الأحد، نوفمبر 29، 2009

.......السجــاير!قُطعت وقُطعت سيرتـــها!!


من ذكريات العيد برضه
انى كان نفسى أشرب
سجاير و انا صغيرة!
وكنت بأنتهز فرصة العيد
والعيديات وأشترى السجاير
الحلاوة(الموز والربسوس)
مش عارفة إذا كانت موجودة لحد دلوقتى ولالأ
المهم كنت مصمصممصممصممة انى لما أكبر وأشتغل
لازم اشرب سجاير طب ليه ماشربتش فى الخباثة الدساسة
يعنى طالما انى كنت مشتاقة كدا؟
بصراحة لسببين
مش
سبب واحد!
الاولانى طبعا الخوف ماأكدبش عليكم
اتظبط بعدين وتبقى وقعة سوخااااا ومطينة بطين
وقطران يعنى(بردون معلش!)
والسبب التانى
ودا والله حقيقى لأنى كنت عارفة ان دى
فلوس ابويا اللى شقيان وتعبان فيها
(ابويا )
دا حكاية الله يرحمه هو
وأموات المسلمين أجمعين
حأبقى احكيلكم حكايته
بعدين:ماااااااااااشى!)
وبالتالى كنت أستحرم أنى أصرف
شقاهـ وتعبه ومجهوده فى حاجة هو ما يرضاش
عنها أو يسمح بيها
(طول عمرى حسيسة وحساسة وعندى أحساس:)
المهم كنت اشبع رغبتى او شوقى
(لشرب السجاير )
بعلبة سجاير الربسوس
او
(امسك القلم الرصاص وأعمله كأنه سيجارة!)
والحمد لله كبرنا واشتغلنا وقبضنا فلوس شغلنا يعنى حر
مالنا
لكن
الحمد لله كنت أقتنعت تماماً بان السجاير
ضرر فقط ولا شىء غير الضرر ولا فايدة

ولا عايدة ولا صبحية ولا علية ولا فتحية

لكن فقط
ضـــــرر وضـــــــــرر فقط

ربنا ينجيكم منها سواء اللى بيشرب

او اللى مابيشربش لأن الابحاث

اثبتت أن 60%من دخان

السيجارة بيخده المدخن

(التدخين الايجابى)

و40% بيخده اللى جنبه

(التدخين السلبى)

الكلام دا

ابحاث

ودراسات الناس

اللى برهـ اللى بنقلدهم فى لبسهم

وقصات شعرهم وحاجاتهم ال(هايفة)التانية

واللى هم نفسهم منعوا التدخين فى أماكن العمل

والمواصـــــــــــــــــــــــــــــــــــــــــــــــــــــــــــــــلات!
مع السلامة
وكل
سنة وانت طيبين.

هناك 62 تعليقًا:

norahaty يقول...

الحمد والشكر
لله رب العالمين
الذى عافانا
مما أبتُلى به
غيـــــــــــرنا

م/محمود فوزى يقول...

السلام عليكم
كل سنه وانتى طيبه يادكتوره

جزاكم الله خيرا على الموضوع ده
انا بأكره السجاير كره رهيب
هى اصلا حرام والرابط التالى به حكم التدخين
http://www.dar-alifta.org/ViewBayan.aspx?ID=211&text=%D8%A7%D9%84%D8%AA%D8%AF%D8%AE%D9%8A%D9%86

بالاضافه الى انها مضيعه للصحه والمال

وبعدين زي ماقلتى بتضيع صحه المدخن واللى جنبه
وهنا المفروض اننا لو حد دخن جنبنا نقوله يطفى السجاره لان ده حقنا
لاننا بننضر بسيجارته
طبعاالمفروض يكون الطلب بهدوء

اناع ن نفسي دخلت فى نقاشات كتيره فى الموضوع ده فى المواصلات وللامانه فاغلب الناس بتطفيها
فانا اغلب المواصلات اللى باركبها عندي فيها كذا مشكله من اهمها التدخين وصوت الاغاني العالى

ربنا يعافينا منها

وللعلم بره فيه مشاكل كتيره بين الحكومات وشركات السجاير وقضايا مرفوعه وبتكسبها الحكومات باخذ تعويضات كبيره بسبب الاضرار الصحيه

وكمان دول كتيره بتمنع التدخين فعلا فى المواصلا والاماكن العامه وبتطبق ده بحق وحقيقي
ربنا يهدينا ويهدي الجميع

norahaty يقول...

وجزاك الله خيراً
على متابعتك
وأرآئك السديدة
والله ياباشمهندس
ادينا بنشتغل مع
مرضى وأطباء ومع ذلك
ساعات تلاقى (لا مبالاةغريبة
سواء من المرضى او من الاطباء)
ولو قلت لحد فيهم (ربنا يرضى عليك
طفى السيجارة)يبص لك من فوق لتحت)
وما يردش ويمشى وهو لسه مولعها !!!
لكن برضه للأمانة فيه ناس بتسمع الكلام :ربنا يكتر منهم يارب.

romansy يقول...

والله انتى جدعه
مش مشكله برضه كان نفسى انى اشرب سجاير فى يوم من الايام
وسالت نفسى ايه المتعه فى ان الواحد يدخل دخان ويخرج دخان
لقتيت ان دى مش متعه
دا وهم
كل سنه وانتى طيبه
يا انورا

أحمـــــــــــــد أبو العلا يقول...

كل سنه وانتي طيبه

السجاير ديه مرض نفسي مش عضوي
يعني الواحد لما يكون محترم كده وله مركز والناس كلها بتحلف بعقله ومركزه وتلاقيه عبد للسجاير ميقدرش يستغنى عنها ولما يجي يشرب وميلاقيش تلاقيه بيلف حوالين نفسه وصداع وقرف

طب ازاي

الأطفال بيهوا السجاير من اهاليهم او من خلال اللي بيشوفوه في التليفزيون, وهما بيتأثروا بكل حاجه حواليهم

المهم, السجاير صوابع الموز هيا اللي لسه موجوده بس لو لقيتي منها قوليلي عشان بطلوا يبيعوها عندنا

amirelhob يقول...

كلامك كلو صح وانا حاولت ابطلها مع ان سنى صغير عليها ومش متعود لكن مش عارف ليه بضعف اوى وبسال نفسى ساعات ليه بعمل يمكن عشان اغلى حد عندى ما بسببها
وادعيا ابطلها ومن قلبى بتمنلك كل خير وسعاده و صحه وتوفيق وفرح وابتسامه تدوم يا رب طول العمر

blue-wave يقول...

ياريت كل الناس تعرف
ولا ما هما عارفين
بس يارب حد يقتنع

drsonnet يقول...

عيد سعيد عليك
قطعت السجاير

Sonnet يقول...

و ادعوك لزيارة مدونتي الطبية
http://tabibqulob.blogspot.com/
يا رب تعجبك

norahaty يقول...

romansy
ياسلاااااام
يارومنسى طول
عمرك عاقل بجد!
ربنا يهدي الجميع
ويعرفوا حقيقتها !
كل سنة وأنت بألف
خير يارومنسى .

norahaty يقول...

أحمد ابو العــلا
جزء كبير منها
فعلاً نوع من
الادمـان
بالرغم من أن
الكل بينكر هذا
وحاضر عيونى لو لقيتها
حأبعت لك 3صوابع :كفاية؟

norahaty يقول...

amirelhob
ومن قلبى بدعليك
انت واللى عندنا
من اولاد أخواتى يتوب
عليكم ربنا وتكرهوها
من قلبكم يــــــــارب.

norahaty يقول...

blue-wave
ربنا يهديهم
يعرفهم ويقويهم
على البعد عنهـا

خواطر شابة يقول...

موضوع مفيد وقيم
التدخين السلبي مشكلة لكن هنا في المغرب مؤخرا منع التدخين في الاماكن العمومية على الاقل الان لن يدخن أحد بقربك في المواصلات ولا في الادارات من يريد ان يدخن يخرج للهواء الطلق
بالنسبة للتدخين الايجابي أعرف أمثلة لاشخاص كنت أعتقد باستحالة اقلاعهم عن التدخين من كثر شراهتهم فيه ومع ذلك خيب الله ظني وأقلعوا اذن فالامر ليس مستحيل فقط يجب أن تكون هناك ارادة
جزاك الله خيرا على هذا الموضوع القيم
تحياتي

قلم رصاص يقول...


السلام عليكم
ازيك يادكتورة
كل سنة وانتي طيبة
عيد سعيد عليكِ وعلى الأسرة الكريمة والامة الاسلامية كلها

بخصوص السجاير.. مالك بقى ومال القلم الرصاص ؟! هههههههههههه

ربنا يعافينا ويبعدنا عنها يارب

دايما موضوعاتك مفيدة بجد وفيها توعية

جزاكِ الله خيرا

في امان الله

محمد الجرايحى يقول...

الحمد لله الذى عافانا من هذا الداء وهذه العادة الخبيثة ..ونسأله تعالى أن يشف عن الذين ابتلاهم بهذه العادة.

وكل عام وأنت بخير وتمام الصحة والعافية
أخوك
محمد

تركي الغامدي يقول...

المكرمة نور حياتي ... ماشاء الله تبارك ... فمع مشاغلك العملية يبدو نشاطك في التدوين غني بالمعلومات والنصائح الطبية ... وآمل أن أتمكن من متابعة ماتطرحين ... شاكراً لك مشاطرتك لنا ماحدث في جدة ... لا أراك الله تعالى مكروهاً في عزيز لديك ، وحفظ بلدكم العزيز من كل شر .

لولا وزهراء يقول...

ربنا يكرمك يا دكتوره نورا
الموضوع تحفه بجد انتى عارفه انى اكره رائحة السجاير جدا جدا
وكان نفسى مره اشرب شيشه رغم انى لو شممت بس رائحة دخان ممكن اكح جامد جدا جدا بس برضه عمرى ما جربتها لانى اكره اى رائحة غريبه
وفعلا التدخين حرام ودى فتوى من فضيلة المفتى
ربنا يكرمك يا نورا يا قمرايه
الحمد لله الذى عفانا مما ابتلى به غيرنا
زهراء

ليس فقيرا من يحب يقول...

السلام عليكم

تصدقى يا دكتورة كان

نفسى برده فى الموضوع ده بس زياده على

شرب السجاير كان نفسى اجرب الشيشه و

اعرف ايه المتعه فى كده بس فعلا شفت

بعينى اضرارة فى ناس من اغلى الناس

كل سنه وحضرتك طيبه يارب

اول مرور فى مدونتك الجميله

يارب اكون ضيفه خفيفه

mohamed ghalia يقول...

كل سنة وحضرتك بخير يادكتور
وعيد سعيد عليكى وعلى كل أسرتك

well يقول...

سعات الذكريات بتبقى مرتبطة بشئ معين وانتى زاكرتك ارتبطت بالعيد وكل زاكرة وانتى طيبة
عارفة انا ممكن اشرب سجاير بس لو لقيت اجابة على سؤال جوايا ...أشرب ليه وهستفيد اى ..
الحمد لله على نعمة الصحة
تحياتى

المعتصم يقول...

السلام عليكم ورحمة الله وبركاته
ازيك يادكتورتنا ووزيرتنا
يارب تكونى بخير وفى احسن الاحوال
عارفه يادكتورة انا بطلت السجاير عشان ابقى مميز عن اصحابى
الشلة كلها كانت بتشرب سجاير
وانا قاعد معاهم بصيت كده وقلت لأ لازم انا ابقى غيرهم
طب ازاى
ابطل سجاير خالص
كله قال مش هتقدر
بس على مين
وحياتك ماحطيتها فى بقى من يوميها للنهارده
والكلام ده كان من كااااام سنه
والحمد لله رب العالمين انه تاب عليا وعافانى منها
كل سنه وانتِ طيبه وبكل خير
وعلى فكرة هنقفل مصنع السجاير اللى فى الحلف وهنخلى الناس تبطلها بالقوة الجبريه والهندسيه والتفاضليه كمان
هههههههههههه
تحياتى

أحمد سعيد بسيوني يقول...

بسم الله

كل عام وانتم بخير

تقبل الله طاعتكم وجعلها في ميزان حسناتكم

نسألكم الدعاء لظروف الامتحانات العصيبة

دمتم بسعادة

واحد من العمال يقول...

السلام عليكم

فعلاً دى مصيبه
حرق صحه وفلوس كمان

ودمتِ فى أمان الله وحفظه

karim يقول...

ال حمد للة ماليش فيها, بس بشيش بس هههههههههههه, عارف انة غلط بس هانعمل اية لازم علشان نعرف نعيش فى القرف اللى احنا فية دة

norahaty يقول...

drsonnet
عيد سعيد
علينا وعليكم
وعلى الناس كلهم
يــــــــــــــــارب

norahaty يقول...

Sonnet
حااااااااضر
حأجى حـــــالاً بعد
ما أخلص الكومنتات

norahaty يقول...

خـواطر شـابة
الأرداة والتصميم
ممكن فعلاً يخلوا الانسان
اقوى مما يتصور هو
حتى عن نفسه.
ربنا يهدي
الجميع
نورتينى.

norahaty يقول...

قــــلم دهب:)
كل سنة وأنت طيب
يارب أضحى مبارك
ماهو القلم الرصاص
يبقى اسهل حاجة وأكتر
حاجة متوافرة ايام
التلمذة .الحمد لله
عادة مش كويسة
مامسكتش فيّ:)

norahaty يقول...

أستاذنــا
محمد الجرايحى
لك حق تحمد ربنا
انك لم تُبتلى بهذا
الداء وهو فعلاً داء
ربنا يعافى الجميع منه.

norahaty يقول...

أ/تركى الغامدى
نحن جميعاً
مسلمــــين
ثم عــرب
ثم بشر
وبالتالى ما يصيب
فرد فينا يُؤلم كثير منا.
شاكرة لك رد الزيارة
والتعليق الجميـــل.

norahaty يقول...

لولا وزهــرة
اهلاً اهـــلاً
بفتاياتنا
الجميلات ربنا
يبعد عنا وعنــكن
شر الدخان والسجاير
الحمد لله أنا برضه بقيت
بأتخنق من ريحتها ودا من أحد
الاسباب اللى كرهنى فيه ومنعنى
من شربها:مليون حمد وشكر لك يارب.

norahaty يقول...

ليس فقيراً من يحب
لولولوىىىىىىى
ابلة رانيا عندنا
يامرحبا يامرحبــا
شيشة ياأبلة:)لأ الحمد
لله مافكرتش فيها ولا هفت
على نفسى حتى:اشكرك يارب:)
نورتينا يارانيا ويارب دايماً.

norahaty يقول...

mohamed ghalia
كل سنة وانت بخير
يامحمد يارب وعيد سعيد
عليك وعليـــنا كــــلنا.

norahaty يقول...

well
وأنت بالصحة
والسلامة يارب.
والحمد لله أنه سؤال
ملهوش اجابة مفيدة:)

norahaty يقول...

رئيس حزبنا المحترم
حضرة الاستاذ المعتصم
ماهو انت لو ما كنتش
عملت كده كنت بقيت زعيمنا
ازاى؟كان لازمن ولابدن تعمل كده
لأنك مميز ومتميز والشلة دى
ماتعرفهاش تانى اخاف عليك
منهم:)

norahaty يقول...

دكتور أحمد سعيد
وأنت بالصحة والسلامة
يافندم دعواتى لك
بالتوفيق والنجاح.

norahaty يقول...

واحد من العمال
وعليكم السلام
ربنا يتوب
على الكل منها
ويعرفوا انها ضرر فقط:(

norahaty يقول...

Karim
بتشيش!!ياراجل:(
ربنا يرحمنا ويرحمك
ياكريم يارب وهو يعنى
علشان نعيش(فى القرف)
نعيا ونعيى الناس معانا:(
مش هو دا الحل ابداً!

د/ أحمد لاشين يقول...

طيب ايه علاقة العيد بالسجاير ؟؟؟
والا كنتي عايزة تاخدي من فلوس العيدية لأنها من حر مالك :):):)
احساس جميل ان الواحد يكون رقيب علي نفسه فعلا
ربنا يكرمك ويديم عليك الاميونيتي الرقابية :):):)

norahaty يقول...

د/أحمد لاشين
بالضبط وكمان كتيرة
محدش حيسأل:وديتى فلوسك
فين؟قولى ساكتة ليه؟ههههه
وفعلاً والله يادكتور لو الاقتناع
بالفكرة او بالشىء جه من جواك
تأكد انه مش تعمله على الوجة الاكمل.

المشرف العام يقول...

كل عام وأنت بخير يادكتورة
وعيد سعيد عليك وعلى المسلمين جميعا

المشرف العام يقول...

كل عام وانت بخير يادكتورة والمسلمين جميعا

أ / أحمد عبد المنعم يقول...

بسم الله الرحمن الرحيم

الأخت الفاضلة : د/ نورا

كل عام وأنت بخير دائما

حكاياتك جميلة وصريحة وهى لذلك تلمس الواقع لمعالجة سلبياته

لى مع السجائر حكايتان إحداهما مضحكة والثانية مؤلمة

الأولى :

كنت حينها فى الصف الأول الابتدائى أو الثانى
وكان يوم وفاة جدى والحزن يملأ البيت وقد نصب الصوان وتوافد الناس لتقديم العزاء ووقف والدى يستقبلهم وشرع الناس فى توزيع السجائر( لم يكن معروفا وقتها حرمتها )
فإذا بأحدهم يعرض على أبى سيجارة (وهو غير مدخن )وألح عليه فى العرض ولم يرض أبى إحراجه فقبلها

ولما رأيت المشهد هرولت مسرعا لأجمع أصحابى لمشاهدته وهو يدخن فاجتمع نفر كبير من الصبية أمام الصوان ينظرون إليه ليشاهدوه مدخنا مما أوقعه فى حرج ضخم .
أما القصة الثانية فمؤلمة جدا آلمتنى أسابع متتالية
سأقصها إن رغبت

norahaty يقول...

المشرف العام.
وأنت بالـــصحة
والسلامة ياأفندم.

norahaty يقول...

المشرف العام
اللهم آمـــين
يـــارب العالمين

norahaty يقول...

أ/أحمد عبد المنعم
وحضرت بألف خير
وصحة وعافية يارب
وهى دى عايزة سؤال
طبعاً عايزة أعرفها
انا فى الأنتظــــــار

يا مراكبي يقول...

خدي بالك .. إنت كده بتكتبي ما هو ضد مصلجة شركات السجائر العالمية العملاقة ودي مافيا كبيرة جدا .. هيعتبروا البوست ده تهديد لمصالحهم وكده

:-)


ياريت بقى بوست كمان عن الشيشة بالمرة عشان الصورة تكتمل

ahmed_k يقول...

شكرا يا دكتوره على المعلومه
وربنا يعافينا وكل المسلمين
الإقلاع عن التدخين محتاج عزيمه قويه
وأحيانا ما بنفتقد تلك العزيمه
وبمناسبة الموضوع الشيق ده
حقوم أعملي كوباية شاي معتبره
مع سجارتين معتبرتين عشان أنسى موضوعك
هههههههههه

تحياتي الكبيره جدا

م/محمود فوزى يقول...

الدكتوره نورا
ربنا يبارك فيكي دوما
انتى عارفه انا باتغاظ جدا لما يكون فهي دكتور مدخن
طيب ده المفروض يكون اول الناس اللى بتكره التدخين من اللى بيشوفوه من اثاره على الناس
ربنا يهدي الجميع

عارف انا النوعيه دي من بتوع اللى بيتعجب من طلب اطفاء السيجاره
يتهيالى انهم متخيلين ان المفروض الناس كلها بتستمتع بالسموم اللى بينشرها
ربنا يهدينا ويهدي الجميع ويبعدنا كلنا عن التدخين

micheal يقول...

الحمد لله أنا من أصدقاء البيئة
:)))

Heba Faruq يقول...

ربنا يكفينا شرها
ويهدي كل اللي بيشربها
السجاير دي اكبر دليل على ان الانسان اعمى بيجري وراء الشيء اللي بيدمره وهو راضي

فكرتيني بالموز الحلاوة
انا كمان كنت بحبه قوي


كل سنة وانتي طيبة وبخير وبصحة يارب

فرسان على مر الزمان يقول...

كل عام وإنت بخير
ورحم الله والدك
وأدخله الله فسيح
جناته
أما عن السجاير
فهى حرام
وهى مضيعة للصحة
والمال
وعافانا الله منها
تحياتى
ويبقى التواصل

norahaty يقول...

يــامراكبى
ربنا يستر باذن
الله وكمان عندنا
محامين شدّاد فى بلوجر
ممكن يخدمونا برضه
وياخدوا الاجر
والثــــواب

norahaty يقول...

ahmed _K
سجارتين ياأستاذ أحمد!!
ياخسارة تعبك ياأنا:)
وتنسى ليه ياراجل ياطيب
بالعكس افتكره وتذكره
لحد ما تبطلها وتكرهها.

norahaty يقول...

م/محمود فوزى
والله الواحد بطل
يستعجب من أفعال
البشر:إذا كان بيضر
نفسه وأطفاله يبقى
مش حيضر غيره أو
يهتم بيهـــــم
ربنا يرحنا

norahaty يقول...

micheal
ربنا يخليك
ياعاقل ياراسى
انت:):):):)

norahaty يقول...

Heba Faruq
اللهم آمين
يارب العالمين
الموز الحلاوة
جمييييييييل
احبههههههه.

norahaty يقول...

فرسان على مر الزمان
اللــهم آمين
يارب العالمين
يعافينا ويعافى
أهلنا من كل
بلاء وداء

norahaty يقول...

الحمـــــد لله
رب العالمين

abo_moamen يقول...

السلام عليكم
ازيك يا دكتوره الله الغياب لظروف ضغط لعمل
اما التدخين
فلى معه واقعه فانا دخنت السجاير حوالى اربع سنين وده كان لظروف نفسيه مريت بيها طبعا طأ وغلط كبير ان الواحد يربط الظروف النفسيه بالتدخين ولكنى طيله فتره التدخين شايف انى مش مستمتع وانى بعمل حاجه ضد صحتى واموالى وشخصيتى فاقلعت عنها الحمدلله
الشاهد
ا ممكن اوى كل واحد يبطل تدخين بالاراده
ولكم التحيه
هانى رفعت

norahaty يقول...

abo_moamen
وعليكم السلام ورحمة الله وبركاته
استاذ هانى رفعت
اين انت؟ارجو ان تكون بخير
وان يصلك سلامى هذا ويكون
وانت فى أتم الصحة
والعــــــافية