الأربعاء، سبتمبر 30، 2009

هالووووو هالوووووو ياخلق هوووووو

ربنا يخليكم يارب
ويعمر بيوتكم
وينور قلوبكم
ويرزقكم بالطيب كله
اللى يعرف حل
لمشكلتى
يقولى
ايه مشكلتى بقى؟
الريدرات بتاع الجيران
كلاتهم كلاتهم كلاتهم
مابتقراش التدوينات الجديدة
وبتقعد حاطة أسم التدوينة القديمة
البايتة واللى فات عليها اسبوع يمكن
طيب ياعمونا الريدر ما تخليك فى الصابح
الصابح يووووووكل برضة
ولا ايه
....ابداً
جربت كل حاجة ...شيلت وحطيت
عملت سايف از درافت ورجعت نزلته
غيرت التاريخ عملت كوبى وباست
كذا حاجة عملتها وبرضه مفيش فايدة
مش عارفة ايه المشكلة ؟
عايزة اقول قبل ما انسى كمان
انه ساعات
ساعات ساعات ساعات التدوينة الجديدة بتنزل والريدرات تقرأها
عاااااااااااااااااااااااادى
وساعات لألألألأ
والف لأ أبداً
زى ما هو حاصل
فى الثلات تدوينات الاواخر دول
وعلشان كده انا عملت
(لتصلك اخر التدوينات)
ايوة اللى على ايدكم الشمال دى
تحت البادج بتاع المدونة التانية
بتاعتى اللى يمكن كتير ما يعرفهاش
المهم كتير طبعاً حيقولوا ان المشكلة
هى تمبلت المدونة
طيب يبقى معنى كده مفيش حل غير انى
اغير التمبلت
انا بصراحة حبيته(التمبلت) من اول نظرة
وصعب انى اغيره
فياترى ياهل ترى
مفيش حل تانى ؟
قولوللى ياأهل الخبرة
وياعباقرة التدوين
والبلوجر
أعمل ايه؟

هناك 40 تعليقًا:

Unknown يقول...

يــــــــــــــارب
يامسهل ياكريم
تظهر التدوينة
المرررة دى على
طووووووووووول

well يقول...

هى بصراحة لسه مظهرتش عندى .. وبعدين يعنى اهم من التمبلت ..كلامك اللى مكتوب جوه المدونة ...انا شايف ان الحل فى ايدك غيرى التمبلت ...معلش بقه

Unknown يقول...

well
يعنى دا الحل
الوحيد فى رأيك؟
انت شايف كده؟
شكراً ياويل
لسرعة الرد
وخلينا
نشوف
باقى القوم
حيقولوا ايــه؟
يامسهل يــــــارب

Tarkieb يقول...

هي تقريبا بتظهر بعد ساعتين ....بس زباينك بيجو من غير ريدر .....ادينا جينا اهو ..ولا ما بتفرق معانا ريادر......

Unknown يقول...

Tarkieb
تفتكر؟بـــس لأ لأن
التدوينات السابقة
بقى لها ايااااام:(
وما نزلتش وانت عارف
بقى المنتج لابد له من
الدعاية ولو كان حتى
معروف فى السوق :موافقنى؟

الازهرى يقول...

كويس جدا انا هاتابع لان عندى فس لمشكله
ان الجديد بغزاله ممكن يظهر فورا وممكن يقعد كتير

بس فى حاجه لذيذه باتلافى بيها الموقف ده مؤقتا انى اسجل الموضوع بحيث يظهر فى يعاد تالى يعنى الساعه عشه الصبح مثلا ودى بتجيب نتيجه كويسه

وعلى فكره انا داخل هنا بالصدفه علشان اتابع القديم لان ده برضه ما ظهرش لسه عندى

ذكرى رحيل قلم يقول...

السلام عليكم

سعيدة بزيارتك وتشرفت بمعرفة مدونتك

انا عندي نفس المشكلة ولذلك عرفت الحل من اول زيارة لكي بارك الله فيكي

تحياتي

عمرو يقول...

لا المشكله مش فى التامبلت لأن ده بيحصل عندى برضو بس مش لدرجة أسبوع تأخير !!
ممكن يوم كامل أحيانا و أحيانا شوية ساعات على حسب خال المدونه الطيب اٍن كان حاضر و لا فى سابع نومه ..
مش عارف الحل الحقيقه بس أعتقد ممكن يكون فيه خطأ ما فى الاٍعدادات ..
تقبلى تحياتى ..

Yusuf يقول...

فعلا البلوج ليست عندي اخر حاجة ظهرت ليكي هي حادي بادي كرومب زبادي

بس انا بطل عندك يوميا كده يمكن يكون في جديد

الحل أكيد مش عندي انا لسة يادوب عامل البلوج وبلوجر مستلمني مشاكل

بس لو قالوا غيري التمبلت

غيريه وامرك لله

والسلام ختام

كلمات من نور يقول...

عليكي بالأستاذه أم البنات يا نورهاتي

هي حلالة العقد في المدونات

هي أستاذتي بصراحه و كل ما أغرق في شبه ميه أقولها الحقيني يا أم البنات حوشي المدونه بتتعفرت علياو أنا أصلي مستجدة مدونات

لو الحل طلع معاها لا تنسيني من الدعاء

بارك الله فيكي و ألف سلامه من البرد

Unknown يقول...

عادت عمود نور بشكلها الجديد
ارجو زيارتى
وابداء الرأى

الميكروباص يقول...

الموضوع بيحصل عندي كمان
تقريا الكل كده

------ يقول...

ازيك ياجميل

انا جيت اهه اطمنك عليا

معلش انى اتأخرت عليكوا بس الظروف بقى

انا قمت بالسلامة

واكيد فى اقرب وقت هحط البوست الجديد

أبو العريف يقول...

ازيك يا دكتوره

انا بيحصل معايا الموضوع ده احيانا

لا مش احيانا

دا التدوينه لازم تعدلها اد خمناشر طمناشر ساعه كده علي ما تظهر عندي

المشكله بقي اني المرادي جاي بالصدفه قلت اسلم

يعني البوست ده ما ظهرش عندي

لا ومش كده كمان

واللي فات لم يظهر بالمره

يعني اللي ظاهر عندي

بوست حادي بادي

تفتكري ينفع كده

لا اتصرفي وقوليلنا الحل

ايه الناس دي

Unknown يقول...

الأزهـــرى
ياسلام ياسيدى؟بقى حتابع
علشان تعرف الحل ايه؟شمر عن
سواعدك وورينا الهمة ياازهرى
اسأل اصدقائك معارفك اقربائك
ماتقعدش ساكت :)أتصرف ياأزهرى:)

Unknown يقول...

ذكرى رحيل قلم
وعليكم السلام
وأنا الاسعد بهذه
المعرفة وربنا
يرزقنا باللى
يقولنا الحل ايه
خليكى متابعة:)

Unknown يقول...

أستاذ عمرو بدر
اسبوع واكتر ياأستاذنا
لما مش عارفة أعمل ايه
وأن كان عن الاعدادات
فأنا غيرت الطريقة ومفيش
فايدة احترت واحتار دليلى معايا:(

Unknown يقول...

Yusuf
فت بقى المشكلة؟
اهو التدوينة دى
من العيد يعنى من
عشرة ايام واكتر :(
أقولك يايوسف اترك
ايميلك فى(لتصلك أحدث
التدوينات)اهى طريقة لحد
ماالمدونة (صحتها تتحسن)

Unknown يقول...

كلمات من نور
جزاكِ الله خيراً
انا فعلاً بعت
لها تعليق النهاردة
وشرحت لها الموضوع
وربنا يسهــــل

Unknown يقول...

أحمد بدر الدين
حمدلله على السلامة
ومبروك الشكل الجديد
حلووو اوى اوى مبروك

Unknown يقول...

لورنس العرب
بس لمدة عشرة ايام؟
متهيأللى كتيرررررر

Unknown يقول...

دموع القمر
الف ملــــــيون
حمدلله على السلامة
وبركة رجوعك بالسلامة
وربنا سبحانه وتعالى
يكمل شفاءك وشفاء كل
مريض على خير.منتظرينك:)

Unknown يقول...

ابو العريــف
أزيك انت يافندم
وطبعاً ما ينفعشى
كرومب زبادى دا
بقاله 10ايام:(
انا اللى اتصرف
برضه ما تتصرف انت
مش انت بتاع اللقاءات
فيما وراء البحار :)
اتصرف ولك الحلاوة :)
لا مش حأقولك دلوقتى
لما تقولى الحل ويطلع صح
حاديك واقولك ايه هى:)

هانى زينهم يقول...

يعنى يا دكتور بعد العشرة التدوينية دى يفوتنى 3 مواضيع عشان التامبليت عاجبك ؟!!
يا دكتور غيريه لو ده الحل فى اجمل منه كتير وده لينك موقع مليان تامبليتات موووووز !!
http://www.hotfreelayouts.com/layouts/28375

علي محـمــــــد يقول...

السلام عليكم

كل سنه وانت طيبه يا دكتوره :)

شوفي يا ستي المتصفح أحياناً يكون له دور في المشاكل اللي من هذا النوع يوعني لوكان متصفحك اكسبلورر غيريه وخليه فايرفوكس او العكس والمتصفحات كثيره .. واذا ما اتحلت المشكله سيبها للوقت وماراح تطول ان شاء الله والمشكله من بلوقر نفسه . ما اعتقد عندك غير الحلين هذي

في امان الله

Unknown يقول...

يامستر هانى
دا مش بس عاجبنى
بردون يعنى انـــــــــا
(عبيّته عبيّته عبيّته)
من اول نظرة:أعمل ايه
بقى نصيبى كده:)على العموم
تشكر يامستر ونروح نشوف الموقع
بتاع المربى والقشطة:)قصدى الموز دهـ

Unknown يقول...

على محمــــد
وأنت بالصحة والسلامة
ياأستاذ على.كل سنة
وانت فى خير بأذن الله .
نيجى بقى للكلام اللى
بيخوفنى:تغير المتصفح:(
اصل أنا ماأعرفرش فى الدنيا
الا الأكسبلور لكن لو لازم ولابد
يبقى حاغير حأعمل اغيره واتعلم
(الثعلب النارى)دا بيشتغل أزاى
متشكرة لردك وربنا يكتب سلامتك
انت وكل مغترب وكل مسافر ومهـــاجر

soly88 يقول...

عزيزتى
الظاهر انها كانت فتره وعدت
فين الجديد ؟
قى انتظارك

Unknown يقول...

solly!!
سولى!فينك من زمان
عاش مين شافك.وبعدين
هى لسه ماعدتش لان لسه
الريدرات (عند الاخرين)
ما تقرأ التدوينات
الجديدة :فى كل البلوجات
اخر تدوينة مذكور انها
من 10 ايام يمكن
وده مش صحيح؟
تعرف لها حل ؟
ومرة تانية
حمدلله على السلامة

Tarkieb يقول...

يا ريت تفتحي التعليقات في جواباتى
واغنياتى وحاجاتى ومحتاجاتى 2 لان فيها حاجات ساعات عايزه استفسار

Unknown يقول...

Tarkib
شكراًلأهتمامك
ياأفندم بس أنا
أفضل عدم فعل ذلك
لو فيه حاجةعايز تسأل
عنهاأتفضل أسأل هنا وأنا
أجاوبك.أشكرك مرة تانية.

------ يقول...

ازيك نور

وحشتينا والله

مستنية زيارتك

واكيد متنسيش http://teoralgana.blogspot.com/

هكون سعيدة لزيارتك

Aиgel يقول...


صباح الورد
يا نوره

تصدقي أن أنا فكرت أن الريدر بتاعي عنده
زكااان (:
أخر حاجة قراءها ليكي حادي بادي
(:
ومع ذلك كنت باجي كل شوية عشان أفهم إيه الموضوع

بصراحة مش عارفع حل لمدونتك
بس لو الحل في التمبليت ما تغيريه يا جمي
ولو عايزه مواقع حلوة أقولك

..........

شوفي الحل ده

روحي عند
Settings .. Basic
وتعالي هنا
Add your blog to our listings?

اختاري Yes
وهنا Let search engines find your blog?
واختاري بردو Yes

وإن شاء الله تنفع

ودي بالعربي .. عشان الكل يستفاد

إعدادات .. أساسي ..
أتريد السماح لمحركات البحث بالعثور على مدونتك؟ اختاري نعم
أتريد إضافة مدونتك الإلكترونية إلى قوائمنا؟ وهنا بردو اختاري نعم


ولما نشوف إيه أخرتها في الريدر ده

(:

وحمد لله على سلامتك يا جميل

Angel love

Unknown يقول...

دموع القمر
الحمد لله رب العالمين
ازيك انتِ :عاملة ايه؟
وحااااااااضر جاية حالاً
حضرى الورد والنسكافية
وياريت كمان عصير مانجووو
وووو!لا أقولك كفاية كده:)

Unknown يقول...

Angle
مساء الفل
عليكِ بأذن الله
شوفتى سى ريدر افندى
عامل فينا ايه؟معلش
معلش! أحنا وهو والزمن
طويل.انجيل انا حأجرب الطريقة
اللى انت قلتى عليها دى ويارب
تنفع .المشكلة انى فعلاً التمبلت
دهـ(حبيته حبيته حبيته)
من أول نظرة:)
وأمبارح اتفرجت
على حاجات كتــير
لكن:(ما عجبنيش ولا حاجة
دا مايمنعش لو عندك اماكن
فيها تمبلات جميلة ابعتى اللنك
ونرح نشوف الطريقة اللى قلتيها
ويـــــــــــــــــــــــــــارب

Aиgel يقول...


مساء الخير يا نوره

شوفي يا جميل اللينكات دي


أول واحد فيه حاجات حلوه
Free Blogger Skins

Blogger Styles

eblog templates

B templates


ده بقى الأخير هتلاقي فيه نفس التمبليت بتاعك يعني ممكن تنزليه تاني وتشوفي المشكلة اتحلت ولا لأ
لأن ممكن يكون حصل خطأ في الأكواد بتاعته

final sense

وأي خدعة أنا تحت أمرك
وأنا بردو بدور كده وبسألك عن المشكلة

سلام يا جميل

Angel love

Unknown يقول...

Angle
تسلملى يارب
انا عملت الطريقة
الاولانية اللى قلتللى
عليها وربنا يسهل
وبنفس الوقت حتفرج
واسيف اللنكات الجديدة
وربنا يسهل ويستر يارب.

فكرة من الزمن ده يقول...

دكتور نور
وحشاني
انا هاحاول اخترعلك حل علشان بس تصيبني الدعوة الحلوة بتاعتك
عموما جربي الحل اللي قال لك عليه انجل لو ما نفع
جربي تغيري التمبليت وبعدين رجعيه من اول وجديد يمكن
تحياتي يانور

Unknown يقول...

فكرة من الزمن ده
وأنتِ كمان وحشتينى
والناس اللى على النت كلاتهم
لانى فعلاً حاسة أنى مش متابعة
وغايبة كده بس بأذن الله
الريدر يتصلح وكل شىء
يبقى عال العال ومش
حأوصييك فكرررررررى
بسرعة وقولى ايه
الطريقة وأنا
فعلاً حأجرب
الطريقة
اللى قالت
عليها أنجل بس
بكرة بأذن الله لانها محتاجة
انى أظبط واربط واربط وأظبط وأرجع
اظبط واربط وووووووووووووههههههه
ومتشكريين يافكرة لوجودك وردك وما
تتأخريش علينا منتظرينك.

Unknown يقول...

الحمد لله رب العالمين