السبت، أبريل 05، 2008

شهادة حق لله والتاريخ.........


صباح الخير على الكل والجميع


ايه ده انت مارحتيش الشغل؟


لا اجازة النهاردة وبكره كمان


اه هربانه من الاضراب!!
لا والله فيه سببين :


الاول مدام ()اللى بتشتغل معايا اجازة اليومين دول


وانتى بقى مش قادرة على بعدها حضرتك؟؟!!!


لا بس حيجوبولى حد تانى يشتغل معايا وما احسن من ستى


الا ستى التانيه(والناصح يفهم)


والسبب التانى؟


عندى مشوار فى الشهر العقارى عايزه اخلصه


وما ادراك ما الشهر العقارى؟


لا والله ده تطور خالص وياريت كل المصالح تبقى زيه


هو قريبكوا ولا حاجه؟!!!


لا بس دى شهادة حق لله وانا بتكلم من وجهه نظر انسانه متردده


على الشهر العقارى


كل حين وميم


وناويه تريحنا امتى؟قصدى تروحى امتى؟


بككككككككككككككككككككككككككككككككككككككككككككككككككره ان

شاء الله


هناك 4 تعليقات:

أنا من كنت محتاجاً يقول...

أولاً مساء الخير ..... معلشي لسة جاي من الكلية

ثانياً ..... مبروك على الأجازة

ثالثاً ..... ربنا يوفقك في الشهر العقاري

رابعاً .... في موضوع إتحذف .. ليه...؟؟؟

خامساً .... شكراً جزيلاً

norahaty يقول...

السلام عليكم ورحمة الله وبركاته
انا من كنت محتاجآ**
اولا *حمدالله على سلامتك
ثانيآ* الله يبارك فيك (بس عايزه اقولك الاجازة" تطير كيفما يطير الاثير"ايه رايك فى الحته السجع دى!!

ثالثآ عليك بالدعاء"ربى ادخلنى مدخل صدق واخرجنى مخرج صدق واجعل لىّ من لدنك سلطانآ نصيرآ** عند تقضية اى مصلحه (او امتحان )وان شاء الله تقضى مصلحتك

رابعآ:الموضوع اساسا يظهر انا نزلته خطأ لانه كان فيه شويه تمحيص علشان ما يحصل عليه ردة الفعل اللى حسيت انا انها حصلت لك؟؟ولا انا غلطانه؟؟
خامسآ ودى المهم انزل اساسآ الموضوع ولا انت شايف انه بعيد شويه عن خط المدونة
افدنى افادك الله
norahaty
NB
لو ما قسم للموضوع ان يتنشر حتدخل انت والفارس الملثم التاريخ لانكم الوحيدين اللى شوفتوه
والله انا فوجئت وانا صاحيه اصلى الفجر
؟؟ايه ده؟ ايه اللى جابه هنا؟ فعرفت ان انا يظهر كنت نايمه ومش داريانه
**رغيت كتير انا معلش وانت لسه جاى
سامحنى

أنا من كنت محتاجاً يقول...

اولاً ... ردة الفعل اللي حصلتلي غني كان نفسي أتكلم في الموضوع دا من زمان ونفسي أرغي فيه .. فقلت أفك شوية .. الجب د حاجة ربانية

ثانياً ... مفيش حاجة إسمها خط للمدونة .... غنتي عايزة تكتبي حاجة .. مافيش حد له سلطة على الكلمة غيرك

norahaty يقول...

السلام عليكم ورحمة الله وبركاته

انا من كنت محتاجآ
انا لسه جايه من مدونتك
ماذا حدث ياصديق؟ اسالك السؤال مره اخرى
سألته اياك هناك ولم تجاوبنى

ربما سوف تجاوب هنا؟؟؟
فقل لىّّ حدث لك؟؟
شاهدت عيل ما لايسوى شيئآ راكب كذا وعامل كذا
او *الامورة اتخطبت لعريس الغفلة الجاهز ولو كان اكبرمنها ب666 سنه
الميه مقطوعة عندكم ولا حاجه وعلشان هى موجودة عندنا من ساعة ما حكيت(اللهم لا حسد)
اقولك انا مش حافضل اتكلم لوحدى كده!!
لما ترجع من الكليه اكتب لى الرد وقل ما يتعبك وان مش حاسمع حاجه خالص......ها هاها
ايوه اضحك انت شاب انا اريد ان اقول هذا لكل شاب وشابة
الشباب فرصة عظيمة لابد من استغلالها لانها بتروح بسرعه(اوى فيمتوثانيه بتاعة احمد زويل)
سلام يادكتور ولما ترجع لنا كلام تانى
وتسلم من كل شر
norahaty