الأربعاء، مايو 07، 2008

ايه رأيكم ياجماعة..




ايه رايكم ياجماعة ندخل المناقصة دى ويمكن البليه تلعب معانا زى ما بيقولوا ونبقى عبد الغفور البرعى


نمرة خماستاشر (الحاج : عبده بتاع جلباب ابى... نور الشريف...نسييتوه ولا ايه؟؟)


حاضر اقول الحكاية من الاول

فى جرنال الاهرام ليوم السبت:5-5-2008

كان فيه اعلان على جنب كده لفت نظرى ....


ياسلام لفت نظرك...!!

بيقول ايه؟

هيئة قناة السويس


إدارة التموين


مزادات


(المهم جاى)


تعلن هيئة قناة السويس عن بيع بالمزاد العلنى

لايه ياختى؟؟

لحطام السفينة>>>>بلاك سوان(ياسلام ...البجعةالسوداء!!!)


الباهامية اعالى البحار(اهى الباهامية والبيرونية دى اساس كل المشاكل اللى بتحصل وما تسالنى ليه بس كل

ما اسمع عن سفينه جنحت او سفينة شحطت او سفينة دمرت الشعب المرجانية الاقيها لاما الباهامية او

البيرونةنسبة الى البيرو ...يظهر حالهم >>>>>طراوة ..قصدى ممتاز زيينا وانت افهم بقى )

رقم.../....فى جلسة ../.../2008بالمظاريف المغلقة

السفينة موجودة طرف الهيئة بالسويس ومحجوز عليها إداريآ لصالح الهيئة والبيع على حالتها بعد المعاينة

التامة النافية لكل جهالة(واخدين بالكوا من اخر حته>>>>>المعاينة التامة النافية لكل جهالة......

الله لغتنا العربية دى جميلة جمال)

الحاجات الاجمل بقى جاية

1-سعر كراسة الشروط=5000جنية مصرى (حمسة الاف جنية احسن حد يفتكرنى غلطت وزودت صفرين ولا تلاته حتى)


2-التامين 10%من قيمة اول عطاء للمتزايد بما لا يقل قيمة التامين المؤقت عن 00000 5جنية مصرى

(وبرضه علشان ما حدش يفتكرنى غلطانة المبلغ المطلوب =خمسمائة الف جنيه لاغير=نص مليون لا


غير =نص ارنب لا غير .......ايه المشكلة ......ولا غير دى تتحط قبل النص ارنب اه مش عايزين مشاكل.

أو

ما يعادلة بالعملة الاجنبية

3-يبدأالمزاد الساعة 12ظهرآ بمقر النادى الاجتماعى ببورتوفيق بالسويس.

4-تطلب كراسة الشروط والمواصفات (اللى ب5000 جنيه=خمسة الاف جنيه)من مقر مراقبة التموين والمخازن بالاسماعيلية (5000 جنيه وانت اللى تروح تجيبها ....كمان مش هم اللى يجيبوها لحد عندك)

5-لمزيد من الاستفسار(علشان هم زهقوا خلاص من كتر الأسئلة بتاعتنا)يمكنكم الاتصال بالتليفونات التاليه.............(كلها نمر تليفونات ارضية.........ايه ده ماعندهومش موبيل!!!!!!)


قلتم ايه؟

ندخل شركا فى الموضوع ده انا المخ وانتم العضلات (عضلات ايه بس دى)


اه صحيح انا المخ وانتم

الفلوس !!


او ندخل شركاء برضه انا احط ال(لا غير )المطلوبة بشدة زى ما انتم شايفين وانتم الباقى....


اوندخل شركاء برضه واى حد فيكم يحط لى نصيبى(سلف ياعنى.. فيها ايه مش احنا اخوات

ووووووواثقين فى بعض)

وابقى ادفع لما نبيع السفينة ونكسب بقى والفلوس تجرى زى النمل كده حوالينا...(اسمها زى الرز>> انا


عارفه بس اصل الرز غلا وما بقى حد بيفرط فيه بالساهل والنمل اسهل واكتر.
.

انا قلت لكم كل الاقتراحات اهو واللى عنده افكار تانية يقول لىّ......مش عايزين الفرصة دى تروح مننا

.

وايه رأيكم دام فضلكم


وردووووووووووووووا على بسرعة


هناك 8 تعليقات:

ghoneem يقول...

اهلاً بيكي

انا رأيي ملناش دعوة بالمناقصة دي

سيبك الحاجات الكبيرة دي للناس الكبار

اما الورور اللي زينا يشترو شيبسي بيبسي بونبوني وكفاية

بس لو ناوية وعايزة مساعدة انا عندي عوامة ممكن تاخديها للمركب لما يرسي المزاد عليكي ان شاء الله

بوست جميل

تحياتي

بالتوفيق...........ز

الفارس الملثم يقول...

بصي انا اكسر الحصاله , وافك الوديعه ام 15 جنيه وادخل المزاد , وبعد كده اجرها بالنفر ,,

بس انتي عارفه هي كده تشبه السفينه تيتانيك بس بعد ما غرقت , وممكن الواحد يفكهها وينافس احمد عز في حديد التسليح

سلام يا فندم, بس هو ميعاد المناقصه امتي

Unknown يقول...

السلام عليكم ورحمة الله وبركاته
ghoneem***
وليه مالناش دعوة؟ماتيجى نحاول واهى محاولة؟
بس المشكلة فى النص الارنب اللى عايزينه تأمين دخول المزاد,هو ممكن يتدبر برضه بس على 30000 سنه تحويش جنيه على جنيه والمناقصة او المزاد حيكون يوم15/مايو/2008يعنى مفيش وقت.
اقولك تتحل ان شاء الله
ومتشكرين عرضك الكريم باخد العوامة لما يرسى المزاد علينا
وتسلم للمرور والتعليق اللطيف.
norahaty

Unknown يقول...

السلام عليكم ورحمة الله وبركاته
محمد**
الفارس الملثم**
طلعت خبيرررررررررررر والله يامحمد ,ماهى دى صورتها بحق وحقيق انا مابكدب ماهى حالتها صعبة انت مش غريب ولو كنت كلفت نفسك واشتريت كراسة الشروط لنا كلنا ام 5000 جنيه كنا عاينا البضاعة وعرفنا التفاصيل
المهم خللى الوديعة فى الحصاله دلوقتى ولما نكمل النص ارنب التامين بتاع المزاد بنقى ناخد ال15 جنية بتوعك نشترى عصير نطرى به على قلبنا ههههههههه
وشكرآ للمرور والتعليق والمواظبة يامحمد.
norahaty

Wael يقول...

حلوة كراسة الشروط ام 5000 جنيه دى

ياترى كام ورقة ؟

اكيد فيها التوقعات المرئيه او الاجابات النموذجيه لاسئلة المزاد . ممكن برضو نجمع من بعض ونجيب كراسة واحده ونصورها لينا كلنا .

انا برضو الحصالة بتاعتى مفهاش المبلغ ده , يدوبك اشترى سطرين من الكراسة ام 5000 جنيه .

يلا ماعلينا

nice post ya prof. (:

Unknown يقول...

السلام عليكم ورحمة الله وبركاته
دكتور وائل**
ما قلت كده للفارس الملثم يشتريها لنا الكراسة ونتفرج عليها كلنا ,فيها ايه ياعنى ؟؟
بس المشكلة النص ارنب تامين دخول المزاد هو ممكن نحوشه ونجمعه زى ما قلت بعد 30000 سنة بس المزاد حيكون خلص
يالله خيرها فى غيرها
وكفايه الواحد عرف الحصالات بتاعة اصحابه فيها كام!!!!
وشكررررررررررررررررررررررآ
انت
يا بروفسييييييييييييييييير

بنات صاحبة الجلالة يقول...

5الاف جنية بس يابلاش بس انا معيش فكة اصل فلوسي كلها مجمده في الفريزر بس انا ممكن اشارك في المناقصة مشاركة من نوع اخر نعمل تغطية صحفية نغطيها ونصوت ههههههههههه او ممكن نجبلكم احنا كراسات الشروط من الاسماعيلية وناخد حق الدلفري ههههههههههه

موضوع بجد رائع رائع جميل جدا وسنواتيكم باخر الاخبار

نحدثكم من مدونة الدكتور نور حياتي حبية قلبي

Unknown يقول...

السلام عليكم ورحمة الله وبركاته
بنات صاحبة الجلالة **
جزاكم الله كل الخير يارب زى ما حتوفروا علىّ المشوار للاسماعيلية وحتجيبوا انتو الكراسة وياريت ما تتحججوا وتسيحوا الفريزير وتجيبوا النص ارنب معاكوا
مش عايزين نضيع وقت اكتر من كده
الملايين مستنيانا يابنات !!دى فرصةوبيجرى وراها ياما.
وتسلمولى يارب
norahaty