السبت، مارس 29، 2008

صباحكو مانجو.......الله

صباح الخيرات للكل وبالكل
نهارنا نادى وهادى ان شاء الله
واشمعنى المانجو ياعنى؟
اولا :باحبها موت اوى خالص
ولا اعتقد ان حد يكرهها!!
الا مفروضا عليه هذا
(عنده حساسيه مثلا)
وثانيا:لانهاعلى وشك الظهور
بالاسواق "كل سنه وانتم طيبين"
فاكون انا اول واحدة جابتها لكم
وثالثا وده المهم فيه صديق عزيز
اهدى لىّ سبت من مدة
وقاللى تصبحى على قفص مانجو
وانا بحب ارد الهدايا
واهو جه وقت رد الهديه
فصباح الخير والنور
والممممممممممممممممانجو
لكل الناس
وارجع اكررها
الصاحين والنايمين
الفرحانين والزعلانين
الناسين والفاكرين
واللى ربنا ما يحرمنا
منهم ابدا
صباحكووووا
مانجوووووووو

هناك 10 تعليقات:

مدحت محمد يقول...

ايه الجو اللى يجوع ده
عايز اقلك الحاجة
المانجة بتعلى الاملاح
خلى بالك بقى

صاحب قفص المانجو يقول...

متشكر كتير على القفوص ده.. والهديه وصلت .. بس القفص بتاعى كان م الغالى
ده فشنك وكمان كوكتيل بفواكه درجه تانيه..انا عايز القفص بتاعى
هئ هئ هئ هئ
ربنا يخليكى للغلابه يا دكتره

norahaty يقول...

السلام عليكم ورحمة الله وبركاته
أ.مدحت محمد **
شرفتنا بالزيارة الاولى(ولن تكون الاخيرة كما أأمل...
ايوه والله عارفه انها بتعلى الاملاح والضغط كمان علشان ثمنهاوكده ....ها ها ها
بس:
هو انت حتاكل اد ايه منها يعنى ؟علشان تلحق تعلىّ الاملاح والضغط؟
الا اذا كان عندكم فدادين مانجو...ساعتها يابختكم ياعم ولا حسد وابقى افتكرنا وانت هايس فى الحلاوة!!!
عارف انا عمرى ما بقول للمريض تاكل ايه او لاتاكل ايه(الافى حالات الضرورة القصوى)ولما بيسالنى هو ويصمم على السؤال بقوله كل ّ بالعقل
لان الدنيا بقت غلا وكوا وياخى مفيش حد عنده اللى اكتر من احتياجه
وعلشانك ياسيدى حاكمل الموضوع بتاع المانجو و بالتفصيل.
ارجو قبول تحياتى واحتراماتى ولا تحرمنى شرف تكرار الزيارة
norahaty
NB حبيت اوقع فى مدونتك ولكنى لم اعلم :ايهم هى فهم كثروا
اللهم لا حسد!!!!
ومره تانيه شكرآ

norahaty يقول...

السلام عليكم ورحمة الله وبركاته

صاحب قفص المانجو ***
تؤ تؤ تؤ !!!!!
هى الحكايه كده ...هى مش كانت هديه ولا حاجه؟ دا انت مستنى اهوه الرد !!وكمان لازم نفس الدرجة!!ومش عاجبك ان انا عملالك كوكتيل !!!! هو حد لاقى!!
اوكى ملكش حاجه عندى وشوف حتعمل ايه؟؟
**نصيحة ارضى بالقليل علشان يجيلك الكتير
وتقبل تحياتى
norahaty

Mohamed يقول...

السلام عليكم يا دوكتورة نورا
معلش علي الكلمة اللي زعلتك شوية بس والله كانت عن حسن نية اصل بحب اقولها لماما ساعات
بالنسبة للمانجو ياعيني عالمانجو
بينا حكايات وحكايات ,,بينا قصص وروايات
(واد يا محمد !!! التي شيرت عليه مانجو انت وسخت ده كمان ؟؟ تعالالي هنا )
(اخر مرة ياماما ) (اي اي اي اي )
ولازلت مناضلا مكافحا في اكل المنجو اللذيذ
مساء الفل لحضرتك ولكل اهل البلوجات
نزل ياواد كيلو مانجو لكل اهل البلوجات الجميلة وهات هنا شوالين مانجو اسماعيلاوي طازة طازة

norahaty يقول...

السلام عليكم ورحمة الله وبركاته

**د.mohamed....***
على كده يامخمد نتعشم ان احنا حناكل مانجو للركب الموسم ده...شويه من عندك وشويه من اهل الخير وهم كثيييير
واذا كان على البقع والتنقيط وخلافه مش انت وحدك يا محمد ...كلنا والله وعلشان كده الواحد بتعامل معها باحتراس شديد فى الاماكن العامه(المطعم او الكازينو)لانها فعلا فضاحه والله يادكتور محمد
واذا كان على الزعل ماتخفش
انا قلبى اسود ومابنساش حاجة!!!!!ها ها ها ..خضيتك صح!!
وبعدين انا فى دى اليوم اللى تندهلى فيه ب اللقب الغالى ده
بس رأىّ :ان ده بتاعة الغاليه بس
ولا يمكن حد حيبقى بنفس غلاوتها
وان عندى لقب تانى حاخليك تقولوه لى
بس مش دلوقت بعدين لما تخلص الامتحانات وتفضى شويه
وينجح مقاصدك انت واللى زيك يارب
وتقبل تحياتى
norahaty

الفارس الملثم يقول...

صباح المانجه يا دكتورة

انا بحب المانجه اوي بس اخاف اكلها عشان الاملاح مش كفاية الشطة اللي بكلها , ما يضرش برده تبعتيلي مانجتين علي المدونة بتاعتي ..

سلام يا فندم

norahaty يقول...

السلام عليكم ورحمة الله وبركاته
الفارس الملثم**
شويه مانجو
على شويه مخلل
على شويه شطة
على فلفل حامى نارررررررررر
على شويةفلفل اسود بخيره *مش مغشوش*
وتبقى ""...انفج..بوم....ار""
زى ما قلت كل ّ بالعقل
حبه حبه
واشرب ميه كتتيييييييييير صيفا وشتاءاااااااااااااااااااا
تشيل كتير من الاثر الضار للاملاح
وسلامتك وسلامة المانجو والشطة.
وتتقبل تحياتى
norahaty

أنا من كنت محتاجاً يقول...

جود إستمورنينج بطعم المانجو الهندي
فاضلي ساعات على الإمتحان ...
صباحك سكر " على رأي كاظم الساهر "

ولما نشوف المانجو هتبقى بكام الأيام المفترجة دي

سلام

norahaty يقول...

السلام عليكم ورحمة الله وبركاته
يامن كنت محتاجآ**(اموت واعرف كنت محتاج ايه وايه اللى غناك بين يوم وليلة كده...ياكونش قريبك الغنى اللللللللى من بعييييييييييييييد وعايش فى البرازيل كتب لك حاجه فى الوصية بتاعته؟؟ابقى افتكرنا هه ما تعمل ناسى؟)
وصباحك شررررررررررررررررررببببببات
وكفايه كده احسن النمل يتلم
وتمنياتى بالنجاح وابقى قلنا عملت ايه فى الامتحان
بس تقولى ايه بقى ؟؟ما العينة بينه
عندك امتحان وقاعد تكتب تعليقات
وكمان ** جود إستمورنينج ده طاليلنى يا سينيور محتاج؟
ويالله بقى روح الامتحان
ربنا ينجحك انت واللى فى باللى واللى زيكوا كلكوا
norahaty