سمعت احدى السيدات تقول لزميلتها:
سمعتى ان حسين فهمى اتجوز فلانة
ردت زميلتها :اهههههههههه يابختها !!
كل يوم الصبح تصتبح بالوش الحلوده
ردت الاخرى :ياعينى علينا مش احنا
اللى بنصطبح بوش على الشريف!!!1
ردت زميلتها :طب ده على الشريف كان
الله يرحمه دمه خفيف!!
الدور والباقى اللى عندنا ...دمه تقيل!!!!
=================
انتهت محادثة السيدتين وراىّ ان
مفيش حد عجبه حاله
.jpg)
هناك 16 تعليقًا:
السلام عليكم
ياهووووووووووووو
وجابوا جوون
اوبا .. حلق يا وله
كمان جووووووون
مبروك لمصر ..ومبروك للوطن العربى بالإنجاز المهول ده
بجد ده فخر للعالم كله وجود جونين بالشكل ده
عدد 2 ست ... بيلخبطوا ف الكلام ك العاده
نفر بيلمع أوكر ..لقط الحوار بعدسه تقنيتها عاليه
نفس ذات النفر نقر نقرات نتظمه ع الكيبورد ونقلنا الحوار بأمانه علميه بحته
فى بقه نفر تانى خالص بيقرا وعنده مزيج غريب من المشاعر
مضايق من حسين فهمى وطبعا غيران
نفسه يلطش الوله على الشريف ف قبره
عاوز يخطف قلب النفرتتين دول ..اللى طهقانين من عيشتهم
متسائل ..هو جرا ايه ف البلد
فكك من وصله التهييس ده
خدى الاكلشيه ده
انتى من المدونات اللى بتتكلم عن اى حاجه وكل حاجه
بمعنى تانى .. بتحكمى المدونه
مش هى اللى بتخنقك وتتحكم فيكى زيى كدهمدونتى بتصرخ طالبه طله سيادتكم
فى اهداء خاص علشان جناب السعاده
يرجى الاستلام
...سلامى كتير يا صاحبه القلب الحنين
لسلام عليكم ورحمة الله وبركاته
s@gi l'ombre
علم وينفذ بقرار عاجل
وتقبل تحياتى
norahaty
ماله يعني علي الشريف , عموما لو مش عجبهم الانتاج المصري , يستوردوا قطع غيار من الصين ..
بس مين الستات دول قولنا واحنا مش انقول لحد ؟؟؟؟
السلام عليكم ورحمة الله وبركاته
الفارس الملثم
حياك الله
النهاردة اول يوم فى فصل الربيع ,كل سنة وانت وكل اهل البلوجات بخير0
مين الاتنين دول 00000 مش مهم المهم انها عادة فينا نحن البشر(حلوة الحته دى)الرضا ليس من طبعنا0بل دائما:هل من مزيد!!!اقولك زى المسلسل بتاع محمد صبحى(عالم ماعندهاش دم)مش تحمد ربنا انها عندها الله يرحمه على الشريف لا كمان عايزة حسين فهمى تقوليش هى كلوديا شيفر!!!!
وتقبل تحياتى
norahaty
الرضا والقناعة ,,,, مفتاح سعادتنا الابدية اللي مش ليها اي حدود ,,, بس للاسف احنا (اغبياء) (اسف يعني ) بس احنا فعلا مش بيملي عينا غير التراب
السلام عليكم ورحمةالله وبركاته
د.محمد
صح والله العظيم ويارب تجاوب كده الاجابات المتينة دى فى الامتحانات علشان تجيب التقديرات العاليات .امين
وتقبل تحياتى وتمنياتى بالنجاح
norahath
السلام عليكم
اول زيارة ومش هتكون الاخيرة ان شاء الله .
انا سمهت من s@gi l'ombre انكِ بتحبى الخيار والخس فلازم يكون في خيارة ولا خساية لكل زائر مالناش دعووووووووة :D
بخصوص البوست بقى
السعادة في الرضا وماحدش راضى عن حاله
نفضل نلهث ورا الاحلام ولما تبقى في ايدينا نزهدها ونرميها في الارض
انا شخصيا لا عاجبني حسين فهمى ولا على الشريف
حسين فهمى ده كل بنات البلد هتجرى وراه وهيحرقلى دمى
وعلى الشريف شكله مش عاطفى معايا هههه
براد بيت شغال
توم كروز معقول
هههههههههه
حقنا بقى الله
اشمعنا الرجالة مهوسيين بالجمال الاوروبى وذوات البشرة البيضا والعيون الخضرا
احنا كمان بنطلع لهم لسانا ونقولهم انتوا كمان مش عاجبينا :p
اما انا شخصيا فلا عاجبني الاوروبي ولا العربي لان الصنف الموجود في السوق اشباه رجال
الرجال الله يرحمهم .
تحيـــاتى
السلام عليكم ورحمة الله وبركاته
*******ياكربنتس ...ياكربنتسس سسسسسسسس
يا***كائن مائى ***""اشباة رجال""
ده انت كده حتخليهم يفتحوا النار علينا
بقى كل اللى فاتوا مش عاجبينك ,عايزه توم كروز او براد بيت.
حاقولك اللى قاله عمى الله يرحمةه لما ابنه كان عايز يتجوز زميلته طبيبة انجليزيه وهو فى البعثة
""وحياة راس جدك الكبير دى فلاحة مصريه برقبة ستين واحدة من الصفر دول!!! يكفى انها بتقول لا اله الا الله محمد رسول الله وتعرف الحرام من الحلال"".
سعدت بحضورك للغاية واذا كان على الخس والجزر ...قصدى الخيار انا مستنيه بعد صلاة الجمعة وحجيب كل حاجة,و ابقى تعال اتفضلى خدى اللى انت عايزاه
وتشرفتينا دايما
norahaty
هوا مين بس علي الشريف دا ... أنا مش لاقيه خالص
بس سيبك إنتي ... مفيش أحسن من رشدي أباظة
ههههههههههههههههههههههههههه
والله عالم فاضية
وستات مش لاقية حاجة تعملها ،قوم يعملوا ايه طبعا ميسيبوش الخلق في حالهم
اصلا محدش بقي طايق نفسه اليومين دول مش عيشته بس
وكله عايز يولع في كله
يللا ماتخديش في بالك من الكلام اللي فوق ده
بس هو مين علي الشريف ده؟
شكله كده حد مشهور بس انا اللي مش بتابع
:)
اجمل حاجة ان بناتنا مش عاجبهم صبيانا وصبيانا مش طايقين بناتنا ,,, والله مفيش غير اني اقول زي ماعادل امام كان بيقول في مدرسة المشاغبين :طب أجوز إزاي بقي ؟
وسلملي علي جوزك يا اسماعيل بيه
ههههههههههه
انتي عارفة بقي تلاقي ازواجهم في البيت يقولك ايه , ايه حظنا المنيل ده مش كان الواحد اتجوز واحدة زي هيفا ولا اليسا , وحتي مش مشكلة روبي اهو برده نشجع الصتاعة الوطنية بدال ماري منيب اللي احنا مجوزينها دي
صباح الخير بالليل انا قلت اسلم
السلام عليكم ورحمة الله وبركاته
**انا محتاج**
مش عارف على الشريف؟انا مش فاكرة له الا دوره فى فيلم الارض(بتاع يوسف شاهين..الارض دى ...عطشانة نرويها بدمنا...افتكرت الفيلم؟)على الشريف كان صديق عزت العلايلى(بص بقى مش حينفع لازم اقولك هو اللى عنده squinte
)اوكى.
بس وبعدين كل واحد حر يعجبه اللى هو عايزه.رشدى اباظة رشدى المهدى(ماتقليش مش عارف ده كمان!!!حتبقى مشكلة)
سلامى وتحياتى وسامحنى على التاخير فى الرد(النت كان فاصل امبارح وما جاش الا الساعه )11(
تقبل تحياتى
norahaty
السلام عليكم ورحمة الله وبركاته
**سفروته**
ليه كمية الغضب اللى عندك دى؟الناس ماهى حلوة وزى الفل ايه!!!شكلك كده حتحتاجى جلستين تفاؤل من بتوع(بمبى..بمبى ((الحياه بقى لونها بمبى وانا جنبك وانت جنبى...تلا تلا تلا تللم)
واذا كان على على الشريف بصى على الاجابة اللى فوقك دى على طول واهى فرصة تتعرفى على الجيران
تقبلى تحياتى ونشكر على الشريف اللى خلاك تنورينا
ودايما منورنا
norahaty
**Mohamed**
السلام عليكم ورحمة الله وبركاته
ده كلام من ورا القلب د.محمد,امال الcouples اللى مالين الدنيا دول ايه؟؟وبعدين مش تذاكر كويس:ده حسن مصطفى اللى بيقول سلم لى على ....فى مسرحية العيال كبرت
وسلام كبيييييييييييير
norahaty
السلام عليكم ورحمة الله وبركاته
**الفارس الملثم**
صباح الانوار ياسعادة الفارس الهمام
انا كده اطمئننت ان النهار طلع (علشان الجماعة بتوع الليل واخره )شرفونا
وزى ما قلت قبل كده ماتاخد على الكلام ده(من ورا القلب)
فيه مثل عامى كده بيقول (وما تاخذنى)
"عينى فيه واقول اخخخخيييه"
ودايمآ منورنى
norahaty
إرسال تعليق