الجمعة، يناير 23، 2009

........زيارة فجائية !! ياماماى!! يامامى!!





محتارة والله اقول ايه ولا اكتب ايه؟
إنتشر همس ولمز وكلام فى السر والعلن
إن الباشا الجديدرئيس الهيئة المحترم جاى يزورنا
زيارة فجائية مبغاتية تفقدية تشريفية
وإنه كمان مستحلف براس جدوده


الكبير


والاوسط


والصغير



ستين يمين يقلب الدنيا على
اللى فى الهيئة كلها



وحيعملنا احنا المثال الاول
بعد الزيارة دى



نظرا لان كتير كلام بيوصل الجرايد
وبتسرسب للصحافيين اخبار الشغل والمشاكل والشكاوى
اللى نازلة ترف فى كل ابواب المشاكل فى كل جرايدك يا بر مصر المحروسة
المهم الاول قلنا اشاعة لكن لقينا الحركة زيادة شوية




فى مكاتب المدريين الاداريين ووكلاء المدير الفنيين




المهم لقينا اول حاجة النضافة على ودنة


مسح وكنس وتزعيف للاسقف والاركان




وغسيل للحيطان




ولمض نيون جديدة وأكياس قمامة فى كل السلات


ودعك وجلى للاحواض


وتركيب الوميتال وقواطع بين المكاتب وبعضها


حتى يصير كل موظف او طبيب قاعد لوحده فى زنزانة! قصدى فى حجرة




(لكن والله كأنها زنزاتة)



لان مساحتها صغيرة اوى
ولك ان تتخيل الاوضة الواحدة قسموها اربعة اجزاء جزئين للطبييبن
وجزء للكشف وجزء كأنه صالة صغيرة للانتظار
المهم حتى جابوا العمال يوم الجمعة اللى فاتت


لأكمال وأستكمال اعمال الحفر! حفر ايه بس !!!


قصدى اعمال النضافة



وحطوا لوحات استرشادية يالفوسفور على كل حته




ومع ذلك ده مامنعش الناس تسأل هو فين كذا ؟ هو فين كذا؟




ده طبعنا لازم نسأل وبعد ما نسأل نسأل تانى!!





وكمان لوحة اددددددددددددددد كددددددددددده



على الباب الخارجى



وفعلا المكان بقى زى الفل وزيادة فى الابهة




جابوا شجر بلاستك


زى النخل الاصطناعى اللى اتحط فى الميادين


عندنا فى وقت من الاوقات




جابوا النخل ده واشجار فاكهة بلاستك :


برتقال وجوافة ويوسفى كمان



مجابوش شجر تفاح ليه؟انا مش عارفة!



وصرفوا لنا بلاطى جديدة وللحكيمات والمسجلات كمان




واليوم اللى كانوا متوقعيين الزيارة



(المفاجئة خلليلى بالك)




تحصل فيه جابوا لنا ورد طبيعى اه والله طبيعى فى الاوض بتاعتنا




(شفت الهنا اللى احنا فيه!!)



ورشوا معطر الجو فى الممرات



بيخقنى كده لكن لازم استحمل !!




المهم
الدنيا بقت ايه ووواووووو




مابقاش فاضل الا يحطوا فرعيين لمض ينوروا ويطفوا ادام الباب




لاجل ما يرحبوا بالسادة الزوار ولاجل ما الترحيب يبقى اشد حرارة


بس والكل على قدم وساق


وكله جاى بالحتة الزفرة اللى هى وطبعا المكياج للحكيمات


الا


..


إذ


.


...


.


.


فجاة.
.
.
.
.
.
.
.
.
.
جميع بردون بلاليعك وتواليتاتك يادى المستشفى تنسد !!!
والمجارى فاضت بكل الاعباء اللى حصلت والحاجات اللى اترمت فيها


والمية بقت للركب


فى الممرات والمكاتب الادارية اللى فى الدور الاول
اما المخازن اللى فى البدروم حاسيبك انت تتتصورها بقى
.
.

.
.
.
.
.
.
طبعا الزيارة اتلغت
والتعب ضاع
والمصاريف اللى اتصرفت ضاعت
لان كل اللى اتعمل
ديكور وليس اصلاح
ايوة
زى احسان عبد القدوس ما قال
انا لا اكذب ولكنى اتجمل
اهم دول كده
انا لا اكذب ولكنى
ادوكّر
يعنى اعمل ديكور
والاساس بايظ
وللأسف
وللألم

هناك 59 تعليقًا:

Dr. Ibrahim يقول...

يالا بالهنا والشفا:)

هو دا حالنا

عشان فعلاً مفيش إصلاح كله فى الفاضى وهتلاقى قبل ما الزيارة تخلص كل دا هيبوظ

يبقى لازمته إيه

إحنا عندنا حساسية ضد حاجة اسمها الضمير وحاجة اسمها النظام والنظافة..

تحياتى..

dodda يقول...

ههههههه
والله فرحانه جدا

مقدروش يدفعوا للمجارى رشوه:)

ماليش فى الغش والزواق من ع الوش

Che يقول...

انا حاسس ان ربنا عاقب الناس اللى عندكم عشان انهم بيكدبوا و هيدخلوا النار
و انتى بتتكلمى عن المستشفى بعد ماتزوقت زى العروسه خلتينى نفسى اعيا و اجى اكشف عندكوا

موناليزا يقول...

فيها ايه بجد لو الحاجات دى تبقى متظبطة على طول؟؟
وبعدين يعنى هما السادة المسئولين معقول بيصدقوا اللى بيشوفوه من ديكور زائف!!

TIMMY !! يقول...

للأسف يا دكتورة نور ,

هي دي مصر ,

عاوةزين ظابط على كل مواطن علشان يشتغل , و ظابط على كل ظابط , و هكذا إلى مالانهاية !!

إنما لو كل واحد بيشتغل علشان يراعي ربنا , ماكانش هيبقى فيه شد ساعة الزيارات , لأن كل حاجة هتكون ماشية تمام أصلا !!

مذكرات مشاغب يقول...

هي دي مصر يا جمعه
قصدي يا دكتوره
وكويس انها جت على قد كده
اصل الريس لما جالنا قلب الدنيا بجد
وانتي قريتي الموضوع
خلاص احنا بقينا نخاف منختشيش
ان شاء الله كده عن قريب لما ابقى مسؤول كبير اوي هعمل زيارات مفاجاه
(وش بيغمز)

تحياتي

romansy يقول...

هههههههههههههههه
المهم
عدت على خير

فى كل حته التجمل دا
والديكور اللى من بره هلا هلا
وجوه يعلم الله

ربنا معانا ويقوينا على االنفاق الاجتماعى

maxbeta3zaman يقول...

ده كان مجرد مشاركه من هيئة المجارى فى الزفة فكيف تنسوا دعوتها للمشاركه فى هذا الاستقبال المهيب كل ادرة تعمل اللى عليها ...عندنا أحد العملين المقربين جدا من رئيس المؤسسة عمل مثلما عملتم تماما وفرش الزهور والأعلام ورش الميه وزاد على ذلك بأن أخرج العمال والسائقين والإداريين وصفهم يصفقون ويهتفون للزائر - الطاعن فى السن 80++- وحلت بركة الزفة بعدها مباشرة بأن أحالت جهة عليا جدا الزائر للتقاعد الجبرى وقالت كفايه كده ..وتبعه مصمم الزفة أيضا

غير معرف يقول...

موضوع يغيظ ويفور الدم!
أحسن تعليق ممكن أضيفه على ما في هذا الموضوع من تهريج وجبن وتسيب، إذا سمحتي لي، هو: "صعبان علي حالنا" أوي أوي أوي!!

وفاء بركات يقول...

السلام عليكم ورحمة
الله وبركاته
ليه سؤال حضرتك بتقولي إن الزياره مفاجئه طب عرفتو إزاى قبلها بأسبوع
وإتعملت كل الحوارات التعبانه دى
دى بتفكرني بمحطة المطار السرى
طب شجر الفاكهه البلاستيك حضرتك
موجود يعني علشان أجي أتصور جنبه
مبروك البالطو والحواجز الألومكال
(من شاف الباب وتزويقه من جوه نشفان ريقه)الله يرحمك يا أمي
مش عارفه أتضحك ولا أبكي
ليكي مني مليون تحيه ومليون سلام

الفقيرة إلى الله أم البنات يقول...

هم يضحك وهم يبكى
طيب لما ممكن يعملوا كده ليهموفرين النظافه ليوم الزيارة
حسبنا الله ونعم الوكيل
والله لو كثفنا الدعاء ان ربنا يخلصنا من القوم الفاسقين
ان شاء الله سيستجيب
استغفر الله العظيم

Jhennifer Cavassola يقول...

بلوق الخاص بك هو جميل جدا الشقيقة.


SALAM WA ALEIKUM WA ARAHMATULLAH WA BARAKATUHU WA JAZAKUM ALAHU ALFA KHAIR

Mafrousa يقول...

للأسف هيه ديه مصر يا دكتورة
هيه ديه صورة من صور الفساد
بدل ما يراعوا المكان اللى لازم يكون اكثر نضافة من اي مكان آخر
يعنى لازم زيارة علشان ينضفوا؟؟؟
و ياريت حتى بيعملوا للزيارة بذمة
الا برضه بيعملوا اي كلام
و اهي المجاري فضحتهم
حاجة تفرس و الله

Asmaa Fathi يقول...

هم يضحك وهم يبكى

ده جمع الاتنين الضحك وقبله البكاء

يعنى ايه اللى هيحصل لو حال المستشفى بعد التعديل بقى هوه الطبيعى

ولا ان مخدوش فوق دمغهم مهيمشوش

هى البلد باظت من شويه

تقبلى عزائى فى البلد

اقصد تحياتى

أنا - الريس يقول...

لا جديد .. الواقع جميل .. والحياة بمبي .. والناس مش بتشتكي .. والشباب شغال .. والبنات كلها متسترة .. والشيوخ بيدعوا ليك .. والأطفال يبتسمون .. لا جديد في الوطن العربي .. كله مبسوط .. ومشكورة علي البوست

Atef Shahin يقول...

السلام عليكم
اظهر الله الحقيقة رغم الغش والخداع.
عرض جميل للحدث كأننا عشناه

غير معرف يقول...

ياجماعه اولا انا شايف ان اللى حصل ده عقاب ربانى من عند الله سبحانه وتعالى
يعنى انت تريد وانا اريد والله يفعل مايريد لا غش ولا خداع بينفع ... لكن اهم مافى الحكايه من وجهة نظرى ان المسؤل الكبير هو اللى بيسرب خبر زيارة سيادته المفاجئه عارفين ليه ؟؟؟؟
علشان بلا وجع دماغ هو انا لسه هأفاجىء الناس واعملهم خصم مرتبات وفصل وبعدين يجيبولى وسايط علشان الغى الخصم ده والغى كمان الفصل او يترفع عليا قضية فصل تعسفى ياعم قووووول ياباسط قصدى قووووول على ميعاد الزياره فى الخباثه كده وارحم نفسك
الله المستعان
اشكرك يا طبيبه على الموضوع Doctor.1

أحــوال الهـوي يقول...

ياسلام
قصه مؤثرة؟؟؟
و النهايه سعيده
اقولك حكايه مشايهه واحنا في الجيش يوصل الاستهتار و التدليس باستبدال العربيات البايظه باخري من مكان تاني بعد تغيير الشعار علشان التفتيش يقول 100%
تصوري لو قامت حرب و كانت النتيجه امام صناع القرار 100% وهي 0% يعني كارثه

تحيا المجاري الحرة المستقله

تحياتي

rovy يقول...

اه اسف اكيد واى اسف اختى الحبيبه
مع كل الاسف ده حالنا فعلا
الاهمال وعدم النظافه و عدم احترام انسانيه الانسان و المواطن بقيت شىء عادى
اللى مش عادى انهم يحاولوا يجملوا الواقع المر لان طعم المر حيكون اقوى و كويس انها جت على حد كده و يارب يتعلموا

دمتى بكل الخير فى حفظ الله

تحياتى

Gannah يقول...

السلام عليكم
الحقيقة الحاجات دى بتحرق الدم
لان دى مشكلتنا الأزلية ..التجمل فى الظاهر فقط
اللى بتقوليه بيحصل فى أماكن كتير جداا
ومش عارفة ازاى بيقدروا يعملوا كده بكل جرأة وكأن ده العادى
وكأن المسؤول انسان أما العاملين فى المكان والمرضى فليسوا بشر لهم الحق فى مكان محترم حقيقى وليس مزيفا
لقد احترفنا الزيف
والا أن نتركه فسنظل كما نحن
تحياتى

حاول تفتكرنى يقول...

ليس غريبا علينا أن نلحظ سرعتنا ودقنا فى فعل الشىء الجيد - إذا أردنا فعله - لان ذلك الفعل أمر يسير وسهل

المشكلة تكمن أننا أدمنا التلفيق ، وشجعنا عليه أدمان الرؤساء بكل انواعهم لقلب القاعدة إلى شواذ

تحياتي

msafa يقول...

انتى من اعز الاصدقاء هنا انا مش عارف اشكرك ازاى وانا مش عارف احنا بقينا كده ازاى بس فعلا انا مبسوط جدا على انك دايما متبعانى بشكرك على زيارتك
انا مره قالوا فى مسؤل جاى علشان يشوف ميعاد التسليم امتى علشان الناس الكفرانه اشتكت وفعلا يومين من الاجهاد والتعب المضنى جدا من الساعه سبعه الصبح لحد الساعه اللى هى بعد العشاء وتنضيف زلزادر وحفرات وتراب وامراض صدريه بقى
روحت سالت سؤال غبى شويه ( ده موقع عمل هو ايه المطلوب يعنى فى موقع فيه جبس واسمنت وحديد وناس بتصلح البايظ وناس بتدارى على اللى تسرق من 20 سنه فى الموقع ده
قال المهندس : معرفش بس على فكره ممكن تحاول خلال اليومين دول انك تزرع شجر علشان يخضر لبعد بكره وضحك بصوت عالى وانا كمان ضحكت علشان انا عرفت انه حاسس بيه
وفى الاخر وفى صباح اليوم الثالث
والدنيا مرشوشه ومنديه
الباشا عدى من جنب الموقع ومكلفش خاطره يبص عليه
حمدنا ربنا طبعا وقبلنا باطن ايدينا فى عرفان ومسره
اسف على الاطاله
وبشكرك على الزياره

مصطفى محمود يقول...

ههههههههههههههه
هههههههههههههههه
ههههههههههههههههه
هههههههههههههههههههه


بس خلاص

سلام

Kiara يقول...

هههههههههه مش في فايده

بتفكريني ليه

بجد بيبقي شكلهم يموت من الضحك

هو يعني احنا مالناش نفس نحس بالنضافه زي المسئول ايا كان

ناس تخاف متختشيش

وبصراحه كنت متوقعهاها عدم الزياره

موتيني من الضحك ياقمر

وحشاني

أحــوال الهـوي يقول...

norahaty

يا دكتور انا باضحك معاك
و عارف ان سؤالك ذكي و عميق
و جاوبت بنفس طريقة السؤال

اوعي تزعلي انت برضه في سن بنتي هي في 3 صيدله و باكن لك كل احترام و موده

تحياتي

غير معرف يقول...

يشرفنى ويسعدنى ان يصدر لى اول كتاب

"لست الا بعض الأوراق" معروض بمعرض
الكتاب

التفاصيل على البلوج الخاص بى

www.cherry0000.blogspot.com

تحياتى لك

@alhaidar يقول...

صباح الخير ..

للأسف هذا واقع الحال عندكم وعندنا وفي كثير من الدول العربية ..

المكان يكون سيئا بل مقرفا .. وبمجرد أن يزوره مسؤول يتم تلميعه بصورة غير طبيعية درءً للفضائح !!

المدونة جميلة ..

إلى الأمام دائما ..

غير معرف يقول...

فكرتني بفيلم ( امبراطويرة ميم ) بتاع احسان عبد القدوس بردو
بس هة المسئول ماعقبش الالمئسلين عن المستشفي بسبب الطفح دة ماهو اكيد في حاجات غلط ادت لكدة

_-------------

اشكرك لوضعك غلاف كتاب على السايد بار
اتمنى الكتاب يعجبك ومنتظر رأيك فيه

لك كل التحية والود

عمرو يقول...

:)))))))
حرام عليكى موتينى من الضحك .. أحسن يستاهلوا
(( و يمكرون و يمكر الله و الله خير الماكرين ))
صدق الله العلى العظيم

Unknown يقول...

السلام عليكم ورحمة
الله تعالى وبركاته
Dr.Ibrahim
صح كلامك والله وحصل!
وحياتك كل الشجر والفاكهة
البلاستك اتقطعت وطبعاًالاكياس
البلاستك خلصت وللاسف لو اتكلمت ماتخلصش وتلاقى 100واحد بيدافعوا باستماتة عن الغلط وما تخلصش!
ربنا يرحمنا يارب
تحياتى يافندم.

Unknown يقول...

السلام عليكم ورحمة
الله تعالى وبركاته
dodda
ليه بس؟كانت تمت
الزيارةوخلصنا يادودا
وقوعلى البلا (بعيد عنك)
ولا إنتظاره زى ما بيقولوا!!

Unknown يقول...

السلام عليكم ورحمة
الله تعالى وبركاته
Che
لا بعد الشر عنك
وعن الناس كلها المرض
والرقدة فى الفراش دى ..وحشة
اوى ولو فى مستشفى سبعة نجوم حتى!!

Unknown يقول...

السلام عليكم ورحمة
الله تعالى وبركاته
موناليزا
ياريت كل حاجة تبقى مضبوط
ده يبقى بلدنا ساعتها مفيش احسن منها لكن تعملى ايه بقى فى قلة
الضمير ربنا يرحمنا برحمته
الواسعة ويهدينا للخير.

Unknown يقول...

السلام عليكم ورحمة
الله تعالى وبركاته
موناليزا
جزاكى الله كل الخير
وهدنا لما يحب ويرضى

Unknown يقول...

السلام عليكم ورحمة
الله تعالى وبركاته
TIMMY
ماهو الضابط ده مفروض موجود
جوا كل فرد منا اسمه الخوف من الله
والضمير الصاحى !!لان هناك مراقب
لا يسهو ولا يغفو ابدا!الله .

Unknown يقول...

السلام عليكم ورحمة
الله تعالى وبركاته
مذكرات مشاغب
للاسف يافرايدى
قصدى يامشاغب
ده بقى حالنا كتيرا
وادينا منتظريين حضرتك
من غير وش بيغمز ولكن يترقب!

Unknown يقول...

السلام عليكم ورحمة
الله تعالى وبركاته
ROMANSY
ماللاسف يارومانسى
ماعدتش لان الزيارة لازم
تتم يعنى كل ده حيتعاد
مرة تانية!شفت المأسأة!
وعلى قولك ربنا يرحمنا!

Unknown يقول...

السلام عليكم ورحمة
الله تعالى وبركاته
ماكس بتاع زمان
ودلوقتى وبكرة كمان!
حكايتك دى اصدق وصف لها
المثل الشعبى اللى بيقولك
(اخرة خدمة الغز علقة)
اهو دول اخر خدمتهم الطرد!!

Unknown يقول...

السلام عليكم ورحمة
الله تعالى وبركاته
Hina wi Hinak
امال لو كنت شفته بعنيك
كنت عملت ايه ؟وانت اتنبح
صوتك قبل كده انهم يصلحوا لك
جهاز الضغط او يجيبوا سماعة جديدة
وتلاقى الاعتمادات اتوفرت للورد البلاستك!!!

Unknown يقول...

السلام عليكم ورحمة
الله تعالى وبركاته
أستاذة /وفاء بركات
البركة فى شغل البصاصين يافندم:)
بيعرفوا تحركات المسئول من قبله
هو نفسه اما الورد البلاستك والفاكهة فعليهم العوض مش فاضل فعلا الا البلاطى الجديدة والالوميتال
الحقى تعالى بسرعة قبل
مايشيلوهم كمان!!
نورتينى استاذة
وربنا مايحرمنى
منك ولا من
زياراتك

Unknown يقول...

السلام عليكم ورحمة الله تعالى وبركاته
الفقيرة الى الله أم البنات
ماهو لو عملوا كده كنا
زمنّا بقينا فى ترتيب
تانى بين الدول اللى
اتحررت او استقلت فى
نفس وقتنا زى الصين
او الهند لكن !!
ربنا يرحمنا
جميعا

Unknown يقول...

Jhennifer Cavassola
Thank you very much
and for you to.

Unknown يقول...

السلام عليكم ورحمة
الله تعالى وبركاته
واحدة مفروسة
غلبنا فيهم كلام ولا هم هنا
المهم يعملواالحاجة من فوق الوش وبس
طيب والاساس ؟مش مهم المهم الزواق والزينة !!لكى ولنا حق نتفرس!!

Unknown يقول...

السلام عليكم ورحمة
الله تعالى وبركاته
gana magade
هو مبكينى على طول بالحقيقة
وهم بيوضبوا وبعد الزيارة ما
باظت كمان لان سيادته لازم يجى
وكل ده حيتعاد من اول وجديد
وعلى غير اساس برضه!!

Unknown يقول...

السلام عليكم ورحمة
الله تعالى وبركاته
MR.PRESIDENT
الوووو!الووووو!الووووو!
هل تسمعنى ..حووووووووووول
ماتخافش :)احنا مش على الهوا
قول اللى فى نفسك بلاش كله تمام دى:(

Unknown يقول...

السلام عليكم ورحمة
الله تعالى وبركاته
Dr.Atef Shahin
ونعم بالله يادكتور
بس اديهم حيكرروا كل
حاجة مرة تانية فى
الزيارة القادمة!!

Unknown يقول...

السلام عليكم ورحمة
الله تعالى وبركاته
غير معرف(Dotor1)
صدق انت كلامك فعلا
واكيد مضبوط ان اكيد هو
اللى بيقول على مواعيد زيارته
لاجل ما يريح دماغه من الكلام والحديث
ويبقى الحال على ما هو عليه الى ماشاء الله له البقاء ولاحول ولا قوة الا بالله !
وأحنا اللى بنشكرك على التعليق اللى نور المحكمة :)

Unknown يقول...

السلام عليكم ورحمة
الله تعالى وبركاته
احوال الهوى
والهوى احوال
(تصوري لو قامت حرب و كانت النتيجه امام صناع القرار 100% وهي 0% يعني كارثه)اعتقد ان مثل هذا فى حرب 1967 !!

Unknown يقول...

السلام عليكم ورحمة
الله تعالى وبركاته
rovy
ام ياسمين الطيبة
للاسف حالنا بقى كتير
صعب !الكل بيخبى على الغلط
ولو اتكلمتى تبقى انتى الغلطانة
ربنا يرحمنا!أحسن المستقبل حيبقى
صعب اوى اوى لو استمرينا كده!

Unknown يقول...

السلام علكم ورحمة
الله تعالى وبركاته
Gannah
للاسف زى Doctor 1
مابيقول فى الغالب
المسئول بيكون السبب فى
الوضع !!مش عايز وجع دماغ
ويبقى الحال على ماهو عليه !!
اسلم له هو فى نظره:(
وتحياتى وتشكراتى .

Unknown يقول...

السلام عليكم ورحمة
الله تعالى وبركاته
حاول تفتكرنى
المشكلة تكمن أننا أدمنا التلفيق)
عارف انت لو حاولت تقول على حاجة غلط يبقى ارتكبت (جرم )كبير من وجهة نظر السادة المديرين
وتتعاقب!!شفت ازاى؟؟؟

Unknown يقول...

السلام عليكم ورحمة
الله تعالى وبركاته
msafa
ده شرف لى يافندم
ان تحسبنى من اصدقاءك
يحكى مرة برضه ان المسئول يزور موقع
(مزرعة سمكية )اسما لكن مافيهاش ولا سمكة قبل الزيارة الصبح جابوا سمك من الجمعية الاستهلاكية القريبة ورموه فى البركة!!!لاجل مايتصورا الصيادين هم بيصيدوا !!المهم سابوا كل حاجة بعد المسئول ما خلص الزيارة وانت عارف بقى السمك باظ وكانت واقعة ما يعلم بها الا ربنا سبحانه وتعالى !!
وانا اللى اسفه على الاطالة :)

Unknown يقول...

السلام عليكم ورحمة
الله تعالى وبركاته
TeVa
اضحك الله سنك
شكرا للزيارة

Unknown يقول...

السلام عليكم ورحمة
الله تعالى وبركاته
كيارا
للاسف بيمثلوا الدور
وبيصدقوا نفسهم بعد كده
نورتنى وحمدلله على السلامة

Unknown يقول...

السلام عليكم ورحمة
الله تعالى وبركاته
احوال الهوى
والهوى احوال
يافندم ربنا
ما يجيب زعل ابدا
وانا رديت عليك فى
المدونة بتاعتك
وجزاك الله الخير
على شعورك الطيب.

Unknown يقول...

السلام عليكم ورحمة
الله تعالى وبركاته
Sherif
مبروك يافندم
وبالنجاح دائما
وعقبال الكتاب ال1000 .

Unknown يقول...

السلام عليكم ورحمة
الله تعالى وبركاته
الصحفى والكاتب
احمد الحيدر
للاسف حتى انت تقول هذا
الحال واحد عندنا وعندكم
ربنا يهدينا ويهديكم للخير
متشكريين للزيارة وللتمنيات الطيبة

Unknown يقول...

السلام عليكم ورحمة
الله تعالى وبركاته
ماهو ساعات بتحصل فى
المؤسسات والاشغال اغرب
من الافلام والمسلسلات!!
ولا شكر على واجب وربنا يسهل
كده وتتشهر وتوزع كل الكتب بتاعتك مجانااااااا على اصحابك فى المدونات:)

Unknown يقول...

السلام عليكم ورحمة
الله تعالى وبركاته
أستاذ/عمرو
بس والله كان نفسى تخلص
الزيارة دى لانها لازم تحصل
ووقوع البلا بردون يعنى
ولا انتظاره!!
شرفتنا استاذ عمرو