الأحد، مايو 03، 2009

....دبابيس....أىّ.. أىّ.... أىّ ..واليوم قبل الاخير!!!


يقول تعالى فى كتابه الكريم


( يَاأَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ)الحجرات اية12




ويقولون ان سوء



(او حُسن الظن أختار اللى تحبه )



من الفطّن




وأقول انا وبعد تجارب كثيرة ان سوء الظن فى ايامنا هذه احسن واسلم




لمّا زميلة لك فى ايام الدرسة تطلبك فقط




وبالساعات لتعلم حل المسائل والواجبات




ولما زميلة لك تأتيك كل يوم زائرة فى مكتبك




وتقوم انت بواجب الضيافة من(شاى ونسكافية اوإفطار)




ولا توريك وجهها طوال شهر رمضان الى ما بعد عيد الفطر




وكذلك لا ترى وجهها ايام الاثنين والخميس لانها تعلم انك تصوم فيهما




ولما جار لك يقترض شىء منك مرة واثنان وثلاثة




مع وعد مؤكد بانه سيردهم سريعا لانه يعلم انك لا تستغنى عنهم فى البيت




ولا يردهم الا بعد إلحاح إن كان عندك الجراءة لذلك




وغالباً بهم اعطال او كسر



أو بغير (نظافة ولو ظاهرية!)




لمّا صديق أو زميل



(يرسم عليك الدور ويقول فيك الاشعار والمواويل)




وحين لا يجد أستجابة ظاهرية او باطنية




لا يكلف نفسه حتى عناء إلقاء السلام عليك .....





لمّا قريب لك يقصدك دوماً






(لخدماتك الجليلة كما يقول هو)




فاذا قُضيت لا تسمع عنه مرة اخرى الا إذا احتاج اليك فيعيد




(الاسطوانة المشروخة اياها )




من الانشغال وأحوال الدنيا التى لا تترك له وقتاً




(ليتنفس حتى!!)




لما زميلة لك تأتى لتسألك عن حوافزك كام ونسبتها ايه؟





ثم إذا سألتها عن حوافزها هى زااااااااغت منك!





لما زميلة لك تاتى كل يوم لتحكى عن همومها الخاصة




وتكركب عليك الدنيا بالمشاكل العائلية والعمليه




ولا تهتم ولا تسالك عن حالك





واذا ماأردت يوما




ان تشتكى لها ظلم وقع عليك رأيتها تمل بسرعة وتستأذن




(لانها افتكرت مريض سايباه على سرير الكشف.!)




لمّا يشكر الناس كلاتتتتتتتتتتتتهم فى(احدهم)




ولكن قلبك لا يستريح له ولا يحبه مهما عمل من عمل ظاهرى




ثم تجد من يحدثك وبدون سؤال منك



ببعض اشياء عن (احدهم هذا)




وتجد انه يقول لك ما تحسه انت تماماً!





لمّا يشكو اليك زميل او قريب غلاء الاسعار والماهية اللى مش مكفية وانه يستدين ليكمل



الشهر ثم تفاجىء به ليقول لك عن



(المانجو حلوة اوى السنة دى)



وهى لسه بأول الموسم وسعرها غالى



وانت حتى لسه لم تفكر بشرائها





لمّا صحيفة تصر ان تضع على اول صفحة لها



وبالحجم الكبير صورة من تسمى بالمطربة



وهى فى قمة ال(...)فماذا تسمى هذا؟





لمّا تأتى زميلتك لتخبرك عن المكافأت الخاصة(الدكاكينى!)



التى تصرف لغيرك



وحتى عندما اخبرتها انك لا تريد سماع تلك الاخبار




ولكنها فى كل مرة تصر على اسماعك الأنباء اللى تغيظ








لمّا مجلة تنشر وبالتفصيل اجور الممثلات والمطربات ولاعبى الكرة




وتفصيل حفل زواج او عيد ميلاد فلانة وعلانة




فى مجتمع يعانى من ارتفاع الاسعار




والبطالة والاحباط




لمّا يحدث هذا كله




مش يبقى عندى حق انى اشك




واشك جاااااااااامد كمان




حتى اصير




دبوساً




كبيراً




*




*
*




*




*




نهاركم ابيض




ويومكم نادى




بأذن الله تعالى




(مش حافكركم بالاستفتاء )




النهاردة اليوم



قبل الاخير




وحنشطب ياجماااااعة




الاا



اوونوا



الادوووا



الا تريوووا




مش هم بيقولوا كده برضه



هناك 46 تعليقًا:

الربان يقول...

تحياتي

تشخيص حقيقي و صادق لامراض اجتماعيةو التحليل ايضا دقيق...

تعرفي يادكتورة...لو اننا احتسبنا ما نعمل و نصنع ابتغاء لوجه الله...لن نحزن
اذا تنكر الناكرون...و لا تملص المتملصون من واجباتهم...

الله هو ربي...هو حسبي...هو قصدي...و كفي به وكيلا...

اعلم انه من الصعب احيانا ان نشعر بالغبن و جحود البعض ...لكن ايضا الصبر علي المكاره له اجر و ثواب...

اسال الله لك ولي و للجميع حسن المعاملة لان الدين هو المعاملة..


تحياتي و تقديري

salma mohamed يقول...

في عالمنا ده ودنيتنا دي وخصوصا ان ايجيبت,
بقت كل الامور تدعوك للشك للاحباط للحيرة والتعجب,
كل الناس بقت تقدم مصلحتها على اي حاجة تانيه في الدنيا,
لكن وزي ما بابا دايما ينصحني,
مالكيش دعوة بحد انتِ مش محاسبة عنهم انتِ هتتحاسبي لوحدك فلازم وحتما تعملي انتِ لله ولا يشغلك افعال الاخرين,
ان كانت افعالك نابعة من ايمانك واخلاصك لله فلن تهتمي الا بما تقدميه انتِ من عمل,
وفي النهاية كلٌ محاسب على عمله,
فربنا يقدرني ويقدرك نعمل بالكلام ده.

MaNoOoSh يقول...

للاسف ان الشك فعلا بقى اسلم فى الزمن اللى احنا فيه الوقتى
للاسففففففففففففففففففففف
ربنا بهدينا جميعا من رحمته

blue-wave يقول...

هى دى دنيتنا اللى بقت بجد دنيا فعلا

dodda يقول...

انت كده لازم تهاجرى تقريبا
لما زمايلك واصحابك وقرايبك كلهم كده!!!

ربنا يتوب عليكى م الاشكال دى
:(

هانى زينهم يقول...

دبوس ايه بقى ده كدة واجب الواحد يبقى مسمااار كبير اوى !! وقلاووظ كمان !!
بص طبيعى يا دكتور ان مجلة تحط صورة مغنية او مطربة وهى فى قمة ال ... لان كدة المجلة هتبيع اكتر ما يحطوا صورة كارثة الدويقة مثلا . الناس شبعت جد وبقى نفسها فى الهلس . والهلس فقط .

أم أحمد المصرية يقول...

جري ايه يانور حسستيني ان المجتمع اصبح مجموعة من الدبابيس و المشكوكين قصدي المشكوك فيهم صحيح المواقف اللي بتحكيها دي بتحصل بس ردوا لسه فيه اصدقاء مش منتظرين منك شيء و اصدقاء بيقفوا جنبك وقت الشدة ا نا اكثر تفاؤلا منك و لا انت اللي حظك وقعك في مجموعة من المشكزكين عقدوكي :))

أم أحمد المصرية يقول...

عذرا علي الرسائل المحذوفة الرسالة اتحفظت اكتر من مرة لا مؤاخذة

مسدس صغير يقول...

لما تلاقى الجد

فى ايده حفيده

والناحية التانية

الجزمة فى ايده

مش لازم نشك

اكيد حفيده معملش الواجب

وحي القلم يقول...

تشخيص رائع
بس ياريت نتعامل مع الناس زي ما الناس بتحب
تقبلي مروري

مسدس صغير يقول...

ههههههههههه
ايه الروعة دى
شوية افكار عال
.
بس المشكلة ان دى مش قاعدة
ان بعض الظن اثم.
لازم نحسن الظن بالناس
حتى لو همه اساؤا الظن بينا.
بد بوست رائه
ويا سلااااام على موضوع الحوافز ده
انتى شكلك مقروصة؟؟
هههههههههه
ايه بتقبضى كام يعنى 5000 جنيه؟؟
حلوين اوى
امال انتى عايزة ايه؟؟؟
هههههههههههه

حسام غانم يقول...

يا خبر أبيض

وانت مستحملة كل ده ازاي يا بنتي

اتكلي على الله

ومن كوبري قصر النيل بقى

بـسـمـــة صـــــلاح يقول...

حرااااااااام عليكي حاطه صورة تشيكن وانا صايمه وهموت من الجووووووووووووع
بتعملي فيا كدا ليه بس
ههههههههههههه

ايه ده دا انتي شايله في قلبك وساكته كويس انك فضفضتي شويه احسن كنتي تنفجري يابنتي

بجد الدنيا بقت صعبه اوي
والشك دا بيتعب على فكره
وبيوجع اوي

ربنا يجيرنا من الناس اللي زي دي

تقبلي مروري
مودتي

المعتصم يقول...

بسم الله الرحمن الرحيم
السلام عليكم ورحمة الله وبركاته
ازيك يادكتورة
ايه ده ؟ دا انتى شكلك مليانه منهم على الاخر
بس مش معنى كده يعنى ان كل الناس بالشكل ده
برضو يعنى لسه فيه ناس كويسه وبتعرف الناس وتصون العِشرة مش علشان المصالح وبس
وبعدين يعنى خلينا احنا الكويسين
وكمان نتعامل مع الناس اللى بتعمل كده بطريقتهم بعد ثبات الرؤيه يعنى مثلا الناس بتاعة واجب الضيافه والافطار وكده لما ييجو يصبحو نصدر الوش العبيط ومانعملش اى واجب وهكذا ونعيش معاهم بقى
هههههههههههههههههههههه
وايه حكاية الاستفتاء اللى مش عاوز يخلص ده
كفايه كده بقى
وحلوة خالص الدبابيس اللى انتى عاملاها تسلم ايدك
هههههههههههههههههه
تحياتى ودمتى بكل خير وود
والسلام عليكم ورحمة الله وبركاته

شمس النهار يقول...

انت ماتعرفيش

ان في ناس بتؤمن ان الشكوه رقوه

وبيقولوا كده خايفين من الحسد

بس اللي مايعرفهوش ان ممكن كده النعمه تزول

لاتتمرضوا فتمرضوا فتموتوا


ربنا بيحب عبده الشكور
وعلي فكره ده لايتعارض مع داري علي شمعتك تقيد


لكن المطلوب هنا ايه
انت او انتي ماحدش سألكم علي حاجه ليه الشكوي وادعاء الفقر والمشاكل والاكتئاب


ربنا يهدي عبيده
بجد الناس دي بتصعب عليا

Kiara يقول...

مهما حصل برده لازم حسن النيه الي ان يثبت العكس

Unknown يقول...

ما هو احنا قابلنا وحنقابل من النوعية دي كتير


ويبقى التواصل

غير معرف يقول...

ومن أصدق من الله قولا؟
آية جميلة، ككل آيات الكتاب الحكيم، وما من شك إن أغلبنا قد مر بمواقف كثيرة في الحياة، أجبرته على أن يردد ما نصت عليه الآية من معنى يطالبنا بتجنب الظن، مخرب العقول، وما وراء العقول...
من أجمل ما يمكن لإنسان فعله في حياتنا هذه، أن يعيش معطاءا... وأجمل منه ألا ينتظر مقابلا... صحيح في زماننا هذا، أناس كثيرون سيصفون المعطاء بالبله وربما بالجنون أيضا، لكن... ما الفضل؟ رضاء هؤلاء؟ أم رضاء من خلقهم وخلق كل شيء كذلك؟

غير معرف يقول...

الفضل = الأفضل :-)

د/عرفه يقول...

يعنى لازم
توجعينا جامد بدبابيسك دى

فعلا
الحاجات دى اللى بتعلى الضغط
وتجيب السكر

وفى زيها كتييييييييييير

ربنا يرحمنا

حسن حنفى يقول...

للاسف كلنا بقينا دبابيس كبيره

:(

الواحد والله كل ما يشوف موقف من ده بيحس انه هيجيله الضغط

ربنا معانا

دعوات حضرتك

د. ياسر عمر عبد الفتاح يقول...

شوفي أنا معاكي إننا لازم ناخد الحيطة والحذر كمان
وإن فيه ناس كثير مش كويسة
ومن جوه سودااااااا


لكن مينفعش نقول
ربنا قال كذا
لكن بصراحة أنا شايفة كذا

مش عارف ليه حسيت إنها تقيلة أوي
إنتي شايفة إيه؟

Unknown يقول...

السلام عليكم ورحمة
الله تعالى وبركاته
الربان
اهلا اهلا يافندم
وحمدلله على السلامة
ربنا يعطينا القوة
والصبر ونعمة الاحتساب
والتوكل عليه واليه
فى كل أفعالنا واعمالنا
اللهم امين لكل دعواتك .
شرفتنا ونورتنا يافندم.

Unknown يقول...

السلام عليكم ورحمة
الله تعالى وبركاته
Salma Mohamed
يارب يخليلك بابا ونصايحة
الهايلة وربنا يقدرنا على
العمل بها وحسن التوجه والتوكل
على رب العالمين .اللهم امين
نوووووووورتنا ياسلمى:)

Unknown يقول...

السلام عليكم ورحمة
الله تعالى وبركاته
ManOoOSh
حنعمل ايه بقى
فى(الطيبين)اللى خلوا
الواحد يشك حتى فى نفسه!

Unknown يقول...

السلام عليكم ورحمة
الله تعالى وبركاته
blue-wave
ربنا يرحمنا
يادكتور ويسامحنا
نورتنا دكتور عمرو.

Unknown يقول...

السلام عليكم ورحمة
الله تعالى وبركاته
dodda
شفتى بقى؟
مش عندى حق؟
دا أنا مقلتش
عليهم كلهم:الحلقة
القادمة:)يتوب علينا ربنا
وعن الجميع من الذنوب كلها

Unknown يقول...

السلام عليكم ورحمة
الله تعالى وبركاته
أستاذ/هانى زينهم
ماهى دى المشكلة يامستر
اهم حاجة عندهم الفلوس
تجارة فقط لا مبادىء ولا رسالة!
حسبنا الله ونعم الوكيل.

Unknown يقول...

السلام عليكم ورحمة
الله تعالى وبركاته
أم أحمد المصرية
لأ يا أم احمد لو سمحتى :)
مش (المشكوكين)لأ (المشاكيييك)
كده صح:)اعتبريها شوية فضفضة
لان فعلا فى كتير أصحاب ممتازين
لكن بقى المود بتاعى كان
شووووووية سوداوى:(

Unknown يقول...

السلام عليكم ورحمة
الله تعالى وبركاته
أم احمد المصرية
بتعتذرى على ايه؟!
حصلنا عظيم الشرف
بتعليقك اكتر من مرة
منورنا دايما يارب.

Unknown يقول...

السلام عليكم ورحمة
الله تعالى وبركاته
مسدس صغير
لألألألألألألألأ
ما تبقاش
شكااااك
كده!
ممكن
رايح يصلحها:)

Unknown يقول...

السلام عليكم ورحمة
الله تعالى وبركاته
مصعب صلاح
ساعات او كتير الصراحة
بتصعب علينا نفسنا
يامصعب وبنبقى
عايزين نرد
الضربة
اتنين وتلاتة كمان!
ربنا يهدى انفسنا
وينجح الطلبة والتلامذه
كلاااااااااااااااتهم يارب

Unknown يقول...

السلام عليكم ورحمة
الله تعالى وبركاته
مسذس صغير
ماتجبليش السيرة
البية مدير الفرع
موقف صرفها لان مزاجه
متعكر من ساعة زيارته
الممنونة!وياعالم حنصرفها
ولا الورثة هم اللى حيصرفوها!

Unknown يقول...

السلام عليكم ورحمة
الله تعالى وبركاته
د.حسام غانم
حاضر بس حأكتب
رسالة اقول انك
اللى زقتنى!وكلام
الميت مصدق عليهP
حلييينى بقى لما يثبتوا
انك لا شفتنى ولا تعرفنى:P
ومستشششكرين على النصايح :)

Unknown يقول...

السلام عليكم ورحمة
الله تعالى وبركاته
بسووووم صلاح
يابيبى ما تغلاش عليكى
اتفضلى بالهنا والشفا
بعد المغرب كل اتنين وخميس
شرفينا تجدى كل ما (يشبعك)
نورتينا بسوم ويارب تنجحى :)

Unknown يقول...

السلام عليكم ورحمة
الله تعالى وبركاته
استاذ المعتصم
حاضر يااستاذنا
انت برضه رئيس وزارئنا
القادم بأذن الله ولازمن ولابدن
اسمع كلامك ياراجل ياطيب.عارفة
والله ياأستاذ مصطفى الدنيا فيها وفيها لكن اهوه الواحد ساعات
بيييييييبحبح بالى فى قلبه
تقدر تقول تفريغ شحنة:)
نورتنا استاذ مصطفى

Unknown يقول...

السلام عليكم ورحمة
الله تعالى وبركاته
البرنسيسة شموسة
يا ألف اهلا وسهلا
منهم كتير الناس دول
وللاسف عندنا وساعات
ما ببقى عارفة اللى
بتشتكى منه ده حقيقى
ولا بس تهويل وابعاد للعين
على حسب فكرها المريض:(
نورتنا شموسة وشرفتينا

Unknown يقول...

السلام عليكم ورحمة
الله تعالى وبركاته
كيارا دليل الحيارى
حاضر ياأمورة
حاحسن الظن
على قدر
الامكان

Unknown يقول...

السلام عليكم ورحمة
الله تعالى وبركاته
استاذ معتز شاهين
-باحث تربوى-
طول ما احنا عايشين
حنقابل اصناف وأنواع
من البشر والناس
وتبقى المعاناة!

Unknown يقول...

السلام عليكم ورحمة
الله تعالى وبركاته
Hina wi Hinak
(من أجمل ما يمكن لإنسان فعله في حياتنا هذهأن يعيش معطاءا
وأجمل منه ألا ينتظر مقابلا)
كلام جميل لكن بقى إُصولنا
البشرية(الطينية)ساعات
بتتغلب على قّيمنا الخيرة
فبيحصل الضيق اللى
انت شفته ده ..بس
نورتنا يافندم.

Unknown يقول...

السلام عليكم ورحمة
الله تعالى وبركاته
Hina wi Hinak
شكراً للتوضيح وطبعاً
رضى رب العالمين الافضل
والاهم والاقوم والاحسن.

Unknown يقول...

السلام عليكم ورحمة
الله تعالى وبركاته
د/عرفه
سلامتك يافندم
مرة تانية ابقى
خذ حذرك وتعالى
ومعاك خذ حذرك
مغناطيس تجمع
الدبابيس
كلهاااا.
امين لدعواتك
يادكتور عرفة

Unknown يقول...

السلام عليكم ورحمة
الله تعالى وبركاته
حسن حنفى
ربنا يرحمنا ياحسن يارب
وسلامتك من الضغط والسكر
الف مليون مرة.ذاكر ياحسن:)

Unknown يقول...

السلام عليكم ورحمة
الله تعالى وبركاته
د.ياسر عمر عبد الفتاح
افادك الله يافندم فعلا
عندك حق خاننى التعبير:(
وأقبل شكرى للايضاح
وللتشريف
وللتعليق
كمان

موناليزا يقول...

إلا ليه بجد ده كله؟؟؟؟
ليه دنيتنا وحشة اوى كدة؟؟؟؟

وفاء بركات يقول...

السلام عليكم
تقولي ايه لحد كان في زنقه ماليه ومهقولش ازمه ماليه وحد عرف ده ومن يغير مينتظر انه يطلب منه فك ازميه تقدم بالمساعده
قائلا علي مهلك في السداد انا مش مستعجل
وبعد سنه أو جايز اتنين المقترض سد الدين وبدل ميقول للدائن كتر خيرك
قاله الفلوس زى القمل مبتتلمش ألا علي الوسخ والله كده زى مبقولك ..
العجيب انهم دلوقت بقي عندهم فلوس ربنا يبارك بيدعمو بيها المساجد ودور الأيتام
نقول لهم ايه لأن كان رد أمي عليهم كتر الف خيركم ..
تحياتي