السبت، يونيو 28، 2008

ابو التشلدرن:لا تحزن


انا كنت ماشية أتجول (حلوة اتجول دى) بين البلوجات رجلى حدفت ,رجلى ايه انتى كمان صباعى حدف ناحية مدونة كل ما ادخلها لازززززززززم يحصلى حاجة من الاتنين لاما اضحك لما اقول يابس او دمى ينشف من الخضة والقلق على صاحبهامن مغامراته اللى ما بتخلصش وانت وبختك لاما المغامرة بتاعته تطلع فشنك اى حلم لاما تطلع حقيقى وفى الحالتين
بتبقى عايز تخبطه(معلش يااحمد)من الغيظ والقلق اللى سببهم لك

المهم المرة دى لقيت شىء مختلف سكر مكتئب(وجه مسبهل ..كده) ياخبر اسوس على رأى واحد مدون احمد مكتئب!!!! ازاى دى عدوى فيروسية ولا حساسية ولاحالة نفساوية ولا ايه بالضبط؟ وايه اللى سببها له ياترى.
بيقولك ياسيدى انه انصدم فى حد او من حد(هذا ما فهمته على قدر فهمى بقى) وان الحكاية دى زعلته(على كده احنا من الابطال بقى!!!)وانه ما كان يتصور انه يحصل له كده وكمان انه كان مفروض ياخد باله فى معاملة الناس(بجد انا مصدوووم جدا
مصدوم فى ناس اتعاملت معاهم بتلقائيه
(.ومكنتش اعرف ان الواحد المفروض يتعامل مع الناس بحرص

المهم انا كاتبة البلوج ده مخصوص له علشان اقوله كلمة واحدة بس
لا تحزن ان الله معنا
هى كلمة رسول الله صلى الله عليه وسلم

وهو من هو الذى لا ينطق عن الهوى
ومن روعة كلامه وتبيانه انه قال (معنا)ولم يقتصر على( معى) ليشمل المؤمنين معه فى معية الله على مدى الازمان والامكنة
فيا ابو التشلدرن
ياأستاذ احمد
وياسكر
لا تحزن
لاتحزن
لا تحزن

هناك 8 تعليقات:

Amgad يقول...

نورهاتي استاذنك ان في كليب اليوتيوب مغطي علي نص الكلام فانا مش عارف اقرا المكتوب واكيد الزوار كده بصفني مش قديم اوي لو الموضوع ليه حل من عندي انا معرفوش ولكن اكيد ليه حل من عندك
خالص تقديري

اخوكي الصغير

الفارس الملثم يقول...

صباح الخير يا دكتوره

كلمه للاستاذ المكتئب " ياما دقت علي الراس طبول" ها ..ايقول طبعا يعني ايه

الواحد من معاملاته مع الناس اتعلم كتير , الناس مش ملايكه وشياطين , لكن كل واحد ليه طبع خاص , وانت اتعامل علي حسب شخصية اللي قدامك وتعلم الاستغناء عن الاخرين والناس القريبين منك حتي وانت محتاجهم عشان متتعبش اوي لما يبعدوا عنك

سلام يا دكتوره

Maha Shahen يقول...

ربنا يخليكى لينا دوما عونا لنا في تصدى الازمات
ومظنش حد يكتئب بقى لو ليه اصدقاء بيخافوا عليه وبيدعوله
ودمتى خير عون للأًصدقاء
تحياتى
نور

Unknown يقول...

السلام عليكم ورحمة الله وبركاته
amgad**
اولا صباح الخير
ثانيآ لا افهم ما تقصد
ثالثآ لو فيه حد فاهم يتفضل يشرح.
رابعآ وهذا هو الاهم فى الموضوع
انت ما عندكش مذاكرة كليب يوتيوب ايه اللى بتدور عليه الان فى عز الامتحانات!!!!
ههههههههههه
معلش انا احب اشاكس من اجده امامى
اول الصباح,فلا تغضب !!!!
ومرة تانية صباح الخير

Unknown يقول...

السلام عليكم ورحمة الله وبركاته
محمد الفارس لملثم
صباح الخيرات يامحمد
هو ده الكلام. الناس اصناف واشكال والوان ولابد الواحد يتعود على كده,لكن ساعات ال(ضربة)بتجى من انسان عزيز عليك وانت غير متوقع لهذا فيكون الالم شديد لدرجة فقد التوازن لفترة بس لازم ترجع تقفعلى رجليك تانى ولابد من توقع كل شىء ممن امامك طالما انه
انساااااااااااااااااااااااااااان
وتسلم من كل شر يامحمد
وتشكراتى

Unknown يقول...

السلام عليكم ورحمة الله وبركاته
nour shahen
الله يخليكِ ويبارك فيكِ(حقنة رفع للمعنويات فى الوريد مباشرة,
لأالوريد اي دى فى القلب مباشرة
يانورمتشكرة كتييير,كنت احتاجها!!)
والله انا بادعى للناس كلها يمكن حد يرد لى الدعوة فى يوم من الايام ويتقبل الله منه (دعوة المؤمن لاخيه المؤمن بظهر الغيب مقبولة ان شاء الله)
ومرة تانية متتشكرةةةةة.
وتسلمى من الشر كله

(احمد سكر ) يقول...

السلام عليكم ورحمة الله وبركاته

اختى الرقيقه جدا

صاحبة القلب الماسى

انا عاجز عن اى كلمه ااقولها لحضرتك

واقسملك بالله العظيم

انى بقالى اكتر من ساعه واقف قدام البوست متنح

مش عارف ااقول ايه لحضرتك اعبر بيه عن مكنونى
(حلوه مكنونى دى هاااه )

اللى هقدر ااقوله انى فعلا ناس ظنيت انى خسرتهم وهما السبب

بس ربنا عوضنى بناس صادقه زى حضرتك

ناس رجعتنى تانى اعيش تلاقئيتى اللى الكل بيعتبرها عبط وهبل

بجد مش عارف ااقول ايه

ربنا يحفظك يارب ويبارك فى عمرك


اخيكى

احمد

Unknown يقول...

السلام عليكم ورحمة الله وبركاته
أ.احمد سكر
ولا يهمك طلع كل مكانوناتك ,فأنت هنا بين الاصدقاء والاخوات ولا تزعل ولا تحزن من اناس لم يحفظوا العهد بل احزن عليهم يااحمد لانهم سيواجهون يومآ ما نفس الموقف ولكن بلا اصدقاء حينها يساعدوهم او يقفون معهم.
ربنا يخليلكى اسرتك الكبيرة والصغيرة ويحفظهم من كل سوء
وتقبل تشكراتى .