الاثنين، يونيو 01، 2009

ايه اللى جرى لبلدنا؟



الصورة المرفقة


تبين حادثة

بطلاتها آنستان طالبتان جامعتان بكلية التجارة


الأولى


مفتونة بجمالها وشبابها فصورت نفسها
عفوا


(عارية)


بالموبايل وأحتفظت بالصورة ....


(لتريها بعد ذلك لزميلاتها ولصديقاتها بالكلية )


فما كان من واحدة منهن الا أن غافلتها


وأرسلت الصورة لجهاز الموبايل الخاص بها


لتستخدمها بعد ذلك كأدة تهديد وإبتزاز لصاحبة الصورة


وتأخذ منها النقود والحلى وال(مجوهرات كمان!!)


فلما زاد الامر عن حده إنقلب الى ضده


فلم تجد الصديقة الاولى ما تعطيه للمبتزة عندئذ


وراحت للبوليس(بس دلوقتى افتكرت)!!


وبلغت عن صحبتها
لتأمر النيابة بضبط واحضار(الصديقة الخائنة)


الى سراى النيابة وحبسها !!


فعلا
فعلا
فعلا
ايه اللى جرى
لبلدنا؟


اسئلة كتيرة ممكن الواحد يسألها فين

الحياء الفطرى والطبيعى للبنات؟


ايه اللى خلى البجاحة والتلامة

وعفوا قلة الادب

تنتشر بين بعضهن هكذا ؟


برضه حنقول الفيديو كليب والافيشات للأفلام

اللى ماليه الشوارع بالحجم الطبيعى


بل بضعف الحجم الطبيعى

وأحيانا ثلاثة اضعاف حسب المزاج!


فليس هناك من رقيب إلا صاحب الاعلان


هل هى الواقعية المفرطة فى حوارات الأفلام وإعلاناتها


والتى صارت تقتحم بيتك من غير أحم ولا دستور


مع قنوات الافلام والمسلسلات المنتشرة كتير فى بلادنا؟
وصارت حتى تطاردك
فى محطات المترو!


وأين الاهل للضحية فى كل القصة دى؟


كيف بررت لهن غياب حليها ؟

ولا اين وكيف تصرف نقودها ؟


والصديقة المبتزة
من اين آتاتها الجرأة لتفعل ما تفعل ببساطة؟
تمارس السرقة اولا ثم تبتز الصديقة بعد هذا!
وكمان قالت لاهلها من اين آتاتها
النقود الكثيرة والحلى الذى معاها


ولا الاهل ولا هم داريين بشىء؟
ام هم مثلها؟!!
فتلك الشبلة من ذاك الاسد!!


ماهو مش معقول حتعمل كل ده لاجل ما تحوش مثلا او تخبي الفلوس والدهب فى حتة؟!!؟


دى لمّا تصير موظفة بشهادتها الجامعية المجانية التى ستحصل عليها بعد هذا


كيف تتصرف مع زملائها


أو الجمهور المسكين


إن حكم عليهم الزمن بالوقوع بين أنيابها؟


اللهم ارفع غضبك ومقتك عنا


اللهم لاتسلط علينا من لا يخافك ولا يرحمنا

ربنا ظلمنا انفسنا وإن لم تغفر لنا وترحمنا


لنكُونن من الخسرين.
أنا حزينة والله:(


هناك 46 تعليقًا:

حتى تشرق الشمس يقول...

السلام عليكم ورحمة الله وبركاتة
هااااااااااااا انا اول تعليق
والله قلة الدين تعمل اكتر من كدا
وبعدين ان لم تستحى فافعل ما شئت
وكمان من كتر ما البنات والاهالى
ما بيشوفوا فى الافلام وربنا يعافينا الكليبات
ممبقاش فى حاجة اسمها بتكسف
يا نهار ابيض
دا البنت المفروض تكون بتكسف حتى من اهنا تنظر لنفسها فى المراية مش تفرج صديقاتها على نفسها
سامحينى بس بحس ان البنات دى عفوا جسمها رخيص او بلفظ تانى سامحينى لحمها رخيص
ربنا يعافينا ويعافى جميع بنات المسلمين
اللهم امييين
جزاك الله خير على المعلومة
دمت بالف خير

صدفة جميلة يقول...

السلام عليكم
لا اعرف ماذا اقول ولكن المهم عدم قول صحبتها لان هذه الكلمه جميله حميدة المعانى
مش عارف اضحك ولا اعمل اه يعنى هى البنت الاولى غرها جمالها ونسيت ان ربنا يقدر يخده منها
وازاى يعنى مفيش حياء انها تورى صورتها عاريه لاصدقائها يعنى اذا بليتم فاستتروا
على فكرة دى مش اول مره ليها لكن ربنا حب يفضح امرها لما فضحت هى نفسها بنفسها
ربنا يعفينا من شرور انفسنا ومن رفاق السوء وربنا يهدى بنات المسلمين

ايوشة يقول...

لا حول ولا قوة الا بالله ايه ده هى الدنيا بقيت كده ودول مش بنات دول اى حاجة تانى فين الحياء والخجل الفطرى اللى فى البنات تصور نفسها وتورى اصحابها للاسف غياب التربية الصحيحة والجهل بابسط امور الدين هى اللى بتعمل فيهم كده ربنا يهدى الجميع يارب

salma mohamed يقول...

بجد مش عارفه اقول غير ربنا يعافينا بما ابتلاهما به,
وان اسال الله الا يؤاخذنا بما فعل السفهاء منا.

MaNoOoSh يقول...

سبحان الله.. فعلا ازاي الاهل ميخدوش بالهم من اختفاء الدهب والمبلغ دة.. الا لو كان المكان سايب مفيهوش حساب ولا ثواب وعقاب.

وصحيح البنات دلوقتى كلمة حياء اختفت من قواموس حياتهم اساسا.

أم البنات يقول...

الحياء والايمان وجهان لعمله واحده
اذا رفعت احدهما رفعت الأخرى

نور يا حبيبتى انتشار الفاحشه بشكل مفزع جعل العيب غير واضح الملامح
لما واحد زى خالد يوسف ربنا يهديه
يدافع عن افلامه اللى غلبت افلام ايناس الدغيدى
خالد يوسف اشاع الفاحشه..وسلك وراءوه مخرجين كثيرين..والأغانى
والإعلانات السلفه..ازى تكلم حبياتك من شريحه واحده
ولا ازاى تبقى راجل لما تشرب بيريل
ولا ولا ولا... المواضيع الخاصه لما خلونى مش عارفه اعمل ايه فى اسئلة بنتى
بجد عمرى ما تخيلت هعيش واشوف هذا القدر من القذارة والعفانه
الحمد لله الذى عافانا مما باتلى به غيرنا وفضلنا على كثيير" من عباده

يارب الطف بينا

واحدة مفروسة يقول...

حبيبة قلبي
دول مرضي
الاتنين مرضي
الاولى مريضة مش ممكن تكون طبيعيه اصلا انها تصور نفسها و تشيل صورتها على الموبايل بتاعها
ديه مريضة مليون فى الميه
و التانية استغلت المرض ده
وو ابتزتها
البنا ت فاكرة ان ده تشبهه بالغرب
ما يعرفوش ان المستوى الوحش اللى بره بس هوه اللى بيعمل كده
لكن ولاد الناس المحترمين مش بيعملو كده خالص

بلاش فضايح يقول...

لا حول ولا قوة الا بالله
انا من زمان وانا بقول راح فين الحياء ياناس
راح فين الحياء
طيب هى صورت نفسها كدة
تورى صورتها لصاحابها ليه
دى معندهاش اى حاجة تثبت انها محترمة

اللهم لا تؤاخذنا بما فعل السفهاء منا

سلوى يقول...

إذا لم تستحي فافعل ما شئت

حسيت من سطورك كم غضبك

فهوني على نفسك
فإنه
إذا لم تستحي فافعل ما شئت

كلمات من نور يقول...

لا إله إلا أنت سبحانك إني كنت من الظالمين.دي رساله لكل البنات حتى الصور الخاصة اللي بالحجاب ممكن يتأذوا فيها لو لا قدر الله موبايلهم اتسرق

احنا بنحب نحط صور للي بيكلمونا من اخواتنا وقريباتنا

إيه رأيكم نحطلهم صور كارتون او حتى من المواقع اللي نقدر نكتب الاسامي فيهم زي موقع:

http://www.imagechef.com/ic/product.jsp?cat=


نختار اي صورة ظريفة ونكتب الاسم وبكده بدل ما يبقى مشاكل الصور بتاعة الموبايل موجوده نبقى ماشيين بما يرضي الله

وقانا الله و إياكم شر الفتن

هانى زينهم يقول...

والله يا دكتور انا كل ما اقول خلاص الواحد شاف وحاشة مش هيستعجب بيها لحاجة تيجى حاجة جديدة وتغير النظرية . عليه العوض ومنه العوض احنا زى ما يكون كنا واقفين على جبل عالى وبعدين خدنا هدر مش عارفين نفرمل منه ربنا يسترها عى ولايالنا وعلينا احنا كمان !!

نـــــــــــــور يقول...

السلام عليكم
ازى حضرتك يادكتور
متشكره لسؤال حضرتك عنى
اما بخصوص البنات

فمش هقولك ان كل الدوافع اللى حضرتك ذكرتيها غلط
انما برضو مش مبرر للحقاره اللى هما فيها
الحيوانه الاولى تستاهل اللى الزباله التانيه عملته فيها
ولا تعليق

jonoon 3aqel يقول...

لا حول و لا قوة الا بالله...

أنا من الناس اللي مقنعة بأن التربيه هي أساس كل شئ..
و المراقبة الدائمة و الصحيحة من الاهل هي المقوم لهذه التربيه التي تمت...
و ده بيخليني أتوتر قليلا لما أتعامل مع أطفال خاصة لما أزجرهم أو أوبخهم...

فلما غابت التربيه السليمة..
تم استقبال ما هو فاسد من الشارع..
و تم اللعب على الرقابة لو كانت..
و تم قبول الفكره الخطأ...
و تم فعل ما تم...

الله يحفظنا و يحفظ أهلنا و يتمم علينا مكارم الاخلاق.,,.

تحياتي..و بلاش تحرقي دمك..خلي شوية لما هو أعظم :)

مسدس صغير يقول...

حتاجة محزنة
نتمنى من الله الهداية

وفاء بركات يقول...

ولا حاجه نيمت كل حاجه الأخلاق والضمير
والشهامه والمرؤه وصحت اللامؤخذه قلة الأدب والجشع والأفترى زمان كانو أهلنا بيدعو ويقولو علينا يارب ووطي أنفسنا
دلوقت الناس بتدعي إدينا يارب وعلي أنفسنا كانت الأم بتربي في أولادها الفضيله وإحترام النفس والحكم علي الناس بأفعالهم مش بفلوسهم ومناصبهم الأم الجاهله خرجت أجيال محترمه ومتعلمه
والأم المتعلمه فشلت ان تربي فخرج للمجتمع جيل لاحياء ولا خشا.
يادكتوره انا بقالي أكثر من أسبوعين بشوف بعيني حاجات تخنق أبطالها أباء وأمهات ولما اتكلم يقولو اني أروح ادور علي المدينه الفاضله واعيش فيها
ربنا يطلعنا منها علي خير

المعتصم يقول...

ازيك يادكتورة
يارب تكونى بخير
وايه اخبار الشقه ؟؟ والاسطى دوكو
..........
بالنسبه للبوست
مش هقول غير
حسبى الله ونعم الوكيل
فى كل اب وام ماعرفوش يربوا اولادهم كويس ويراعوهم ويتقوا ربنا فيهم
تحياتى

karim يقول...

حزينة على اية دة طبيعى جدااا فى الايام السودة اللى احنا فيها والاخلاق الزبالة, نحن فى انحطاط دائم , بس واللة الانحدار دة لازم اخرة رقى زى الامم الكبيرة, والتاريخ بيقول كدة

مصعب صلاح يقول...

السلام عليكم ورحمة الله وبركاتة

سبحان الله
" ولا تشيع الفاحشة في قوم قط إلا عمهم الله بالبلاء"
يعني البنت دي واللي زيها هم سبب البلاء
ربنا يستر

تقبلي مروري

beautiful mind يقول...

السلام عليكم
اولا انا معترض علي حكاية ان البنات دول هم سبب البلاء اللي احنا فيه
لا
دول بجد ضحايا لكل حاجه غلط حوالينا
ضحايا للبلد والحال التعبان
ضحايا لاسرهم وللاهمال
البنت اللي صورت نفسها واللي ابتزتها مش اول ناس يعملوا كدا ولا هم اخر ناس
وادخلوا النت وشوفوا البلاوي
ربنا يسلم بنات المسلمين

mohammed alsha3r يقول...

يعتبر هذا أكبر دليل علي مدي الانحدار الاخلاقي في المجتمع المصري
وربنا يستر علي بنات المسلمين يارب

من غير عنـــوان يقول...

ولا حول ولا قوة إلا بالله

المشكله إن الغلط بادي من الضحية

أم أحمد المصرية يقول...

انا بجد اتصدمت من الخبر ده مش عارفة احزن علي ايه انعدام الحياء و لا خيانة الصداقة لا حول و لا قوة الا بالله
بس اكيد دول اقلية
يارب يكونوا اقلية

واحد من العمال يقول...

السلام عليكم ورحمه الله وبركاته

كل الأسباب التى ذكرتيها لهذه الحادثه صحيحه
والأهل هنا وهناك دايرين فى طاحونه الدنيا بمبادئها الأستهلاكيه البحته
وأولادهم لازم يتعلموا منهم بالطبع ويصاحبوا الجشع
الكل بيجرى ويعافر ونسيوا إن ليهم مهام تانيه غير جمع الفلوس عشان عايزين وعايزبن وعايزين
الدنيا تغيرت كتير وبقينا نسمع عن حوادث مكناش بنسمع عنها ومنها الحادثه دى
وبنات اليوم غير بنات زمان
والحياء والخجل بقى موضه قديمه
والعيب بقى متلخبط على الصح
والخيبه الأكبر إن كل تكنولوجيا العصر ذى ما لها فوايد لها أضرار
وإستخدامنا السيىء للتكنولوجيا دليل على تخلفنا
ولله الأمر من قبل ومن بعد
وربنا يحفظنا جميعاً من كل شر

ودمتِ فى أمان الله وحفظه

كيــــــــــــارا يقول...

لا حول ولا قوة الا بالله
ايه اللي بيجرا دا

اذا لم تستحي افعل ماشئت

نهــــــــــار يقول...

السلام عليكم ورحمة الله وبركاته...
لا أعرف بما أعلق يا دكتوره...
ولكن لم أستغرب الموقف...
هي قليلة حياء والأخرى كذلك....
هذه رفقة السوء.....
أهلهما....
بنات لم يتربين فهل نسأل عن الأهل.....
....
الله يحفظ بنات المسلمين ويستر عليهم...
...
في امان الله...

z!zOoOo يقول...

السلام عليكم

دكتوره نوراالي ناسيانا علطول كده

يارب تكوني بخير

بصي بصراحه ومن غير مبالغه ومن غير ما تزعلي الموضوع اصلا مقرف

بنات عذرا سفله واهاليهم زيهم مش لاقييين الي يربيهم عشان هما يربوا

وبصراحه هما الاتنين اقذر من بعض سبحان الله ربنا بيسلط اقوام علي اقوام

وفي حاجه بتقولك " إذ لم تستحي فإفعل ما شئت "

وحسبنا الله ونعم الوكيل

ربنا يبعد عننا الفتن ويقينا من في الدنيا والاخره

دمتي بكل ود

في رعايه الله

ابو صهيب ( الجمعاوي الاصيل)سابقاً يقول...

انا لله وانا اليه راجعون

هو خلاص الحال وصل لحد كده كمان

بس الغلط اساساً على الاخت اللي فرحانة بنفسها وصورت نفسها

ربنا يستر علينا

حاول تفتكرنى يقول...

ثبتت لى الوقائع المتوالية المتعددة ذلك القرار الذى أخذته من فترة بعدم تصديق اى رواية فى الصحف أو امام الشاشة ، تلك الوقائع التي ألفتها بمجاورتي الدائمة لعددد كبير من الصحافيين ومسئولي الاعداد

فالاحداث - مهما كانت لها زواياها المختلفة - وفئة قليلة من الناس من لديهم القدرة والموهبة على ابراز ذلك الحدث ، فالطبيب مثلا يستطيع ان يأتي بمعجزة جراحية ، وستظل هذه المعجزة بلا اهمية لأنه لم يتعلم كيفية الترويج لها وابراز الجانب الأنساني بجانب الجانب الطبي ، فيأتي الصحفى او الكاتب أو الأديب ليحول المعجزة إلى فيلم سينمائي أو تحقيقا صحفيا أو برنامجا إذاعيا

ربما أكون خرجت كثيرا عن الموضوع ، لكني اعتقد أني فى صلبه - من وجهة نظري - ، لان هذا الصحفي والكاتب والاديب وكل من له قلم يصل للناس ، هو الذى يرسم الخريطة الاخلاقية فى أى مجتمع ، ويضح حدود للصح والخطأ ، فيكون من أهم أولوياته بناء القيم الأنسانة وليس هدمها بمزيد من الاثارة والتشويق والتلفيق

لا استطيع أن اكذب حدثي أن للموضوع جوانب اخري أكثر من مجرد حادثة ، انما يجب أن يكون كذلك ليكون خبرا فى جريدة ، ولو صدق الخبر بما فيه تماما ، أصبح من المؤكد أن هناك شىء خفي

فتصوير الذات فى وضع مخل ، ربما يعني أن هناك اضطرابا ف الهوية الجنسية فتشية كانت أو تحول الزي أو الاستعراء ، وكلها ظواهر مرضيه - للمراجعة كتاب الطب النفسي المعاصر لأحمد عكاشة - ولو صدقنا واقعة السرقة ، وليس لى سبب آخر ، سنزيد من التاريخ المرضى للمجتمع او ما يسمى الباثالوجيا الاجتماعية

فالطرفان فى الحدث - غير مأسوف عليهم - متهمين بأنهم حلقة فى سلسلة الغير سواء الا منتهية .

وربما كانا ضحايا فى ذات الوقت

اعتذر عن الإطالة
تحياتي

على عبدالله يقول...

السلام عليكم

مافيش جديد يا دكتورة !
هى هى نفس البلاوى اللى بتحصل فى كل زمن وفى كل مكان
بس المشكلة فى تسليط الضوء على "مصايب بعينها" تعطيك انطباع ان البلد كانت واصبحت !
والواقع ان ما يحدث الان هو هو ما حدث سابقا فلا جديد
وسيحدث ايضا
واحد قالى انت باصص للنص الفاضى
:)


تحياتى

جريدة الصباح العربي يقول...

شاركوا معنا في أختيار العمل الأفضل للنشر عبر صفحات جريدة الصباح العربي
http://sabaharabi.blogspot.com/
وذلك عن طريق التصويت في المدّونة على القصة التي أعجبتكم
أو التصويت عبر جروب الجريدة على الفيس بوك
http://www.facebook.com/group.php?gid=78080770039
وذلك لرعاية المواهب العربية الشابة

Rooma Qandil يقول...

salam alikom

والله مش عارفة اضحك من كتر الحزن ولا ابكي من كتر المصائب الي بقت تحصل
قلة وازع ديني وقلة حياء وقلة ادب وقلة كل ما بعرفه الذوق والاحترام
اللهم اعفنا واعفو عنا وعنهم يااارب

MǿиY El-Shreef يقول...

:S:S

هو ايه الي جرالنا مش فاهمه ليه بقينا كده بجد والله !!

مش عارفه القي اللوم ع مين

الي صورت نفسها عريانه ولا الجشعه التانيه

لاحول ولا قوه الا بالله

يااارب ارحمنا بقى

ده لو وقع عذاب ربنا من عمايل الناس السوده دي مش هنترحم :(

اللهم امين امين

وحشاني يانور

موناليزا يقول...

انا مش حزينة وبس انا مصدومة

GiGi worled يقول...

انا اكاد اجزم ان فى حاجات اتغيرت فى الجينات من الاكل اللى جاى من بره
مش ممكن دي مش طباعنا ولا اخلاقنا ابدا

maha zein يقول...

لا اله الا الله
سبحان الله
ايه صح اللى بيحصل ده
ده لا هي ليها حق ولا صحبتها ليها حق
ولا حد ليه حق
ولا اصلا حد ينفع يبقه ليه حق
ده هم ايه ده

فين الدين في كل تصرفاتنا هنا
ودي لو موبايلها اتسرق ولا ضاع يعني كان ايه هيكون موقفها لو راجل هو اللى ابتزها وهددها
إنا لله وإنا اليه راجعون

الازهرى يقول...

انا جيت اسلم
واعتذر عن تأخيرى بسبب الامتحانات

ولو عندك اى تعجب من موضوع الطالبة ده
احب اقولك فده اهون كتير من مشاهد تانية موجودة فى الواقع بين الشباب

rovy يقول...

السلام عليكم و رحمة الله و بركاته
و الله انا كمان حزينه من اللى وصلنا له يا دكتوره
فيه ايه دلوقت ما يحزنش .. ؟ !
ربنا يرحمنا برحمته و يحفظ بناتنا جميعا و يهديهم و يهدى كل الشباب يارب

دمتى غاليتى بكل الخير

تحياتى

عمرو يقول...

كل الأطراف قليلة الأدب بصراحه و ناقصين تربيه سورى يعنى ما هو مينفعش يتقال غير كده ..
و العيب و الغلط بقى الأكبر فى رأيى على الناس اللى بيروجوا لهذه الكليبات على موبايلاتهم بينهم و بين بعض و بينشروها بين الشباب و البنات كشىء جدير بالمشاهده مع أنه شىء يتنافى مع كل القيم بمختلف أنواعها ..
المشكله يا دكتوره أنه أصبح فيه فقدان للقدوه .. القدوه فى البيت و القدوه فى الجامعه و القدوه فى المجتمع .. و لما تبقى القدوه للبنات هم مطربات الكليبات يبقى كل شىء جايز حدوثه مع عميق الأسف ..

nour shahen يقول...

يعنى ينفع توحشينى وادخل علشان اقولك ازيك واسلم عليكى الاقيكى قافله التعليقات ليه كدا بس
بصراحه انا مقريتش الا اول موضوعين مقرتش الموضوع دا بس جيت اعلق هنا تقولى غباء منى معلش هههههههههه
يا رب تكونى بخير وربنا يوفقك فى الدراسه يا رب وبطلى تقفلى التعليقات حتى لو مش هتردى الناس هتقدر بس مش تحرمينا من اننا نقول السلام

!!! عارفة ... مش عارف ليه يقول...

صباح الخير
ده تاني موضوع أشوفه في المدونة عندك

وتكون التعليقات مقفولة فيه

ياريت لو تفتحيها علشان اكيد انا وغيري بنكون عايزين نقول رأينا في اللي كتبتيه او بتنشريه

----------------------

بالنسبة لحلقة العاشرة
انا كنت شوفتها بصراحه
وبالرغم أني متفق مع صافيناز كاظم شوية إلا إني مختلف مع طريقة حوارها مع الآخرين لأنها كانت متحفزة إلى حد كبير

وغير موافق على أداء وتحليل مبروك عطية على الإطلاق لأنه أقرب ما يكون إلى أفاكين السلاطين

كذلك مجدي أحمد علي لم يعجبني لإتجاهاته السابقة التي رأيتها في أفلامه بالرغم من أنه كان يبدو وسطياً بين الإثنين وإن كان أقرب ما يكون لمبروك عطية منه لصافيناز كاظم

وأفضلهم جميعا على الإطلاق من حيث الإتزان والطرح دكتور الطب النفسي والذي لا أذكر أسمه مع الأسف

----------------------------

أما عن 5 يونيو
فكما ذكرتي لادعي
لأن ننكأ الجرح مجدداً


وليد

z!zOoOo يقول...

السلام عليكم

د/نورا ازيك يارب تكوني بخير

طيب ولحد امتي هتفضلي قافله التعليقات

طيب ممكن اعرف السبب لو مكانش يضايقك ؟؟

اصل فعلا زي ما قال وليد

إحنا وغيرنا أكيد فيه الي عايز يعلق علي البوست

وفيه الي عايز يطمن عليكي :)

طيب يعني معجبينك يعملوا ايه ؟؟

طمنينا عليكي دايما يا دكتوره

دمتي أختي بكل ود

وفي رعايه الله

rovy يقول...

دكتوره نور
وحشتينا .. احنا ما وحشنكيش ؟؟
حتفضلى قافله التعليقات اكثر من كده ايه ؟؟
ادعوا الرحمن ان تكونى بخير حال
طمنينا عليكى من فضلك و افتحى التعليقات لأن بجد و حشنا كلامنا معاكى

دمتى فى رعاية الرحمن
تحياتى

غير معرف يقول...

~.....................................................

وفاء بركات يقول...

السلام عليكم
كل ماجي أسلم عليكي ألاقي قفل علي الباب ..
يارب تكوني بخير وبصحه جيده ..هي النقاشه لسه مخلصتش والف حمدالله علي سلامة المحروس كيمو
وبلاش البسطرمه والانشون اليومين دول
مش عارفين معمولين من ايه الإحتراس واجب الحمدلله إنها جت علي قد كده
تحياتي

rovy يقول...

السلام عليكم
ايه الحكاية يا دكتوره بجد وحشتينى و بعدين حتى فى موضوع البيض و البسطرمه قافله التعليقات طب ليه ..
افرجى ارجوكى عن البوستات و ادينا فرصه نسلم حتى عليكى

تحياتى

وفاء بركات يقول...

السلام عليكم
وحشانه يادكتوره هوحضرتك قفله التعليقات ليه ... هو النقاش لسه
مخلصش نقاشه وزهقك للدرجه دى ولا لسه نفسك في بيض بالبسطرمه بس خايفه لتكون اللحمه مغشوشه أو تكوني قفلتي علي التعليقات والمفتاح ضاع ولسه ملقتهوش ..
ردى عليه كلمني بصي لعينيه (فيهم كيس دهني)إرحميهم أأأأأأأأأأأيه ردى ردى عليه.
يارب ميقفلك باب بيت ولا مدونه طمنيني عليك أهم حاجه تكوني بخير انا حالتي النفسيه في البمب حفرقع وموضوع قفل التعليقات ده شغلني عليك يارب خير إن شاء الله