الأحد، أغسطس 30، 2009

أناَ لستُ بباحثةٍ ولا بواعظةٍ


معلش هم كلمتين واقفين فى زورى من زمان


ونفسى أقولهم وأخلص ضميرى امام
ربنــــــــــــــــــــا


والنــــــــــــاس


فقط اردت النصح فى الله


الله:تكتب الله


الله تكتب الله


وليس اللة (حاشا لله )


ماشاءالله تكتب ما شاءالله


وليس:مشاء الله


ولا مشاء اللة(حاشا لله)


إن شاء الله


تكتب إن شاء الله


وليس أنشاء الله (حاشا لله)


ولا انشاء اللة(حاشا لله)


عارفة اللى ممكن يتقال


حبكتيها ,هى جت على دى ,مش اوى كده, مش عارف ايه!!!


لأ معلش هى جت على كده وكده اوى كمان


وهو فيه اهم من كده:أشرف لفظ فى الوجود


لفظ الجلالة


ومحدش يقولى معلـــــــــــــــــش


غلطة كيبورد بقى !!


ازاى ؟ تيجى الغلطة دى؟


التاء المربوطة فى الصف الأول فى الكيبورد


فى حين الهاء فى الصف الاخير

وكمان تكرار الخطأ معناه

عدم العلم بأنه خطأ

لأما تعمد الخطأ


ما ينفعش ابقى بعتب على الساسة والسياسة وبقول واعيد وعامل فيها العالم العلامة والفاهم الفهامة


واكتب غلط


وأيه:


الله :


أشرف لفظ فى الوجود


بالله عليكم انا كتبت


وأوصى كل من يقرأ


أن يبلغ من لم يقرأ


مش عيب نصلح لبعض


ومش عيب نقول الصح لبعض


أمال هى الصداقة فائدتها أيه؟


مرة تانية وأخيرة


لا أقصد أحد بعينه


ولكن اقصد النصح فى الله

وارجو الا يغضب أحد

ما قصدت الا النصيحة

والفائدة.
**مواضيع ذات صلة:
بأمعان ففيهمامن الفائدة الكثير.

هناك 90 تعليقًا:

عمرو يقول...

بارك الله فيكى يا دكتوره و جعله فى ميزان حسناتك ..
بعد اٍذنك عاوز أضيف لو تسمحى أنى لاحظت اٍن الكثيرين بيكتبوا (ص) أو (صلعم) عوضا عن صلى الله عليه و سلم !!
الحقيقه مش عارف مدى حرمانية مثل هذا الفعل و لكن لا الذوق و لا الحس الدينى يجعلانى أشعر بالاٍرتياح تجاه هذا الاٍختصار العجيب ..
تقبلى تحياتى و تقديرى ..

عمرو يقول...

و كمان فيه حاجه بتضايقنى برضو و هى عباره دارجه على لسان أغلب المصريين و بتقال كثيرا فى وسائل الاٍعلم و هى : لا حول الله !!
الصح أن تقال : لا حول و لا قوة اٍلا بالله .. لأن الفرق بين المعنيين كبير جدا ..
و كمان فيه خطأ شائع خاصة بين الطلاب و هو كتابة : باسم الله الرحمان الرحيم !!
و صحتها : بسم الرحمن الرحيم ..
و أيضا : اللهو أكبر أو الله و أكبر !!
و صحتها طبعا : الله أكبر ..
أيضا بعض السائقين بيكتبوا على سيارات النقل اللى بتتنقل فى كل مكان و بيشوفها عدد كبير من الناس و بتلصق فى أذهانهم هذه الآيه الكريمه اللى بيكتبوها غالبا كده : فالله خير حافظ و هو أرحم الراحمين
و صحتها : (( فَاللَّهُ خَيْرٌ حافِظاً وَ هُوَ أَرْحَمُ الرَّاحِمينَ )) سوره يوسف : آيه 64
المعنى اٍعرابيا هنا بيتغير بسبب الألف اللى فى كلمة حافظا ..
أحييكى يا دكتوره على هذا البوست شديد الأهميه ..

jonoon 3aqel يقول...

و مالوه يا دكتوره..النصيحة مش عيب..خاصة لما تكون بذوق و بأدب و في حاجة مهمة زي لفظ الجلالة- الله جل في علاه..

جزاك الله خيرا..
و الله يعفو عن سهونا و خطأنا و يعنا على اصلاح انفسنا

ها..اي فطوركم اليوم؟هههه بهزر معاكي

دمتي بخير
تحياتي

خالد فوده يقول...

الفرق بين أن شاء الله وانشاء الله والحرمانيه فيها
ان الثانيه من الانشاء وهو الخلق والايجاد
ومنه قوله تعالي (إنا أنشأنهن إنشاء)
اي خلقناهن واوجدناهن ايجادا
فلو قلنا انشاء الله فهذا معناه اننا خلقنا وأوجدنا الله (والعياذ بالله )

اما الاولي وهي ان شاء الله
فمعناها اننا نقول بأراده الله نفعل كذا
واننا قدمنا اراده الله علي افعالنا
والله أعلم

خالد فوده يقول...

وجزاكم الله خيرا علي تبيين الخطأ للناس
بس بجد بنلاقيها كتير فوجب تحذير الناس
جزاكم الله كل خير

لاجئ الى متى يقول...

احسنت

وبصراحة كثير عجبتني فكرة انه التاء المربوطة ( ـة ) في الصف الاول والهاء ( ـه ) في الصف الاخير ..

الا اذا الكيبورد اللي عند فلان او فلانه جاي من المريخ

ابدعت يا دكتور نورا

karim يقول...

احسنتى الفعل و القول ولازم كلنا لما نشوغ غلط مش نسكت علية وخصوصا فى المقدسات اللى مش ينفع يتلعب يها, تحياتى

وحي القلم يقول...

السلام عليكم
بجد شيء هام جدا
لا اعلم لماذا لا نهتم بهذه الأشياء

د. ياسر عمر عبد الفتاح يقول...

ليه كل الإعتذارات دي
كل الحاجات دي مهمة جداً جداً
وكمان فيه منها حاجاة عيب أوي

وكمان إضافات الأستاذ عمرو كلها مهمة

ربنا يكرمك
جزاكِ الله خيراً

أحــوال الهـوي يقول...

كانت اختنا ماما اموله تولت بعض الوقت مسألة الهمزه و كتابتها و كانت دروسها مفيده و الان حضرتك لاحظتي مدي اخطاء البعض بابسط و اقدس الكلمات و للاسف يخطئ البعض بها

و لو اتبعنا الامثلة لوجدنا مئات الاخطاء الساذجه التي تنم عن مدي تردي مستوي التعليم

دكتورة
عندك حق

تحياتي

TIMMY !! يقول...

لا يا دكتورة نور مش بتحبكيها و لا حاجة ,

لأن الغلطات دي خلطات فادحة بتغير المعنى ,

فإن : "اللة" , تنطق : "اللات"

و إنشاء الله : تعني ما بناه الله و أنشأه ’ و المعنى متغير جدا

جزاكِ الله خيرا على التوضيح و التذكرة ,

نفعنا الله و إياكم

MaNoO يقول...

جزاكى الله خيرا يادكتورة وحضرتك شفتى حاجة غلطودا مش اى غلط وبتحاولى تغيريه ودا واجبنا كلنايارب بس الناس تعرف وتفهم واللى عارف يقول لكل اصحابه ربنا يجزيكى خير يارب وكل سنة وانتى طيبة

مسدس صغير يقول...

جزاكم الله خيرا
اسأل الله أن يجعل ذلك فى ميزان حسناتك
كل عام أنتم بخير

شهد الملكات يقول...

أنا دايما بلاحظ الكلام ده و بتغاظ منه جدا
و بتغاظ أكتر من الناس بتوع ما تحبكيهاش دول
لأنى بحس فيهم فعلا رفضهم لنصح و اصرارهم على الغلط مع انه مش هيكلفه حاجه لو فكر و اقتنع و داس على زرار زياده و هو بيكتب

جزاكى الله كل خير على الموضوع ده
أتركك فى رعاية الله
السلام عليكم

غير معرف يقول...

بل لك الف حق

كل شئ فى الدنيا يجب ان يأخذ حقه من الاهتمام والاتقان .. مهما بدا ضغيرا .. أو قليل القدر

osama44 اسامه 44 يقول...

اشكرك بجد انتى كده تمام هو ده الصح دمتى ناصحه لنا
مودتى

غير معرف يقول...

السلام عليكم
جميل جدا يا دكتورة
احنا محتاجين الدقة في حياتنا بشكل عام
واللي مش يقبل النقد الصحيح يبقئ
fucken man

غير معرف يقول...

اقولك
my god
تمشي برده

غير معرف يقول...

علي فكرة
في الفرنسية
تتقال ALLAH برده
بس لها مرافات تانية
dieu
maitre
بس خلي بالك من الداش
مياتغ رب برده

يا مراكبي يقول...

طبعا الإستسهال بقى ظاهرة منتشرة دون توخي الدقة .. فهي ظاهرة عامة .. لكنها فعلا لا يليق أن تشمل لفظ الجلالة أيضا

ملاحظة جيدة

غير معرف يقول...

علي فكرة
انا شفت التاء في اول صف علي الكيب
والهاء اللي في اخر سطر
الغريب
اللي بينهم
النون
انتي جبتيها ازاي دي
كده
ت + ه = ن + ايه

غير معرف يقول...

good morning d

z!zOoOo يقول...

السلام عليكم

ازيك يا دكتوره نورا يارب تكوني بخير

بجد موضوع جميل رغم بساطته الشديده

إلا إنه فعلا مهم جدا

وفعلا بيغير من مجري ومعني الكلمه وسيرها مع سياق الجمله

والي يهتم بالاخطاء الصغيره يبقي شديد الملاحظه ويقدر بعد كده إنه يصلح الغلط الكبير

علي فكره انا كنت واحد من الناس الي بتكتب اللة ويمكن كمان انشاء الله ( استغفر الله العظيم )

بس ده مش جهل مني اصل ساعتها مكانش ليا قوي في الكمبيوتر ومكنتش اعرف إن فيه تاء مربوطه وهاء وكذلك في الكلمه التانيه كنت بقول ده كمبيوتر اي حاجه تمشي ( لكن بالقلم طبعا كنت بكتبهم صح )

لحد ما زمايلي لفتوا نظري للموضوع بارك الله فيهم

وبارك الله فيكي يا دكتوره نورا

افاد الله بك وبنا الناس جميعا

خير الكلام ما قل ودل

وكل عام وانتي بخير

عين فى الجنة يقول...

كلامك صح ويجب تحرى الدقة

الازهرى يقول...

الموضوع جميل فعلا وبيناقش جزئيه مهمه فى الكتابه

أنا كنت اتكلمت على الموضوع على العموم قبل كده
وان فى فرق كبير بين اننا ننطق الكلمه ونكتبها
وكما فرق بين انواع الكتابه

http://fiteforme.blogspot.com/2009/02/blog-post.html

تحياتى دوما

فاتيما يقول...

و الله يا نورهانتى إنتى صح جدا
بس الحكاية بقت إستسهال
بس ساعات الواحد بيكتب حاجة كدا بشكل عامى
يعنى انا اوقات اكتب كلمة حيالله او إنشالله لأنها فى بالعامية بتتنطق كدا
إنشالله ساعة واحدة كل يوم ...
يبقى دا معناه إنى قاصدة غلط ؟
مش عارفة بس ربنا رب قلوب
و الغلطات الاملائية دى سببها ف الغالب الخيابة و الإستسهال زى ما قال المراكبى
خالص حبى يا حبيبتى
ملحوظة على جنب كدا
كان نفسى تيجى معانا افطار الصائم اللى عملينوا المدونين
بس ملحوقة إن شاء الله
مكتوبة صح أهو
بوسة و حضونااااااااات

غير معرف يقول...

السلام عليكم
كل سنه وحضرتك طيبه
جزاكم الله خيرا على الموضوع ده
انا باتغاظ لما اشوف كلمه ماشاء الله مكتوبه غلط
والاخطاء المشابهه برضه

اصل يعنى لو كلام عادي وفيه خطأ مطبعي كانت تعدي عادي
انما لفظ الجلاله المفروض نتعامل معاه بحرص

اعرف ان فيه الناس بتكتبها غلط عن جهل وغير قصد
ولذلك التنبيه مهم
ربنا يوفقك
وكل سنه وانتى طيبه
وعايزين باه صينيه كنافه
معلش انا باكتب وانا جعان قبل المغرب

قلم رصاص يقول...

السلام عليكم ورحمة الله وبركاته

جزاكم الله خيرا يادكتورة

النصيحة مش عيب ابدا

فالدين النصيحة

في ميزان حسناتكم ان شاء الله

في حفظ الله

أبو العريف يقول...

السلام عليكم

ازي حضرتك يا دكتور

جزاك الله خيرا

الحقيقة الموضوع مهم ومينفعش نتجاهله

مع الحق في كل كلمه

دمت لنا بكل خير

Aиgel يقول...


السلام عليكم ورحمة الله وبركاته

ازيك يا نورة
والله انتي عندك حق في كل اللي قولتيه
وأنا صادفت ناس كتير وشهاداااااات
ونفس الأخطاء بل وأكثر
ونصحت بس متعرفيش بقى هما بيتعمدوا ولا ايه

أتمنى فعلا كل اللي يقرأ موضوعك
يستفيد منه وكويس انك ما أحرجتيش
حد بالاسم ويارب كل واحد ينتبه لخطأه


وربنا يجازيكي كل خير على التنبيه

وكل عام وأنتي بخير
ورمضان كريم


╗╦═════════════╦╔
█▓▒░◄(Angel Love)►░▒▓█
╝╩═════════════╩╚



من غير عنـــوان يقول...

ربنا يجازيك خير
والله ينور عليك

ومن أكثر ما يحزنني إنني لم أتقن العربية في قواعد الصرف والنحو منذ الصغر

إنما مش عيب إن الواحد يتعلم حتى وهو كبير

وكل رمضان وأنتم بصحة وخير وسعادة وهنا

Unknown يقول...

استاذ عمرو بدر
وبارك الله فيك
وعليك ولك أستاذنا
على الاضافة الجميلة دى.
ولك حق الا ترتاح لمثل هذا
الاختصار:التوفير فى الوقت
والمجهود خد حقه خلاص ياخى؟

Unknown يقول...

أستادنا عمرو بدر
ودى برضه أضافة جميلة
من حضرتك وكما عودتنا
على جميل أضافاتك .والله
استاذ عمرو الاخطاء كثيرة
ولو الواحد قعد يعد مش حيخلص
لكن انا كتبت اللى بيضايقنى اوى
وكمان استحالة ما يكون الواحد من دول ما شاف الصح ازاى؟ربنا يرحمنا.

Unknown يقول...

jonoon 3aqel
تر خيرك ياراشد
اكثر الله من أمثالك
وجعلنا وأياك ممن يسمعون
القول فيتبعون أحسنه.أمين
(عندنا ملوخية وارز بالمكسرات
وفراخ مشوية على الفحم وسلطة
وحاجات كتيـــــر:اجيبلك :)

Unknown يقول...

Khaled Fouda
بالضبط كده!الفرق
كبير وخطير مش مجرد خطأ
كتابى وبس ولو أن حتى الاخير
فحطأ لا يغتفر:(نورتنا أ.خالد.

Unknown يقول...

Khalid Fouda
وجزاكم الله خيراً
انت ايضاً على
المرور والتعليق.

Unknown يقول...

لاجىء الى متى
الحمد لله رب العالمين
ان هدنا لهذا وما كنا
لنهتدى لولا أن هدانا
الله.بس تفتكر هم فى
المريخ عندهم كوميوتر:)
نورتنا وأبهجتنا بالحضور.

Unknown يقول...

Karim
شكراً ياكريم وربنا
يهدى الناس لسماع
الكلام ومايستكبروا
فيها وعلى عمل الصح.

Unknown يقول...

مصعــب صـلاح
وعليكم السـلام
الاستسهال يامصعب
آفة حالنا الأن وللأسف.

Unknown يقول...

د.ياسر عمر عبد الفتاح
ما هو انا مش عايزة
حد يزعل منى ويفتكر
الكلام عليه(ويتقمص)
منى :عرفت بقى ليه؟
ويكرمك ربنا أنت
كمـــــــــــان

Unknown يقول...

أحوال الهوى
(والهوى أحوال)
جزاها الله خيراً
انا ما بطلبش كتير
انا بطلب الثلاث او
الاربع كلمات دول منهم
لفظ الجلالة :يمكن لو ابتدأنا
بهم ينصلح باقى الحال :مين يعرف؟
شرفتنا ونورتنا يادكتور.

Unknown يقول...

Timmy
جزاك الله خيراً
ومتشكرة ياباشمهندس
وربنا يهدينا ويهديهم
لاتباع الصح والصبر عليه.

Unknown يقول...

MaNoO
وجزاك الله خيراً
يامانووووو
وفعلاً لو كل
واحد قال
لأصحابه
ومعارفه
الكل حيعرف الصح ايه.

Unknown يقول...

مسدس صغير
وجزاك الله احسن
الجزاء .كل سنة
وأنت بألف خير.

Unknown يقول...

شهــد الملكات
عليكم السلام
بتوع (ماتحبكهاش)
غلطانين لاننا لو حبكناها
فى شغلنا وفى حياتنا وحالنا
حنتقدم كتير للامام.

Unknown يقول...

Sherif
الاهتمام بالتفاصيل
معناه الأجادة استاذ
شريف وهو غاية المراد

Unknown يقول...

Osama44
الشكر لله سبحانه
وتعالى أنا هدنا
لهذا.أدعى ياأسامة
الناس تسمع النصيحة.

Unknown يقول...

غير معــرف
وعليكم السلام
ربنا يهدى الجميع .

Unknown يقول...

غيـــر معرف
وليه؟هو انا
بكتب لأجانب ؟

Unknown يقول...

غيــر معرف
افـــادك الله.

Unknown يقول...

يــــامراكبى
يرحمنا ربنا من
الاستسهال والفهلوة
اللى بقت متفشية فى
كل شىء :حتى فى لفظ
الجـــــــــلالة!
يرحمنا ربنا.

Unknown يقول...

غيـــر معـــرف
عادى بصيت على الكيبورد وشفتها ..... بسيطة!!
قــــول انت !

Unknown يقول...

غير معـــرف
مساء النور يافندم

Unknown يقول...

Z!zOoOo
وعليكم السلام
كيف حالك يازيزو؟
كتر الف خير زملائك دول
اللى قالوا لك الصح فين
أنا كمان اول ما تعلمت
الكومبو كنت اكتب غلطات
كتيرة يعنى بدال التنوين
كنت اكتب ~ بس الحمد لله
ربنا ارسل لى من عرفنى الصح .

Unknown يقول...

أستاذ راجـــى
شكـــرأً يافندم وياريت
على رأيك تحــرى الدقة
فى كل الاعمـال والأقوال

Unknown يقول...

الازهرى
كتر خيرك ياأزهرى
وأضفت الرابط لموضوعك
الى التدوينة كـــمان
أول مرة ياأزهرى أعرف
انك صاحب مدونة
الفارس الأخير

Unknown يقول...

فاتيما
أهــلاً وسهلاً
اتـارى المدونة
زاد نورها 300لمضة
حبيبتى الشكل العامى للكتابة
شىء وكتابة لفظ الجلالة و(أنشاء)
و(مشاء) شىء تانى خالص:ما يرضى
ربنا سبحانه وتعالى.....صح:)؟
وانا كان نفسى برضة لكن
ماباليد حيلة :قدر الله
وما شاء فعل .
دعواتى لك
يافاطمطم انت وكل
أم يطمن قلبها ربنا
على احبابها وما يحرم ام من
ضناها ابداً ولا طفل من حضن امه.
ملحوظة صغيوررررررررررررررررررة
ياترى هو فيه رقم موبايل ممكن
الاتصال به عند أجتماعكم
هناك بجد نفسى اسمع
صوتك وأكلمك شخصياً:)

Unknown يقول...

م/محمود فوزى
وعليكم السلام ورحمة
الله تعالى وبركاته
ربنا يكرمك يارب
ويهدينا ويهديك
للحق وللصح.
نورتنا ياباشمهندس.

Unknown يقول...

قـــلم رصــاص
وعليكم السلام ورحمة
الله تعالى وبركاته
كتر خيرك يافندم
الدين النصيحة
ربنا يهدينا ويهديهم
لسماعها يارب ويوصل
صوتنا للناس كلها.

assafo anaroze يقول...

كلامك صح مئة المئة
يسعد الله مساك
في انتظار تشريفك
مودتي

Unknown يقول...

ابـــو العريف
وعليكــم السلام
ياباشمهندس كيفك
وكيف حال الاجــازة
التدوينية معــــاك:)
ربنا يهدى الجميع للخير
يارب يارب يارب يارب

Unknown يقول...

Angel
وعليكم السلام ورحمة
الله تعالى وبركاته
ربنا يهدى الجميع
ودى بقى فعلا فايدة
التدوين حاجات صغيرة
زى دى لكن (ما يصحش)
نعملها وكل واحد عرف يبلغ
اللى ماعرفش :صح!:) كل سنة
وانتِ بالف خــــــــــــــير

Unknown يقول...

من غيـــر عنوان
الله يكرمك ويجازيك
خيراً على كلامك الطيب
هذا.الذنب مش ذنبك
ياباشمهندس :طريقة
التعليم للنحو والصرف
للأسف (بتصرف)الصغار عن
حبها وأتقانها.والحمد لله
ادينا بنتعلم.شرفتنا
ونورتنا وكل لحظة وانت
والأسرة بألف خير يارب

Unknown يقول...

assafo anaroze
اسعد الله ايامك اسافو
وحالاً اكون عندك بالمدونة.

حاول تفتكرنى يقول...

حقا

هام جدا

نحييك

غير معرف يقول...

اكيد فيه يا دكتورة ارقام
بس تتكتب ازاي
دي ممكن تدخل في حظر النشر
ازاي يا تايمر

زهراء يقول...

الله عليكى انا فرحانه بيكى اوى اوى
ربنا يحفظك بجد
اكتر حاجه تجننى جملة ان شاء الله لما تتكتب غلط يا جماعه احنا ممكن نغلط فى اى كلمات لكن لازم ناخد بالنا اوى واحنا نكتب الله او اى جمل فيها لفظ الجلاله

على فكره ناس كتير اوى نسيت اللغه العربيه او تستعر منها اه مش تستغربى دلوقتى علشان تقعدى فى مكان هاى كلاس لازم فى كل جمله ادخلى كلمه فرنسى وكلمتين ايطالى اما الانجليزى فحدثى ولا حرج

مبسوط جدا جدا جدا بيكى

شمس النهار يقول...

شكرا علي البوست
وليه هيقولوا محبكاها
هو في حد يحب يلعب بالحاجات دي
في النهايه الدين النصيحه

الشعب لابد له من حكومه تشكمه يقول...

ومين قال ان الحجات دى بسيطه,,؟؟؟؟؟
والدين النصيحه..جزاك الله خيرا

غير معرف يقول...

صباح الخير يا دكتورة

د/ أحمد لاشين يقول...

حاجات مهمة فعلا
اعتقد لو حد بيكتب جواب لمديره في الشغل او لشخص مهم مستحيل هيكتب اسمه غلط

Unknown يقول...

حـاول تفتكرنى
اشكرك يافندم

Unknown يقول...

غير معـــرف
فيه طرق كتير جداً
الحبر السرى مثلاً كده
(... ... .. ....)
شفــــت ازاى!:)

Unknown يقول...

فاطمة الزهراء
الله عليكِ انت
فـينك مختفــية؟
لعله خير بأذن الله
واقولك ايه:ربنا يهدى
الجميع واحنا معــــاهم
وتفضلى (مبسوطة)منى على طول.

Unknown يقول...

البرنسيـسة
شمــــوسة
اهلاً بكِ عندنا
ربنا يخليكِ لىّ يارب
وما اتحرم من زياراتك.

Unknown يقول...

الشعب لابد له من حكومة تشكمه
ماهو انا برضه بقول كده لكن
تعملى ايه فى العند والاستكبار
عن الحق والاعتراف بالحق.

Unknown يقول...

غـــــير معــــرف
مساء النور يافندم

Unknown يقول...

د/أحمد لاشين
بالضبط كده يبقى اسم
ربنا سبحانه وتعالى
نغلط فيه ونقاوح
كمان:(!!!

غير معرف يقول...

صباح الخير يا دكتور

غير معرف يقول...

تمام يا دكتورة
ramadan mobarak

د/ أحمد لاشين يقول...

لأ منغلطش فيه
ولا نقاوح كمان

ربنا يكرمك يا افندم
ويبقي التواصل

مهرة سالم يقول...

السلام عليكم....
جزيتي خيرا يا دكتوره ....
...
في أمان الله

Unknown يقول...

غيـــر معرف
صباح النور ياأفندم

Unknown يقول...

غـــير معرف
شــــــــكراً

Unknown يقول...

دأحمد لاشــين
مش كده برضه؟
باذن الله يبقى التواصل.

Unknown يقول...

نـــهـــار
وعليكم السلام
وجزاكِ كل خــير
يــــــــارب

غير معرف يقول...

صباح الخير يا دكتورة نور
we miss you
طلبك موجود
بوست الحمد لله عدي اول يوم علي خير
التعليق
هتعرفيه

غير معرف يقول...

راجع يا نور
اقولك علي اليوم كمان
مش رديتي علي التعليق

Unknown يقول...

غير معرف
Thank you
Iam here!

Unknown يقول...

غير معــرف
شكراً شُفته:)
تعبــــناك:)