الجمعة، يوليو 03، 2009

......العززززز وزززززززز


1-


المدخل الخلفى


(علشان السيارات)



2-البهو الامامى

3-مدخل للملهى الليلى (ملناش دعوة به)



4-ديكورات جانبية




5- البهو الرئيسى



6-دخلنا الريستوران




7-اموووت فى الورد انا





8-الفانتازيا(ساحة للاطفال والساعة ب100ماتنسوش!!)

9-الفانتازيا بعد اضاءة الانوار فيها



9-لستة الطعام(طلبنا اسماك بأنواعها وجمبرى)



10-طبق المقبلات او الابريتيف زى ما بيقولوا



11-الشوربة


12--شوربة السى فودز




13-السمك (مشوى) كل وبرق لىّ!



14-الجمبرى وصل ياناس ياعسل


15-الحلو جاتوة سوارية




وكان فيه فواكه كمان بس ما كنت قادرة الصراحة!


سيبكم انتم



العز وز على رأى المثل



اتعزمت امبارح على العشا



فى ماريوت الزمالك

(متهيأللى عمر الخيام سابقا)


صاحب العزومة يبقى





اللى جت اجازة من فرنسا
iv align="center">اللى شرفت مصر من يوم الجمعة اللى فاتت



وكنت كتبت عنها



قبل كده



المهم السهرة كانت حلوة اوى


واهم حاجة


انى ما اتسألتش ولا سؤال طبى واحد


اصل كان فيه


اتنين دكاترة غيرى


اختى الوسطانية وزوجها


وكمان من الحاجات الحلوة


محدش زعل من حد فى السهرة


وماكانش فيه اطفــــــــــــال


لانه ممنوع اصطحاب الاطفال اقل من 7سنين


واللى مصمصممصمصم


يخليهم فى القسم الخاص اللى اسمه فانتازيا


(الساعة ب100جنية والحسابة بتحسب!)


ففضلنا عدم اصطحابهم


الحمد لله


وكمان محدش دلق الاكل عليه!!


طبعا كان فيه بعض التلفيات


ايشارب اتنتش!


ولاعة ضاعت!


اتنين متجوزيين منهم كانوا ناويين يبوخوا القعدة
ويتخانقوا(حبكت!)


لكن الحمد لله طفينا الحريقة قصدى الخناقة قبل ما تقوم
المهم رحنا حوالى 7وربع ورجعنا حوالى 12ونص


وكانت المحصلة




.


.


.


.


.


.


.




سهرة



حــــــــــــــــــــــــــــلوة


الف حمد وشكر لك يارب

هناك 37 تعليقًا:

هانى زينهم يقول...

اللى مستغربله انك فضيتى تصورى ده كله يا دكتور مع انى لو مكانك كان الاكل وشكله والريحة اللى اكيد كانت موجودة فى المكان هتخلينى انهمك فى الاكل بس .
ثانيا كدة بقى ما لكيش حجة المفروض تكرمى بنت اختك وتستحملى غلاستها على حس العزومة دى مهما عملت .
ثالثا انا بقى ما باحبش اروح الاماكن دى لسبب بسيط انى بارجع متضايق لان العيشة يا اما تبقى كلها كدة يا اما بناقصهم الساعتين اللى هيقلبوا علينا المواجع دول .

Hesham يقول...

تصدقى بالله يادكتورة وبما انى اصلا عايش لوحدى فى الغربه وطبعا الوحده بتجيب اكتئاب وطبعا طبعا بتخلى الواحد نفسه مسدوده عن الاكل فاول حاجة جت فى بالى انى جعت لما شوفت الاكل كده بجد جعت قمت عامل ايه ..... فتحت علبه فول وكلت وبالتالى اصابنى نوع من الحقد عليكى بس برضه فى الأخر وبما اننا اصدقاء مدونات فبقولك بالهنا والشفا ان شاء الله

قلم رصاص يقول...

السلام عليكم ورحمة الله وبركاته

بالهنا والشفا يادكتور

بس صحيح على رأي اخونا هاني وينهم انتي ازاي تسيبي الاكل ده كله وتقعدي تصوريه
اللهم الا اذا كان حد غيرك بقى اللي مصوره هههههههههه

عموما ادام الله عليكم الأيام بالسعادة

في حفظ الله

أبو العريف يقول...

هو طبعا بعد اللي شفته
اكيد هحسدك وهحقدك
واقعد ابصلك في الاكل
واقول يابختك يا عم
وحاجات من دي

Kiara يقول...

حلووو ايو بس مفيش اكل غير الاسماك ايه دا :(

أحــوال الهـوي يقول...

طبعا بالهنا و الشفا
بس سؤال مضايقني مين اللي في مكان زي ده قدامه مالذ و طاب و مجرد يفكر يتخانق

طبعا الصور بقصد المشاركه و جعل الاصدقاء متمتعين معاك و ليست لسبب مغرض و انا متاكد من ده لاني عارف انك من افضل اللي باتابعهم احساسا يالغلابه و المساكين
و يارب تكون ايامك كلها 5 ستارز

تحياتي

EMMY BABY يقول...

ههههههههههههههههههههههه ياعينى ياعينى على الرومانسية حلوة الوردة اوى على فكرة

يلا الحمد لله انك اتبسطى وغيرتى جو

واترحمتى من الاسئلة الطبية شكلك ياعينى مهرية اسئلة

تحياتى

ايمى

عين فى الجنة يقول...

بالهنا والشفاوالحمد لله انك كنتى سعيدة بالسهرة

جنّي يقول...

السلام عليكم

ما شاء الله بالهنا والشفا وربنا يسعد اوقاتكم يارب ..

karim يقول...

دة انتى هاتخدى شوية اررررررررررر غير طبيعى, ربنا يستر عليكى. يابختك يادكتورررررررررر

مجداوية يقول...

السلام عليكم


هههههههههههه
والله انت شربات وعسل يا دكتورة


الصور = أكل وبحلقة

:)
:)
يعنى الزيارة الفرنسية ليها أعراض جانبية زى الفل أهه وكمان اللي يشوف بلوة غيره تهون عليه بلوته

:)

الحمد لله انك رجعتي مبسوطة


وبونا بيتي

بالفرنساوي المصري
:)

بلاش فضايح يقول...

كويس بئا انك مع الانبهار افتكرتى تصورى كل دة

بالهنا والشفا الاكل شكله حلو اوى

وخروجة سعيدة

غير معرف يقول...

Hmmm... wondering lao ro7tee Marriott Marquis in Manhattan, what your comments would be :-)

MǿиY El-Shreef يقول...

ايه ده انتي صورتي كده عادي

انا لم بصور ف اي حته ودهعشان انا هاويه تصوير اصلا بيبصولي زي كأني كائن عجيب او واحده هنديه مثلا بتصور D:

وبعدين تعالي هنا اكلتوا سمك :((

بكرهووووووووووووووووووووووو

يالهوي بكرهووووو اوي بغباء

يلا ياستي بألف هنا وشفاااا

واحسن حاجه فعلا ان مافيش اطفال دي الحاجه الي بكرها قبل السمك حتى :S

ممممم الحمدلله ع السهره الحلوه يارب دايما كل حاجه حلوه

mwah

موناليزا يقول...

:)عقبال كل مرة

راسبوتين يقول...

يارب يجعل كل سهراتك سعيدة يا دكتورة

سفروتة يقول...

ماشي ياعم
عقبال ما تعزميييييييييييينا
D:
اهم حاجة انك انبسطي وفرفشتي ونعنشتي
:)
شفتي بقي يا دكتور كنتي حاطة ايدك علي قلبك من الزيارة اياها بس المرة دي بقي ملكيش حجة يارب حتي تقعد معاكي طول السنة مش الصيف بس D:

يلا يا ستي عقبال كل مرة بس في مكان مختلف واحلي واجمل

سلام يا ثكر

أم أحمد المصرية يقول...

الله يسعدايامك يا جميل
و انت بقي تورينا الاكل عشان بتحبينا و لا عشان تغظينا :))
طيب انا حعزم عيلتي في مطعم ام احمد و حعمل اكل احلي من ده عشان اثبت لك اني اتغظت فعلا :)))))))))))

بجد بقي الف مليون هنا و شفا لكم الواحد
بيحتاج من ان لأخر خروجة من دي حتي لو مكلفة اهو مرة كل قرن مش مشكلة
انا بستغل اي مناسبة عائلية و ادبس ابو احمد في عزومة من النوع ده يقعد يفكرني بيها بعدها لمدة 10 سنين :)))

jonoon 3aqel يقول...

ربنا يسعدك كمان و كمان...

مش كنتوا تعزموا !! بس ماشي..خيرها في غيرها ان شاء الله :)

حصل ايه في ماسورة الماية؟؟

assafo anaroze يقول...

نورا
الله يسعد ايامك و يجعلها كلها فرح و نشاط و عزومات
مودتي الخالصة

TIMMY !! يقول...

بالهنا و الشفا يا دكتورة :)

و لو إني ما بحبش التبذير ,
لكن طالما مش انتي اللي دافعة يبقى مافيش مشكلة :)

صوت من مصر يقول...

انا شبعت خلاص

وفاء بركات يقول...

شكرا علي العزومه يادكتوره معلش سامحيني انا بحب أكل السمك بإيدى بلاشوكه ولاسكينه ...أه الحمد الله شبعت
يدوم عزك ،
سهره حلوه ياريت تتكرر بس المره التانيه هبابير
وحاجات من اللي بطير
الف هنا وشفا وربنا يكتر أيامك الحلوه

وحي القلم يقول...

السلام عليكم

مليش دعوة أنا عاوز نصيبي من الاكل دا

أنت كنت بتصوري الأكل ولا بتأكلي

تقبلي مروري

د/عرفه يقول...

مش تعزمى يا دكتورة قبل ما تروحى
ولا انتى بتحنسينا (بتشوقينا) بس


تحياتى

akeed يقول...

انتى فتحتى نفسى على السى فود بس كان شعورك اية وانتى بتصورى الاكل ؟؟؟؟؟


مدونة رائعة تحياتى

osama44 اسامه 44 يقول...

يا بختك انا بحقد عليكى ايه الاكل ده ده حاجه ولا فى الاحلام
على العموم العزومه الجايه ماتنسيش تعزيمينى هههههههه
دمتى بصحه وعافيه

Dr Ahmed Said@Black Armor يقول...

عارفة
انا بسبب شغلى باروح اماكن زى كدة كتير كل اسبوع يمكن مرتين تلاتة
بس اول مرة احس بجمالها لما انتى وصفتيها او يمكن علشان انا دايما باروحها شغل مش فسحة
دمتى بخير

المعتصم يقول...

بسم الله الرحمن الرحيم
السلام عليكم ورحمة الله وبركاته
ازيك يادكتورة نور
تحياتى
هو فعلا العز وز
والفقر كتاكيت
وحسبنا الله ونعم الوكيل (بقى الساعه ب100جنيه )ليه يعنى هيلعبوا مع كريستيانو رونالدو !!!!!
وبعدين ليه بقى الصورة 3 مالناش دعوة بيه ؟؟؟؟ انا فضولى جدا بقى
وبما انى مش هروح الحتت دى فى حياتى يبقى انا عاوز اعرف كل حاجه وبلاش الكروته دى
ههههههههههههه
بس اللى انا مستغربله جدا انه مافيش حد اتخانق معاكى
يعنى انتِ قاعده تصورى كل حاجه امل اكلتى امتى واتكلمتى معاهم امتى وبعدين هو ماماكنش فيه اى كومنت على موضوع التصوير ده ؟؟؟
مش معقوله
المهم حمدالله على السلامه وبالهنا والشفا
وربنا ييسر ونبقى نعزم حضرتك هناك ان شاء الله انا والمدام لما نبقى نازلين كايرو نتفسح(كده انا ضامن ان العزومه دى مش هتحصل)ههههههههههه
تحياتى يادكتورة
ودمتِ بكل خير وود
والسلام عليكم ورحمة الله وبركاته

وفاء بركات يقول...

السلام عليكم
هو حضرتك لسه مهضمتيش السمك ولا آيه
فينك ..
نحن في إنتظار الجديد

شريكة في المطعم يقول...

السلام عليكم ورحمة الله وبركاته

الصور حلوة
وبالهنا والشفا يا دكتورة
بس صحيح ليه كله أسماك

Unknown يقول...

Angle
السلام عليكم ورحمة
الله تعالى وبركاته
وكل لحظة وانتِ
بالف خير وصحة
ياحبيبتى.ولا عليكِ
المهم انكِ جئتِ وهذا
هو المهم والهام جداً
نورتينـــــــــــا

صدفة جميلة يقول...

فكرتينى بذكريات جميله بس صدقينى وانا قاعد فى هذا المكان بكون مشتاق لامى وبكون حزين لانى اتمنى ان تكون بصحبتى ولكن من الصعب ان تكون معى بحكم السن ولكنى عند عودتى بعمل بارتى احسن والذ ومش هاتصدقينى بحس بجد بطعم الاكل سلام وبالهنا والشفا

ahmed_k يقول...

كل سهره وأنتي طيبه يا دكتوره
بس جوعتينا بالصور دي
يلا مش مشكله أهم حاجه أنك أتبسطتي
وليه قافله التعليقات في البوست الأخير
خير إن شاء الله
انتي مهاجره ولا حاجه ؟؟؟؟

Unknown يقول...

هههههه
دلوقتي بنت اختك اللي شرفت مصر :D:D:D:D


يالا يا ستي بس الاكل ده طعم ولا مناظر ؟

ههههه

جنّي يقول...

السلام عليكم

ليه قافلة التعليقات يا دكتورة ؟..

ام هناك مشكلة من عندي ؟ اظن لا بدليل فتح صفحة التعليقات الخاصة بهذه التدوينة ..

لعل المانع خير

rovy يقول...

السلام عليكم وحشانى يا دكتوره
ماليش حظ الحق التعليقات المفتوحة ..
معلش انا اللى غلطانه واضح انى غبت عنك كثير .. معلش سامحينى و الله كنت منقطعه حوالى اسبوع عن النت و لما رجعت انشغلت .. حقك عليا ..
يارب كل اوقاتك سعاده و هنا

ارق تحياتى