الجمعة، مارس 14، 2008

نخففها شويه بقى...........بايه؟؟هو فيه غيره.......الشعر..الشعر....الشعر


قصيدة ماما

للشاعر عمرو حسنى

من ديوانه...

فى الوقت الضائع

===============

امبارح بالليل

فجأةصحيت م النوم

بصيت ع المكتب

كان فيه ورقة

مكتوب فيها بخط جميل:

ياعمرو انا ماما

ح تلاقى فى التلاجة اكل كتير كان نفسك فيه

عملاه علشانك بايديا

بالهنا والشفا يا ضنايا

اصلى جيت ولقيت تلاجتك فاضية

صعبت عليا

وماكانشى عندى وقت استناك

لما تقوم م النوم

0000000000

ابقى اتغطى كويس ياحبيبى

وبوس ليلى ومحمود

وابقى اقرا الفاتحة عليّا.

+++++++++++++

القصيدة المذكورة انتقاها الاستاذ/بهاءجاهين:لتدلل على رقه الحرفه الشعرية للمؤلف

والشجن التى تصل فيها لغة اللا شعر الى كل الشعر:لا صورة ولا تشبيه ولاقافية ....فقط موسيقى هامسة تكاد لاتسمع,والحيلة الوحيدة فى اقصيدة هى التى تصنع كل شىء.

هناك تعليقان (2):

Wael يقول...

دى قصيده دى ؟!!

دى " عصيده " على راى محمد هنيدى D:

بس والله بيحصل اسوأ من كده

انا مرة قريت واحد كاتب قصيده بيقول فيها ايه :

احبك فى الصيف والشتاء والخريف
ومن باب اولى فى الربيع D:

ربنا يستر عالشعر من ايدى السفهاء , عشان مش فاضل لنا غير هو .

Unknown يقول...

السلام عليكم ورحمة الله وبركاته
***د.وائل باشا
هاهاها.دايما كده مش عجبك حاجه ها ها يابيه العيب فينا احنا (مش شافين الموسيقى الخفيه وبحر الظلمات ومش عارفه ايه من الكلام المفطحل والمقعر والمحدب بتاع الجماعة دول(اش وصلنا لهم ياسيدى)
منورنا يادكتور ودايما فاكرنا.