الثلاثاء، أبريل 15، 2008

قصة قديمة جديدة وستتكرر مرات ...


اليوم انا قادمة لأحكي لكم قصة حدثت منذ زمن ليس بالقريب من حوالي 20 عام مش حأقول لكم كان عمري كام و قتها بس كنت في المدرسة و فاكراها كويس جدا زي ما تكون امبارح و الشهور الاخيرة بالذات بفتكرها كتير يمكن بعضكم فاكرها او سمع عنها صلوا ع النبي.



و نبتدي الحكاية:



كان يا مكان كان فيه شاب مصري طالب في كلية حقوق و في نفس الوقت مجند من باب توفير الوقت و من



بخته جاء تجنيده علي حدود سبناء و فلسطين في وقت ما كانت الانتفاضة بدات بداية حاميةو في يوم من



الايام و هو واقف في خدمته علي الحدود في منطقة مرتفعة قرب سبعة اسرائليين و حاولوا يتسلقوا المرتفع



و يعبروا حاول يمنعهم بالكلام ما وقفوش حاول يهددهم بالبندقية ضحكوا و سخروا تفتكروا عمل ايه



؟؟؟اتسرع و اتهور و اتهيألوا لا سمح الله ان دول من الاعداء مش اصدقاءنا الاسرائلين و تصور لا سمح



الله انه مجند في هذا المكان و سلموه بندقيه بالطلقات لحماية المكان من المتسللين امثالهم را ح ضارب نار



عليهم !!!!!!!!اوعوا تفتكروا. انه كده جندي و بيأدي عمله الدنيا قامت و لم تقعد و الصديقة العزيزة



اسرائيل اشتكت لطوب الارض سامعة حد بيقول تتفلق اخص عليك يبدو انك ارهابي بردوا نقتل احبابنا



وولاد احبابنابسرعة اتنصبت المحكمة العسكرية و بسرعة صدر الحكم بالأشغال الشاقة المؤبدة علي



المجرم القاتل و بالمرة اللي يمكن يكون مريض نفسياو فيه ناس تدافع عنه و ناس تحتج و ناس تستأنف



الحكم لكن هو مين مجرم و خد جزاؤه اوعوا تكونوا فاكرين القصة خلصت تصدقوا تصدقوا المجرم القاتل



يأما حس بالذنب انه قتل اليهود الابرياء المساكين يأما المرض النفسي رجع له تاني فبرغم انه بلغ اهله في



احد الزيارات انه حيكمل دراسته و برغم انه بشهادة الجميع بيصلي و يعرف ربنا وجدوه في زنزانته



مشنوقا بملاءة السرير!!!!!!!!!!!!!!!!آه و الله و نشروا الخبر في كل الجرايد بكل بجاحة و اتقفلت القضية



و مش مهم عمره اللي راح مش مهم امه اللي اتقهرت مش مهم بلده اللي اتبعترت كرامتها في



التراب .. المهم اخوتنا الاسرائليين يرضوا هم و من وراؤهم





.رحم الله الشهيد المنحور و ليس المنتحر سليمان خاطر



خلصت الحدوتة حلوة و لا ملتوتة



ياتري ايه اللي خلاني افتكرها



اللي بيحصل في غزة ؟



و لا البمبوطي اللي انضرب برصاصة امريكاني في السويس؟؟



و لا اللي بيحصل في مصر كلها ؟؟؟؟؟؟؟



مش عارفة



بس!!!!





الله يرحمك يا سليمان عملت اللي انت شايفه صح و مشيت الدور علينا يا تري حنعمل ايه ؟؟؟؟؟؟؟؟؟

================

ملاحظة : للأمانة, الموضوع منقول للفائدة والشكر لصاحبة الموضوع الأصلي.


وهى ام احمد صاحبة مدونة ام احمد المصرية



مرة ومرة ومرات عديدة الشكر الجزيل لها

هناك 6 تعليقات:

أنا من كنت محتاجاً يقول...

مش لاقي حاجة أقولها ... ربنا يسكنه فسيح جناته ويغفر لأهله
والمثل بيقول ... الرجالة ماتوا

أنا من كنت محتاجاً يقول...

بس إيه حكاية " موافقة مالك المدونة " ..؟؟

الفارس الملثم يقول...

الف شكر يا دكتورة علي القصة , بس علي فكرة انا كنت رديت في المدونة دي علي الموضوع ده , عشان كده استغربت وانا بقرا البوست وانا بقول شفت الكلام ده فين قبل كده ..

احييكي بشدة علي احترامك للحقوق الادبية لاي صاحب موضوع تقومي بنقله , وان كان هذا امر غير غريب عليكي ..

تحياتي وتقديري
محمد

محمد

norahaty يقول...

السلام عليكم ورحمة الله وبركاته
يامن كنت محتاجآو اغناك الله من فضله
صح...كلامك صح الف مره
تغمده الله برحمته الواسعة
ويكفى ان ذكره حيستمر دائمآ
عنوان للبطولة والشرف
وعلشان كده برضه حكايته لازم تتحكى من جيل لجيل لتظل الذكرى حيه
وتسلم من الشر كله
norahaty

norahaty يقول...

السلام عليكم ورحمة الله وبركاته
يامن كنت محتاجآ واغناك الله من فضله
(انت ايه اروب!!)
ما فى حاجه بتفوت عليك..
كل حاجه شايفها ولمحها ولو لدقيقه
اسم الله عليك
حارسك وصاينك
بس خلاص
من غير ليه
norahaty

norahaty يقول...

السلام عليكم ورحمة الله وبركاته
محمد الفارس الملثم
لا شكر على واجب
والحمد لله ربنا ما* كسفنى* وطلعت ذكرت اسم صاحبة البوست الاصليه(وما شمتّ فى الناس )مستحلف لى انت كان شكلك لو ما كنت قلت منين انا جبت الكلام ده
الحمد لله اشكرك يارب
عارف ان الدعاء اللى دايمآ على لسانى وخصوصآفى اوقات استجابة الدعاء(نزول المطر فجأةمثلا)
اقولك يامحمد الدعاء هو
(اللهم سترك ورضاك ولطفك فى قضاك تسترنا وما تفضحنا فى الدنيا والاخرة)
اللهم امين