الجمعة، ديسمبر 12، 2008

عُكاشنا ....بوابنا











اخيرا وبعد جهد جهيد وتعب شديد ومفاوضات مضنية



وفريق من المفاوضين



الجامديين



اوى يا انت

وافق وتفضل وتكرم علينا عمونا عكاشة انه يشتغل عندنا بواب

والله وااااااااااااااااااااااااااااااافق
طبعا كلوكواحتقولوا ياسلام وفيها ايه دى؟ اقولكم اصل انتم ممكن ماجربتوش العيشة من غير بواب
لكن انا او احنا جربنا وبقى لنا اكتر من 20 سنة من غير بواب حتوقولوا ومالله احسن! متهيألكم على قد ضرره وبواخته وسماجته وتلامته ( هو هنا ولا بعيد!محدش يقوله ربنا يخليكوا )لكن له فايدة او فوائد



اول هام


الباعة الجائلين باللغة العربية الفصحى او بالبساط الاحمدى البياعين السريحة يبقوا عارفين ان البيت فيه بواب (هه مين هناك) ومش كل شوية تلاقى حد بيخبط على بابك وطلع لك من ورا الحيطةر زى عفريت العلبة بالظبط تشترى كلب ياهانم
امشاط فلايات
تلاجات بوتاجازات
انتريهات فضيات ملايات
حاجات ومحتاجات
دى اول حاجة واللى ذاد وغطى الجماعة الصينين كمان
الباب يخبط


(أصل انا شايلة الجرس بقى لى كتير علشان الازعاج بتاعه
لكن مش قادرة اشيل الباب كمان !!!لاجل ما حدش يخبط عليه)
المهم الباب يخبط ....مين؟


انا افتحى ماما


بالصوت الرفيع اياه ده
قلبى ينخطف منى صراحة
ومن قبل ما افكر الاقينى فاتحة
الاقى الست فى وشى ومابعرف الحقيقة ما اشتريش منها بتصعب عليا
اصلها وليه برضة ومكسورة الجناح ومتغربة لاجل ماتجيب القرش
وانا مجربة الغربة لاجل اكل العيش
ودى تلاقيها سايبة ابنها ولا بنتها وجاية تزاحمنا فى اكل عيشنا
لكن الحقيقة حاجتهم حلووووووووووووة وررررررررررررررررررخيصة اوى
واحلى ستين مرة من نفس المنتج بتاعنا حتقولولى بيستعملوا حاجات ضارة
اسم الله احنا اللى بنتج حاجاتنا على الفرازة والحاجات المتعقمة
استنوا بقى ماتخلونيش اسيب موضوعنا الاساسى
تالت هام برضه ودى من ضمن الحاجات اللى مش حاشرحها لكن الحدق يفهم وانتم كلكم حداقة بالصلاة على سيدنا النبى صلى الله عليه وسلم
احنا عندنا شقة مفروشة فى العمارة
بس خلاص كله يفهم
المهم طيب ليه مكانش عندنا بواب طول المده اللى فاتت دى
اصلنا ما عندناش اوضة بواب


اه والله!!!
لأ استنوا بس كان عندنا اوضة بواب
وبعدين الراجل بتاع الجراج استولى عليها وهد الحيطان
بتاعتها ودخلها من ضمن الجراج
ياسلام عويصة دى؟
طبعا عملنا قضيه وقعدت فى المحكمة شهور وسنين واتجددت مش فاكرة والله كام مرة لوفاة مستاجر الجراج الاصلى
او حد من الورثة او وفاة وارث من ورثة الورثة
وكل ده مصاريف وورق ومواسم قضائية وأجازات واستشكالات ووووو
المهم الخلاصة فى المصاصة
اتحكم لنا بيهاحلو!!!!

لأ مش حلو ابدا
اتحدك لو عرفت تنفذ حكم فى بلدنا بالقانون
لو شاطر روح هاتلك 4- 8 قباضيات


فتوات يعنى بالبلدى
عريض المنكعين اشلولخ
ونفذ بيهم
وبعد كده على المتضرر اللجوء للقضاء
المهم احنا ماعندناش اوضة للبواب وكل ما كنا نقول لحد تعالى اشتغل عندنا
يقعد كده ويبص بعين ويقفل التانية ويقولك
عندوووووووووووووووووووكم سكن!!!
طبعا احنا نسكت
ونتكسف
ووشنا يبقى احمرررر
امال معطلينى ليه
دا هو اللى بيقول
كل ده لحد ربنا يطرح فيه البركة
عم عكاشة ما وافق يشتغل عندنا
من غير اوضة
هههههههه
اصله ساكن قريب مننا
وعنده سكنه الخاص (لو سمحت) بس عايز بدال ما يجعد على الجهوة كل يوم يجى يجعد على الكراويته
اللى ادام الباب ده

(باب بيتنا يعنى)
نسيت اقولكم ان عم عكاشة كان مستوظف

(ساعى بالعامية الدارجة بتاعتنا الااوفس بوى بالدلع بتاع الايام دى)




فى
الحكومة
بس طلع معاش
من عشرة خمستاشر سنه كده
وزهج من جعدة البيت مثل (الحريمات بردون يعنى لأمؤاخذة) وكمان المعايش
بتغلى كل يوم عن اليوم اللى جبله ياست
والولد مابيرحموش
عايزين!! عايزين!!!!! عايزين
اهه اجول ايه حجهم برضة ولا ايه!!!
ياسلااااااااااام عداك العيب ياراجل
كنت فين من زمان
وحشتنا
بس ادى الحكايه
واهو بقى له شهر معنا
مااعرفش احنا كنا عايشين ازاى


من قبله
طول النهار
الناس (واحنا الصراحة) مابنبطل نديه عليه
عم عكاااااااااااااااااااشة
ياعم عكاشة
ياعم عكاشة
اخر حاجة حصلت اقولها وامشى
بنطلب دليفرى من الصيدليه وبنقوله على العنوان
يرد اللى على الخط
ويقولك
ااااااااه عارفة
مش بيت عم عكاشة
يالهوتىىىىىىىىى
هو بيتنا بقى بيت عم عكاشة وانا مش عارفة!!
الله يرحمك ياأبويا انت وجميع موتى المسلمين
وسمعونا الصلاة على رسولى ورسولك ورسول الناس أجمعين
واللى حيشفع فينا اجمعين
عند ربى وربك ورب كله
بأذن ربى وربك ورب الكون كله
!!

هناك 91 تعليقًا:

Dr. Ibrahim يقول...

ربنا يخلى عم عكاشة

واللى فى العمارة

ما طبعا عم عكاشة بقى ماركة مسجلة

كل سنة وحضرتك طيبة

د إبراهيم

عمرو يقول...

ألف مبروك و الله أنكم لاقيتم بواب مناسب لأن غالبا البوابين بيكونوا مصدر اٍزعاج للعماره خاصة لو عنده عيال كتير و طول النهار بيلعبوا فى المدخل و الحاجات اللى أنتى عارفاها دى
كان عندنا بواب أشتغل فى السمسره و العقارات و الشقق المفروشه و لوازمها و لما راجت معاه فتح مكتب و جاب بواب يقعد مكانه بالوكاله يعنى
أييييييييه دنييييييييا

أحــوال الهـوي يقول...

السلام عليكم و رحمة الله
اظن البواب و افق لما شاف الخروف اللي في الموضوع اللي فات

اعتقد ان اللي عنده بواب هيكون رده ان ضرهم اكتر من نفعهم و اللي ما عندوش يكون حدودته زيك

المهم ربنا يهديه لكم ويكفيكم شر الباعة المتجولين

زوريني و افتكريني و بلاش تقاطعيني

تحياتي

Kiara يقول...

هههههههههههههههههههههههههههههههه


موتيني من الضحك

ومبروك علي البواب

وعليه الصلاه والسلام بصلي علي النبي اهو

اخيرا هتعيشي في رحمه من غير ازعاااااااج

غير معرف يقول...

حلوة أوي حكاية الخلاصة في المصاصة دي :-)
وإيه الكراويته دي؟؟ في رأيي، كل بيت في مصر لازمله بواب، خصوصا في أيامنا دي اللي أصبح فيها كتير من اليائسين من كل حاجة ومستعدين يعملوا أي حاجة. بس عم عكاشة ده موش كبير في السن حبتين على إنه يحرس بيت؟ يعني لو واحد حرامي، الشر بره وبعيد، LOL، يظر إن إسلوبك في البوست ده أثر على عباراتي، ما علينا، بس لو واحد حرامي عاوز يسرق حاجة من الشقق، عم عكاشة ده هيقدر يعمله إيه؟

DR.HAMAS يقول...

ههههههههه

الحمد لله ان عمارتنا كلها أسرة واحدة و بابنا مش مفتوح على طول

كنا هنتحوج للأخ عكاشة






د.حماس

سنابل يقول...

ههههههههه
ألف مبروك ربنا يخليه لكو
يعني اني دلوقت ساكنة عند عم عكاشة
لأوكمان شوية هاتبقوا انتوا اللي بتشتغلوا عنده سكان

تحياتي ودمتي بخير

حسن حنفى يقول...

هههههههههههههههههه


ربنا معاه بقي وبعدين يعني اما يجي تقولوا هو الشقه بقت باسمه واما يمشي يبقي عاوزينه

:p

:d

مها يقول...

عليه أفضل الصلاة وأذكى السلام

وألف مبروك البيه البواب ويا رب بس يعمر فيها وما يزهقش من الباعة الجائلين والحاحهم اللزج !!

محبتي وكل سنة وأنت سعيدة وطيبة

msafa يقول...

هههههههههههههههه روعة البوست
اتمنى يكون عندى بيت لوحدى
هههههههههههههههههههه
مش عم عكاشة
انا بضحك معاكى
كل سنه وانتى طيبه
وكمان انا بشكرك على احساسك بالكلام المكتوب فى مدونتى

Ola يقول...

الف الف مبروك يا دوك، عقبال ماتجيبوله الحجرة لزوم الشاي و القهوه:)
كل سنة و انت طيبة

الفارس الملثم يقول...

هههههههههههه

بقي كل ده فوايد البواب , فعلا اللي مايعرفش يقول فول وعدس

الف مبروك يا دكتوره ..وبيقولك عماره من غير بواب حله من غير غطا , وضل عكاشه ولا ضل حيطه ..

بس صح في سؤال محيرني انا فعلا بلاحظ ان الصينين وغيرهم من الاسيوين كتروا في البلد وحلوا محل مندوب المبيعات بتاعنا اللي يصحيك من احلي نومه عشان يبعلك بضاعه مضروبه , هي مصر مليانه شغل اوي كده واحنا مش واخدين بالنا ولا هما قرروا يستبدلوا الشعب المصري بالصيني مممممممممم

سلاممممممممممممم

Unknown يقول...

الف مبرووووووووووووووك
وربنا يخليلكم عم عكاشة
ويبعد عنكم الباعة المتجولين
سلامات

وفاء بركات يقول...

ياخبر أبيييييياض قرأتها عكاشنا البواب
بمعني مسكنا البواب .. ولما قريت المحتوى
ههههههههههههههههههههه ..عرفت إن اللحمه أثرت علي لمؤأخذه الفهممهو برضه صدمه من كل يوم فووووول وطعطع
للحمه .. المهم بواب ايه ده دا دفعة عم أيوب .. انتو ناويين تشتغلو في الأثار ولا حاجه ..طب متقفلو باب العماره وكل واحد معاه مفتاح ويوزع علي القرايب والمعارف نسخ أحسن م عم
عكاشه يبيع العماره من وراكم ..
طب هو بيطلع وينزل من علي الكراويته لوحده ولا فيه حد بيسنده
كل سنه وانت طيبه وربنا يطول في عمر العم عكاشه وأهو أحسن من مفيش
دمت

ذو الوجه المبتسم يقول...

اولا كل سنة وانتى طيبة
معلش على التاخير
لانى لسة راجع من الحج من يومين
انا دخلت بس علشان اقول كل سنة وانتى طيبة وعيد مبارك
تحياتى للدكتورة
ذو الوجه المبتسم

مصطفى محمود يقول...

صلى الله عليه وسلم


بس ايه يا دكتورة الموضوع الطويل العريض دا؟
كل دا عشان البواب
يا خبر !!!!!!!

ربنا يخلينا البيه البواب

مع إن الحل في المشاكل دل كلها كان أبسط من كده لو مكنش يلزم البواب قوي يعني

يعني انا مثلا عندنا في البيت 5 بوابين
وبشيله في جيبي ربنا ما يحرمني منه يارب عشان يونسني في كل حتة :))

ايوه البواب بتاعنا هو مفتاح بوابة العمارة من تحت وخلصت خلاص

واحطين سماعة جنب الجرس اللي عايز يضرب الجرس نكلمه واحنا قاعدين ونكرشه كمان ولا حد له عندنا حاجة
(حتى تستأنسوا وتسلموا على أهلها)

وبعدين منتوا من عشرين سنة من غير بواب ايه اللي حصل يعني :))

المهم ربنا يسعدكم يارب بعكاشة أفندي رفعنا العلم ويخليهلكم يارب كده علطول مع انكم مش عارفين تطبقوا القانون !!

ايوه انتوا اللي تطبفوه
مش خدتوا حكم محمكة ومتنفذش
يبقى توضعوا يدكم غلى الجراش من بكرة الصبح وتغيروا القفل وخليه يرفع قضية ويبقى ينفذ الخكم بقى :))

ولا في حل أسهل من كده بكتير برضو :))
بس السلطلة التنفذية لو كانت مبسوطة منكم كانت نفذت القرار عدل .

المهم عشان منروحش في داهية
سلميلنا على عمونا عكاشة أفندي اللي وافق يبقى بواب من غير سكن :(
وابقى قوليلنا هو هياخد كاام بالمرة :))

يلا بقى سعيدة مبارك

سلام :)

جنّي يقول...

مبروك عليكم عكاشة بس ان شاء الله ما يطلعش البيه البواب ..

تحيتي

مذكرات مشاغب يقول...

انا عن نفسي عايز شويه من الباعه الجائلين دول.لاني محروم منهم بسبب طبيعة المكان اللي انا قاعد فيه.ويخليلكم عم عكاشه ويفضل كده راضي عليكم.وانا خايف لبعد ما يشتهر في المنطقه ينتقل لنادي احسن قصدي لعماره تانيه بمرتب احسن.وكل سنه وحضرتك طيبه.

مهرة سالم يقول...

السلام عليكم...
اللهم صلي على محمد وعلى آله وصحبه وسلم...
............
مبروووك عليكم عم عكاشه....
........
على فكره عندنا كمان البيت بيتعرف باسم إلي بيشتغل فيه..
......
دمتي بخير

kochia يقول...

الخلاصة
مبروك علي البيه البواب

لاجئ الى متى يقول...

كل سنة وانت طيب يا عم عكاشة بيه

كل سنة والسكان طيبين

كل سنة والأصنصير شغال

وما نتحرمش يا رب من طلتك البهية

...
اه انا نسيت

المدونة للدكتر نورا

مش للعم عكاشة بيه البواب

د . نورا كل سنة وانت طيبة

Mafrousa يقول...

ما هوه ده البيه البواب
بس عارفه همه بيبقوا عارفين احنا محتاجين لهم قد ايه...و علشان كده بيتأمروا علينا

بس تصدقى فعلا لابد من وجود بواب مقيم فى العقار
و ده من دواعي الامان برضه
بس بواب من بوابين زمان
مش بتوع االيومين دول
اللى طول النهار تلاقيه مزوغ و مش شايفاه
و لو راح مشوار يقعد بالساعات
و ماتعرفيش هوه فين
المهم مبروك عليكم البواب
و ربنا يثبت اقدامه يارب

كل سنة و انتى طيبة
بمناسبة العام الهجري و الميلادي

من غير عنـــوان يقول...

ألف مبروك وعقبال عندنا
...
إحنا بقه عندنا مشكله تانية
السكان مش بيخلوا بواب يعيش عندنا ؟؟!!

دايما شاكين إنه حرامي وحيسرق الملايين اللي عندهم... بس الحقيقه أنا مش عارف هيه فين الملايين دي .. ؟؟!!

تحياتي

mr_raafat يقول...

الدكتورة / نور...
وعليكم السلام ورحمة الله وبركاته وأسعد الله كل لحظاتك ومتعك بالعافية من كل بلاء سعيد بمشاركتك الأولي وأتمني مزيد من التواصل .
نعم أعتقد بأن الوقت قد لاح في الأفق ليعتلي الأئمة والعلماء المنابر ليقودوا الناس وقبلهم الحكام لطريق الحق المستقيم وهناك الكثير من البشريات نجدها في ساحتنا ومنها هذه الأصوات التي نسمع مع أنها خافته إلا أنها سوف يأتي اليوم لتكون كالموج الهادر وما ذلك علي الله بعزيز
دمت في أمان..... وسلام....

المستنصر بالله يقول...

مبروك عليكم بعد 20 سنه ظهور عم عكاشه وموافقته قبول هذا المنصب الكبير
تحياتى الكبيره له
بس فعلا البواب مهم جدا وكان زمان الشرطه بتعمل لهم اجتماع علشان يدربوهم على امور امنيه علشان يحافظوا على سكان العقارات زى مثلا سؤال الزائر الجديد عن وجهته ويطلع معاه لغايه الشقه او لو حد ننزل غريب من العمارة وشايل اشياء بيساله جايبها منين ولازم يطلع يتاكد بنفسه يعنى كان مهمته امنيه من الدرجه الاولى

كل سنه وحضرتك طيبه

غير معرف يقول...

صباح الخير

مين فينا معندهوش عم عكاشه في حياته؟

mostafa rayan يقول...

وبهذه المناسبة اوجه كامل التحية لعم عكاشة وكل الناس اللي ساكنين في عمارته وبالأخص استاذة نورا
هههههههه
كل سنة انتي طيبة
اه بالنسبة للشقة المفروشة صدقيني ديتها خمساية وكله بيمشي في الذاذة

TIMMY !! يقول...

ألف مبروك عليكم البواب .. قصدي البيه البواب :)

الحمد لله احنا بوابين نفسنا هنا :)

و سلامي للسيد عكاشة :)

يا مراكبي يقول...

إزاي بتقولي إن كا فيش عندكم سكن للبواب بينما فيه شقة مفروشة بحالها .. مستخسرينها فيه وألا إيه؟

:-D

Unknown يقول...

بيتهيئلي كده اني كنت غايب عن المدونة دي من زمان قوي عشان كده بادلتيني بالمثل بس أنا طبعا رجعتلها لإني مقدرش أستغنى عن حاجة عجبتني
ياترى انت هتعملي زي
كل ودي

ahmed_k يقول...

أيه ده هو أنتوا ساكنين في بيت عم عكاشه هههههههه
هو بالفعل وجود البواب نوع من الأمن حتى وإن كان غير متواجد بصفه دائمه,
بس ليه مبتحاولوش تستقطعوا جزء من المنور لعمل سكن للبواب
لأن وجوده الدائم أفضل بكثير من وجوده لفترات معينه

تقبلي خالص تحياتي

وفاء بركات يقول...

ايه ده بقي ده بقي
هي الدكتوره فين كل ماجي مش بلاقيها
؟أمممممممممممممممممم ياترى راحت فين؟
انا مشيه خلاص

فارس عبدالفتاح يقول...

لكن انا كنت معتقد ان هتتكلمي على شخصية البواب الذي بعد جهد جهيد ومفاوضات مضنية قبل بهذا العمل

لكن البيت حلو

بنات صاحبة الجلالة يقول...

كل سنة وانتي طيبة وحشتني كتير سبتلك رسايل كتير علي الميل اوف لاين بس نفضتي انا اول مارجعت كان نفسي اكلمك وسالت عليكي كتير حتى اسالي كدا

مبروك عليكم اونكل عكاشة باشا وربنا يهديه مش يروح يسجل العمارة باسمه في الشهر العقاري وتبقي عمارته فهمي نظمي رسمي وبشهادة الشهود هههههههههه

ابقي طمنيني عليكي

سلام

HERO يقول...

فعلا عندك حق البواب ده نص العمارة فعلا وافتكر ان احنا قعدنا حوالي 20 يوم بس ودي كانت فترة انتقالية بين بواب وبواب كنا لايصين والدنيا واقفة بينا وكنت بانزل اجيب الطلبات وانزل اجيب الطلبات وانزل كمان اجيب الطلبات فكنت عايز انا اروح اجيب اي بواب ان شاء الله اخترعه بس يجيبوا بواب

فكونكوا استحملتوا 20 سنة يبقى بجد كتر خيركم قوي

تحياتي

عاشــــــ النقاب ـقــــة"نونو" يقول...

السلام عليكم
كل عام وانتم بخير
انا بقى زعلانة منك كان لازم تقوليلي انك بتدبحي وانا احضر معاكي واساعدك على عيني
وتديني لية وحتة لحمة خروف ولا ما بتوزعيش على المدونين ؟؟؟
السنة الجاية بقى وعليكي خير
ومبروك البواب
وربنا يبارك لك يارب
وحشاااااااني

rovy يقول...

السلام عليكم
انا متأكده انى كتبت تعليق امس و مش لقياه الظاهر النت كالعاده كان ضعيف معلش على كل حال كل سنه وانتى طيبه اختى الغاليه ..
و مبروك عليكم البيه عكاشه البواب
و ربنا يديم عليكم نعمته ..

دمتى بخير و ود فى حفظ الله

تحياتى

سفروتة يقول...

ههههههههههههههههههههههههههههههههههههههههههههههههههههههههههههههههههههه
عكاشة بقي ماركة مسجلة
ربنا ما يحرمكم منه
ويهديه عليكم

تحياتي يا دكتورة
:)

وفاء بركات يقول...

يارب يكون خير.......سلامة حسك

وفاء بركات يقول...

السلام عليكم
أختي د.نور بجد انا مفتقداكي حاسه
بضيق شديد جدا لعدم تواجدك ...
يارب تكوني بخير وأطمن عليكي
سلالالالالالالالالالالالالالام

غير معرف يقول...

وأصبح العنوان "عكاشة هاوس "أو عكاشة ريزدنس ..الف مبروك هو طبعا حس ومنظر وشىء من الأمن تناله نفوسكم ..بس احنا بقى عندنا كمان ميزة رهيبة فمع وجود البواب وأسرته وكل زائريه من قريته الذين ينزلون عندهم بالعشرات للعلاج فى المدينة ..فعننا باستمرار حرس بالرشاشات ..ذلك أن حظنا دائما بسكن ضابط من أمن الدولة فى العمارة فيخصص له طاقم حراسة دائم على المدخل ..طبعا صنف الحرامية والنصابين لا يهوب ناحية العمارة ولصوص السيارات يمتنعون عن تهليب الطاسات والبطاريات وهكذا يمكن القول اننا: عكاشة\عماشة ريزيدينس ليمتد ..
وعقبال مايجيلكو عماشة أيضا

Doctor.1 يقول...

سلاموووو عليكووووووو يا عم عكاشه
لو الحال ماعَجْبَكْشى والا الوِلْدْ إمطلعين عينك وتحب تِدًلى ع البلد وترحل من إهنا ما عليك ياعمونا جُولٍى بس وانا طواااااااالى أشتغل إبدالك إهنيه وأبعتلك الجيرشينات ع البلد
بتجول ايه ؟؟؟؟
إيوه كفايانى شرف الشغل مع الست هانم الست الكومًلْ الدكتوووره وما عايزشى جيرشينات منهم واصل
سلامووو عليكووووووووووو

وفاء بركات يقول...

الف حمد الله علي السلامه نورتيني
نورتى بلوجر ..يارب متغيبي أبدا
يسلم حسك
دمت

Unknown يقول...

السلام عليكم ورحمة
الله تعالى وبركاته
ومعلش النوبة دى
وسماح النوبة دى
انا عارفة انى اتأخرت فى الرد
على التعليقات لكن ظروف شخصية
وكمان الانترنت اللى كان تعبان اوى
اليومين اللى فاتوا دول طولوا المدة
فسماح النوبة دى :):):):)
ونبتدى الرد لكن قبل ما نبتدى بستأذن
لو ماقدرت اكملها كلها الليلة دى ممكن ابقى أكمل بكرة؟شكررررأ

Unknown يقول...

السلام عليكم ورحمة
الله تعالى وبركاته
Dr.Ibrahim Samaha
الله يخليك يادكتور يارب
وكل لحظة وانت بالف خير يارب
منورانا دكتور ابراهيم

Unknown يقول...

السلام عليكم ورحمة
الله تعالى وبركاته
عمرو
الله يبارك فى حضرتك يارب
ماهو علشان كده احنا حبينا عم عكاشة
حيجى يجعد ويهمل الولد فى البيت ولو ان الولد الحمد الله بجوا كبار دلوكيت ومابجوا يعملوا دوشة واصل ....:)
نورتنا أستاذ عمرو

Unknown يقول...

اسلام عليكم ورحمة
الله تعالى وبركاته
احوال الهوى
والهوى احوال
لأ الحمد لله الراجل وافق من غير (طمع )فى حته من الخروف اللى فى الموضوع اللى فات ما هو عارف انه ماكان خروفنا لكن (ساكن فى البلكونة اللى قصادنا (لزم )الحمد لله ارتحنا منه تالت يوم العيد :دبحوه !!الخروف مش عم عكاشة :)
وحااااااااااااااااضر اجى بعد من اخلص الردود وازور حضرتك (لو لسه صاحية)
ونورتنا ياأستاذ أحوال الهوى.

Unknown يقول...

السلام عليكم ورحمة
الله تعالى وبركاته
مولان
اضحك الله سنك ومتعك
بالصحة والسعادة يارب
وربنا يديمه علينا نعمة ويحفظه لنا من شر وعين الحاسدين والطامعين فيه.يارب
ونورتينى يامولان

Unknown يقول...

السلام عليكم ورحمة
الله تعالى وبركاته
Hina wi Hinak
اول مرة تسمعها...بجد!!والكراويته هى الدكة الخشب الصغيرةوممكن يكون لها كمان (سحارة)تتشال فيها بضعة اشياء ...شفت بقى عرفت كام حاجة جديدة .المهم نيجى لعم عكاشة (لا تحكم بالمظاهر فهو حديدددددددددد والحمد لله مايغرك المنظر كح كح كح كح كح كح!!!
ولو ياسيدى جه حرامى يبقى يطلب البوليس ويستناهم على الناصية:) :) :)
نورتنا أستاذ هنا وهناك

Unknown يقول...

السلام عليكم ورحمة
الله تعالى وبركاته
DR.HAMAS
الحمد لله يادكتور وربنا لا يحوجكوا لا لقريب ولا لغريب ومايدخل عدو مابينكم ابدا يارب.امين
نورتنا دكتور حماس

Unknown يقول...

السلام عليكم ورحمة
الله تعالى وبركاته
سنابل قمح
الله يبارك فيكى يافندم وربنا يستر وما يعملش كده بصحيح! تبقى ورطة كبيرة!
ونورتينا ياسنابل القمح
فى اول زيارة ليكى عندنا

Unknown يقول...

السلام عليكم ورحمة
الله تعالى وبركاته
حسن حنفى
ليه كده ياحسن!
دانا بدعيلك انت وكل التلاميذ مش بس اللى فى مصر لأوالبلاد العربية كمان ينجحوا ويطلعوا الاوائل ..طيب ياحسن حأدعيلك برضة تنجحوا :):)

Unknown يقول...

السلام عليكم ورحمة
الله تعالى وبركاته
مها الغالية
لأ الحمد لله هو سمعه تقيييييييييل حبتين وبالتالى مش حيسمعهم كتير على الماشى كده.وربناما يحرمنى من دعواتك الجميلة
ونورتينا ياأستاذة مها.

Unknown يقول...

السلام عليكم ورحمة
الله تعالى وبركاته
msafa
ربنا يحقق لك ما ترجو وتأمل قادر ياكريم يااااارب وكل لحظة وانت بالف خير والشكر لحضرتك لكلامك الجميل ده.
نورتنا أم أس أيه أف أيه

Unknown يقول...

السلام عليكم ورحمة
الله تعالى وبركاته
Frustrated
الله يبارك فيكى ياأفندم
بس الحمد لله الراجل بيجيب معاه الشاى وا(الجهوة )بتاعهفى (ترمس )من البيت بتاعه ...اشكرك ياااااااااااااارب
نورتينا وشرفتينا وكل لحظة وانت بالف خير.

Unknown يقول...

السلام عليكم ورحمة
الله تعالى وبركاته
محمد الفارس الملثمالله يبارك فيك يامحمد
يارب والحمد لله اخيرا احنا لقينا غطا الحلة بتاعنا:):):)كان تايه عنا فين من زمااااااااااان.
اما عن الصنيين فدول ناس عجاب والله يامحمد ماأنت عارف بقى امريكا نفسها بتشتكى منهم يبقى احنا مش حنشتكى ..؟
وان كان على استبدالنا ...هم حالووا لكن لقوا مفيش فايدة قاعدين قاعدين :)ومش ماشيين !!
نورتنى يامحمد
يافارس ياملثم

Unknown يقول...

السلام عليكم ورحمة
الله تعالى وبركاته
أحمد بدرالدين
الله يبارك فيك يافندم ويبعد عنا وعنكم وعن الناس كلها الشر كله
نورتنا ياأستاذ احمد

Unknown يقول...

السلام عليكم ورحمة
الله تعالى وبركاته
أستاة وفاء بركات
هههههههههههههههههه
لأالحمد لله الراجل لسه ماعملش حاجة يتعكش بيها صاغ سليم لسه وان كان على سنه الكبير ماتخافيش ده متين تمام بس شوية كحة على شوية روماتزم مش مشكلة بس هو تمام التمام.
جربنا والله حكاية نسخ المفاتيح لكن كل يوم ساكن يضيع نسخته ويعمل واحدة بدالها ومشاكل كتير لا حصر ليها
صدقينى ياأستاذة عم ايوب قصدى عم عكاشة اخف الحلول :).
ونورتينى ياأستاذة وفاء

Unknown يقول...

السلام عليكم ورحمة
الله تعالى وبركاته
ذو الوجه المبتسم
حمدلله على السلامة
وحج مبرور وذنب مغفور
إن شاء الله تعالى .امين
وكل لحظة وانت بالف خير

Unknown يقول...

السلام عليكم ورحمة
الله تعالى وبركاته
TeVa
اللهم صلى وسلم وبارك على سيدنا محمد وعلى آله وصحبه وسلم .ايوة سعادة المهندز الموضوع ده كلاته علشان البيه البواب :عندك مانع:) قول بس عندك مانع:)اه بحسب عندك مانع!!
ولوكانت الحكايةبتاعة المفتاح والجرس سهلة كده كنا عملناها من زمان لكن احنا عندنا شقة مفروشة مش بتاعتنا بتاعة مستأجر بيورد عليها اشكال الوان كل يوم تقول لمين اقفل ومين يسمع ومين ينفذ الكلام حتى .
بقولك ايه انت حتنرفزنى انا حامشى احسن يلا سلام وربنا ينجح الطلبة كلهم يااااااااااااااااااااااااااارب
نورتنا يامهندز بعد كام شهر إن شاء الله

Unknown يقول...

السلام عليكم ورحمة
الله تعالى وبركاته
جنّى
الله يبارك فيك يافندم
والحمد لله لشه هو عم عكاشة ياعالم بكرة حيكون اُنكل عكاشة ولا حاجة ...تفتكر؟
نورتنا استاذ جنّى

Unknown يقول...

السلام عليكم ورحمة
الله تعالى وبركاته
مذكرات مشاغب
قولى انت العنوان وانا حأبعتهم عليك على طول(بكرة تندم يامشاغب وتقول ياريت...:)ومن ناحية انتقاله لنادى اخر او عمارةاخرى فربنا يستر :)
وكل سنة وانت بالف خير
نورتنا مشاغب

Unknown يقول...

السلام عليكم ورحمة
الله تعالى وبركاته
M.K
وعليكم السلام ورحمة الله تعالى وبركاته
وصلى الله وسلم وبارك على سيدنا محمد وآله وسلم .
اله يبارك فيكى يارب
يعنى ماأزعلش لما يقولوا بيت عم عكاشة؟طيب خلاص مش حأزعل:)
ونورتنا بالمرور والتعليق

Unknown يقول...

السلام عليكم ورحمة
الله تعالى وبركاته
Kochia
الخلاصة :الله يبارك فيكى يارب
انتى بتيجي تنورينى
ودى خلاصة الخلاصة ياكوشيا

Unknown يقول...

السلام عليكم ورحمة
الله تعالى وبركاته
لاجىء الى متى
عائدون إن شاء الله
كل سنه وانتم جميعا طيبون هناك يارب
ربنا يحقق لكم ولنا ما نرجو ونأمل عن قريب باذن الله تعالى
نورتنا لاجىءوتحية منى
لكل اهل فلسطين الصامدين

Unknown يقول...

السلام عليكم ورحمة
الله تعالى وبركاته
استميحكم عذرا
نكمل غداً إن شاء الله

Unknown يقول...

لسلام عليكم ورحمة
الله تعالى وبركاته
واحدة مفروسة
لأ معلش ده عم عكاشة مش البيه البواب
هو يمكن بعدين يبقى جدو عكاشة !!أما بقى البوابين بتوع زمان فدول خلاص بقوا حاجة منقرضة زى الديناصورات بتوع زمان كل وقت وله الناس بتوعه
ويارب على قولك يثبت اقدامه .
وكل ثانية وانتى بالف خير يارب
ونورتينا مفروسة هانم

Unknown يقول...

السلام عليكم ورحمة
الله تعالى وبركاته
من غير عنوان
الله يبارك فيك ياأفندم .
مشكلتكم عويصة فعلا واقترح تغيروا السكان ......ايه رأيك:):):)
شرفتنا ونورتنا ياباشمهندس .

Unknown يقول...

السلام عليكم ورحمة
الله تعالى وبركاته
mr_raafat
ربنا يسمع منك يارب ويكون كلامك صح ويكون بكرة احلى من النهاردة ويأخذ العلماء والائمة مكانهم الحق فى أمتناوفى قيادة امتنا يارب العالمين
نورتنا أستاذ رأفت.

Unknown يقول...

السلام عليكم ورحمة
الله تعالى وبركاته
المستنصر بالله
الله يبارك فى حضرتك ياأفندم وعقبالكم لو ماكان عندكم(عم عكش) ولو عندكم ربنا يخليه لكم يارب.
بواب زمان ده كان زمان ومش ممكن ابدا حيرجع تانى ,احنا راضين بعم عكش بس يفضل ومحدش يغريه وياخده ربنا يستر.
ونورتنا يامستنصر بالله

Unknown يقول...

السلام عليكم ورحمة
الله تعالى وبركاته
أسماعيل
مساء النور يافندم
ربنا يخليلنا العكاكشة كلهم :)
نورتنا أستاذ أسماعيل

Unknown يقول...

السلام عليكم ورحمة
الله تعالى وبركاته
mostafa rayan
وصلنا سلامك يافندم للسكان وعم عكاشة ولحضرتنا كمان:):)::)
بالنسبة الشقة المفروشة ماليش فيها حل لانها مش شقتنا لأ لأ لأ لأ دى بتاعة مستأجر غريب وهو حر التصرف فيها!!
وكل سنة وحضرتك بالف خير يافندم.

Unknown يقول...

السلام عليكم ورحمة
الله تعالى وبركاته
TiMmY
الله يبارك فيك يارب
عقبااااااااااالك
وحاضر حنوصل السلام:)

Unknown يقول...

السلام عليكم ورحمة
الله تعالى وبركاته
يامراكبى
لأ والله ابداًيافندم :)
بس اصلها مش بتاعتنا
بتاعة الساكن ::::ظلمتنا !
نورتنا باشمهندس فى اول زيارة
وحمدلله على السلامة ومبروك الحج
تقبل الله منكم والعقبى لنا ولكل
مشتاق يارب يارب يارب يارب يارب

Unknown يقول...

السلام عليكم ورحمة
الله تعالى وبركاته
كاتب مصرى
حمدلله على السلامة
وحاضر يافندم نزورك
من عيناى الاتنين
ونورتنا كاتب مصرى

Unknown يقول...

السلام عليكم ورحمة
الله تعالى وبركاته
ahmed_k
ايووووووووووة يافندم احنا السكان بتوع عم عكش ربنا يخليه لنا :)
وياريت ياأستاذاحمد تنفع فكرتك لكن للاسف منورانا بداخل الجراج :( :( :(
هو عم عكش الحل السحرى الوحيد لمشكلتنا .
ونورتنا يااستاذ احمد.

Unknown يقول...

السلام عليكم ورحمة
الله تعالى وبركاته
أستاذة وفاء بركات
انا هنا اهوة !!
انتى فين بقى؟:)

Unknown يقول...

السلام عليكم ورحمة
الله تعالى وبركاته
فارس عبد الفتاح
معلش ماأنا لسه بستكشف شخصيته برضه
وبدرسها وأحللها وحأبقى اقولك على النتائج بعدين.
ونورتنا أستاذ فارس عبد الفتاح
فى اول زيارة ويارب دايما منورنا

Unknown يقول...

السلام عليكم ورحمة
الله تعالى وبركاته
بنات وملكات صاحبة الحلالة
كل لحظة وانتم فى اتم صحة واكمل عافية
ومعلش ساعات الظروف بتبقى من الانسان فاستملينى معلش (ظرووووووووف)
وربنا يبارك فيكى ولا ماتخافيش الحمد لله بيتنا متسجل من زمان بالشهر العقارى
وتسلمى وتنورينى دايما يارب

Unknown يقول...

السلام عليكم ورحمة
الله تعالىوبركاته
HERO
يعنى انت موافقنى ؟ ممتاز :)
شفت بقى احنا استحملنا اد ايه؟ 20 سنه مش كتر خيرنا :):):)
نورتنا هيرو وشرفتنا
وخلى بالك وانت
بتعمل البيض المقلى:):)

Unknown يقول...

السلام عليكم ورحمة
الله تعالى وبركاته
عاشقة النقاب "نونو"
وعليكم السلام ورحمة الله تعالى وبركاته يافندم حاااااااااااااااااضر السنه اللى جايه اقولك من العيد الصغير لاجل ما تحضرى نفسك وتشرفينى وتنورينى كمان
والله يبارك فيكى ام يوسف وفى اولادك وبيتك يارب
ونورتنا ام يوسف وشرفتينا كمان

Unknown يقول...

السلام عليكم ورحمة
الله تعالى وبركاته
rovy
معلش حصل خير النت فعلا قعد شويه ايام تعبان وبعد كده قطع خالص لكن نفتكرله العافية:) قايم يخف :)
ونورتينا أم ياسمين
وشكرالكل دعواتك الطيبة
وجعل الله لكى نصيبا منها

Unknown يقول...

السلام عليكم ورحمة
الله تعالى وبركاته
سفروتة
مبسوطة ؟؟طيب !طيب! طيب !
هو البيه البواب بتاعكم
اسمه ايه ياترى:):)
نورتينى دكتورة ويارب دايما

Unknown يقول...

السلام عليكم ورحمة
الله تعالى وبركاته
أستاذة وفاء بركات
امر المؤمن كله خير بأذن الله
نورتينى استاذة وفاء

Unknown يقول...

السلام عليكم ورحمة
الله تعالى وبركاته
أستاذة وفاء
يارب ما أتحرم منك ابدا
ولا من سؤالك علىّ يارب
وتسلمى من الشر كله يارب

Unknown يقول...

السلام عليكم ورحمة
الله تعالى وبركاته
maxbeta3zaman
تصدق احنا مرت علينا المرحلة دى بس كان الدكتور فؤاد محى الدين رئيس الوزاراء الاسبق (الله يرحمه) ساكن فى العمارة اللى ورانا ياسلام!!!!!!! ماتسمعش دبه النمله والشارع يتكنس ويترش (اه والله يترش) ايامها مرتين فى اليوم ...كانت ايام هناااااااااا
ولأ معلش ياسيدى احنا ناس قنوعين :) كفاية علينا عكاشة مش عايزين عمشة ده:):):):)
ونورتنا استاذ ماكس بتاع زمان

Unknown يقول...

السلام عليكم ورحم
الله تعالى وبركاته
Doctor.1
(عم عكاشة باعت لك الرد ده)
وعليكمممم السلاممممممم
ايه ده؟!:( ايه ده؟!:( ايه ده؟!:(
احنا حنقطع على بعض ياوليدى ولا ايه؟
لع ياسيدى متشكرييين جوى جوى جوى انا ما حبش واصل اجعد وحد يناولنى حسنة !الايد البطالة نجسة :(
انا حاشتغول حداهم وانت دورلك على حته تانية البيوت كتييييييييييييير
وسلامووووووووومبارك ياسيييييييدى

Unknown يقول...

السلام عليكم ورحمة
الله تعالى وبركاته
أستاذة وفاء بركات
انا اللى متشكرة
اوىىىىىىىىىىىىى
سؤالك وأهتمامك
وربنا ما يحرمنى منك
ابدااااااااااااااا

غير معرف يقول...

~.....................................................

Tamer Moghazy يقول...

كل سنة وانت بكل الخير والسعادة

Unknown يقول...

Timo
وانت طيب يافندم