الجمعة، أبريل 24، 2009

.....جناب المدير العالى ....الغالى ابن الغالى





من كام يوم كدا






وعلى صباحة ربنا



زارنا مدير فرعنا المحترم





اللى مكتبه ب الهرم



الساعة تمانية بالثانية




وقف على الناصية التانية



يراقب الدخول والخروج



والبشر زى الموج



ودخل جنابه وزار العيادة




وكما هى العادة




طلع فوق ونزل تحت





وراح يمين وجه وشمال




ولقى كل شى عال العال





مالقى شى يتكلم عنه





لكن لازمن يبين فنه




ويسيب اثر زيارته الهنية



وطلعته البهية



والا يتقال ما له اثر



ولا كأنه حضر




فكر وفكر وفكر


واتشال واتحط



وقالك لازمن الظبط والربط



وقالك الهرجلة دى ماتنفعنيش




والكلام ده عندى مايمشيش




الكل بيدخل من باب واحد !




لأ كده مش نظام




لأكده مش تمام




العيانين من الباب الادمانى




والموظفين من الباب الورانى




وعنها طبعا صرنا ندخل من الباب الخلفى




اللى ب الشارع الخلفى



سرداب عتمة وطويل




تدخله كأنك بقلب الليل




وصاروا يندهوا بالميكرفون




بالويل والثبور




وعظائم الامور




لمن يعصى الاوامر




يبقى مستغنى عن نفسه




وعن نص حوافزه!




وعنها ياسادة ياكرام




ومن يومها




للأن




لجان رايحة




ولجان جايه




تشوف وتتأكد




من امر المدير المتحدد




ممنوع الدخول للموظفين !




الدخول فقط للعيانين !




وحسبنا الله ونعم الوكيل




*




*




*




*




*




شيئين او ثلاثة




اريد اضيفهم




الاستفتاء




على ايدك الشمال




لمن لم يشترك فيه بعد




و




الكلام والكتابة بالعامية المرة دى :سماح




و




هذا امر حقيقى حدث بالفعل




مدير الفرع زارنا فعلا




وامر بكل الكلام اللى فات ده




والمشكلة دلوقتى




ان ساعة الحضور والانصراف




للتوقيع فى الكارت




(وخلى موضوع الكارت ده على جنب نخصص له تدوينة لوحده!)




موجودة بالدور الاول




مش بجانب الباب الخلفى




ولازم تمشى المسافة دى




وممكن جدا




تيجى بالميعاد فعلا بس تمضى تأخير برضه




نتيجة للطلوع والنزول




والممر العتمة اللى قلتلك عليه




وأقول ايه




ادى اخرة العلم والتعلم والتعليم




وحسبنا الله ونعم الوكيل

هناك 124 تعليقًا:

مهندس / على درويش يقول...

جناب المدير العالي حالف ليعمل فيها عالي

حسبنا الله ونعم الوكيل

ودي أخره العلم والتعلم

الحمد لله ان المدير دا متعلم

وفاهم هو بيعمل ايه

ما هي برده فكره تانيه لتقليل المرتبات

مش فيه كل يوم تأخر نتيجع الممر الطويل الخلفي

ما هو برده متعلم


تحياتي

هانى زينهم يقول...

يا دكتورة لا تتعجبين
فنحن مجرد موظفين
دكاترة و مهندسين ومدرسين
وقهوجية وزبالين
عبيد للمأمورين
ولامرهم طائعين
شئنا ذلك ام
كنا من الابين
وربنا يحرقهم ويولع فيهم
ليوم الدين
قولى امين ..

فشكووول يقول...

امال يابنتى انت عايزه المدير ييجى عندكم ويمشى من غير ما يسيب بصمته وحكمته وخبرته ودرايته وفهمه العالى للامور والمواضيع العليا اللى مش يعرفها الا جناب سعادته ولازمن يفتكس له اكثر من افتكاسه تنبئ عن الفهم العالى والواطى واللوزعى للامور المستخبيه فى عالم المديرين الجهبذيه.
فهمتى حاجه؟
تحياتى

د/عرفه يقول...

إزيك يا دكتورة
طبعا لازم المدير يسيب بصمته
أمل يعنى هيعدى كده من غير تغيير
مهو ده التطوير اللى بيسعوا اليه
ولا انتى ضد التطوير

Gannah يقول...

يعنى يا د. نورا انتى بتتكلمى فى موضوع واضح جداا ومش لازم تستغربى منه
سوء الإدارة واسناد الأمر لمن لا يستحقه
يعنى احنا عندنا الادارة مش بقواعد لا بالمزاج يعنى لو بكره جه مدير جديد احتمال يأمر بدخولكم من السطح ثم النزول الى الادوار السفلى ..عادى جداا
ومش هنتغير الا إذا كانت أمورنا مبنية على أسس ..يعنى لا بد يكون فيه نقاط محدده انتم عارفينها والمدير عارفها ومكتوبة ويتم التقييم على اساسها من اى مدير لكن العشوائية والمزاج والتصدر لتوافه الأمور
ولا عزاء لاى مصرى
واوعى تقوليلى ان المدير لا قدر الله دكتور لحسن اموت من الفرسة
اعذرينى لان بالفعل مفروسة
تحياتى

assafo anaroze يقول...

نور
على فكرة ده عادي جدا و ده نظام يتبعه كل المديرين لازم يبينوا لمستهم الخاصة و العبقرية في التسيير
مش عندكوا نقابات احتجوا على هكذا اوضاع
مودتي

رحلتنا في الحياة يقول...

هههههههه معلش اللى فى ايديه منصب يتامر على خلق الله
من فترة مجتش مدونتك وقولت اجى اسلم واطمن عليكى يارب تكونى بخير

المعتصم يقول...

بسم الله الرحمن الرحيم
السلام عليكم ورحمة الله وبركاته
د/ نورا
تحياتى
طب وايه الجديد فى كده
ما ده العادى بتاعهم
يعنى معقوله الراجل ييجى ويمشى كده من غير مايلاقى اى حاجه يغيرها
امال يعنى هو كان جاى ليه ؟؟
مايصحش برضو انكم تزعلوا منه بكره وبعده لما ربنا يكرمكم وتترقوا وتبقوا مديرين وتعملوا كده هتعرفو هو كان يقصد ايه من اللى عمله ده
هههههههههههههههههههه
دى سياسات عليا يادكتورة واكيد وراها حاجات كتير انتو مش قادرين تفهموها
بلاش تظلمو الناس لو سمحتى
وبطلو العادة المصريه الاصيله دى
انه اى مدير يعمل اى حاجه صح يبقى راجل متعلم ومتطور وزى الفل
حراااااااام عليكم
ههههههههههههههههههههههههههههههه
تقبلى مرورى وتحياتى
ودمتِ بكل خير وود
والسلام عليكم ورحمة الله بركاته

Unknown يقول...

السلام عليكم ورحمة الله وبركاتة
ازيك يا نور
بصى يا قمر دا حال الادراة فى بلدنا
والا لكان الوضع اختلف جدا اصبحان من الدول المتقدمة لكن فى الاغلب ما يمسك زمام الامور من لا يصلح ولا يعرف
كيف تدار
وهو ما انعكس سلبنا على حال العاملين
والى الله الشكوى

Unknown يقول...

نور ممكن سؤال
على مدونتى بلاقى ان حد دخل عندى بأكونت الفارس الملثم
وبصراحة انا مندهشة جدا
فانتى تعرفى حاجة عن الموضوع دا ؟؟؟؟

حسام غانم يقول...

هههههههههههه

ربنا معاكو


===========

- خش طب يا حمادة
= ليه يا بابا ؟
- عشان المكانة الاجتماعية يا حبيبي

تمت

Unknown يقول...

هههههههههه
هما كل المديرين بيعملوا كده ليه

خلاص كل حاجة ماششية علا العال و 100 100 مفضلش غير الموظفين
والله احنا الحيطة المايله في البلد دي

ويبقى التواصل

مجداوية يقول...

السلام عليكم

أهم حاجة النظام

النظاااااام

وبعدين ده له نظرة مستقبلية لأنكم في النهاية حتدخلوا من الباب الأمامي كعيانين ( بعد الشر عنكم )

:)
:)

هو خايف عليكم من العدوى مش كتر خيره

وبعدين حجة الساعة دي لها حل تعالي قبل ميعادك بعشر دقايق تقومي تمضي في ميعادك
بصي كل حاجة محسوبة وبالنظاااام

:)

جمعة مباركة يا دكتورة

gayed يقول...

ازيك يادكتوره
هو انت مش من هنا قصدى مش مصريه
اسمعى كلام مولانا وعاش بطيخ مولانا
ده مولانا ده عفريت اصلة بيحب الدلمه خدى معاكى كشاف وانت مشيه فى الممر وقولى ياشر اشتر
الحمد لله اننا مش موظف كان زمان جيبى اتنظف طالما فية تأخير
حسبتا الله ونعم الوكيل

jonoon 3aqel يقول...

أنا من رأيي يعملوا كمان باب ثالث..لأهل العيانين....
يعني يصيير باب للموظفين اللي "مش" مغلوبين على أمرهم..و اللي "مش" بيدوا من قلبهم..و اللي "ما" بيستهلوش حاجه حلوه..و لو باب امامي يدخلوا منه...

و باب للعيانين...
و باب لأهاليهم...

كده التقسيمة صح يا معالي المدير و لا في حاجه كمان!!!

jonoon 3aqel يقول...

انا موضوع الاستفتاء ده مش مريحني...

أتمنى يكون خير و مجرد استفتاء عام...

تحياتي

القمر الساهر يقول...

عارفةاكتر حاجة تغيظ ايه فعلا مش موضوع اننكم تدخلوا من الباب الخلفي بس ان المصريين اتعودوا يدوا اوامر من غير ما يدرسوها

يعني بدل قرر ان الموظفين يدخلوا من الباب الخلفي يبقى كل حاجة تخص الحضور والانصراف تبقى عند المدخل مش نلف الكورة الارضية

ما فيش نظاااااااااااااام

محمد عبد الباسط يقول...

حسبنا الله ونعم الوكيل

حلم كبير

ahmed_k يقول...

إزيك يا دكتره الحمد لله الجهاز ربنا أخد بإيده وبقى يشتغل شويه أحسن من بلاش

بس المدير ده راجل كباره عايز يحسس المريض أنه قيمته كبيره ولو على حساب الدكاتره ههههههه أمر عجيب فعلا
طب ما هو الطبيب لما يشعر أنه مش بيعامل معامله كويسه مش حيدي في شغله بإخلاص وضمير
بس نقول أيه ربنا يهدي الجميع

حسن حنفى يقول...

حسبي الله ونعم الوكيل

ربنا مع حضرتك

كلمات من نور يقول...

داه برضه احسن من مدير منهم همام اللي راح وحدة صحية والطبيبة ملتزمة رفضت تسلم على سيادته

خطف ايدها خطف وقالها اهو اديني سلمت عليكي انا ايدي مش نجسة جرالك حاجه؟

نقلا عن جريدة معارضة

romansy يقول...

المديرين دول ايه
لقوا نفسهم مديرين مره واحده كده
مش المفروض يفكر الاول
فى القار قبل ما ياخده
ولا ايه الحكايه دى
بس تقريبا كده كل المديرين شكل واحد
كلهم تفكيرهم
السلطه

وحي القلم يقول...

ايه الكلام الجامد ده
وايه المدير ده
ربنا يحرمكم من طلعته البهية
ولو عايزاه هاستأذن بهية
تقبلي مروري

مذكرات مشاغب يقول...

هههههههههههههههههههههههههههههههههههههه
صحيح فعلا معاكي حق
امال يعني يقول انه راحلكم وملقاش حاجه وكل حاجه زي الفل
لازم يقول انه جه ولقى تسيب واهمال

هو انتم عندكم كارته؟؟؟؟؟؟؟؟؟؟؟؟
والله كويس عشان اميبقاش فيه تفويت ولا مجاملات
ومعلش تعالي على نفسك خمس دقايق بدري
الحوافز مهمه برده

تحياتي

عاشــــــ النقاب ـقــــة"نونو" يقول...

اللهم لا تؤاخذنا بما فعل السفهاء منا
ربنا يعينكم يارب
ما هو فاضي
والفاضي ايه بقى؟؟؟!!!!
ما بتدخليش ماسنجر ليه بقى
وحشني الكلام معاكِ
دمتِ بخير وسعادة
وابقي صلي الفجر واطلعي على الشغل علشان تلحقي تروحي في ميعادك
وعجبي

Unknown يقول...

ههههههههههه
مش مدير بقى
يبقى ليه الحق يعمل كل حاجة

على رأى خالد صالح : هــى فوضى؟؟

محمد عتلم يقول...

ايوه طبعا مش لازم المدير يعمل منظر .. امال هوا بيهبب ايه فى حياته ؟؟ مش مدير ولازم يحس بقيمته ؟ ويحس انه بيعمل شغل وبيعمل اللى ماتعملش

Ahmed يقول...

ههههههه

أمال يعني الراجل يجي ويمشي كده من غير لا حس ولا خبر ده حتى ميبقاش مدير

هوا مش كان في يوم من الأيام فيه مدير تاني مكانه
وهوا لوحده كده اتعلم من المدير التاني العمايل ديه

اشمعنا هوا يعني؟ لازم ياخد فرصته

blue-wave يقول...

هههههههههههههههههههههد
ماهو لازم يعمل شغل
علشان يبين انه موجود
حاجه تقرف بجد

عبد من عباد الله يقول...

ليس دائماً المدير على حق ...
و لكن دائماً المدير يطاع ...

خلاص انا عندي فكره انتي تعملي نفسك تعبانه و تقوللهم انا عندي صداع و بكده تدخلي من الباب الاولاني ههههه


شكراً

Jana يقول...

ازيك نور..اخبارك ايه؟
بقالى مدة مش باتابع اعذرينى

بخصوص مديركم ياريت لما ييجى تانى تدخلوه من نفس الباب وتلففوه نفس اللفة ..وتفكروه بانه اولى ان يتبع النظام

عجبنى اوى فى تدوينة الاغانى ..اول وتالت اغنية . الاولى مالهاش معايا ذكرى محددة لكن بتفكرنى بايام جميلة اما التالتة فأشاركك فيها الذكرى الحلوة
:)

الاستفتاء بقى
مش فاهمة ..يعنى ينفع اختار اكتر من حاجة ..انا شايفة ان بعضهم مافيهوش تعارض مع الباقى

تلاتة فى واحد اهو
:)

غير معرف يقول...

لازم يفتكس بعض الافتكاسات حتى يثبت انه موجوود
انا افتكس اذن انا موجوود

تحياتى يا دوك

wedad يقول...

مساء الخير
كل يوم الصبح
بعد صلاة الفجر
قولى حسبى الله ونعم الوكيل
فى الظالم والمفترى واللى مايخفش ربنا
ياما من العينة دى كتير أساالينى انا
مدونتك لطيفة اوى وظريفة.
اتمنى تزورينى فى مدونتى وعلى فكرة
انتى اول واحدة ابعت لها ارجو انك ماتكسفنيش.منتظراكى وربنا ينصرك

والعنوان هو:

wedad يقول...

ياخبر ابيض هو انا نسيت اقول
اسم المدونة وعنوانها :( اسفة
http://wedadshdad.blogspot.com/
مدونة:اى حاجة)

salma mohamed يقول...

ازيك يانور؟
ما انتي عارفه الفوله (:
في بلدنا دي
كل واحد في ايده سلطه لازم يتنطط بيها على اللي تحته,
حتى ولو كان عربجي بيطلع عين حماره (:
اسال الله الا يسلط علينا من لا يخافه فينا ولا يرحمنا.

احساس لسه حى يقول...

عزيزتى

ما المسئوليت عندنا دايمن قرارتهم

بتقول وليدة اللحظه من غير دراسة ولا

تانى ولا اخد اراء المعنيين بالقرار

على العموم كويس انها جت على كده

انا جاوبت على الاسئله واخترت

تحياتى

سلام

Unknown يقول...

هههههههههه
الله يكون في عونكم
مدوناتك جميلة فعلا

L.G. يقول...

تحياتي
تعجبني في مدونتك ألوانها وتنظيمها والكلمات في الجانب والاشعار تضفي جو عجيب وكأنه يخرجنا من واقعنا
اللي صعبان على حالنا فيه انا كمان

احيانا اتعجب من ضعف الثقة بالنفس لدى المديرين وغباؤهم المفرط واعتقد أنه تصديقا لقول المصطفى أنه زمن الرويبضة
اي الرجل التافه يحكم في امر العباد
عافانا الله
ولكن أيضا هل تكلم أحد الموظفين وأبدى وجهة نظره للمدير ؟؟
انصر أخاك ظالماً أو مظلوماً
هل قال له أحد أن قراره لا ضرورة له ويعطل العمل ويؤذي الموظفين ؟؟
لم نسكت نحن عن حقوقنا ويصعب علينا حالنا ؟؟
تحياتي والكلمات منظومة بشكل جمييييل للغاية
دمتي بخير

maYHam يقول...

ههههههه

عقبال لما يبعتوا إنذارت لولي الأمر

Mafrousa يقول...

فعلا حسبنا الله و نعم الوكيل
ماهو لازم علشان مدير لازمن ولابد انه يدى اوامر و خلاص
مش يدرس و يفكر اذا كانت حتيسر سير العمل ولا تعسره
ديه بقت حاجة تفرس بجد
يعنى اللجان اللى رايحه و جاية ديه مش وراها غير انها تشوف الموظفين داخلين من انهو باب؟؟؟؟
افوض امرنا اللى الله انه بصير بالعباد
و حسبنا الله و نعم الوكيل

لو بطـلـنا نـحـب نـمـووووت يقول...

السلام عليكم
اللى بيحصل ده شئ طبيعى
من حق اى مسئول يقوم بزيارات سواء مرتبة او مفاجأة على جهات العمل التابعة لادارته
يمكن المشكلة فى الموظفين
مهما لو التزمو بالنظام
مكنش حد منهم خاف وجري

تحياتى

الربان يقول...

تحياتي

يمكن التنظيم يكون مطلوب...لكن ان اردت ات تطاع فأمر بالمستطاع..

يعني كان لازم يكون هناك حوار مع العاملين بالفرع...و يستمع لارائهم
و يعمل علي تحقيق الجيد منها بالقدر المستطاع...مثل نقل ساعة التوقيع و الكروت....او كان ممكن مثلا فتح باب اخر من الجهة الامامية يخصص للعاملين...

عموما قديما قالوا في الامثال : الفاضي يعمل قاضي....

تحياتي و تقديري و ربنا يعين العاملين بالفرع.

مصطفى محمود يقول...

ربنا يصبركم ,,

بصراحة بتجيلي حالة اشمئزاز لما بشوف النوعية دي من البشر .

ربنا يصبركم بجد ,,

احتسبي الأجر عن الله , وإن شاء الله خير ..

بالتوفيق

مصطفى محمود يقول...

اه نسيت اقول السلام عليكم ورحمة الله وبركاته

وعليكم السلام ورحمة الله وبركاته :))

مصطفى محمود يقول...

محدش احسن من حد :P

مهرة سالم يقول...

السلام عليكم...
كان الله بعونك يا دكتوره ...
...
في امان الله..

dodda يقول...

انتو مسمعتوش عن الاغتيال؟؟

----
انا حكون طيبه واقولك اقطعى تذكره زى المرضى

salma mohamed يقول...

فينك يا نور؟
مختفيه ليييييييه؟

شمس النهار يقول...

ونعم النظام بصراحه:)

القلم السكندري يقول...

ربنا يتوب علينا من الأشكال دي

جي يشتغل عسكري مرور حضرته؟؟

هما دول اللي مودينا ف داهية

MaNoO يقول...

تعرفى دى مشكلتنا فعلا عشان واحد حب يفتكس حاجة بصرف النظر انه مدير او لا يبقى احنا كلنا نمشى وراه مع العلم ان المدير دا عااااااااادى جدا ممكن يكون اهبل ممكن يكون مبيعرفش يفكر انسان طبيعى يعنى ولكن يبقى الروتين هو العدو الحقيقى للتطور والتقدم علىا لاقل بالنسبة لمجتماعتنا

soly88 يقول...

نور
دى فرصه وجتلك علشان تبقى زعيمه
نظمى وقفه احتجاجيه
ملحوظه
----
بس مليش دعوه بلى هيحصلك دى خدمه ليكى

Unknown يقول...

السلام عليكم ورحمة
الله تعالى وبركاته
مهندس/على درويش
ايوة ياباشمهندس
ادى اخرة التعليم
والمذاكرة والانتظام
بيوفر للحكومة
على حساب الشعب الغلبان
حسبنا الله ونعم الوكيل :(

Unknown يقول...

السلام عليكم ورحمة
الله تعالى وبركاته
أستاذ/هانى زينهم
حاااااضر يافندم
مش حتعجب خالص
من هنا ورايح
ما احنا فى
مصر بلد
العجايب:(

Unknown يقول...

السلام عليكم ورحمة
الله تعالى وبركاته
أستاذ فشكووووول
اهلا وسهلا نورتنا
لأ طبعاً مايصحش :(
لازمن ولابدن من إفتكاسة
تنبىء بالفكر اللوذعى الالمعى:(

Unknown يقول...

السلام عليكم ورحمة
الله تعالى وبركاته
د/عرفه
الحمد لله يافندم
اهوه ساب بصمات ياسيدى:(
وكل يوم بياخد دعوات:(
يجعلها من حده ومن نصيبه
امين ياااااااااااااااارب

Unknown يقول...

السلام عليكم ورحمة
الله تعالى وبركاته
السلام عليكم ورحمة
الله تعالى وبركاته
دكتورة Gannah
الله يادكتورة الالوميتال عندنا
بالعيادة اتشال واتركب غيره ثلاث
مرات متتاليات مع تغير المديرين
فى حين بتطلبى كرسى متصلح للجلوس
عليه يقولك بعديييييييييييين
الخطة القادمة :(
والف عليكى يافندم من الفرسة
بس هو دكتورررررررروللاسف والالم:(

Unknown يقول...

السلام عليكم ورحمة
الله تعالى وبركاته
assafo anaroze
وللاسف اسافو
ومثل ما بيقولوا
حاميها حراميها
النقابة فى جيب
الادارة لزم:(

Unknown يقول...

السلام عليكم ورحمة
الله تعالى وبركاته
ايوشة
ما اتحرم منك ابداً
ومن سؤالك عنى يارب
شفتى الهنا اللى انا فيه
الدخول للشغل من الشباك
بعد كده !مين عارف؟

Unknown يقول...

السلام عليكم ورحمة
الله تعالى وبركاته
استاذ المعتصم
الشهير بالاستاذ مصطفى
مؤسس ورئيس حلف ابر ايجيبت
تبقو مديرين !دى دعوة برضه
تدعيها علينا:(اطمئن جدا جدا
شىء لا اسعى ولا احب واهرب منه
من زمان الله الغّنى عنها مسئولية
هى لو بس الوزارة بتاعتك تيجى :)
معنديش مانع منها أبدا

Unknown يقول...

السلام عليكم ورحمة
الله تعالى وبركاته
نهر الحب
كلام صح
الشكوى لغير الله مذلة
وكمان مش حتعمل حاجة
كل ما تشتكى يقولولك
اوامر رئيس مجلس الادارة :(

Unknown يقول...

السلام عليكم ورحمة
الله تعالى وبركاته
نهر الحب
للاسف لا اعلم
عن الموضوع شىء
ومحمد الفارس الف رحمة ونور له
هو وامى وابى واموات المسلمين اجمعين.

Unknown يقول...

السلام عليكم ورحمة
الله تعالى وبركاته
حسام غانم
فرحاااااااااان أوى ومبسوط حضرتك
طيب :(على العموم هانت يادكتور ونشوف حضرتك حتعمل ايه لما تتعين
مع مدير زى جنابه وحتعمل ايه؟

Unknown يقول...

السلام عليكم ورحمة
الله تعالى وبركاته
معتز شاهين-باحث تربوى
ايوة استاذ معتز
وللاسف احنا الحيطة المايلة
فى البلد دى وملناش سندولا خاطر:(

Unknown يقول...

والى اللقاء
فى المساء
إن شاء الله
فالنوم سلطان
خضع له الانس والجآن

Unknown يقول...

السلام عليكم ورحمة
الله تعالى وبركاته
أُخيتى مجداوية
(هو خايف
عليكم من
العدوى
مش كتر خيره)
فعلاً تصدقى!كانت
تايهة عنى فين دى!قلبه علينا!
ولنا ولكِ ولجميع المسلمين بأذن الله.

Unknown يقول...

لسلام عليكم ورحمة
الله تعالى وبركاته
gayed
الحمد لله ياأفندم
يعنى رأيك كده!
حاضر حأسمع الكلام
من هنا ورايح على ما أقدر:)

Unknown يقول...

السلام عليكم ورحمة
الله تعالى وبركاته
jonoon 3aqel
بقى كده!ده رأيك؟
انت قريب المدير يظهر:)

Unknown يقول...

السلام عليكم ورحمة
الله تعالى وبركاته
jonoon 3aqel
ليه بس؟
باذن الله يصير كل خير:)

Unknown يقول...

السلام عليكم ورحمة
الله تعالى وبركاته
القمر الساهر
ويدروسوها ليه؟
هى حتتطبق عليه؟ابدآ ابداً
لانها لن تطبق على من يصدرها
ولا على اقرابه ابدا لكن على
الغلابة والمساكين من لا(ضهر ولا قريب )
حسبى الله ونعم الوكيل.

Unknown يقول...

السلام عليكم ورحمة
الله تعالى وبركاته
محمد عبد الباسط
وانا معاك بقول يادكتور
حسبنا الله ونعم الوكيل

Unknown يقول...

السلام عليكم ورحمة
الله تعالى وبركاته
ahmed _K
الف حمد وشكر لله ياأفندم
شفت ازاى؟لكن تعمل ايه بقى
فى الافندى اللى مش عايز يفهم كده؟

Unknown يقول...

السلام عليكم ورحمة
الله تعالى وبركاته
حسن حنفى
ربنا مع الجميع ياحسن
وينجحك انت وكل الطلبة
ياااااااااااااااااارب.

Unknown يقول...

السلام عليكم ورحمة
الله تعالى وبركاته
كلمات من نور
لأ ده بقى ماوريناش وشه
لف اللفة بتاعته (كتومى)
من غير هيصة ولا زمبليطة :(
لكن خرج بالقرار الهام ده:(

Unknown يقول...

السلام عليكم ورحمة
الله تعالى وبركاته
romansy
وللاسف يارومنسى :(
دول بيطلعوا اللى اتعمل
فيهم لحد ما بقوا مديرين :(

Unknown يقول...

السلام عليكم ورحمة
الله تعالى وبركاته
مصعب صلاح
ماهو لومشى هو حيجى غيره يامصعب
لو اتحرمنا من طلعته حيجيبوا طالعة
تانية نشوفها برضة بنفس العقلية :(

Unknown يقول...

السلام عليكم ورحمة
الله تعالى وبركاته
مذكرات مشاغب
حاضر يامشاغب
حنام على باب الشغل
من هنا ورايح:)وزى ما
انت عارف :الحوافز حبيبتى:)

Unknown يقول...

السلام عليكم ورحمة
الله تعالى وبركاته
عاشقة النقاب :نونو
اللهم امين يارب العالمين
خلاص اصلى الفجر هناك اريح
عندنا الحمد لله جامع كبير فى الشغل
وربنا يستر على الجميع ياأم يوسف.

Unknown يقول...

السلام عليكم ورحمة
الله تعالى وبركاته
اصحى يامصر:أسلام دايو
بدال مدير يبقى لازمن يفنن على
مزاج جنابه:حسبنا الله ونعم الوكيل

Unknown يقول...

السلام عليكم ورحمة
الله تعالى وبركاته
محمد عتلم
مديرنا بيفن يافنان
شفت الفن الاصلى يافنان:)

Unknown يقول...

السلام عليكم ورحمة
الله تعالى وبركاته
أحمد ابو العلا
لا ياأفندم
اهوه جه و(افتكس)
الفكورررة الجامدة دى
التفاكير له والتنافييذ علينا

Unknown يقول...

السلام عليكم ورحمة
الله تعالى وبركاته
blue- wave
انا اقرف الناس
أذن انا موجود !
مش كده :)

Unknown يقول...

السلام عليكم ورحمة
الله تعالى وبركاته
عبد من عباد الله
شوف ازاى؟
كان غيرى اشطر :)
حاولوا وعملوها ومارضاش:(

Unknown يقول...

السلام عليكم ورحمة
الله تعالى وبركاته
Jana
الحمد لله يافندم
انتى عاملة ايه؟
يدخل من نفس بابنا:(هو لو كان النظام بيطبق على المسئول كان
بقى حالنا كده؟طبعا بيدخل
من الباب العمومى المفتوح
على وسعه له :)
اماالاغانى: فجزء من كتير لها
ذكريات معايا انت عارفة:)
ايام المذاكرة والراديو ومحطة ام كلثوم والشرق الاوسط فى بداياتها:)
الاستفتاء :طبعا ممكن تختارى اكتر
من إجابة :بسرعة قبل ما يقفل
اعمليه لو مش عملتيه للحين.

Unknown يقول...

السلام عليكم ورحمة
الله تعالى وبركاته
biberss222
(انا افتكس اذن انا موجوود)
جديدة عليا دى !وحلوة كمان:)

Unknown يقول...

السلام عليكم ورحمة
الله تعالى وبركاته
wedad
حاضر:)ومن كان الله حسبه فهو حسبه
وكفى به حسيباً وكفى به وكيلاً
وحااااااااضر من عويناتيى

Unknown يقول...

السلام عليكم ورحمة
الله تعالى وبركاته
wedad
ولا يهمك :)
بتحصل كتير :)
جل من لا ينسى :)

Unknown يقول...

السلام عليكم ورحمة
الله تعالى وبركاته
salma mohamed
الحمد لله ياسلمى :)
انتى كيف حالك :)
اللهم امين لكل دعواتك
ولكل امنياتك واحلامك.

kochia يقول...

امال الراجل يجي من غير ما يقول حاجة
علي رايك
ادي اخرة العلم

Unknown يقول...

السلام عليكم ورحمة
الله تعالى وبركاته
إحساس لسه حى
وللاسف وايه:تلاقى اللى يبرر
القرارات دى ويشرح اهدافها
العظيمة ولا كأنها قوانين نيوتن!

Unknown يقول...

السلام عليكم ورحمة
الله تعالى وبركاته
أمرأة الميزان
الله يخلكِ يافندم
انتِ الاجمل :)

Unknown يقول...

السلام عليكم ورحمة
الله تعالى وبركاته
L.G
شكراً لكلماتك الجميلة
انتِ ومدوناتك الاجمل دايما
اما المديرين فالله يحكم بالحق
وهو خير الحاكمين.
وللاسف تكلموا ولكن وكما تعلمى التهديد والوعيد وتأثرهم علينا
وخاصة انهم ينفذون الوعيد مادام
لن يؤثر عليهم .

Unknown يقول...

السلام عليكم ورحمة
الله تعالى وبركاته
طبيب جراح
دى اللى ناقصة:)

Unknown يقول...

السلام عليكم ورحمة
الله تعالى وبركاته
واحدة مفروسة
بالظبط !بهوات لابسين بدل
مالهم شغلة الا يشوفوا
اللى داخل من
الباب الامامى
للعيادة
ميييين؟
شفتى الاهمية القصوى:(!
لقرارات البيه المدير:(

Unknown يقول...

السلام عليكم ورحمة
الله تعالى وبركاته
لو بطلنا نحلم نموت
المشكلة اساسا:ليه؟
ايه فايدته لنا احنا؟
وكمان وده الاهم لو حيطبق
عليه وعلى غيره من المديرين
كنا قلنا معلش :(لكن لأ ده لنا
احنا بس :المستوظفين فى الارض:(

Unknown يقول...

السلام عليكم ورحمة
الله تعالى وبركاته
الربان
(حوار مع العاملين)!!!
امال يرضى احساس التكبر
والزهو على مخاليق الله ازاى؟
اللهم امين يارب العالمين.

Unknown يقول...

السلام عليكم ورحمة
الله تعالى وبركاته
TeVa
عود نفسك من هنا ورايح
للاسف حتشوفهم كتير فى الحياة:(
ومحتسبين الاجر على الله ياأفندم

Unknown يقول...

السلام عليكم ورحمة
الله تعالى وبركاته
TeVa
حصل خير:)
وعليكم السلام ورحمة
الله تعالى وبركاته

Unknown يقول...

السلام عليكم ورحمة
الله تعالى وبركاته
TeVa
أمشى من هنا
احسن دلوقتى:)

Unknown يقول...

السلام عليكم ورحمة
الله تعالى وبركاته
نهار
الله يخليكِ
دايما بنطلب
من الله العون
يصبرنا يارب

Unknown يقول...

السلام عليكم ورحمة
الله تعالى وبركاته
dodo
ماتطلعهاش فى مخى يادودو
اعملها واقولهم انتى اللى حرضتى:)

Unknown يقول...

السلام عليكم ورحمة
الله تعالى وبركاته
MaNoO
نعم للاسف الشديد يامانو
عندنا بدال صار البنى ادم
مدير :يبقى العلم والذكاء كله
وماتفكرينش ولا تعمليش الا باامره
وحده!حسبى الله ونعم الوكيل.

Unknown يقول...

السلام عليكم ورحمة
الله تعالى وبركاته
soly88
ماكنش العشم ياسولى:)
طيب قوملى محامى حتى:)
واتفق معاه على الاتعاب:)
ونعم الخدمات!ونعم النصايح :)

Unknown يقول...

والحمد لله رب العالمين
والصلاة والسلام على
خاتم المرسلين سيدنا
محمد وآله وصحبه اجمعين

Unknown يقول...

السلام عليكم ورحمة
الله تعالى وبركاته
kochia
صح لازم يفنن ويبتدع
وما سوف سيذكرنا به
سنوات طويلة من بعده.

Unknown يقول...

السلام عليكم ورحمة
الله تعالى وبركاته
Salma Mohamed
موجودة يافندم
بس انتِ عارفة
الكسل اللى أحلى
من العسل:)احبه:)

Unknown يقول...

السلام عليكم ورحمة
الله تعالى وبركاته
البرنسيسة شموسة
يعنى رأيك كده؟
مااااااااااشى:)

Unknown يقول...

السلام عليكم ورحمة
الله تعالى وبركاته
القلم السكندرى
ياريته حيشتغل هو
الا حيخلى غيره يشتغل:(
سايب الاعوان بتوعه حضرته.

حسن حنفى يقول...

الريدر عندي بيقول ان فيه موضوع جديد بس مش لاقي حاجه

؟؟؟؟؟؟؟؟؟؟؟

غير معرف يقول...

السلام عليكم

الدكتورة نور

اخبارك ايه يارب دايما بخير وربنا يكتر فى العيانين اللى فى دار السلام

ههههههههههههه

والله ده طبع متأصل فى الشعب المصرى حب العنطزة الكدابة والفشخرة الفاضية والريسنه

بس اقول ايه

كل سنة وانت طيبة

Unknown يقول...

انتي قولتيها !
مش لازم يبين انه جه !
و لازم يقرف و ينكد عليكم
انتم عالم طماعين اصلا
كويس انه مطلبش منكم هيلكوبتر علي حسابكم تنزلكم من السطح
انتم كده مش حاسين بالنعمة اللي انتم فيها !

جنّي يقول...

السلام عليكم

يا دكتورة هي الادارة عندنا المتسمة بالفساد واظلم البيروقراطية لو قلت هي السبب فالبيروقراطية هي النظام .. ولو هناك مشكلة في دخول العيانين مع الموظفين فليجعل الدخول للموظفين من مكان آمن ومحترم .. لكن هي المريسة الفاضية واثبات الذات في غير موضعها ..

فكرة من الزمن ده يقول...

انا شاكة في حاجة يانور البوست ده اكيد اكيد اللي كاتبه ليكي سيء ابو حفيظة
انا سامعة صوته

بجد الفاضي يعمل قاضي
شالو سنة ساته جابو سنة ساته عالم رايقة وفاضية
زي عندنا في اسكندررية
المحافظ عمل زرع على الرصيف
جي المحافظ الجديد مش عاجبه الرصيف اللي تحت الزرع ام كسر الرصيف
المحافظ عمل نفق قناة السويس قيشاني وزلزلي من بتاع زمان حاجة ولا حمام السباحة
جيه المحافظ الجديد مش عاجبه الزوق يعععع
كسر الزلزلي وساب النفق اقرع
والله عمرنا ما هانتقدم بالناس الهايفة اللي مش لاقية شغلانة تشغلها غير انهم يتصدروا في الهايفة

تحياتي يادكتر نور

شمس النهار يقول...

جيت اقول لك ان الاغنيه حملتها من يومين
وظاهر عندي ان في بوست جديد عندك جيت مالاقيتش حاجه خالص

Unknown يقول...

السلام عليكم ورحمة
الله تعالى وبركاته
حسن حنفى
ايه ياحسن!
ايه يااااحسن!
انت مركززز مع الريدر ليه
ركز فى المذاكرة ياأبو على
(معلش ياحسن اعمل فيها مدرسة بقىشوية من نفسى وأطلع العقد
واللى اتعمل فينا زمان:)

Unknown يقول...

السلام عليكم ورحمة
الله تعالى وبركاته
حضرة الباش شاويش
عرفة فاروق الاسيوطى
ازيك فينك من زمان ؟
يارب تكون بخير ويتم
لك مدة الجيش على خير
ايوة هى دى:
(العنطزة الكدابة
والفشخرة الفاضية والريسنه)والله ياأديب يافنان جبت الموجز المفيد.
وكل لحظة وانت بالف خير يافندم.

Unknown يقول...

السلام عليكم ورحمة
الله تعالى وبركاته
المعلم محمد صاحب المطعم
---طعمية سخنة---
عندك حق ولا البالون
الطائر اللى وقع بالسياح
من كام يوم:)اهو يوفر الماهيات
بتاعتنا بالمرة :)الحمد لله رب العالمين
منورنا فى زيارتك الاولى لنا يامعلم

Unknown يقول...

السلام عليكم ورحمة
الله تعالى وبركاته
جنّى
حمدلله على السلامة يافندم
عمرة مقبولة ماجورة
بأذن الله تعالى.
وللاسف ياأستاذ سعيد
هو عايز (يذل )الانفس
وللاسف الشديد لا يريد
الاصلاح ولا الخير بل الذل .

Unknown يقول...

السلام عليكم ورحمة
الله تعالى وبركاته
فكرة من الزمن ده
ومن ايام الفراعنة
اخو حتشبسوت (مش فاكرة اسمهالصراحة)
لما تولى عرش مصر بعدها حاول بشتى الطرق يمحى كل اثر لها من المعابد
بتاعتها!! ولما ما قدرش يهد
معبد الدير البحرى
(الاثرالوحيد)
الباقى لها
شوه وجهها
المنحوت على التمثال بتاعها
وبالتالى والعلم عند الله ده (جين)
او فيرس بيجى لمن يتولى منصب عمومى
فى بلدنا المحروسة مصر.
سبحان الله!!!

Unknown يقول...

السلام عليكم ورحمة
الله تعالى وبركاته
البرنسيسة شموسة
تشكراتى افندم
على المجهود والريدر
مضبوط بس (البوست)كان
ناقص له شوية سوا:)دخلناه
الفرن تانى :)واهوه اهوه اخر
تومام:)نهارك ابيض
نورتينا شموسة.

Unknown يقول...

و عليكم السلام و رحمة الله و بركاته
المدونة منورة بصاحبتها يا دكتورة

مها يقول...

ههههههههههههههههه
طيب ما ينفعش تمضوا وبعد كدة تنطوا من ع السور؟؟؟؟؟

Unknown يقول...

السلام عليكم ورحمة
الله تعالى وبركاته
المعلم محمد صاحب المطعم
----طعمية سخنة----
وبالزوار كمان:)

Unknown يقول...

السلام عليكم ورحمة
الله تعالى وبركاته
الغالية مها
بيحصل للاسف
كتير ناس مننا
بعد ما يمضوا يروحوا
يشوفوا مصالحهم الخاصة !