السبت، يناير 03، 2009

.........يافرحتى..... ياهنايا....أهىء أهىء أهىء

إجتياح اسرائيلى ارضى لحدود غزة منذ حوالى الساعة
عندى كبريت من باكستان !!
باكستان اللى بتصنف من افقر دول العالم بنستورد منه كبريت!!!
وياريته كبريت عدل الا بردون مستنيل على عينه
اه والله نصه مابيولعش وثلاثة أرباعه بينفجر ووثُمنه بينكسر فى ايدك والباقى
.... (كده يبقى فاضل كام؟؟؟؟)
مش مشكلة اللى فاضل انت وحظك بقى لأما يولع لأما لأ
طيب وشركة الكبريت المصرية راحت فين؟؟؟اتباعت؟ اتخصخصت؟؟؟
الله ورسوله اعلم
وربنا يرحمنا

هناك 43 تعليقًا:

الفارس الملثم يقول...

مادام الحكومه دي موجوده فالواحد مش ايتفاجأ لو لقي بلي مستورد من بوركينا فاسو , اصل الصناعه المصريه مشغوله بالصناعات التقيله مش فاضيه للحاجات التافهه دي .. اه طبعا امال مين ايصنع اللبان والشيبسي والحاجه الساقعه ممممممممممم

سلامممممممممممممم

TIMMY !! يقول...


يبقى انت أكيد .. أكيد في مصر !!

كنا في تدريب مرة في أجازة نهاية العام في هندسة اسكندرية , احنا و هندسات كتير ,

و المهم كان عندنا محاضر دكتور مصري واخد كام شهادة في الهندسة -ميكانيكا إنتاج - و إدارة الأعمال و الاقتصاد و حاجة كبيرة ما شاء الله ..

فطق في دماغي أسأله هو احنا ليه مش عارفين نعمل عربية , رغم إننا كنا بنصنعها زمان أيام عبد الناصر ؟؟

و رغم إنا عارفين التنولوجيا بتاعتها و بندرسها !!

قال لي : لما يصرفوا على البحث العلمي زي ما بيصرفوا على عساكر الأمن المركزي !!

تحيا مصر !!

ahmed_k يقول...

عارفه يا دكتوره المشكله مش في
الصناعه الباكستانيه
المشكله في المستورد اللي عايز يجيب أرخص حاجه ومش مهم الجوده عنده
لأنه بيدور عالمكسب الأكبر
في في باكستان صناعات جيده وبجوده عاليه
بس ده طلب الزبون زي البضاعه الصيني بنجيب أردأ شيئ أو على أد فلوس المستورد بيتم تصنيع طلبه ,
شركة الكبريت المصريه شغاله ومنتجها أفضل جوده لكن الطلب الكبير برضو
الإنتاج مش مغطيه
بس كده آدي كل النظريه

سلااااااااااااام

مها يقول...

يعني حتى لو الواحد ف البلد دي حب يولع ف نفسه.. برضه مش هيعرف؟؟؟؟؟!!

Mafrousa يقول...

يا بنتى فى الاستيراد منافع كثيرة
من اهمها
نفع و استنفع
ربنا يتولانا

عمرو يقول...

صباح الخير يا دكتوره
اٍسمحى لى أختلف معاكى فى نقطه واحده و هى اٍعتراضك على اٍستيراد كبريت من باكستان اللى هى بتعد على قولك من أفقر دول العالم
باكستان اللى هى من أفقر دول العالم هى دوله نوويه تمتلك سلاح نووى ترهب به جارتها اللدوده اللى هى الهند و اللى برضو بلد نوويه مخيفه
يعنى الأتنين شحاتين و الناس فى الدولتين مش لاقيين العيش الحاف أصلا لكن عرفوا اٍزاى يشغلوا مكانه مرموقه فى النادى النووى
الموضوع الأصلى بقى أن فى رأيى لا اٍعتراض على فكرة الاٍستيراد من الخارج لأى سلعه لأن السوق أصبح مفتوح و لا تجدى حاليا سياسة الاٍنغلاق لتشجيع المنتج الوطنى .. و زى ما فيه مثلا كبريت مستورد فيه برضو كبريت مصرى و الفكره هنا فى التنافس ما بين السلعتين من حيث الجوده و السعر
فكره تانيه تعالى نفترض جدلا أن مصر منعت اٍستيراد السلع الأجنبيه تشجيعا للصناعه الوطنيه يبقى فى الحاله دى الدول الأجنبيه ستمنع اٍستيراد السلع المصريه عملا بمبدأ المعامله بالمثل و تصورى مدى الخساره اللى من الممكن أن تصيب المصدرين المصريين و ما يتبع ده من خراب بيوت الموظفين و العمال فى مصانعهم أو مؤسساتهم مثلا يعنى ..
الحقيقه يا دكتوره موضوع الاٍستيراد و منافسته للسلعه الوطنيه موضوع يطول فيه الكلام و على هذا فنكتفى بهذا القدر و تقبلى خالص تقديرى و تحياتى

سفروتة يقول...

يا تري فاضل ايه؟
سؤال يطرح نفسه
:))
تحياتي ليكي يا احلي دكتورة

مذكرات مشاغب يقول...

انا طبعا معنديش معلومه مؤكده
بس انا معتقدش ان باكستان من افقر دول العالم
هي من افقر الدول الاسيويه
لكن هي والهند دولتين نوويتين ليهم تقل في المجتمع الدولي
انا بتهيالي كمان انها ممكن تكون احسن من مصر اقتصاديا بس انا معرفش الترتيب الفعلي
طبعا ده ملهوش علاقه بالهدف من الموضوع بس رده قولت اوضح وجهة نظري

اما باه الكبريت المصري راح فين؟
يعني هي جت على الكبريت
ده كل حاجه مستورده وغالبا صيني
حتى الفانوس والمصليه وكل جاجه
فمجتش باه على الكبريت الغلبان

تحياتي

هانى زينهم يقول...

اقولك كدة تقوليلى نحارب ؟!!
لما احنا كدة من غير حرب امال لو حاربنا يا دكتور ايه اللى هيختفى تانى ؟؟ غالبا هو الانسان بقى هتلاقى مصريين تقفيل تايوان ومصريين تقفيل صينى ومصريات تقفيل هندى !!
يا سلام لو فى مصريات تقفيل هندى دى تبقى عنب !!حلوة الفكرة يا دكتور . قصدى فكرة البلوج مش فكرة التقفيل الهندى !!

Unknown يقول...

اه عندى اخوة فى البيت
مستورد من باكستان
وما العجيب
انت فى مصر

شمس النهار يقول...

يابنتي وانا بجهز بنتي لاقيت كرستالات صنع الامارات
بقول للبياع الكلمه دي صح والا انا متهيئلي
قال لي لأصح
قلتله ياسلام
قال مااحنا بعد شويه هنعمل خيم ونجيب شوية معيز نرعاهم في الشوارع ماهو احنا مابنعملش حاجه
رجعت البيت وريتهم كوبايات عندي تيته كانت مدياهم لي وانا محتفظه بيها
صنع مصانع ياسين
البنات انبهرت بيهم
الله يرحم الصناعه المصريه

موناليزا يقول...

تعرفى اول مرة اخد بالى من الموضوع ده رغم ان فعلا علبة الكبريت عشان عود يولع ببوظ ييجى 10 وفى الاخر بنادى لحد يولع بالولاعة خلينا نخلص
نفسى بجد استخدم حاجة نضيفة ويكون مكتوب عليها صنع فى مصر

Kiara يقول...

عادي كل حاجه مبقتش محليه
ربنا مع اهل غزه كفايه بقي ايه اللي بيحصل ده

GiGi world يقول...

ربنا معانا يارب ومع لك اهل فلسطين ومع كل واحد بيدافع عن دينه وبلده يارب

حسن حنفى يقول...

عادي

كل شئ في مصر

مفيش حاجه غريبة

ghoneem يقول...

السلام عليكم

أعتذر عن التقصير يا طبيبة ويا زميلة ويا صديقة وكل عام وانت بخير

امتحاناتي اقتربت وهذا ما يشغلني عن مدونتك وكتاباتك

نفسي والله أرجع أعمل جولات سريعة زي زمان واغذي عقلي بكلامك المتميز ولكنه للأسف ضيق الوقت
أنا تقريبا لم أعد أجلس علي النت الا بالصدفة وفقط

المهم من كل ده ان حضرتك تكوني بخير وفي أفضل حال وان العام الجديد يمر عليكي وهو يحمل لك كل صنوف السعادة
ويرفع عن المسلمين ما هم فيه من هم وكرب وتأخر وتدهور في كل المجالات اللي منها طبعا صناعة الكبريت

أما عن اجتياح اسرائيل فلا نملك لهم الا الدعاء الي أن يشاء الله غير ذلك
ربنا يرزقهم الصبر والنصر ويهزم بفضله اليهود المجرمين
امين امين امين

تحياتي وخالص دعواتي لشخصية كريمة نعتز بها كثييييييييييرا

بالتوفيق.......................

غير معرف يقول...

كان الله في عون ابناء غزة
وربنا يعيناعلى حكومتنا دي
دمت بكل الخير والود

msafa يقول...

دخلت واحد صينيه محل فى شرم الشيخ
مكتوب عليه ( هاند ميد ... مصرى )
لفت كده فى كل المحل وبعدين قالت للواد البياع
بليذ .... هو فين المصرى ؟
كل الحاجات دى صناعه صينيه
كلها معروضه فى الشوارع فى الصين
فين المنتج المصرى
متوقعه ايه
ممكن الواحد يصحى الصبح يلاقى عياله ميد ان ( فيحان )

Unknown يقول...

لسلام عليكم ورحمة
الله تعالى وبركاته
وأرد على الكومنتات
حين ما ارجع من الشغل
إن شاء الله تعالى
وربنا ينصر إخوننا
فى فلسطين وفى كل مكان

saheda.com يقول...

إصابة أربعة جنود صهاينة في الساعة الأخيرة من القتال في غزة... استشهاد 70 فلسطينيًّا بينهم 21 طفلاً و11 سيدةً وإصابة 371 آخرين منذ بدء التوغل الصهيوني في قطاع غزة... مستشفيات القطاع تعاني من أزمة كبيرة بسبب الحرب الصهيونيه وصعوبة وصول الطواقم الطبية... كتائب القسام تقصف تجمع مغتصبات أشكول بصاروخ جراد... الجيش الصهيوني يعترف بسقوط قتلى في صفوفه... القسام تؤكد مصرع وجرح 25 جنديًّا صهيونيًّا... سرايا القدس: المجاهدون في غزة بالآلاف جاهزون لسحق العدوان... القسام تقنص 3 جنود صهاينة ببيت لاهيا... قصف مغتصبة "جوليت" الصهيونية بصاروخ قسام رغم التحليق المكثف للطيران الصهيوني... سقوط صاروخ على بلدية مغتصبة أشكول بشكل مباشر... القسام تفجر عبوتي أفراد بقوة صهيونية خلف جبل الكاشف... القسام تقصف قاعدة بتسليم الصهيونية أكبر قاعدة برية في المنطقة الجنوبية بصاروخي جراد.

Unknown يقول...

السلام عليكم ورحمة
الله تعالى وبركاته
محمد الفارس الملثم
كلامك مضبوط والله يامحمد
ربنا يستر كمان علي اللبان !!!

Unknown يقول...

السلام عليكم ورحمة
الله تعالى وبركاته
TiMmY
المحاضر بتاعك ده باين عليه مش من مصر!!لانه فاهم الموضوع كويس وجاب المختصر المفيد ربنا يحرسه هو واللى مثله!

Unknown يقول...

السلام عليكم ورحمة
الله تعالى وبركاته
ahmed_k
كلامك مضبوط والله ياأستاذ احمد ودى نقطة جت فى بالى بعد ما كتبت التدوينة
لان أكيد اللى المستُورد لو كان عايز (احسن من كده )كان رجع الشحنة زى مابيحصل للمنتجات الزراعية بتاعتنا لو فيها شىء مش تمام.العيب مننا أحنا !من المستورد اللى بيدور على الربح بأقصى ما يقدر بدون ما يدفع

Unknown يقول...

السلام عليكم ورحمة
الله تعالى وبركاته
مها
الف بعد الشر عنك
من كل حاجة وحشة
يارب الظالمين والمنافقين
هم اللى يتحرقوا فى نار جهنم

Unknown يقول...

السلام عليكم ورحمة
الله تعالى وبركاته
واحدة مفروسة
على رأيك :)
ربنا يستر على
اللى جاى

Unknown يقول...

السلام عليكم ورحمة
الله تعالى وبركاته
استاذ/عمرو
مليش اعتراض على ان باكستان عندها قنابل نووية ولولاها كانت الهند زمنها (أكلتها )من زمان لكن مايمنعش ان دخل الفرد فيها (قليل اوى )وكمان وده المهم زى ماقلت انت وقال الاستاذ احمد المستورد بتاعنا بيبحث على الربح بأقصى ما يستطيع دون النظر الى جودة اللى بيستورده .
ربنا يرحمنا ياأستاذ من أنفسنا قبل ما يرحمنا من غيرنا

Unknown يقول...

السلام عليكم ورحمة
الله تعالى وبركاته
سفروتة
فاضل الشعب !!
ويارب تنجحى يارب
انتى وكل الطلبة يارب

Unknown يقول...

السلامعليكم ورحمة
الله تعالى وبركاته
مذكرات مشاغب
تصدق يامشاغب!!!كلامك صح!! باكستان سابقة مصر بكتير حسب موقع تابع للبنك الدولى بس برضة مش ده موضوعنا انا بسال او اتسأل ليه نستورد كبريت ماعندنا شركتنا المصرية!
لكن زى مابيقولوا التجارة الحرة ذات المنافع الكثيرة اللى مش بنشوف منها ولا منفعة.
اللنك للموقع ده لو تحب:
((http://majdah.maktoob.com/vb/majdah34385/))

Unknown يقول...

السلام علبيكم ورحمة
الله تعالى وبركاته
استاذ/هانى زينهم
والله ما عايزة حرب ولا دياولوا بس جيرانك مش حيسبوك لازم يعرفوا انك مستعد وكمان أخوانك لازم يعرفواأنك معاهم ماينفعش يكونوا بيتقتلوا وبيقع السقف على دماغهم وأقف ساكتة
وبقولك ايه:)!!ربنا يخلى (الصناعة الوطنية !!)والا ابلغ ام ملك!!

Unknown يقول...

السلام عليكم ورحمة
الله تعالى وبركاته
أحمد بدر الدين
:) :) :) :)
هو انا قلت حاجة:)
صح احنا فى مصر
ام الدنيا وأم العجائب
زى ما قلت لمدون صديق مرة.

Unknown يقول...

السلام عليكم ورحمة
الله تعالى وبركاته
شمس النهار
مصنع ياسين !!!
الله يرحمه ويرحم ايامه
البركة فى التأميم !!

Unknown يقول...

السلام عليكم ورحمة
الله تعالى وبركاته
موناليزا
وانا والله نفسى برضه:)

Unknown يقول...

السلام عليكم ورحمة
الله تعالى وبركاته
كيارا
لأوالله مش عادى ياكيارا ده حالنا المقلوب هو اللى خلاه عادى!!
وربنا معنا ومعاهم
ومع الحق يارب.

Unknown يقول...

السلام عليكم ورحمة
الله تعالى وبركاته
GiGi
يارب كن معهم
يارب انصرهم
اللهم امين.

Unknown يقول...

السلام عليكم ورحمة
الله تعالى وبركاته
حسن حنفى
ماأنا قلت لك
انا فى مصر
ام الدنيا
وام العجائب

Unknown يقول...

السلام عليكم ورحمة
الله تعالى وبركاته
ghoneem
دكتوررر غنيم :)
ياطبيب ويازميل
واهم حاجة ياصديقى
أزيك ؟ لك وحشة كبيرة والله.ربنا ينجحك يارب وتبقى جراح كبير (أدددددد كده!)
واحنا عازرينك وماتحمل هم بس انت خلص وارجع تانى زى الاول عايزين حتى لا انسى وسيد الاخلاق ورسولى محمد صلى الله عليه وسلم يرجعوا تانى وحشتنا كلماتك واشعارك وحكاياتك.
وانا اعتز اكتر بحضرتك وبصداقتك
وبمعرفتك يادكتور احمد غنيم (لما تنجح وتبقى مشهور ماتنساناش:):):)

Unknown يقول...

السلام عليكم ورحمة
الله تعالى وبركاته
مصطفى ريان
اللهم امين
فى(دى)
وفى (دى)

Unknown يقول...

السلام عليكم ورحمة
الله تعالى وبركاته
msafa
مش بعيد ياأفندم!!
احنا فى مصر بلد
العجائب والغرائب

Unknown يقول...

السلام عليكم ورحمة
الله تعالى وبركاته
saheda.com
جزاكى الله الحير لاعلامنا بكل هذه النتائج وربنا يثبت اقدامهم ويذل عدوهم ويخزيه ويهزمه.

Unknown يقول...

اللهم اغفر للمؤمنين والمؤمنات
وللمسلمين والمسلمات
الاحياء منهم والاموات
انك سميع عليم مجيب الدعوات
اللهم انك قلت وقولك الحق
(جاء الحق وزهق الباطل
إن الباطل كان زهوقا)
اللهم انصر الاسلام والمسلمين
وأهزم الشرك والمشركين
اعداءك اعداء الدين
انك سميع عليم رحمن رحيم
رب العاااااااااااالمين.

غير معرف يقول...

where you come from!

Unknown يقول...

Fashion Jewelry

From here

:):):)

من غير عنـــوان يقول...

ده من خيبتنا لا مؤاخذه