ده اللى شميته من كام يوم كده
لما قعدت ادام الكومبيوتر
ماهو انا ناقلاه من ساعة
البـــــياض ولا بلاش البياض دى!
خلينا مودرن
من ساعة النقاشة
ناقلة الكومبو من الاوضه عندى
لأوضة مذاكرتى زمان
رفيقة درب الكفاح والضنا زى ما بيقولوا
المهم الاوضة دى على الناحية الورانية لبيتنا العامر
كانوا مخصوص مختارنها ليا زمان برضة علشان كده
لا بلكونة ولا شارع عمومى ابص عليه
ولكن شبابيك الجيران ومطابخهم
اه والله مطابخهم
واد ايه قاسيت من روائح مطابخهم دى
(وانا اساسا حاسة الشم عندى رهيبة)
لا إما حلوة
وتجوعنى
ولا إما ما يعلم بها الا ربنا
وتسد نفسى
(نظام فتح وقفل للنفس متعارضين وانا اللى بدفع التمن)
المهم اول ماقعدت
شميت البسطرمة بتتحمر
وبعدين الخيالات اشتغلت
الحين يحطوا البيض!
وسمعت صوت البيض بتطش فى القلاية
(وعلى بعد ايه : حوالى 10متر منى !)
المهم البيض بيتقلى
الريحة بتزهززززه
البسطرمة بتستوى
البسطرمة استوت خلاص
الجيران بيحبوها جاااااامدة شوية
الله الجيران بيحبوه البيض لازق يظهر
لا بقى الجيران بيحبوه شايط!
اكيد بيحبوه محروق !
اكيد سابوه ونسيوه خالص
اكيد عايزين حريقة النهاردة !
أكـــــ! ــــــــ! ــــــــ !ـــيد
ياااااااااااااااخبر ابيض
ياخبر مش فايت
ايه الريحة الغريبة
دى
اللى انا شاماها دى
و
,
,
,
,,,
,
,
بووووووووووووووم
وضلمة
خـــــــــالــــــــــص
اتارى ياجماعة
الحريقة
كانت فى الكومبيوتر عندى!
البور سبلاى
شعللها
شعللها
ولعاها
ولعاها
وانطفى !
والصمت الرهيب بدأ
والحمد لله شىء الهمنى
أشيل الفيشة بسرعة
و
و
و
و
و
و
وجبت بور سبلاى جديد
وامرى لله
وطبعا مش عايزة اقولكم
ولاد اختى من ساعتها
نازلين تريقة
(هى كانت ريحة ايه ياطنط؟)
فرصة وجت لحد عندهم!
اللهم اغفر لنا ما قدمنا وما اخرنا
وما اسررنا وما اعلنا
وما انت اعلم به منا
اللهم انى اعوذ بك من النار
ومن عذاب النار
ومن كل قول وفعل يقربنا من النار
اللهم أمين يارب العالمين
ترررم وحاجـات تانية كمان
ليست هناك تعليقات:
إرسال تعليق