السبت، أكتوبر 04، 2008

أهى..العودة ...اهىء ..الى... اهىء.. العمل ...اهىء... اهىء.... اهىء ....


ايوة خلاص الاجازة اللى الواحد كان منتظرها من سنة خلااااااااااااص خلصت .!!!!!!!!ازاى والله ماعرفش كده بدأت وفجأة خلصت طب ازاى !!امتى !!! فين !!!!!مش عارفة بس هم بيقولولك كده دايما ان الايام او الاوقات الحلوة بتخلص على طول واهى اجازة العيد خلصت والساعتين الاقل فى الشغل خلصوا كمان والربع ساعة التجاوز الصبح بتاعة رمضان هى كمان خلصت يعنى كله وزى ماكنا بنقول للعيال الصغيرين ...بح بح بح بح بمعنى كلمة خلاص (اصلها حتشبسوتى فيما اعتقد ..)ههههه
ياسبحان الله لسه ولحد دلوقتى نفس الشعور من ايام المدرسة وبالرغم من انى والله كنت شاطرة اوى لكن كانت نهاية اى اجازة (وخصوصآ الصيفية طبعآ )والرجوع للمدرسة كانت بتبقى (ليلة سودا بعيد عنكم) وهاتكم ياعيط (فى سرى طبعآ من غير ماحد يحس) لان البيت بتاعنا ولحد الان الحمد لله بيمثل لى اجمل مكان فى العالم حاقول من الناحية النفسية على الاقل والناحية الحسية والله كمان
يكفى الانسان يفتكر حادثة الدويقة ويفتكر الناس اللى نجيوا منها كيف حالهم بعد الحادث
لابيت ولا اوارق شخصية ولا لبس ولا عفش لا شىء اطلاقآ ربنا سبحانه وتعالى يكون فى عونهم
اقولكم نهارنا ونهاركم ونهارهم ونهارهن ابيض وزى الفل
اقولكم كمان اللهم ديمها نعمة واحفظها من الزوال
واقولكم كمان استعنا على الشقا بالله سبحانه وتعالى

هناك 24 تعليقًا:

مجلة سيكولوجية مصرية يقول...

أنت على موعد لزيارة مجلة سيكولوجية مصرية

فى انتظارك

أسرة سيكولوجية مصرية

semsem يقول...

كل سنه وانت اهى اهى اهى

وهنرجع الشغل تانى

يالا مش مهم المهم ان العيد عدا
وكل سنه والناس طبيه

romansy يقول...

عود احمد
يارب تكونى قضيتى الاجازه فى سعاده وهنا دايما كده يارب
وزى ما انت بيقولى ان الايام الحلوه بيتعدى فى ثوانى
بس كويس اننا سرقنا لحظتين كده ع الماشى كويسين
وعلى رايك
استعنا ع الشقا بالله

هانى زينهم يقول...

اولا كل سنة وانت طيبةيا دكتور وربنا يعيد عليكى الايام بخير .
ثانيا الشعور بتاع العودة لاى حاجة ومغادرة البيت بيقتلنى من وانا عيل صغير . عارفة يا دكتور طول عمرى نفسى ابقى مليونير مش عشان اى حاجة والله الا عشان ما اسيبش البيت .
غير كدة الحمد لله ولو انى لسة هانزل الشغل الاتنين انما البوست ده رمانى فى حوش المدرسة من دلوقتى .
كل سنة وانت طيبة .

حسن حنفى يقول...

:((

:(((

:((((

ليه بس كده اديتي افتكرت

والنت اتلغي علشان الدراسه

احمد قطب يقول...

كل سنه وانتى طيبه الاجازه كانت جميله

والشغل كمان اجمل منها

ربنا يوفئك فى حياتك

سندس وأمل يقول...

والله إنتى هتروحى الشغل وهيكون فى نت

برده إحنا هنروح وهنتحرم من النت

خالص والكمبيوتر شفتى بقى إحنا حالنا

أصعب من حالك إزاى إهى إهى إهى

على العموم ربنا يكون فى عون الجميع

سندس وأمل يقول...

والله إحنا حالنا إصعب من حالك هيمنعوا

عننا النت والكمبيوتر لمدة سنة كاملة

إهىء إهىء إهىء............

على العموم عيد سعيد علينا وعليكى

ويكون بدون مدارس أو شغل........

اللهم أميييييييييييييييييييين"سندس"

funckydoctor يقول...

فين الأجازة ده أنا متشحتف عليها
أنا باحقد عليكى لأن كان عندك أجازة عارفة نفسى أنام ول يوم واحد مستريح
وكل سنة وانتى بألف خير

mostafa rayan يقول...

استعنا كلنا على الشقا بالله هو وحده المعين

عدنان أحمد يقول...

السلام عليكم

ازيك يا نورا

الاجازة طبعا شئ جميل
و زي ما بيقولوا
الكسل احلى من العسل

لكن هنعمل ايه بقى
آدي الله و آدي حكمته : )

عيد سعيد
و كل سنة و انتِ طيبة

Unknown يقول...

السلام عليكم ورحمة الله وبركاته
أحمد مصطفى
تمت الزيارة والحمد لله
ولم نبخل عليك فى قراءة المحتوى والرد عليه .فلما تبخل برأيك علينا هنا؟
احتراماتى.

Unknown يقول...

السلام عليكم ورحمة الله وبركاته
semsem
كل لحظة وانتى بألف خير سمسم
أهىء ايوه رجعنا الشغل الحمد
لله وربنا يديمه نعمه ويقوينا على شكره.

Unknown يقول...

السلام عليكم ورحمة الله وبركاته
romansy
الحمد لله قُضيت على خير
وبعوده الايام دايما بالخير
وادينا اهوه ودايمآ بنقول
يااااااااااااااااااااارب
كن معنا ولا تكن علينا يارب

Unknown يقول...

السلام عليكم ورحمة الله وبركاته
أ.هانى زينهم
كل سنه وانت بالف خير يامستر هانى
يعنى مش انا لوحدى اللى بحب البيت اهوه !! الحمد لله طمنتنى على نفسى الله يخليك يارب .
بقى حضرتك مش رايح الشغل الا يوم الاتنين وزعلان كمان!!!!(وش متغاظ) :)
مرات كتير كل سنة وحضرتك بالف خير.

Unknown يقول...

السلام عليكم ورحمة الله وبركاته
حسن حنفى
عارف المثل اللى
بيقولك اللى يشوف (بلاوى) الناس تهون عليه (بلوته)
بقى دراسة وكمان مفيش نت!!!!!!!
اهىء اهىء اهىء اهىء..اهىء..اهىء..

Unknown يقول...

السلام عليكم ورحمة الله وبركاته
ملك المدينة
وكل لحظة وانت بالف خير
اه الشغل حلو وكل حاجة بس الصراحة
الاجاااااااااااااااااااااااااااازة
احلى واحلى واحلى واحلى واحلى واحلى
وامين لدعواتك الطيبة ويكون لك نصيب منها

Unknown يقول...

السلام عليكم ورحمة الله وبركاته
سندس وأمل
قلبى معاكم ياحبيبتى
بس معلش كلنا مشينا السكة
الصعبة دى وفى الاخر ارتحنا شوية
وعلى رايك ربنا يكون فى عون الجميع

Unknown يقول...

السلام عليكم ورحمة الله وبركاته
سندس وامل
(كلاكيت تانى مرة)
مفيش نت ولا كومبيوتر لمدة سنة كاملة
خااااااااااااااااااااااااااااالص
يااااااااااااااااااااااااااااااخبر
الله يكون فى عونكم صحيح! وايه كمان!! مذاكرة! .قلبى معاكم وبدعى لكم من كل قلبى .

Unknown يقول...

السلام عليكم ورحمة الله وبركاته
funckydoctor
هانت يادكتور كلها 300000شهر وتاخد الاجازة وبعدين انت ناسى انه فات علىّ اللى انت بتقوله ده كله وبرضه كان نفسى انام براحتى (ولحد دلوقتى والله)
معلش زى ما بقولك هاااااااااااانت
وكل سنة وانت بالف خير ياطبيب ويعديها ربك عليك بالف خير (وتسيب المراكيبى واخوانه !!!!!!!!!!!!!!)

Unknown يقول...

السلام عليكم ورحمة الله وبركاته
mostafa rayan
اللهم امين يارب العالمين
كل سنة وحضرتك طيب يافندم.

Unknown يقول...

السلام عليكم ورحمة الله وبركاته
اسير حبيبته
حرر الله اسرانا جميعآ
قالها الله عز وجل من قبل
ياعدنا حينما حذر سيدناادم
من الاكل من الشجرة حتى لا يهبط الى
الارض (فيشقى )اى ان الهبوط الى الارض معناه التعب والشغل أهىء اهىءاهىء
كل لحظة وانت واسرتك بالف خير عدنان.

غير معرف يقول...

بس بس متعيطوش ......اعملو زيى واطلعوا معاش مبكر.....وبفكر نعمل مشروع إزاى نحبب الموظفين في الشغل ..والطلبه في الدراسه..ولابلاش
نعمل مصنع مناديل ورقيه لاتبلي بسرعه
علشان نعيط إهئ إهئ إهئ برحتنا من غير م نتكلف كتير
إهئ إهئ قلبي معاكو ..
كل سنه وانتم دايما طيبين ماليين الدنيا نشاط انعم الله عليكم جميعا بنعمة الصحه والعافيه

Unknown يقول...

السلام عليكم ورحمة الله وبركاته
أ.وفاء بركات
الف اهلا وسهلا
متهيألى مش حيجى اليوم اللى الواحد يحب فيه الشغل زى البيت ابدآ(تبقى معجزة والله لو حصلت )وبالتالى الاسهل مصنع مناديل (متينة الصنع ورخيصة الثمن وياريت كمان بريحة الفل لو
سمحتى ما أحنا بنتمنى بقى!!)أما المعاش سواء مبكر او متأخر فهو جاااااااى
جااااااااااااى نستعجل عليه ليه؟.
نهارك ابيض وكل لحظة وانتى بألف خير
ودايمآ كده منورنا وراسمه على الابتسامة والمرح اينما ذهبت
مرة تانية الف حمدلله على سلامتك