الاثنين، يونيو 29، 2009

........اليوم مناسبة........


اليوم مناسبة

قد

تكون سعيدة

قد تكون تعيسة

وقد

تكون حلوة

وقد تكون مرة

ولكنها مناسبة سنوية

تتكرر فى كل عام ومنذ اعوام طويـــــــــلة

هى ذكرى ميلادى

أأخبركم بسر من أسرارى الشخصية

والتى قد لا يعلمها كثيرون

ممن هم حولى!!

لقد ولدت صامتة !!!

(مؤدبة طول عمرى مش كده؟)

حتى ظن الطبيب انى (ولدت ميتة )

وقال قولته المشهورة

ارموها بالجردل!!

(شوفتوا الهنا!!)

لكن امى رحمة الله عليها

قالت وهى شبة مخدرة

لالالالالا

احسست بحركتها هذا الصباح فكيف ومتى ماتت؟

(ليه بس ياأمى ؟كان زمانى مستريحة)

عندها اخدونى من (الجردل مرة اخرى!!)

وعملوا لى الاسعافات الاولية

ومن يومها والحمد لله

لم اسكت

هكذا

اعطتنى

الوالدة الله يرحمها حياتين

وليس حياة واحدة

رحمة الله عليها واسكنها فسيح جناته

كم افتقدُها!!!

هناك 70 تعليقًا:

راجى يقول...

اولا كل عام وانتى بخير
ثانيا رحم الله والدتك واسكنها الجنة ان شاء الله

norahaty يقول...

السلام عليكم ورحمة
الله تعالى وبركاته
وحضرتك بالف خير وعافية
رحم الله موتانا جميعاً واسكنهم
فسيح جناته.شكراً استاذ راجى

Hina wi Hinak يقول...

كل سنة وأنت طيبة وعقبال 150 سنة :-)

norahaty يقول...

السلام عليكم ورحمة
الله تعالى وبركاته
Hina wi Hinak
الله يخليك ويبارك فيك
وينصرك على من يعاديك
ويصبحك ويربحك وبين عبيده
ما يفضحك ويسترك قادر ياكريم

كلمات من نور يقول...

كل عام و أنتي إلى الله أرقب ولطاعته أدوم

كل عام و أنت على خير بالإسلام وعلى الإسلام وبصحبة خير وصلاح إن شاء الرحمن

أم أحمد المصرية يقول...

كل سنة و انت طيبة يا قمر و داخلة تقولي لنا كده حاف من غير تورتة و لا جاتوه و لا حتي عصير
ربنا يسعد قلبك و يعطيك الصحة و العافية و يرحم والدتك و يجمعكم في الجنة ان شاء الله

ملحوظة جانبية : كان نفسي اجيب لك حنفية هدية بدل اللي باظت التدوينة اللي فاتت:)))))))))

Angel يقول...


كل سنة ,انتي طيبة يا نور
وعقبال عمر مديد بصحة وخير وسعادة

أختك
Angel Love
وتقبلي أعتذراري على طول الغياب

قلم رصاص يقول...

السلام عليكم ورحمة الله وبركاته

كل سنة وحضرتك طيبة يادكتورة وعقبال 100 سنة حياة سعيدة والى الله اقرب

ورحم الله امكم الفاضلة واسكنها فسيح جناته

في حفظ الله

blue-wave يقول...

اولا
كل سنه وانتى طيبه
بس سؤال يعنى
هوا اللى ولد الحاجه دكتور خريج زراعه ولا ايه؟:))

المعتصم يقول...

بسم الله الرحمن الرحيم
السلام عليكم ورحمة الله وبركاته
كل سنة وانتِ طيبه يادكتووووورة
وعقبال 150سنه يارب
وتكونى دايما بصحه وخير وفى سعاده وهنا
على فكرة انا اكبر منك ب9 ايام
ههههههههههههههههههههه
يعنى دلوقتى ماتقوليليش غير ياابيه
هههههههههههههههههههه
كل سنه وحضرتك طيبه وبكل خير وسعاده
تحياتى ودمتِ بكل خير وود
والسلام عليكم ورحمة الله وبركاته

من غير عنـــوان يقول...

كل عام وإنت بخير وصحه وسعاده
وربنا يرحم والدتك

تحياتي

Lyssandra يقول...

كل سنه وانتي طيبة .. وربنا يرحم والدتك

عيد ميلاد سعيد ليكي
ويارب السنه دي تحققي أمنيات تحبيها


Lyssa

ثورة يقول...

جميل أن تكون أول إطلالة لي على مدونتك وعالمك الجميل

في يوم عيد ميلادك

كل عام وأنت أصلح وإلى الله أقرب

romansy يقول...

كل سنه وانتى طيببه يا نورا
وعقبال ميت سنه
ويارب ير حمنا جميعا ويحم مواتنا يارب

مجداوية يقول...

السلام عليكم
يا الله
كيف يكون الاحتفال بهذه المناسبة السعيدة لنا به كل هذا الشجن

كده برضه يا دكتورة تخليني أبكي وتوجعيلي قلبي

ستتعرفي يوما ما في هذه الحياة أو في الحياة الأخرى أن الله أنقذك على لسان أمك رحمة الله عليها وألقى في قلبها يقينها بوجودك لسبب هام وعندما ستعرفيه ستتمنى لو أن عمرك دام مليون سنة فالله لم يخلقنا عبثا ولكننا لا نعلم

ربنا يعزك ويبارك لك في عمرك وتكوني بلسما مداويا لكل ذي ألم

وكل عام وأنت في طاعة وسعادة وراحة بال محاطة بقلوب أحبتك ولو لم تراك

أختك ماجدة

ورجاء بمناسبة اليوم السعيد أن تبدأى التعقيب بالاسم ثم تلقي عليه السلام لسهولة العثور على اسمي بين محبيك زادهم الله

مصعب صلاح يقول...

السلام عليكم

أولا : كل سنة وحضرتك طيبة مواليد شهر العظماء

وعقبال ما تمي التسعين

-

ثانيا : الله يرحم والدتك ويسكنها الجنة ان شاء الله

تقبلي مروري

شباك موارب يقول...

كل سنه وانتي طيبه يارب
جردل...زشوفتي وبقيتي دكتوره قد الدنيا.....
يارب الف رحمه ونور على والدتك....
بس انا مش فاهمه حكايه الجردل على فكره....
اول مره اسمع الكلمه منك بجد ياريت اعرف....


تاني مره كل سنه وانتي احلى دكتوره صغيوره

شباك موارب يقول...

على فكره بوست هاتو الفلوس اللي عليكم بوست هايل...
انا جبت العيله وسمعتهولهم.....
بجد فظيع والموقف اخر حاجه..

حلم بيعافر يقول...

كل سنة وانت طيبة
وتعيشى وتفتكرى

موناليزا يقول...

عيد ميلاد سعيد يانور.. عيد ميلاد سعييد
كل سنة وانتِ طيبة ياحبيبتى وعقبال110 سنة يكونوا كلهم سعادة وفرح فى طاعة الله
بس انا عايزة اعرف يعنى ايه يرميكِ فى الجردل؟؟ دى شتيمة ولا ايه:)

فاتيما يقول...

كل سنة و إنتى بألف خير و باحسن حال
و الدكتور دا انا متغاظة منه بشكل بشع لأنه كاد أن يزهق روح لولا قلب الام الأعلم من ألف حد تانى و ربنا يعلى مقامها ف الجنة بدعواتك الدائة و يكفى إنك صدقتها الجارية يا نورهانتى ...
حسيت بشجن كبير فى البوست رغم إن المناسبة جميلة و كل عيد ميلاد و إنتى معانا و وسطنا و مبتبطليش احلى كلام بيطلع منك دايما
بوسة و حضوناااااااااات مخصوصة فى اليوم الحلو دا

شاعر سبيل يقول...

الحمد لله الذي جعل الآخرة دار المقر ليلتقي فيها الأحباب على سرر متقابلين في الفردوس الأعلى عند رب العالمين
جمعكي الله بوالدتك في مستقر رحمته

jonoon 3aqel يقول...

الله يرحم الميتين..و يدي العايشين كولة العمر و الصحة و العافيه و العمل الصالح المتقبل..

سبحان الله...و لله في خلقه شؤون...

ادتك حياتين...عجبني التعبير..
ربنا يلطف بينا :)


تحياتي

سفروتة يقول...

كـــــــــــــــل سنة وحضرتك وطيبة يا دكتور
وسنة سعيدة ان شاء الله

:)

mohamed ghalia يقول...

كل سنة وإنتى طيبة وبإذن الله القادم أجمل

صوت من مصر يقول...

كل سنه وانتى طيبه وبتتكلمى وعمرك ما هتسكتى تانى لان فى الحاله دى مفيش جردل ولو فيه هنجيبه منين احنا
ربنا يرحم ولدتك يارب

حاسوباتيه يقول...

كل سنه وانتي طيبه وعقبال 100 سنه تفضلي كده ترغي ولا يهمك هنستحمل

TeVa يقول...

بارك الله لك في عُمرك ومالك وأهلك

وجعل أيامك طاعة له :)

TeVa يقول...

وإن شاء الله تكون أيامك كلها سعيدة :)

واحد من العمال يقول...

السلام عليكم

كل سنه وأنتِ طيبه وبخير ومش ساكته

طيب فين التورته يادكتوره

ولا أنا جيت متأخر

كل عام وأنتِ بخير

شمس النهار يقول...

كل سنه وانت طيبه وبخير وسعاده

تعرفي ان انا كمان ولدت مريضه وظنوا اني ميته لامحال واخروا شهادة الميلاد ولما لاقوني مصره اعيش قالوا مابدهاش دي فيتر طلعوا لي شهادة ميلاد

وادينا قاعدين لهم اهو:)
كل سنه وانت وانا قاعدين علي قلبهم:)

على عبدالله يقول...

السلام عليكم

اولا كل عام وانت بخير

ثانيا
السكوت ان دل يدل على حاجتين مالهمش تالت .. والله اعلم
1_ انا اعرف ان الطفل اما بيتولد بيقولوا انه مش بيبقى عاوز يجى للدنيا فبيقعد يصرخ ! وبالتالى سكوتك دل على رضائك التام بالقدوم .... :)
2_ أو ان سكوتك دا دل على انك ماقابلتيش ((ابليس)) بعد ما جيتى
اصلى انا اعرف ان الطفل اول ما يتولد بيقابل ابليس فى وشه على طول فيقعد يصرخ !

يا ترى ايهم السبب ؟!!

اخيرا
رحم الله الوالدة واسكنها الفردوس الاعلى ان شاء الله
ولا تتعجبى فهذا قلب الام !

والسلام عليكم

karim يقول...

كل سنة وانتى طيبة و دايما منورة دنية الناس اللى بيحيوكى وعايزينك, ويرحم والدتك وجميع امواتنا, وياستى خلاص بقى عيشتى واللى كان كان ماتقلبيش فى الماضى بقة ودووسى فى الدنيا

MaNoOoSh يقول...

كل سنة وانتى بألف صحة وسعادة يا رب


وربنا يرحم والدتك ويغفرلها ان شاء الله


بس ايه ده صحيح.. فين التورتة
عااااااااااااااااااا
مليش دعوة انا عايزة كاتوووووووه

جارة القمر يقول...

كــــــــــــــــــــــــــــــل عام وحبيبتنا بألف خير


الله يرحم والدتك يارب

مودتي

حتى تشرق الشمس يقول...

السلام عليكم ورحمة الله وبركاتة
كل عام وانت الى الله اقرب
وعلى طاعتة ادوم
وعلى سنة نبية اتبع
ولكتابة احفظ
ورحم الله امانا جميعا
اللهم امين
اقولك حاجة
انا كمان حصلى زيك
بس انا بقة كنت تعبانة مش سكتة
ههههههههههههههه
دمت بالف خير

MǿиY El-Shreef يقول...

ياحبيبة قلبي

بجد انا اول مره اشوف عيد ميلاد في كميه المشاعر الحزينه دي

:(

كل سنه وانتي طيبه يا نور

وربنا يرحمها ان شاء الله تتجمعوا ف الجنه

rovy يقول...

كل سنه و انتى بخير حال و دائما طيبه كما انتى .. رزقكى الرحمن كل السعاده يارب و بارك لكى دوما ..
رحم الرحمن امك الغاليه بأوسع رحمة و مغفره و جمعكى بها فى الجنه بعد عمر مديد سعيد ان شاء الله ..

دمتى بخير حال غاليتى

ارق تحياتى

هانى زينهم يقول...

كل سنة وانتى طيبة يا دكتور والله اسف للتأخير بس امتحانات الثانوية لا اراكم الله مكروها .
ربنا يرحم الوالدة ويلحقنا بيها على خير وتعيشى وتفتكرى .

أبو العريف يقول...

كل سنه وانت طيبه
بس ايه ده
مفيش ولا حاجه ساقعه
ولا تورته ولا اي منظر
ايه الناس البخيله دي

ولا صحيح
لما تسددي اللي عليكي الاول

osama44 يقول...

سلام عليكم
ولا خال ولا عم بيشيل الهم
ررحم لله والدتك وادخلها فسيح جناته بسبب انها انقذت انسانه محترمه زيك ومدونه رائعه زى مدونتك
دمتى بخير وسعاده

assafo anaroze يقول...

نورا
مساء السعادة و الاحلام الوردية
اتمنى تكوني بالف خير
والف مبروك عيد ميلادك و يا رب تكوني سعيدة دائما
مودتي

Moh. Mah. يقول...

كلام بسيط ... في منتهى القوة و الاحساس المرهف ... أحييكي على تناولك لهذه النعمة التي هي من "النعم التي أغدق الله عليك بها" على حد قولك فهي مؤثرة للغاية ... وفقك الله و بارك لك في نعمه ورخم امواتنا جميعا ... و عذرا مستجد في Bloggers أساسا ....

محبة الرحمن يقول...

انا لله وانا اليه راجعون

ربنا يرحمها ويسكنها فسيح جناته

kmt يقول...

السلام عليكم ورحمة الله وبركاته

ع الرغم ان البوست الغالب عليه الحزن
الا ان الجملة ضحكتني جدا
( ارموها في الجردل )

كل لحظة وانتي بكل خير
وربنا يحرمنا جميعا آمين

تحياتي
الى اللقاء

عمرو يقول...

كل سنه و أنتى طيبه يا طبيبتنا الفاضله و ربنا يجعل حياتك مليئه بالمسرات و السعاده و بمرضاته سبحانه و تعالى ..
ربنا عز و جل خلق الموت كما خلق الحياه ليبلونا أينا أحسن عملا و الشاطر الناصح اللى يعرف كيف يستغل فرصة وجوده فى الحياة الدنيا ليجتاز اٍختبار الآخره بنجاح .. يعنى كل الطرق فى النهايه بتؤدى لهدف واحد فسبحان الله المدبر و هو خير المدبرين ..
رحم الله السيده الفاضله والدتك و يجمعنا بها على خير اٍن شاء الله فى الجنه ..
و تقبلى تحياتى و تقديرى ..

عصفور المدينة يقول...

كل عام وأنت بخير ورحم الله والدتك

وكيلة نيابه مع ايقاف التنفيذ يقول...

بصراحه اللى لفت نظرى للمدونه الكتكوت الجميل اللى انتى حطاه عندى زيه ف مدونتى ههههه
كل سنه وانتى طيبه وعقبال السنين الجايه تقضيهم فى طاعة وحب الله ورسوله
وربنا يرحم مامتك وجميع المسلمين يارب

جارة القمر يقول...

حلو كتير اسلوبك
ربنا يرحم والدتك ويتغمدها برحمته

مودتي

hasona يقول...

السلااااام عليكم

كل سنة وانت طيبة
كل سنة وانت بخير
ربنا يبارك لك في عمرك وفي كلمتك

،،،
رحمة الله علي والدتك
وتغمدها الله برحمته الواسعة

،،،
نحن أغصان قد ذهبت فروعها
فأني تعيش الاغصان بدون تلك الفروع والجذور

يا رب جمعنا علي حوض المصطفي في جنة النعيم لنسقي من يده الشريفة

لا تنسينا من صالح دعواتك

تحياتي

norahaty يقول...

السلام عليكم ورحمة
الله تعالى وبركاته
كلمات من انور
وانتى بالف خير وصحة يارب
وينصر امة الاسلام والمسلمين
شرفتينا ونورتينا يانور.

وفاء بركات يقول...

السلام عليكم ورحمة
الله وبركاته
كل سنه وانت بألف صحه وعافيه كل سنه وانت منوره الدنيا كل سنه وانتي متهنيه وراضيه عقبال ميت سنه عباده
وسعاده وحب الناس ليك ياأم قلب كله
حب وطيبه وفا..
وربنا يرحم الوالده ويرحم أموتنا جميعا.
‘أعتذر عن التأخير في دخول المدونه الولاد سافرو شرم الشيخ وسابوني مع الجهاز اللي حبك النت يقطع وهمه مسافرين ولما جم إحتلو الجهاز وبشحت
منهم الوقت اللي أقعد فيه لما نامو إنتهزت الفرصه وجيت لك جرى لقيت فيه عيد ميلاد انا لسه في 17/7بس انا مش راح أحط صورة كتكوت طلع من البيضه انا ححط صوره بطه مزغطه يادوب
كل سنه وانت طيبه

norahaty يقول...

حبيبتى أم احمد
السلام عليكم ورحمة
الله تعالى وبركاته
وانتِ بألف خير يارب
وفرحانة بأولادك ونجاحهم
يارب.عايزة اقولك أن الحنفية
سليمة المشكلة الماسورة اللى جايبة
المية!لو ينفع توصليلنا ماسورة مية
يبقى الف كتر خيرك :):)نورتينا ام احمد

norahaty يقول...

قـلم رصاص
السلام عليكم ورحمة
الله تعالى وبركاته
وانت بالف خير وصحة يارب
وكسبان كـــــافة قضاياك
عن حق وصدق.اطال الله عمــرك
وعمر احبابك واجرى الخير على يديك .

norahaty يقول...

blue -wave
السلام عليكم ورحمة
الله تعالى وبركاته
كل لحظة وانت
بالف خير دكتور
عمـــــــــــرو
والعلم عند الله انه
كان عايز يخدم البشرية :)
ويريحهم منى :):)نورتنا ياطبيب.

norahaty يقول...

استاذ المعتصم المنتصر
السلام عليكم ورحمة
الله تعالى وبركاته
وحضرتك بالف خير وصحة يافندم
بس انت متأكد انهم 9ايام فقط !!
يااستاذ منتصر المعتصم بص كوووويس:)
خلااااص ياأونكل ماشى كلامك يازعيم:)

norahaty يقول...

من غير عنوان
السلام عليكم ورحمة
الله تعالى وبركاته
وكل لحظة وانتبالف خير
ياباشمهندس.وجزاك الله خيراً

norahaty يقول...

Lyssandra
السلام عليكم ورحمة
الله تعالى وبركاته
كل لحظة وانتِ بالف خير
ودايما كده منورانا
بالمرور اللطيف.

norahaty يقول...

ثورة
السلام عليكم ورحمة
الله تعالى وبركاته
كل لحظة وأنتِ بالف خير
ومنورانا استاذة فى
اول مرة لكِ هنا.

norahaty يقول...

romansy
السلام عليكم ورحمة
الله تعالى وبركاته
وانت بالف خير يارب
ويحقق لك كل امانيك
الحلـــــــوة يارومنسى

norahaty يقول...

مجداوية
السلام عليكم ورحمة
الله تعالى وبركاته
هذا فقط من رقة شعورك
ورهافة قلبك ادامهما الله
عليكِ واصلح شأنك وشأن المسلمين
أجمعين وأفرحك الله (بنسمة)وجعلها
نسمة وبسمة لكل من يعرفها وابعد الله عنها شياطين الانس والجن.وتم العمل بالنصيحة جزاكِ الله خيراً

norahaty يقول...

مصعب صلاح
السلام عليكم ورحمة
الله تعالى وبركاته
وانت بالف خير يامصعب
وعقبال ما نهنئك بالنجاح والفلاح
يارب .رحم الله اموات المسلمين أجمعين.

norahaty يقول...

شباك موارب
السلام عليكم ورحمة
الله تعالى وبركاته
وانتى بالف خير دكتورة منار
ومعلش المقصود بالكلمة(التخلص
من مخلفات الولادة !!من دم وخلافه !)
وزى ما بيقولوا العبرة بالاواخر !!
شرفتينا ونورتينا ياطبيبة .

norahaty يقول...

شباك موارب
السلام عليكم ورحمة
الله تعالى وبركاته
يادى الكسوووووف:)
وسمعوا الفضايح دى!
معلش بقى:)حاجة من زمان :)

norahaty يقول...

حلم بيعافر
السلام عليكم ورحمة
الله تعالى وبركاته
وكل لحظة وانت بالف خير يافندم
مشكور على المرور والتعليق

norahaty يقول...

موناليزا
السلام عليكم ورحمة
الله تعالى وبركاته
وانتى بالف خير وصحة يامونى
ولكى بكل دعوة مثلها واكثر :)
وشفتى يامونى الدكتور كان عايز
منى أزاى:)يظهر كان خايف انافسه:)

norahaty يقول...

فاتيما
السلام عليكم ورحمة
الله تعالى وبركاته
وانتِ بالف خير ياحبيبتى
معلش هو كان خايف منى انافسه:)
وقلب الام يـــــــاسلام عليه!!!!
يتفوق على اعلى واحسن ردار فى العالم
وانتى ام وادرى بهذا يافاطيما :)
ربنا يخليكِ ويطرح البركة فيكى
وينولك اللى فى بالك عن قريب
يــــــــــــــــــــــارب

norahaty يقول...

شاعر سبيل
السلام عليكم ورحمة
الله تعالى وبركاته
الحمد لله الذى هدانا لحمده
جزاك الله خيرا على دعائك
ورحم الله اموات المسلمين
اجمعـــــــــــــــين

norahaty يقول...

jonoon 3aqel
السلام عليكم ورحمة
الله تعالى وبركاته
اللهم أمين يارب العالمين
(وما تعلم نفس ماذا تكسب غدا
وما تعلم نفس بأى ارض تموت .)
شكراً لمرورك اللطيف ياراشد
ومتعك الله بالصحة والعافية .

norahaty يقول...

ونكمل حين الرجوع
من العمل باذن الله.