الأربعاء، مارس 26، 2008

شويه فرفشة بقى00000000000حاوللللللل

بطبيعة الحال

ان تشترى زوجة تاجر الذهب الثوم بالفص

0ان يفخر الرجل بزوجته عاملة السنترال لانها" سماعة"خير.

0ان ينجب المقاول مولودآ ويسميه (عطا ).

0ان تشكوالمراة من زوجها مهندس الصوت بسبب" تردده"
0المرأة عندما تسوق الدلال على زوجها موظف شركة الصوامع تقول له عاملالك محشى حتاكل "صوامعك وراه"
0ان تتصرف زوجة تاجر الاسمنت على راحتها لانه ما "بيشكش"
امثال جدتى
اللى يدور يلاقى
ماحدش بيتعلم ببلاش
اللى يطلع من الراس يسمعه الناس
تحفظ سرك تملك امرك
الجاهل عدو نفسه
امش مع الجو 000لغاية ما تعرف الحقيقة
اللى يتعلم فى صغره يشوف الخير فى كبره
نكتة:
اتنين ترلارلاىواقفين على سطوح عمارة وكانت عربية الحلويات معدية الاولانى قال :انزل هات لنا
التانى نط ومات000والناس اتلمت عليه
بص صاحبه من فوق وقاله
ياغبى قلت لك هاتها مش وزعها.
نكتة تانيه
مره واحد بلدينا دخل الجيش00وهو فى الطابور 00ساله الشاويش : اسمك ايه؟ قال عبد الجبار. ساله :ايه اللى فى ايدك دى؟ قال : بندقيه يافندم .فرد الشاويش :لأ دى عرضك وشرفك يعنى مراتك. وسأل اللى بعده اسمك ايه؟ قال سعد يافندم. وايه اللى انت ماسكها دى؟ قال مرات عبد الجبار يافندم!!!!!!!!!
القافيه تحكم
المحامى يتزوج لكى يتمرن على المرافعة امام حماته!.
الجزمجى يتزوج لكى يجد قالبا جديدا لحياته.!
الجزاريتزوج لذبحها وقت اللزوم.!
الصحفى يتزوجلكى يجد مادة للكتابة فى الحوادث بعد كل خناقه!.
الكهربائى يتزوج علشان حياته تتكهرب ويلاقى حاجة يصلحها!
الخضرى يتزوج لكى يجد من ياكل الخضار البايت بدلا من رميه!
السواق يتزوج لكى يجد احد يفرمله عن حياة الهلس!
الموظف يتزوج لكى يحصل على علاوة زواج مرة واحدة!
=======================
معلش انا عارفه انها حاجات بايخه(وبتكتبيها ليه؟)معلش بواخة بقى!!!!
بس احسن ما ما اكتبش لانى النهاردة متنرفزة شويه(ايه اللى حصل؟ ايه اللى حصل؟ هه هه؟)اتخانقت مع الز........ المدير(عيب كده الناس يقولوا ايه؟)حاضر (واتخانقتى ليه ؟)ابن ولا بلاش ال ايه كان فاكرنى مزوغه امبارح!!! علشان روحت الساعه 10ونص وان انا سبت الشغل كمان ال ايه غضبانه!!!! علشان المروحة البايظة وكل شويه اقولهم هاتوا واحدة جديده ومفيش فايدة المهم انه جى الصبح يصبح بابتسامة صفرا: صبااااح الخيررريادكتورة!!! قال انه عامل فى جمّيله حضرته(ليه )ان انا مشيت من غير اذن وهو ما شطب على.(ده انت مدير عام مش كده!! ) ايوه .المهم لما قلتله ان انا خدت الاذن اليتيم بتاع الشهروده حقى وان اللى مضى الاذن النائب بتاعه ,كاته نايبه(تؤ تؤ تؤ عيب كده عيب)لان جنابه كان فى **** ومش باين له طلوع .المهم قعد يتاسف والله انا مازعلتش ولا حاجه بس قلت ليه تمشى وتسيبى الشغل وكده(عالم تخاف ما تختيشيش فعلا)فعلا(امال ايه اللى مزعلك ما الراجل قعد يتاسف اهوه) ايوه متنرفزة من شلة البصاصين اللى فى العيادة وعلى طول يروحوا يبلغوا المدير لكن الشغل اللى للركب ساعات محدش بيشوفه ولا يسمع عنه حاجه وخصوصآ انى عارفةاللى شافتنى وبلغت جنابه كحسبى الله ونعم الوكيل

هناك 9 تعليقات:

الفارس الملثم يقول...

هههههههه

انا حسيت لما دخلت البوست ده اني بتفرج علي مسرح المنوعات , خلي بالك لا المدير ده يكون حاطط كاميرات مراقبة ولا حاجة ويشوف البوست ده ممممممممممم

سلام يا فندم

Unknown يقول...

السلام عليكم ورحمة الله
الفارس الملثم **
انا قلت ان انا متنرفزة ياعنى مش ناقصةه نرفزه ياعنى شايفنى زعلانه ومتخانقه وتقولى مسرح المنوعات
بتتريق علىّ.....!!!
معلش يا زمن!!
ليك يوم يافارس يامتخفى انت !!
واهو يوم الاثنين قرب ولما نشوف حتكتب ايه(استنى علىّ بس!!!!!)مالكش عندى من هنا ورايح الا
ردىء .. ردىءجدآ... ليس هناك اردأ من هذه الكتابات...
استنى علىّ
ومن غير السلامو عليكو
norahaty
NB.اوعى تزعل منىّ انا بقولك اهه.

رباب كساب يقول...

الجميلة norahaty

ولا أقول يا دكتورة أنا سعيدة جدا بمروري من هنا وسعيدة أكتر لما سألتي عني بس بجد مشغولة اصلي عقبال عندك باخد الدكتوراه والموال اليومين دول مزنوق شوية بس أنا مقيمة في مكان آخر نفسي تزوريني فيه سوف تجدي فيه غير القصص هناك أشياء أخرى

http://masroda.maktoobblog.com/?all=1

بس من فضلك بلاش تتنرفزي ملعون أبو المدير يا ستي والله فكرتيني بالشغل بتاعي إلا ما في حاجة تسر أبدا بس نقول غيه أحسن من غيرنا هو حد لاقي اليومين دول شغل

تقبلي مروري المتواضع

تحياتي واحترامي

Unknown يقول...

السلام عليكم ورحمة الله وبركاته
الدكتورة الباشمهندسه رباب كساب
حصل يافندم وزرت حضرتك فى ""ناطحه السحاب ""فى مكتوب.....وتركت كارتى المتواضع هناك
ارجو قبول تحياتى واعتبارى صديقة قبل ان اكون طبيبة او دكتورة
باشمهندسة رباب انا لىّ ايميل بنفس الاسم على الياهو ميل وعلى الجوميل
ففى اى وقت تشاءين وتاتيك رغبة للكلام مع انسانه اكبر منك يمكن ب 25 فتفضلى بزيارتى "والمشاريب علىّ ما تخافيش" ولعلها معرفة خير ان شاء الله
والسلام عليكم ورحمة الله وبركاته
norahaty

maYHam يقول...

ههههههههههههه

إنت عارفة ... النكت البايخة بتضحك أوقات من كتر ما هي بايخة .... بيبقى ضحك هستيري من تصور كم البواخة ... دي مش تريقة والله ... أصلي لما أحب أهزر مع حد صاحبي بنقعد نبوخ على بعض بحاجات من هذا القبيل

دمتي بخير

Unknown يقول...

السلام عليكم ورحمة الله وبركاته

الفارس الملثم**
ياجابر بخاطرى دايما ربنا يجبر بخاطرك
يارب
والسلام عليكم ورحمة الله وبركاته

رباب كساب يقول...

دكتورتنا الجميلة

لكم تشرفني صداقتك فعلا

قمت بإضافة ميلك على الياهو أشعر أنه سيكون بيننا الكثير والكثير من الحديث الرائع والمثمر

حلو أوي تعبير ناطحة السحاب على بيتي بمكتوب

ويا ستي المشاريب علينا احنا الاتنين ما تقلقيش

سلام حتى نلتقي في أول لقاء لنا

تحياتي

رباب

Unknown يقول...

السلام عليكم ورحمة الله وبركاته
انا محتاج**
لك عندى حق عرب
وواجب واعتذار(كل ده ليه ؟قتلتى له حد؟)لأ بس عنونت الرساله اليه باسم الفارس الملثم وكان قصدى الحقيقه الرد عليه هو وعلشان كده انا بكرر تانى اهوه باسمك انت
انا محتاج**

ياجابر بخاطرى دايما ربنا يجبر بخاطرك
يارب
والسلام عليكم ورحمة الله وبركاته
norahaty

Unknown يقول...

السلام عليكم ورحمة الله وبركاته
الباشمهندسه رباب
انا فى الانتظار وقريبا اللقاء ان شاء الله