الأربعاء، أبريل 30، 2008

الهدايا ومعانيها




لكل هدية رمز ومدلول فقبل ان تقدم على شراء هدية عليك معرفة معانيها اولا :

*بطاقة وقصيدة شعر:انا عاشق رومانسى(لكن ما حلتيش اللاضا اصرفه عليك)

*زجاجة عطر:احب المشاعر الطيبة وهذا العطر يترجم احاسيسى(يالله ان شالله ماحد حوش الازازة

بتتركب ب10 جنيه ولو تعرف تفاصل تخدها ب8 جنيه

قرص مدمج لموسيقى منوعة:استمع جيدآ فلدى ما اقوله لك ولكنى متردد(الصراحة خايف تخبطينى بحاجة

لما تعرفى الحقيقة ان ال سى دى ده كان هدية مجانية على المجلة بتاعة عصر الكومبيوتر)

*كتاب رائج جدآ احب ان تقرأهذا الكتاب وتستفيد به فى حياتك وعملك(ايوة مجله سوبرميكى علشان تخفف

دمك شوية

عقد للرقبة:معناه انت فتاة جذابة ارغب فى الاحتفاظ بك(لن اعلق لان المعنى الذى قفز الى ذهنى (عقد- احتفاظ!!) غير لطيف بالمرة.

ربطة عنق:يعجبنى الرجل الانيق لذا اهتم بمظهرك(روح اغسل وشك وتعالى عالله يتمر ف...ولا بلاش

هاتف محمول (دخلنا فى الجد)انا مهتم بك وارغب فى ان اكون معك فى كل مكان وكل وقت(لزقة

امريكانى معتبره او زى ما كان يقال زمان :زى الخفاش ما بيطلع الا بالطبل البلدى

نجى لاخر حاجة واجمد حاجة ......

* المجوهرات معناها انت غالية عندى وعزيزة الى نفسى جدآ

يالله معلش خاتم ماركة الجمل(اللى ما يعرفش دى ماركه او اسم يطلق على الدهب الفالصو وممكن لو مش

انت خبير يضحك عليك لكن لو انت اروب (زى معظم الستات حتتكشف ويبقى وقعة فعلا ما يعلم بيها الا

ربنا

والحل

انت تقعد فى حالك احسن كافى خيرك شرك ولما يابابا يبقى عندك يبقى : اهلا وسهلا

وقالوها حكمة

اللى ماعندهوش ما يلزمهوش








وتقبلوا تحياتى.

هناك 6 تعليقات:

عاشق صامت يقول...

......

........

..............
.

بنات صاحبة الجلالة يقول...

ملحقناش اول تعليق يلا المرة اللي جاية تتعوض

المهم ان في حد اصلا بيعبر ويجيب هدية مش مهم نيته اية هههههههه

مقتليش لو كان دبدوب يبقي اية ( دبدوب من ابو 7ونص ويالا علشان لما اسبها تطلع غلبها فيه ) ههههههههههههههه

مع اني مكتئبة للغاااااااية بس بجد البوست ضحكني لذيذ

تسلم ايديكي يادكتورة ياقمر

دايما بتفرحي قلبي بموضعاتك الحلوة

لكي خالص الحب والتقدير

الفارس الملثم يقول...

ههههههههههههههه

اللى ماعندهوش ما يلزمهوش

ايوه دي كويسة ومناسبة للاحوال الاقتصادية المهببة اللي فيها البلد ..

بس بجد موضوع عثل " هي عثل بيكتوبها بالث والا بسين " ودمه خفيف جدا ..

تسلم ايدك يا دكتورة

تحياتي

norahaty يقول...

السلام عليكم ورحمة الله وبركاته
العاشق الصامت**
ارحت نفسك واتعبتنا ,اليس كذلك؟
فى السؤال من يكون؟ فى محاولة التذكر :ايكون ؟ او..؟ او.. لا؟؟ لعله.....؟ بل ربما يكون ...؟
ايكون عاشقآ حقآ؟
شخصآ مدسوسآ عليكى؟
او صديقة تحب اللعب معكى؟
او لا شىء على الاطلاق?
غير معرف على الاطلاق اراد اتقان اللعبة هذه المرة?
ولكل هذا
شكرآ
لقد تنازلت بمحض ارادتك عن نعمة عظيمة وهبها الله للانسان وفضله بها عن
سائر المخلوقات......الكلام
وو......
,,,,,,,,
.......
norahaty

norahaty يقول...

السلام عليكم ورحمة الله وبركاته
بنات صاحبة الجلالة**
مش مهم الاول او الاخير
المهم التواجد (الحقيقى ولو بدون كلام)
وانتم متواجدون دائمآ فى بالى وفى فكرى
فارجو الله ان يريح بالكن ...اللهم امين
عن الدبدوب سوف اسأل الخبير المثمن فى هذه النقطة(فكل شىء وله ثمنه فى دنيا الاحبة)
وشكرآ للمرور والتعليق برغم المشاغل والمشاكل (حلها الله لكن كلها)
وتقبلوا تمنياتى بالخير كله
norahaty

norahaty يقول...

السلام عليكم ورحمة الله وبركاته
محمد***
تقول
(اللى ماعندهوش ما يلزمهوش

ايوه دي كويسة ومناسبة للاحوال الاقتصادية المهببة اللي فيها البلد )
ولكن الامر ليس بيدك ,انت لا تحب بناءآ على المنطق او التفكير العقلانى السليم
**دى بعيد عنك زى القضا المستعجل بتجى لك
او مثل ؟؟ ناعمة تسلل اليك وتفعل فعلتها من غير ارادة منك.
انت احببت قبل هذا فمتى كانت لك ارادة فى هذا؟
واذا كنت تسأ ل عن كلمة عسل فهى تكتب ب
ص اى
عصل
على ما اعتقد
وتقبل تحياتى يامحمد
norahaty