغم اني مبحبش صدام ده خالص
وانه كان فعلا طاغيه
لكن فكرة ان حد غيرنا هو اللي يحاسبه
ويدخل ويقعد سنين يتمرمغ في خيرها
هي دي منتهى الاستعمار

وعلى الرغم ان البشير كان ليه اخطائه ومذابح كان متسبب فيها
لكن مكنش حد في مكانه يقدر يعمل غير كده
ده غير ان محدش له الحق انه يحاسبنا ويحاكمنا وكاننا في دولة..............

تحياتي

حاسوباتيه يقول...

والله حالنا ميؤوس منه فعلا صور احسن من اي تعبير او كلام وفعلا صدق رسول الله عليه الصلاه والسلام
شكرا لمرورك لمدونتي وياريت تشرفني على طول

ahmed_k يقول...

آه فعلا صدقتي
وصدق رسول الله عليه الصلاة والسلام
رجعتيني لأيام صدام في عزه ومجده
بتذكر أيام بداية حرب غزو العراق
وكيف كنت أجلس أمام التليفزيون
أشاهد قناة العراق الفضائيه وهي تبث الأغاني الوطنيه
وأتسائل إلى اين سيكون مصير هذه القناه وتلك الأغاني وسابق ايام صدام
بعد ايام قليله ؟؟؟؟

نسأل الله أن يوقظ امتنا من سباتها
فنومها قد طاااااااااال

دمتي بكل خير

Unknown يقول...

السلام عليكم ورحمة
الله تعالى وبركاته
المعتصم
نعم ياأفندم :)
وحضرتك بالف خير يافندم وصحة وسلامة
معنى كلامك ان صدام والبشير يستحقان ما فُعل وسيفُعل بهما؟نتيجة ظلمهما؟طيب وباقى الظالمين لماذا يتركون احرار؟

Unknown يقول...

السلام عليكم ورحمة
الله تعالى وبركاته
وكل سنه وحضرتك
بألف خير يافندم
وصحة وعافية وبركة.
وربنا يستر أحسن يكون
علينا الدور:(تبقى وقعة:(
اللهم صلى وسلم وبارك عليك
سيدى يارسول الله يامن بعثه الله
رحمة للعالمين.شرفتنا يادكتور.

Unknown يقول...

السلام عليكم ورحمة
الله تعالى وبركاته
البرنسيسة
شموسة المدونات
وهل صلى الله عليه وسلم
كان ينطق عن الهوى ؟كل كلمة
لازم تتحقق.ولاجل هذا قال(تركت
فيكم ما إن تمسكتم به لنتضلوا بعدى
ابدا :كتاب الله وسنتى)صدق رسول الله صلى الله عليه وسلم.

Unknown يقول...

السلام عليكم ورحمة
الله تعالى وبركاته
romansy
الدوام لله وحده
ودولة الظلم الى زوال.

Unknown يقول...

السلام عليكم ورحمة
الله تعالى وبركاته
اقصوصة
ما يعلم الغيب
الا الله سبحانه وتعالى.
وأمييييين لدعوتك.

Unknown يقول...

السلام عليكم ورحمة
الله تعالى وبركاته
استاذ/بيرم المصرى
كل عام وحضرتك بخير يافندم .
حمدلله على السلامة لك مدة غايب
حمدلله على سلامتك مرة اخرى .نورتنا.

Unknown يقول...

السلام عليكم ورحمة
الله تعالى وبركاته
MbNoO
ربنا يستر
ولو أن البدايات واحدة
وياخوفى من النهايات :(

Unknown يقول...

السلام عليكم ورحمة
الله تعالى وبركاته
أستاذ عمرو
وحضرتك والاسرة بألف خير
وصحة وعافية يافندم
الامور عندهم ياأستاذ عمرو
محسوب لها الف حساب :(
ولكن وزى ما سبحانه وتعالى يقول
(يمكرون ويمكر الله والله خير الماكرين)

Unknown يقول...

السلام عليكم ورحمة
الله تعالى وبركاته
حسام غانم
مضبوط يادكتور:(

Unknown يقول...

السلام عليكم ورحمة
الله تعالى وبركاته
hasona
ربنا يستر مما سيحدث
ما أخافه أو ما احسه:
اننا نحاط بالاعداء اكثر واكثر
السودان(عمق استراتيجى )لمصر كما يقال
فماذا يحدث إذا نُفذ امر الاعتقال والمحاكمة ماذا سيكون حال
السودان حينها ؟
ومن سيتلوه
فى القائمة؟

Unknown يقول...

السلام عليكم ورحمة
الله تعالى وبركاته
حسن حنفى
ربنا يرحمنا
ويهدينا ياحسن
ويستر علينا كمان
وينجحك ياجسن يارب.

Unknown يقول...

السلام عليكم ورحمة
الله تعالى وبركاته
onoon 3aqel
اللهم امين لدعواتك
يهدينا لما نحب ويرضى
ومبارك ولا بلاش مبارك
دى احسن (حد)يزعل مبروك
الاسم الجديد إن شاء الله خير.

Unknown يقول...

السلام عليكم ورحمة
الله تعالى وبركاته
جنّى
ربنا يستر ياأستاذ سعيد
منهم ومن أجندتهم الصهيوأمريكية
جزاك الله احسن الجزاء.

Unknown يقول...

السلام عليكم ورحمة
الله تعالى وبركاته
salma mohamed
مضبوط ياحبيبتى
بس ازاااااااى؟

Unknown يقول...

السلام عليكم ورحمة
الله تعالى وبركاته
موناليزا
اللهم امين
يارب العالمين

Unknown يقول...

السلام عليكم ورحمة
الله تعالى وبركاته
شمس النهار
وكل لحظة وانتِ
بالف خير يارب

Unknown يقول...

السلام عليكم ورحمة
الله تعالى وبركاته
مسدس صغير
هو احنا لنا غيره؟
ربنا يستر ويسلم.

Unknown يقول...

السلام عليكم ورحمة
الله تعالى وبركاته
مذكرات مشاغب
اسمح لى ارد على جزء صغير من كلامك؟
( وعلى الرغم ان البشير كان ليه اخطائه ومذابح كان متسبب فيها)
اين الدليل الواضح البين اللى استند اليه المدعى العام فى توجيه الاتهام ؟هل هو بنفس درجة الدلائل لوجود اسلحة الدمار الشامل لدى صدام حسين ؟او ضلوع بن لادن فى هجمات 11ستمبر؟لاشىء
واضح وملموس فى مثل هذه الامور!
والقنابل الفسفورية غير واضحة؟
الكيل بمكيالين فى الامر وووووواضح.

Unknown يقول...

السلام عليكم ورحمة
الله تعالى وبركاته
حاسوباتية
رسولنا هوالصادق الصدوق
الذى لا ينطق عن الهوى ابدا
سعيدة بالتعرف اليكِ

Unknown يقول...

السلام عليكم ورحمة
الله تعالى وبركاته
ahmed_K
والله ياأستاذ احمد كأن
الايام تتكرر على اول صفحة
من الاهرام تانى يوم القرار
ماصدر لقيت صور المظاهرات
الشعبية والتأييد للبشير
طبق الاصل ايام صدام حسين !
العيب فينا احنا العرب
ربنا يرحمنا برحمته .

هــــــــــــايدي يقول...

صدق رسولنا الكريم فى ماقال
الودر جاى على الضعيف
بس مش عارفين مصر دورها امتى

Unknown يقول...

السلام عليكم ورحمة
الله تعالى وبركاته
بالحال اللى احنا
فيه ده يبقى دورنا قررررررررررررررررب

ذو الوجه المبتسم يقول...

السلام عليكم
اولا كل سنة وانتى طيبة
بمناسبة مولد النبى الكريم

ثانيا
معتقدش انك عاوز مقارنة
لكن رائي الشخصي كفرد من افراد الامة الاسلامية
الحمد لله الامة قوية جدا
لكنها تحتاج لقائد قوى متحمس لدينه
تعرفى يمكن جه الزمن اللى الرسول عليه الصلاة والسلام قال عنه
سياتى على امتى الماسك على دينه كالماسك على جمرة
ربنا يرحمنا برحمته
على فكرة لى تعليق شخصى على كلماتك فى التعليق عن نفسك
بس مش عارف اقوله هنا ولا فين
تقبلى تحياتى دكتورة نورا

مواطن مصرى نايم يقول...

معرفش و الله ارد بإيه
بس طول ما الكبار بياكلوا و يسكتوا
يبقى لا حول لنا و لا قوة
التغير لازم لازم يبقى مننا
ربنا يستر علينا بجد

بوست يوجع بجد و ربنا يرحمنا

وفاء بركات يقول...

نحن نبحث عن حاكم فيه صدق الصديق وعدل الفاروق
وإثار ذو النورين وتضحية من كرم الله وجهه ونزاهة خامس الخلفاء المجتمعين جميعا
علي حب الله ورسوله والذين يتصفو جميعا رضي الله عنهم وأرضاهم بالشجاعه والإقدام ونصرة دين الله الذين لايخشون في الحق لومة لائم..
من وقفو أمام أعتي الجيوش وإهتزت لهم العروش نصرو الله فنصرهم ..
أما مايحدث لنا الأن نحن نستحقه وأكثر
لم نتعظ لنصيحة الشيخ مروان الذى أوصي أولاده علي الإتحاد وعدم الفرقه حتي لايكونو فريسه للأعداء أنه درس درسناه في سنه رابعه إبتدائي في الستينات .
آآآآآآآآآآآيه مادايم إلا وجه الله واللي جوزها يقول لها ياعوره جيرانها يلعبو بيها الكوره وهوبا جون..
مبالك أمريكا ..
ربنا يخليكي لينا يادكتوره ودايما مدونتك عمرانه

صيدلانيه طالعه نازله يقول...

و لسه طول ما احنا بنهلل لهم عشان معونه او منحه حيتعمل فينا اكتر من كده
طول ما الحكام بيستعينوا بالغرب عشان يستقووا بيهم على شعوبهم توقعى اكتر من ذلك و لسه القائمه طويله

Beram ElMasry يقول...

العزيزة الغالية . norahaty
السلام عليكم ورحمة الله وبركاته
وبارك الله فيك وحفظك وجميع الاهل من كل مكروه
فى مدونتك الامس واليوم والغد ، رمزت ، فاوجزت ، فاصبت
لك تحياتى والسلام عليكم ، ولا سلام مع اليهود

عربي نيوز يقول...

السلام عليكم

أخي سنبقى وسنظل هكذا ما دمنا صامتين نأبى الكلام ونخاف من الحكام
بالأمس كانت فلسطين وبعدها افغانستان ومروراً بالعراق ثم لبنان وليس انتهاءاً من غـزة والدائرة في اتساع..

بارك الله فيك اخي ولله درك يا امتنا

لا تنسوا اخوانكم في غــزة من دعائكم

||..بحــر الدموع..||

على عبدالله يقول...

السلام عليكم

حايطلع شوية قرود ،ببغاوات من جلدتنا ويتكلمون بالسنتنا ويقولوا :
البشير يستحق ما يحدث له لانه مجرم حرب !!
أو يقلك مثلا ماهو كان بيسعى للحكم من الاول يبقى يستحمل اللى يجرالوا !!
دا كان راجل طاغية متجبر !!
تمام كما حدث ايام صدام حسين

مش غريب عليهم لان الناس دى
إما اغبياء
أو عملاء
أو انهم باعوا الدين بعرض زائل

والله المستعان


تحياتى

غير معرف يقول...

سيدتي
اكيد هذا حال كل القوى الضعيفة واكيد الفاس حتيجي في دولة اخرى ضعيفة سواء كانت مسلمة او غير مسلمة
الاسمال ما بيفرقش بين الاديان لا هو يفترس كل من هو ضعيف و يقضي علي ان لم يرد ان يسير في ركب التبعين لهم و اذنابهم زي اللي حاكميننا و متواطئين معاهم علشان ينهبوا اللي ماتنهبش من قوتنا و ثرواتنا
الحل سيدتي ان كل الفرقاء في الدول الضعيفة سواء مسلمين مسيحيين و يهود ووكل اليديولوجيات انها تتوحد فيما بينها عشان تتوحد الجهود ونحاول نقضي على الاستبداد و الظلم اولا في بلداننا انذاك يمكن نقدر نعمل حاجة لو افرزنا حكام يحكمونا بس وفق رغبة الشعوب وليس وفق رغبتهم
مودتي

Unknown يقول...

السلام عليكم ورحمة
الله تعالى وبركاته
ذو الوجة المبتسم
وحضرتك بألف خير يافندم
والقائد القوى الامين ده منين نجيبه او كيف يُصنع مادام من يتحمل المسئولية
يفضل أن ينفرد بها ولا اتكلم على رأس
النظام فقط ولكن على جميع مستويات الدولة من يتولى رئاسة اى إدارة
يعتبرها أرث شرعى له وحق مطلق
(مشكلتنا بالبلدى يعنى
مفيش خط تانى فى اى
مكااااااااااان!!

Unknown يقول...

السلام عليكم ورحمة
الله تعالى وبركاته
مواطن مصرى نايم
(التغير لازم لازم يبقى مننا)
ازاى والامن المركزى واقف بالمرصاد ؟

Unknown يقول...

السلام عليكم ورحمة
الله تعالى وبركاته
أستاذة/وفاءبركات
(تعليقك تدوينة كاملة
وشرف عظيم احمد الله عليه.)
لكن أسالك تفتكرى يرجع زمن
الصديق وعمر وعلى رضى الله عنهم
جميعاً؟؟؟؟مضى هذا الزمن فيما أعتقد!
ربنا يسترنا ويستر علينا من
القادم القاتم القاتل!

Unknown يقول...

السلام عليكم ورحمة
الله تعالى وبركاته
صيدلانية طالعة نازلة
معونة :مفروض ببلاش!وتباع لنا عينى عينك.عارفة عملو مثل لوحدهم :
انا والغريب على ابن عمى:(!!

Unknown يقول...

السلام عليكم ورحمة
الله تعالى وبركاته
استاذ/ بيرم المصرى
ربنا يرحمنا ياأستاذ بيرم
ومثل ما قلت للاستاذة وفاء
من القادم القاتم القاتل

Unknown يقول...

السلام عليكم ورحمة
الله تعالى وبركاته
بحر الدموع
اعلم ما تقول واتفهمه
ولكنى لا املك الا قلبى وقلمى
وهذا ما أخشاه :الدور يقترب منا
نحن لا ننسى فلسطين كلهاابداًً
وغزة من ضمنها !
(لا نريد ان نختصر
فلسطين فى غزة فقط
اليس كذلك؟ فكل
فلسطين محتلة!)

Unknown يقول...

السلام عليكم ورحمة
الله تعالى وبركاته
أستاذ /على عبد الله
للاسف الشديد ياأستاذ على
فعلا القضية اكبر من بشر واحد
لكنها مسلسل يوخذ كل واحد بالدور
وحين يؤخذ لا يصاب هو وحده بالاذى ولكن
شعبه ايضا بل أحياناً متاعب شعبه تكون أكثر فالعراق الان
يعانى اكثر مما عانى
صدام فى الاسر!

Unknown يقول...

السلام عليكم ورحمة
الله تعالى وبركاته
assafo anaroze
كلام مضبوط وصحيح ولكن هذا يلزمه
قائد حكيم رشيد قوى عادل
فأين هو؟ وكيف الوصول اليه؟

مصطفى محمود يقول...

حصل وهيحصل طول ما احنا زي ما احنا !!


رحمتك يارب

يااااااارب

Unknown يقول...

السلام عليكم ورحمة
الله تعالى وبركاته
TeVa
أأأأأه
بس الدور
على مين بقى
ياترى ياهل ترى؟

مصطفى محمود يقول...

مش مهم مين اللي عليه الدور لأنه جاي جاي

المهم هنعمل ايه بعدها ؟!!

أو بمعنى آخر لغاية امتى هنفضل كده ؟

مش كده ولا ايه ؟

Unknown يقول...

TeVa
بجد وبصراحة وبصدق:
لا اعتقد اننا سنفعل شيئا
على الاطلاق !سننتظر رحمة الله
ورحمةربك قريب من المحسنين

مصطفى محمود يقول...

مهو كده نبقى منستحقش رحمة ربنا ..

لأننا مش محسنين !!


" إن الله لا يغير ما بقوم حتى يغيروا ما بأنفسهم "

Unknown يقول...

TeVa
لكننا عباده وعبيده
وسبحانه وتعالى يقول
(قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ)صدق الله العظيم
الزمر اية53
والا ماذا بيدنا نحن
عامة الناس لنفعله؟

مصطفى محمود يقول...

ونعم بالله

ولكن ميكونش املنا طويل ,, ونغتر برحمة ربنا ,,, لأن عقابه اليم لمن يستحق ..

بأيدينا أن نتغير ,, ليغير الله أحوالنا ..

الذنب مش ذنب الحكام بس !!

ولا ايه ؟

maxbeta3zaman يقول...

الناس دى لما تحب تصطاد واحد تقعد توضب له المشنقة وتلفها على بعيد قوى وتوضب الحبكة بالراحة وتحشد كل الوسائل اللى مافيش منها فرار وتحرج حتى اللى معارض ورافض الحكايه لغاية ماالمسكين يلاقى نفسه وحيد ماهوش قادر حتى يستخبى ...والمقاصد اقتصاديه أو دبح المربوط كى يخاف السايب ..وده بس على المارقين الضعاف زى حالتنا أما الصهاينه والموالين والمنبطحين فلا خوف عليهم ..فقط اذا قال لا ..يدخل فى زمرة المطلوبين

غير معرف يقول...

السلام عليكم ورحمة الله وبركاته
يا دكتورة ::
من هانت عليه نفسه هان على الآخرين!!!!
ولابد أن يفعلوا بنا ذلك لأننا نحن الذين أضعفنا أنفسنا بأيدينا دينياً ودنيوياً.. دينياً ببعدنا عن المنهج الإسلامى الحنيف.. وجعلناهم أولياء لنا.. ودنيوياً لأننا لم نأخذ بأسباب التطور علمياً وإجتماعياً وسياسياً وإقتصادياً أى لم نأخذ بمنهج الحياة جدياً.. لكن إعتمدنا على شغل الفهلوة...
هههههههههههههه
أعذرينى شر البلية ما يضحك!!!!؟؟؟؟؟
منصور

Unknown يقول...

السلام عليكم ورحمة
الله تعالى وبركاته
TeVa
ونعم بالله ياباشمهندس
اعلم ان الذنب ليس على
الحكام فقط بل على المحكومين
الم تسمع القائل (قالوا يافرعون
ايه فرعنك ؟قال مالقيش اللى يردنى!)

Unknown يقول...

السلام عليكم ورحمة
الله تعالى وبركاته
maxbeta3zaman
(والمقاصد اقتصاديه )جبت المفيد
انت كل ده حصل بعد التأكد من ثروات
واحتياطى جنوب السودان الاستراتيجى من
البترول ....رمال ناعمة يدخلها الواحد من دول وما يعرف
يخرج منها ابدأ بس
المشكلة انه
بياخد
فى سكته شعب بحاله !

Unknown يقول...

السلام عليكم ورحمة
الله تعالى وبركاته
أستاذ منصور(غير معرف)
الاخد بالاسباب (دنيا ودين )
اهم عامل للنجاح بس للاسف تقول
لمين ومين يسمع.واضحك ياأستاذ ما يهمك
مين عارف يمكن بكرة يعدوا علينا الضحكة!ويعملوا لكل واحد
عدد من الضحكات
لايزيد عنهم!

Mahmoud Ibrahim يقول...

بصراحة

أوجزتي وأعجزتي

Unknown يقول...

السلام عليكم ورحمة
الله تعالى وبركاته
zidane
شرفنى تعليقك.