الأربعاء، أبريل 23، 2008

خبر وتعليق




هجوم لطالبان يودي بحياة نجل القائد العام للجيش الهولندي


------------------------------->




0ما سمعتش انت ان حد من اولاد الاباعد مات فى حاجه زى كده؟




اوان واحد من عيلته مات بعد انهيار منزله عليه؟




(نتيجه لغش الحديد اوالاسمنت او لقدم المبنى وتصدعه )




0ما سمعتش أن واحد فيهم مات له أبن او بنت فى حادثة قطار


او سيارة او حتى طائره مثل اولادنا وزهرة شبابنا


على الاسفلت على الطرق والذى اصبح يرتوى بدمائهم كل يوم




وكانه وحش اسطورى لابد من تقديم القرابين له فى كل يوم





0ما سمعتش أن واحد فيهم كان أبنه راجع من بعثة فى امريكا


او من اى مكان والطائرة انفجرت بعد لحظات من اقلاعها

ودون سبب معلوم حتى يومنا هذا (بعد مرور هذه السنين)

وراحت بكل من عليها بما فيهم 38 او 39 ضابطآ من خيرة شبابنا



بعد ان اتموا دورة تدريبه مهمة ومتقدمة فى مجالهم الدراسى والعسكرى


كما حدث فى حادث انفجار الطائرة المصرية قبالة السواحل الامريكيه

واللى كانوا عايزين يلفقوها للطيار المصرى ساعتها ويقولوا انه


انتحر بالطائرة!!!!


(من المعلوم انه يمنع ان يجمع هذا العدد من العسكريين




فى طائرة مدنية واحدة مع اناس مدنيين عاديين)




.مسمعتش ان حد فيهم عمل عملية جراحيه ما واكتشف




بعد افاقته انه قد سرقت كليته او انه اصبح مصابآ بفيروس C






نتيجه للدم الملوث او للاكياس الحافظة للدم غير المطابقة


للمواصفات




تساؤلات وتساؤلات عديدة اثارها خبر نصف سطر فى جريدة






وما من اجابة لها الا عند علام الغيوب





هناك 10 تعليقات:

المـــفـــــــقــــــــوعـــــة مــرارتـهــا يقول...

انتي مادريتيش مش ولاد الأيه متحجبين بحجاب من عند حمهورش اللي في الجبل روحي اعمليلك حجاب

بنات صاحبة الجلالة يقول...

اية ياقمر دا احنا هنافس بعض ولااية خبر وتعليق بس بجد مووضوع هايل وباين اننا منحسوين المصايب بتجيلنا احنا بس وبعدين بالعكس كل الضحايا دول شهداء يعني برضوا احنا احسن منهم صحيح كل يوم نزيف الاسفلت دا بيحرمنا من اعز الناس وحوادث القطارات المتهالكة اللي عافي عليها الزمن والمباني المتصدعه واللي برضوا حصدت ارواح ابرياء بس له في ذلك حكم وكما قولتي السر عند علام الغيوب

بجد بجد بوست رائع تصفيق حاد لاجمل دكتورة تسلم ايديكي

لكي خالص التحية والتقدير

ابراهيم يقول...

اعتقد ان اللي امريكا ظهة ما بيخفش
ادعوكي لزياة مدونتي زاتمني التواصل الدائم بيننا

غير معرف يقول...

للأسف الشديد، ودي حاجة محزنة جدا، إن الإنسان عندنا ما لوش قيمة... اللي يموت يموت واللي ينقتل ينقتل... قيمتك باللي في جيبك... معاك جنيه تسوى جنيه... معاك مليون تسوى مليون... قيس على كده كل حاجة...

Unknown يقول...

السلام عليكم ورحمة الله وبركاته
مفقوعة**
ولا يهمك حجاب ايه وبتاع ايه
احنا معنا اللى يغلب
شهادة ان لا اله الا الله وان محمدآ رسول الله.
وتسلمى للمرور والتعليق
norahaty

Unknown يقول...

السلام عليكم ورحمة الله وبركاته
بنات صاحبة الجلالة**
احنا عمرنا ما ننافس بعض بالعكس نوحد الجهود ونركز ضد اعدائنا الحقيقين
وأذا كان على الضحايا فهم شهداءوهذه مرتبه عظيمة لا ينالها الاالعظماء
ودمتم لى بالف خير
norahaty

Unknown يقول...

السلام عليكم ورحمة الله وبركاته
ابراهيم **
ولا يهمك هم ظهرهم امريكا
انا امامى حب الله وحب رسوله وحب المؤمنين وحب الجنة والحق والخوف من النار والباطل.
وتسلم للمرور
وقمنا بالزيارة بالفعل ولكن علىعجل وان شاء الله لنا زيارات قادمات متئنيات باذن الله
ودمتم بخير
والسلام عليكم ورحمة الله وبركاته
norahaty

Unknown يقول...

السلام عليكم ورحمة الله وبركاته
hina wi hinak
دنيتنا بقت او الاصح بلدنا بقت شديدة المادية وشديدة الصعوبة(قيمتك باللى فى جيبك)
يعجبنى انا الاعتراف بالواقع سواء صح ام خطأ فهو واقع!!
طب نعمل ايه ؟
دبرنى ياوزير
التدابير لله ياأمير
**لما الراجل انور السادات مات سنة 1981
حكموا على البلد كلها تعيش فى حداد 40 يوم ما فيش الا القرآن والاحاديث فى الراديو(لا كان لسه فيه دش ولا كومبيوتر ولا نت طبعآ)
وطبعآ كمان قفلوا ساعتها نوادى الفيديو وكده
عايزة اقولك مأتم وحداد اجبارى للبلد كلها!!
مش ده ظلم
وقيس على كده باقى الاحداث
العبارة السلام كانت غرقانه والدنيا كلها بتنقل المشاهد الفظيعة لصراع الغرقى فى البحر الاحمر ضد اسماك القرش والتيارات واحنا بننقل مبارة كرة قدم اعتقد بتاعة دورة ما هنا!!!!
واحد البلد تقعد فى حداد علشانه 40 يوم
و1500 واكثر لا اهمية لهم !!
ربنا يرحمنا جميعآ(وليس لدى ما اقوله الا هذا فماذا يمكن ان اقول)
لا اله الا الله محمد رسول الله
صلى الله عليه وسلم
norahaty

الفارس الملثم يقول...

مدهش اوي ان الخبر الصغير ده جعل كل النتائج دي تتدفق الي عقلك ,وعندك حق طبعا ما هي البلد دي بتنقسم لقسمين ,الناس اللي علي راسهم ريشة , وولاد البطة السودا اللي هما اغلبية الشعب المصري ...

سلام يا دكتورة

Unknown يقول...

اسلام عليكم ورحمة الله وبركاته
محمد**
الفارس الملثم**
الكلام بيجيب بعضه والله يامحمد واللى الواحد بينساه من المفارقات والمآسى اضعاف اللى بيفتكره
نقول ايه
الحمد لله رب العالمين
وصباحك ابيض مره تانيه
norahaty