الأربعاء، مارس 11، 2009

....مختصر مفيد وفى الصميم........



.هع هع انتى خايفة من الحُمار ياحلوة
.لع لع انا خايفة من الحمّار ياوحش
.حوارسمعته هذا الصباح
.وانا فى طريقى للعمل
.بصراحةعجبتنى
. شُجاعتها
.البت دى

هناك 68 تعليقًا:

غير معرف يقول...

سيدتي
حلو اوي الحوار ده ويبين غلاسة الحمار و يوضح بالملموس التحرش الجنسي اللي يتمارس ضد البنات من طرف شريحة كبيرة من اشباه الرجال
مودتي
دعوة للتواصل مع مدونتي

salma mohamed يقول...

ههههههههه
حتى العربجيه بقوا بيعاكسوا والله ده البنات بقت آخر ملطشه,
رد البنت ظريف,
بس ان جيتي للحق مش مفروض مهما كان البنت ترد على اللي بيعاكسها ايا كان.

mohamed ghalia يقول...

ههههههههههههههه
حلو قوى الكلام المختصر ده

بـسـمـــة صـــــلاح يقول...

السلام عليكم
اولا كل سنه وانتي طيبه وسعيده ومبسوطه جدا انك افتكرتيني وهنتيني
ربنا يسعدك بحبك في الله بجد
وسوري اتأخرت بابا كان حارمني من النت اليومين اللي فاتوا عشان المزاكرة ربنا ياخدها
ادعيلي اجيب نسبه حلوة
ــــــــــ

تصدقي بالله مفهمتش حاجه غير لما قرات الكومنتات اللي هنا دي
معلش قوليلي لما تكبري تبقي تفهميها وهي طايرة
هع هع هع هع
ههههههههههههههههه
مع السلامه ياحبيبتي

د/عرفه يقول...

هههههههههههههههههه
وبعدين هو العربجى ملوش نفس يعاكس ولا ايه
ههههههههههههه
ربنا يحفظ بناتنا من العربجى وامثاله
سلااااااااااااام
ومنتظرين اى جيزاوى معانا
ههههههههههههه

عمرو يقول...

فعلا خير الكلام ما قل ودل و الفكره وصلت يا دكتوره و لكن ربما تكون غير مفهومه للبعض :)
تقبلى تحياتى و تقديرى

romansy يقول...

جدعه البنت دى
حلوه لع لع دى هى صعيديه ولا ايه

ستيتة يقول...

في الجون

شعب ابن نكته والله

ستات رجالة بنات القريحة شغالة ع السريع

جدعة البنت وبرضه ها يمشي مترين ويقول كلمة لواحدة غيرها

دي ثقافة يتم تربية العيال عليها في المدارس

اي كان المستوى

عاكس تبقى راجل

الا من رحم ربي وأثر فيه محاولات زرع التقوى المنزلية

ربنا يحفظ شبابنا فقراء واغنياء
ويحفظ بناتنا ويسترنا فوق الارض وتحت الارض ويوم العرض عليه

Unknown يقول...

السلام عليكم ورحمة الله وبركاتة
هههههههه
ظريف البوست دا
بس انا مع ان البنت ولا تعبر اللى بيعكسها
يعنى اكن فى هوا عدى ومشى طالما بالكلام وبس
لكن لو الايدى فعليها بة
باللى ربنا يقدرها علية
دمت بالف خير وود

أحمد عبد الفتاح يقول...

ههههه
لاجامد

ذو الوجه المبتسم يقول...

هههههههههههههه
تعرفى انا تخيلت الموقف
لكن المشكلة مش فى العربجى
المشكلة فى البت
هو لازم اللماظة يعنى
هى لازم تعاكس الحمار
ماهى لو معكستش الحمار مكنس صاحب الحمار عاكسها
هههههههههههههههههه
تقبلى تحياتى

maha zein يقول...

يا سم
يا دم

يا هم

كويس انه منشهاش بالكورباج اللى في ايده وطلع يجري

elsha3er يقول...

كلمتين بس لهم معنى جميل جدا


تحياتى لقلمك


احمد الشاعر

شمس النهار يقول...

برغم انك اعتبرتيها شجاعه
انا لا كان الافضل انها تمشي والا كأنها سمعت حاجه خالص
لأنه كان ممكن يرد عليها وكلمه بكلمه الموضوع يتغير مساره وممكن يقول لها كلام غير لائق

مجداوية يقول...

السلام عليكم

فكرتيني بعربية كارو كانت ماشية عكس الاتجاة وفجأة لقيتها بتعدي من جنبي فقولت وأنامخضوضة ايه ده فرد عليا العربجي قال ايييييييه حمار فقلت بدون تفكير لأ دول اتنين
وحمدت ربنا انه مسمعنيش

الرد مع بعضهم بيبقى مش مضمون العواقب ومش كل مرة تسلم الجرة ,وربنا يكفينا شرهم

غير معرف يقول...

انا مش فاهم حاجة

غير معرف يقول...

انا قرات البسوت تاني
لوهو حوار معاكسة يبقي كان لازم تهزقه الصنف دةلازم يتهزق وياخد فوق دماغه

المعتصم يقول...

بسم الله الرحمن الرحيم
السلام عليكم ورحمة الله وبركاته
تحياتى يادكتورة
الموقف بايخ طبعا
بس البنت دى جدعه جداً ومؤدبه خالص فى نفس الوقت
مش علشان ردت على الحمٌار لأ
لأنها ردت الرد ده بس
لانه كان ممكن يكون فيه رد تانى ترده عليه
ربنا يحفظ كل بناتنا واخواتنا المسلمات يارب
تحياتى ودمتِ بكل خير وود
والسلام عليكم ورحمة الله وبركاته

ahmed_k يقول...

الأحسن مكانتش ردت عليه ولا عبرته
علشان يتكسف على دمه
العربجي أبن ال......

kochia يقول...

اولا اشكرك جدا علي سؤالك عليا
وانا الحمد لله دلوقتي موجودة ان شاء الله

اما بالنسبة للموضوع فكرتيني بنكتة

واحد ماشي ورا واحدة بيقولها
"الحلوة وراها مشوار ؟"
قالت له :
"لا .. الحلوة وراها حمار "

ولا عزاء للحمير .. بندخلهم في حياتنا كتير بدون داعي

تحياتي

الفقيرة إلى الله أم البنات يقول...

الحقيقه رد فعلها كان مفاجأة
لان اكتر حد ببعد عنه العربجيه..سائقى العربات التى يجرها حمار
لانه بتيصرف بعدائيه شديده
رغم ان الحمار من افضل الحيونات..كم و هادى وعنده حلم على البشر وذكى بيعرف الطرق

بس برضه انا ضد الرد على المعاكسات ايا كانت


دكتورة نور..قرأت ردك عند حتى تشرق الشمس
بخصوص والدتها
وبما انى زميلة حزن قائم لا ينتهى فى هذا الخصوص
ااقولك عمره فعلا ما بيقل الاشتياق
كل يوم يزداد..ولم انساها يوم
رحمهم أجميعين ورزقنا الصبر الجميل

ghorBty يقول...

الله الله

بت واعيه صحيح

ربنا يرحمنا برحمته

صباح الصباح يقول...

الحقيقة هوة ردها برضة محترم

طالما هو بيستظرف المفروض تقوللة خايفة من الحار اللى فوق مش اللى جارر

هوة الناس جرالها اية فى الشارع.. باين انهبلت

غير معرف يقول...

سيدتي
ده جواب على تعليقك عندي
قلتي انك مش قادرة تغيري شلء من الفساد اللي موجود في الدنيا
اكيد انت لوحدك مش حتقدري بس لو انت حاولت و حاول كل واحد مننا ووحدنا جهودنا
ليه عملت مدونتك عشان تفضفضي بس و تقابلي صويحباتك و تبدعي شعر و تالفي كتابات بس طب ليه كل ده ليه عشان يتقال عليكي عملت مدونة ديه اديبة كبيرة
الكتابة يا انسة سلاح في ايديك ليه تامر مبروك ما قالش لا انا مش قادر لا ده واجه الكل رغم الاحكام الجائرة ضده و قال لازم احارب عشان بلدي مصر
قلت ان الله موجود و يستجيب لدعوة المظلوم
بس الرسول قال "من راى منكرا فل يغيره بيده فان لم يستطع فبلسانه فمن لم يستطع فبقلبه و ذلك اضعف الايمان"
وقال" و المؤمن القوي خير من المؤمن الضعيف عند الله"
اتمنى انك فهمت قصدي
اسعدني تواصلك
مودتي

وفاء بركات يقول...

هيع هيع هيع هاع
جامده أوى يابوووووووووووووووى
بس خالاااااااااااااص
كل سنه وانت بالف صحه وعافيه

مسدس صغير يقول...

يع يع
اللى يخاف من الحمار يطلعله.
ههههه
حوار جرئ
صح؟؟
مع مودتى

مصطفى محمود يقول...

هو مش شال الموبيل

وبقى بيصحى الضهر مع البهوات

ووصل وصلة الدش ,, والنت


يبقى فاضل ايه ؟؟


كمان شوية الحمار هو اللي هيتكلم

لا حول ولا قوة الا بالله

Unknown يقول...

لا جدعه والله عايزين بنات رجاله كده أما عن الحمار فديك قولتي ((( حمار )))

وأدعوك لزيارة مدونتي والمشاركة فيها

kalamfady يقول...

انا مع
salma mohamed
المفرود البنت ما تردش كدا هيزيد فيها

soly88 يقول...

تعجبت من رد البعض ان البنت المفروض متردش
طيب ماذا لو تعدى القول الى الفعل
تطنش !!!!!!!!!

غير معرف يقول...

جيت اعلق ع الموضوع الاول لقيتك عطلت التعليقات
في انتظار استفتائك
**********
لسه منتظر ردك على تعليقي عندك
اتمنى انك تكوني فهمت قصدي و لا تعتبريه انه تجريح
مودتي

Unknown يقول...

السلام عليكم ورحمة
الله تعالى وبركاته
assafo anaroze
تمام يافندم وتم التواصل
وحارد على حضرتك حالا بالا

Unknown يقول...

السلام عليكم ورحمة
الله تعالى وبركاته
Salma Mohamed
ايه ياسلمى التفرقة العنصرية دى؟
مالهم العرباجية؟مش لهم نفس وعين؟
من الطبيعى يعبروا عن شعورهم
هم كمان من اللى بيشوفوه؟
ورأيك محل تقدير واحترام
بس كل واحده حرة
هى اختارت
الرد!

Unknown يقول...

السلام عليكم ورحمة
الله تعالى وبركاته
Mohamed Ghalia
عجبك؟طيب كويس:)

Unknown يقول...

السلام عليكم ورحمة
الله تعالى وبركاته
بسووووووووووووم صلاح
وكل لحظة وانتِ بالف وسعادة يارب
وحاضر:لما تكبرى تبقى تفهميها وهى طايرة ولا تزعلى :)
اسمعى كلام ماما وبابا :)صدقينى-كلام جد بقى- محدش حيخاف عليكى ولا على مصلحتك زيهم ابدا ابدا ابدا وكلامهم لمصلحتك فقط لا يريدون الا مصلحتك وبس
ويااااااااااااااااااااااارب
تنجحى وتجيبى مجموع ادددددددددد
كدددددددددددددددددددددددددده

Unknown يقول...

السلام عليكم ورحمة
الله تعالى وبركاته
د/عرفة
(زميلنا فى النقابة عما قريب
إن شاء الله تعالى)
يا نصير المظلومين انت:)
اللهم امين لكل دعواتك
ويحفظ امة الاسلام كلها
وكمان أن منتظرة اهوة
يااااااااااااااااااا
مدونى الجيزة اتحدوا !!:)

Unknown يقول...

السلام عليكم ورحمة
الله تعالى وبركاته
أستاذ/عمرو
الحمد لله يافندم
يارب دايما افكارنا
توصلك على طول كده
وتقبل منى كل الاحترام.

Unknown يقول...

السلام عليكم ورحمة
الله تعالى وبركاته
romansy
حأسألها لو شفتها
مرة تانية يارومنسى:)

Unknown يقول...

السلام عليكم ورحمة
الله تعالى وبركاته
ستيتة حسب الله الحمش
اهلا اهلا اهلا اهلا
من غلبه والله ياسويتته
لاجل مايخفف الضغط اللى عليه
ويمكن التنكيت ده هو اللى مخليه
مستحمل كل الغلب ده
وامين لدعائك
يارب

Unknown يقول...

السلام عليكم ورحمة
الله تعالى وبركاته
حتى تشرق الشمس
هذا رأيك وعلينا احترامه
(لكن لو الايدى فعليها بة
باللى ربنا يقدرها علية)
اللى هو ايه بقى؟
افيدينى افادك الله
نورتينا وشرفتينا.

Unknown يقول...

السلام عليكم ورحمة
الله تعالى وبركاته
أ/احمد عبد الفتاح
لألألألأ
تدويناتك اجمد

Unknown يقول...

السلام عليكم ورحمة
الله تعالى وبركاته
ذو الوجه المبتسم
(ماهى لو معكستش الحمار مكنس صاحب الحمار عاكسها)هى البنت برضه الغلطانه؟؟ياراجل حرام عليك:)

Unknown يقول...

السلام عليكم ورحمة
الله تعالى وبركاته
Maha Zein
صح مفروض تشكره
انه طلع مؤدب
وحووووونين:)

Unknown يقول...

السلام علكم ورحمة
الله تعالى وبركاته
Elsha3er
متشكرة يافندم
وأهلا بك فى
زيارة اولى
للمدونة.

Unknown يقول...

السلام عليكم ورحمة
الله تعالى وبركاته
البرسيسة شموسة
ومازلت احسبها شجاعة !
ومتهيأللى من يأتيها الرد
سريعا هكذا لن تُعدم وسيلة
لانهائه وكما تريد ايضاً!

Unknown يقول...

السلام عليكم ورحمة
الله تعالى وبركاته
اُخيتى مجداوية هنا
يااااااااامرحبا
يااااااااامرحبا
لما اشوفهم (الكارو وصاحبه )على طول تيجى فى بالى حادثة واحد جارنا حط فلوس شغل السنة فى السعودية فى عربية
وماشى بها فى المدبح !بس مايحلاش بردون للحمار الجلوس الا فوقها:(:(لكن الحمد لله هو كان خارجها .الف حمد وشكر

Unknown يقول...

السلام عليكم ورحمة
الله تعالى وبركاته
أ/مصطفى ريان
ليه يافندم؟

Unknown يقول...

السلام عليكم ورحمة
الله تعالى وبركاته
غير معرف
قلبك ابيض:)
الطيبات احسن:)
هى عملت اللى تقدر عليه:)

Unknown يقول...

السلام عليكم ورحمة
الله تعالى وبركاته
أستاذ /المعتصم
يعنى رأيك انها :
بنت مؤدبة وجدعة :)؟
امين لكل دعواتك
ياعم مصطفى الصغير

Unknown يقول...

السلام عليكم ورحمة
الله تعالى وبركاته
Ahmed_K
هذا رأيك وواجب نحترمه
واعتقد انه فى الحالتين
انه مش حيتكسف
سواء ردت ام لا !
شرفتنا أستاذ احمد.

Unknown يقول...

السلام عليكم ورحمة
الله تعالى وبركاته
Kochia
حمدلله على السلامة
ونشكرك ونشكر النت
لانك رجعتى لنا بالسلامة
وفعلا بندخلهم من غير ذنب
منهم فى حياتنا
نورتينى كوشيا

غير معرف يقول...

على فكرة عشان تتاكدي اني مش قلت كلامي الي قلتو عشان اجرح فيكي لا بالعكس عملت ده عشان فعلا ليك افكار كويسة و عجباني مدونتك عشان كده اتفجات بتعليقك عندي
وعشان تتاكدي اكثر ان مدونتك عجباني اضفتها عندي و على مدةنتي
مودتي

Unknown يقول...

السلام عليكم ورحمة
الله تعالى وبركاته
الفقيرة الى الله أم البنات
ومفاجىء لىّ انا كمان
بدليل انى اتذكره للان
ياما الواحد بيسمع طول
ما هو ماشى مش قالوا اللى
يعيش ياما يشوف واللى يمشى
يشوف اكتر :)ورأيك فى
عدم الرد وجهة
نظر لك
يجب
ان تحترم.
................
كلامك مضبوط
ولو قراتى التدوينة
اللى قبل قبل دى
بعنوان النهاردة أول مارس
حتعرفى اكتر شعورى بالنسبة للموضوع .

Unknown يقول...

السلام عليكم ورحمة
الله تعالى وبركاته
ghorBty
اللهم امين
يارب العالمين.

Unknown يقول...

السلام عليكم ورحمة
الله تعالى وبركاته
صباح الصباح
اعجبك ردها؟طيب كويس
اللى يمشى ياما يشوف من
العجب العجاب الاعجب !!

Unknown يقول...

السلام عليكم ورحمة
الله تعالى وبركاته
assafo anaroze
هل تسمح لى أن
اسألك اولا
هل انت مصرى تقيم بالمغرب؟
للعمل أو الهجرة؟
ولما أجد صعوبة فى فتح صفحة
التعريف بك!!!؟
لما اكتب؟
إجابتى اعلمك بها فى اخر التعليقات .

Unknown يقول...

السلام عليكم ورحمة
الله تعالى وبركاته
الاستاذة /وفاء بركات
وحضرتك بالف خير وصحة
ويارب دايما منورانا
وباسمة الفم هكذا.

جنّي يقول...

السلام عليكم

اعلق هنا اذن ما دام التعليق مغلق في التدوينة الجديدة .. على كل انا صوت ولن اضيف هنا شيء بناء على رأيك ..

اما التدوينة المختصرة ورد البنت .. فالمشكلة ان الحمير اصبحوا كثر فسيكون الرد متعب للبنات من كثرة الردود ..

ودا كان عايز لسعة من سوط ( قمشة ) الحمّار ..

تحيتي

Unknown يقول...

السلام عليكم ورحمة
الله تعالى وبركاته
مسدس صغير
صح طبعاً:(
هو حد يقدر يقولك لأ
ده انت مسدس :)

Unknown يقول...

السلام عليكم ورحمة
الله تعالى وبركاته
TeVa
مش فاضل حاجة ياباشمهندس
والنهاردة سمعت أن اليابان
طورت (روبرت )يعمل مدرس !!
ومغطى بطبقة خفيفة من (المطاط)
يستطيع التعبير بأمتياز عن 5أو 6من
التعبيرات البشرية العادية مثل الفرح
او الحزن !!!مش بعيد يعملوا (الحمار الالى المتكلم......ليه لأ؟)
وصح لا حول ولا قوة الا بالله

Unknown يقول...

السلام عليكم ورحمة
الله تعالى وبركاته
أ/معتز شاهين-باحث تربوى
يعنى حضرتك تؤيد موقفها :)
وحاضر يافندم حالا بعد ما
اخلص التعليقات ارررررروح.

Unknown يقول...

السلام عليكم ورحمة
الله تعالى وبركاته
Kalamfady
ورأيك ورأى سلمى يحترم كمان.

Unknown يقول...

السلام عليكم ورحمة
الله تعالى وبركاته
soly88
كل واحد وله رأيه
انت زعلان ليه؟
اما ان تعدى للفعل
ساعتها ......تصوت
يالهووووووووووووووى!
ولا حد حيسال فيها :(

Unknown يقول...

السلام عليكم ورحمة
الله تعالى وبركاته
assafo anaroze
جاوبت على الاستفتاء؟
وإجابتى اقولها لك
إن شاء الله تعالى
فى(تدوينة مستقلة)
وفهمت قصدك يافندم
ومافيش تجريح لأ.
(احنا اللى يجرحنا
ندبحوووووووووووه
على طول مافيش
شك:):):):):)

Unknown يقول...

السلام عليكم ورحمة
الله تعالى وبركاته
جنّى
((ودا كان عايز لسعة
من سوط ( قمشة )
الحمّار))
لو بأيدى انا
كنت عملتها
ياأستاذ سعيد:)

Unknown يقول...

الحمد لله رب العالمين
والصلاة والسلام على خاتم
المرسلين سيدنا محمد وآله ومن
اهتدى بهديه وسار على دربه الى يوم
الدين.

غير معرف يقول...

norahaty سالتيني هل انا مصري
لا انا مغربي بس اتكلم مصراوي كويس عشان بحب الثقافة المصرية اوي و متاثر بها
مودتي

Unknown يقول...

السلام عليكم ورحمة
اللهتعالى وبركاته
assafo anaroza
دا نت بتتكلم مصرى
صميم فعلا وشكرا جدا
لاهتمامك بالاجابة:)
ولكن هل لى بالسؤال
عن معنى الاسم
(اسافو اناروزا)
هل هناك معنى أو مغزى له.
مرة تانية شكرا كتييييير