الحمد لله رب العــــــــــــــــــالمين
مر أول يوم من رمضان على خير
من ناحية الصــــــــيام والصلاة
وقراءة الجزء اليومى من القرآن
وربنا سبحانه وتعالى يتقبل منا جميعاً
وكمان وبصراحة مرت اول عزومة
من رمضان على خير :كانت فى بيت
اختى اللى ساكنة تحت منى على طول
اشكرك يارب :محدش دلق الشوربة
على نفسه !أو على اللى جنبه!
ومحدش وقع عصيييييير على السجادة
والسلطة الخضرا كفت الجميع وفاضت :تصدقوا !!!
ومحدش اتخانق مع جوزه يااسماعيل بيه
ومفيش حد ضرب ابنه أو بنته (بأدبهم ياطنط!)
الاكل كفى وفاض كمان واللى عجبه حاجة
وكانت فايض منها اخدها معاه وهو ماشى
وكمان وهى من احلى الحاجات بقى
واحدةمن بنات اخواتى كانت غضبانة
من زوجها لقيناه بيخبط لوحده!
وجاى يفطرمعنا ومعاها
الله الله الله
!ما تتصوروا الفرحة ساعتها كانت شكلها ايه
وأيه كمان واللى فعلا كانت
المفاجأة
طا طا طا طا
(موسيقى تصويرية)
جايب والدته معاه
(سبب المشكلة!)
قولوا الخلاصة المشكلة اتحلت
والبنت رجعت لبيتها ومعاها اولادها
وادى اول بركة
لرمضضضضضان الكريم
وربنا سبحانه وتعالى
ما يحرمنا من بركاته وفيوضاته
اللهم آميــــــــــــــن
ورمضان كريم
حادى بادى كرومب زبادى
كلمة فى ودن حبيباتى وأحبابى
