.................أشهر جمل يقولها الاهالى للابناء

تعالوا نشوف مع بعض

الكلام اللى دايما الباباهات

والماماهاااااااااات

بيقولوه

للاولاد

والبنوتات

وهل لهم حق فيه ولا

لأ

اســــــــــــــــــــــــمعوا

واعـــــــــــــــــــــــوووووووووووووووووا

*اوعى خيالك المريض يهيالك انك ممكن تاخد منى فلوس تانى.
* انتا مالك من ساعت ما دخلت البيت و انتا فرحان انتا جاي من انهي غرزة.
*ذاكر ياموكوس مش فالح غير فى الهيافه والكلام الفاضى.
* خلصي اكلك وناميلك شويه عشان تقومي تزكريلك شويه.
ذاكر سعتين بتركيز كأنك ذكرت اليوم كلو

(الغريب اما تقعد تذاكر سعتين يقولوا وهي دي مذكره).
يا ابني تعالي اقعد معانا ولا انت ماجر اوضه جوه البيت ......
ابقي نشف الحمام بعد ما تخرج منه.
يا خويا ياراتك حافظ الدروس اللى عندك زى ما انت حافظ الاغانى كده .
اعملى حسابك اول م الدراسه تيجى الرسيفر هيتشال هو والتلفزيون
*قبل الفجر: ارجع بات في المكان اللي انت جاي منه.
* لو كانت اللي علي التليفون طنط سوسو قوليلها ماما نايمة .
* ابقى قابلني بكرة تاخد بالجزمة وتاكل كل حاجة غصب عنك*يابنى حرام عليك هات قناة الناس الشياطين ماليه البيت.
* امشى جاتك مشش فى ركبك .
* جتها نيلة الى عايزة خلف تيجى تتفرج .
* متحطيش الموبيل جنبك و انت نايمه هيجبلك تخلف عقلي .
* متتأخرش وهات عيش وانت جاى .
* هو ده اللي انت فالح فيه طول اليل والنهار

قاعد علي الزفت الكمبيوتر بتاعك لحد مهيجلك تخلف عقلي منه .
* كل يوم هات هات لمة ربيتلى الهتهات

(الحاج طبعا)

مع انى مش عارف اية الهتهات ده بس ماشية مع الجملة.
* هتذااااااااكر هتاخد عنية مش هتذااااااااااكر هتاخد بالجزمة

(هو فى غيرة طبعا الحاج).
*أوعا حد يضحك عليك ويقولك جرب السيجارة دي.
*ابقى ورينى مين حينفعك فى الاخر من شوية الصيع الى انت مشيلى وراهم .

* مش ملاحقه علي التليفون ولا الموبيل عملالي فيها الست المهمه.
*برة البيت بتضحكوا وجوة البيت لاوى لنا بوزك

خلي شويةاصحابك الصيع ينفعوك.
* كريم دا عيل بايظ وماتمشيش معاه تاني .
* مين منى دي انتى كل يوم تصاحبي واحدة جديدة ؟.* هياالوزيرة معندهاش وزاره النهارده قومى يا حبيبتى الساعه10 .
* قومي ساعدي امك ده اللي هيتجوزك أمه داعية عليه.
* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* وانت فاكر احنا مستنيين منك حاجه .
* انتا لو فلحت تبئى تيجى (احم احم ) متهيئلى معروفة على قبرى.
* ابقي قبليني لو فلحتي ...بس ديما مش بيقلوا نقبلهم فينّ!!! غربيه .
* كفايه رغي في التليفونات .
* اطفي التلفزيون وقوم ذاكر ولا و خش اوضتك .
* بلاش تمشى حافى البس شبشب وانته داخل الحمام .
*فلوسك بتروح فين يا هبله انتي بتصرفي على الصبيان؟؟.
*مع ان الواحد كل سنة بينجح

و رغم كدة يقولولك ابقى تف على وشى لو نجحت

و كل سنة يقولوا الكلام دة :D:D *

ماتتأخرش علشان عندك كلية بكرة بدرى.
* انا : ياماما بقه ايه ده ؟؟؟
ماما:مووو لمـا يــــــخدك .
* ادلعى ياهبة فى ايامك المهببه .
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* لو مش فاهم حاجه ارفع ايدك و قول للأستاذ مش فاهم .. متتكسفش .
* يأبنى المذاكره مابتخلصش .... نفسى اشوفك مره ماسك كتاب.
* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .
* مالكش دعوة بالسياسة .. وماتمشيش في مظاهرات .و امشي جوا الحيط :D:D .
* احمد ربنا الاكل الى مش عجبك ده فى ناس مش لقينه
*والله لو منضفتيش الشقه ومسحتيها ما في نزول النهرده .
* قومي سخني الأكل لأخوكي.
* ابوكم كان دايماً بيطلع الاول على الفصل... " لما كلهم كده امال مين الى بيطلع الاخير .
ومن اشهر الجمل الى بتتقال كل يوم بعد الاكل

انا مش الخدامه اللي اشترهاكوا ابوكوا

اللي ياكل في طبق او يشرب في كباية يغسلها ما يركنهاش في الحوض.
حضرتك راجع البيت متأخر و عاوز تتوه الموضوع وانت بتكلم مامتك
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟

░░░░░░░▒▒▒▒▒▓█╠

═╣█▓▒▒▒▒▒░░░░░░░

ملحوظة مهمة ومش لازم ننساها
كلنا قرينا الكلام دة وطبعاً كلنا لأما سمعناه لأما قلناه !!
وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها

ولا ننسى فضل الناس دي علينا

ولولاهم
ما كنا وصلنا للي احنا فيه

(حــــــــــــــــــــــــلووووو السطر اللى فات دا!!؟)
تحية خاصة لكل الأمهات والبهاباهات تحية شكر وعرفان

وتقديرات

(الموضوع منقول بغلطاته الاملائية مع بعض الزيادات

والنقوصات لزوم الاجازات والفرفشات)