الف سلامة
ومليون تحية
لحبيبتنا اسكندرية
اللى عمنا الاسكندر الاكبر
حط اول طوبة فيها زى النهاردة
سنة332قبل الميلاد
بص هناك
فى دنياتنا دى حوالى
44منطقة ومدينة اسمها اسكندرية برضه
لكن ما أظن فى اسكندرية جميلة زى اسكندريتنا
او استنجرية
بتاعتنا زى ما كنت بقولها زمان !
وفين وفين لما تعلمت أقولها صح!
وده عن تجربة !
انا صيفت او رحت كل مصايف مصر
ماعدا مرسى مطروح
وكمان رحت برايتون فى انجلترا
وفلوريدا فى امريكا
مالقيت فى حلاوة اسكندريتنا!
لما بروح ماببقى عايزة
الا
حاجة او اتنين او تلاتة او اربعة او خمسة او ستة
(ماتعدش احسن اكرهك!)
المهم ببقى عايزة اقعد على الرمل
(شبعانين من الكراسى فى مصر)
والقعدة فى وش البحر لزم
وراديو وسماعات ا ذن
وشنطة ساندوتشات وازازة ميه
وكلمات متقاطعة
وجرنال اليوم
وياريت شوية مقرمشات على رأى السوريين
يعنى لب وسودانى وحمص طبعا
بس
واقعد وانسى ياعمرو زى مابيقولوا
الا
مواعيد الصلاة
وميعاد الرجوع من الاجازة !!
انا لا باحثة ولا علامّة
لكن إنسانة
وعاملة التدوينة
دى لاجل ما أقول
انا
بحب
اسكندرية
*******
ما تنسهوش
&&&&الاستفتاء &&&&
اللى على ايدك الشمال
ماتنسهوش
&&&وكمان &&&
التاجات التلاتة بأذن الله
احلها مرة قادمة
بأذن الله
ومتشكرة
مردودة لكم فى الافراح.
(استنوا علىّ بس!)
.jpg)
هناك 80 تعليقًا:
السلام عليكم
غريبة جدا
التدوينات الجديدة لم تظهر على الريدير !!!
أنا كنت جاية أعلق على التدوينة السابقة فوجدت أخرى ومكتوبة من يوم الجمعة ؟؟؟
ما علينا
اسمحي لي أعلق على التدوينة السابقة أولا
وعذرنا أننا لم نكن نعلم
فأنا لم أكن أعلم بحالة أخي الكريم رحمة الله عليه محمد
وعلى قدر ألمي من معرفة حالته بعد رحيله على قدر ازدياد احترامي له
ربنا يغفر له ويرحمه ويعوضه بحور العين وبجنة الفردوس ,,اللهم آمين
وآاااه يا دكتورة قلبت المواجع
=============================
الأسكندرية تحب من يحبها فتريه جمالا لا يراه الا المحبين لها
أعرف أناسا لا يطيقون التواجد فيها ليوم
فهنا الكراهية متبادلة
الأماكن تحس فالجماد يحس قال تعالي :
وان من شىء الا يسبح بحمده
فسبحان الله العظيم بديع السموات والأرض فعندما يقول الله تعالى :
فما بكت عليهم السماء والأرض
نتأكد أن الأماكن تبادلنا الحب أو الكراهية
هنيئا لك بحبها وهنيئا لها بحبك
هذه دعوة مفتوحة يا دكتورة!! تنوري البلد في الوقت اللي تحبيه و نشيلك فوق راسنا:)
تنوري وتشرفي إسكندرية في كل وقت يا دكتورة .... وتبقي المرة الجاية بلغينا جاية امتى وأنا والاسرة نعملك أحسن عزومة سمك .:)
خالص التحية لك
ايوووووووه ياجدعان
عروسه البحر الابيض
وعروسه كل البحور
لسه حالنا منزله بوست
كان اللى قبله مباشرتا عن اسكندريه
تحيه اسكندرانى معتبره منى ليكى
ياااااه يا دكتورة ,
فكرتيني بالاسكندرية ,
الواحد ناوي يروحها قبل الجيش ,
بس تقريبا مافيش نفس أروح لوحدي :( ,
بس بصراحة كلامك رااائع بجد ,
أنا كل ما أروح أطلع أقعد بس كده على الكورنيش و قدامي البحر ,
بلاقيني أكني غصت فيه , و مش سامع غير صوت الموج و مش شايف غير خط الأفق ,
فعلا الاسكندرية دي راااااااائعة , و خصوصا في الشتاء , بيتبقى أحسن من الصيف عشرميت مرة ,
اٍسكندريه ..
الله عليها بلد ..
ده أنتم كمان عرفتوها بعد ما أزدحمت و أتملت علب أسمنت قبيحه و فجه يعنى ما شفتوش زيى اٍسكندرية الستينيات لما كانت فعلا حته من اليونان بشوارعها و مبانيها و خواجتها اللى كانوا يتكلموا بينهم و بين بعض باليونانى أو الطليانى و يكلمونا اٍحنا بلهجتنا زى ولاد البلد تمام ..
ماشفتوش أنتم الكورنيش لما كان فاضى و نضيف و فيه روح اٍسكندريه اللى بجد مش المسح بتاع دلوقتى ..
و لا محطة الرمل و مطعم تافرنا الأصلى اللى كان كل حاجه فيه خشب يونانى حتى الكوبايات و كان مشهور أوى بالأكل اليونانى التقليدى و خاصة المخ المسلوق و كان شغال فيه ستافرو أشهر جرسون يونانى فى العالم و اللى ضيع فلوسه و عمره على البحث عن قبر الاٍسكندر ..
و كان أهل الاٍسكندريه نفسهم المصريين كانوا و لازالوا طبعا راقيين و ليهم مسحه خواجاتى كده مش عارف اٍزاى يعنى كنتى تلاقيهم يفطروا كوباية شاى بلبن و كرواسان :)) مش تمسح فى الخواجات و لكن لاٍحتكاكهم المستمر بيهم ..
اٍسكندريه حلوه أوى بجد قضيت فيها سنبن الجامعه لما كان رونقها الحقيقى فى الأواخر و دلوقتى لما بأروحها ساعات بأتوه فيها :))
صباح الخير يا دكتوره و بنشكروكى على هذا البوست :)
نسيت أقولك مطعم تافرنا اللى فى محطة الرمل اللى كله اٍزاز و ألوميتال و اللى دلوقتى بيقدم بيتزا و فطير و شاورما كان فى الستينيات جزء وثيق من مزارات الاٍسكندريه للسياح اللى كانوا بينزلوا الميناء ترانزيت يعنى كانوا بيحرصوا على زيارته لكونه كان أعجوبة المطاعم فى العالم علشان الديكور اليونانى الخشبى العجيب اللى كان فيه .. أنا بنفسى لسه فاكر كويس أوى ستافرو أشهر جرسون فى العالم و اللى كانت كل وسائل الاٍعلام الدوليه بتتابع أخباره بعد ما طربق شوارع وسط اٍسكندريه بحثا عن قبر الاٍسكندر و ضيع فلوسه و فلوس قرايبه فى اليونان و فاكر لما كان بيقعد يندب حظه لزباين المطعم و الزباين تنفجر فى الضحك :))
" تظل أحلى البلاد بلادي.."
صح...؟
انا ما انزلتش مصر..لكن ان شاء الله الصيفيه دي انزل اذا تيسرت الامور..
البحر..و السندوتشات...جات فترة كنا ديما بعد صلاه العصر بننزل البحر..و ناكل سندوتشات..نشرب شاي..و يدوبك قبل المغرب نرجع البيت..
ياسلاااااام..
طبعا لأنها كانت مع الاهل..
الاستفتاء...انا عملته يا دكتوره :)
اتمنى تجدي الراحه اينما كنتي..و تكون ايامك سعيده و مليئة بالطاعه و العمل الصالح المتقبل..وراحة البال..
تحياتي
يااااااااااااااااه
هذي كلها عشان تجلسي قدام البحر
==================================
"وراديو وسماعات ا ذن
وشنطة ساندوتشات وازازة ميه
وكلمات متقاطعة
وجرنال اليوم
وياريت شوية مقرمشات على رأى السوريين
يعنى لب وسودانى وحمص طبعا"
==================================
ما راح تلاقي اي شاطي يوفر الاشياء هذي كلها .. هههههههههههههههه
==============================
بس بصراحة البحر ما ينفع تروحية وخاطرك مكدر .. ممكن تروحي اي مكان الا البحر .. فيه شاعرية .. وفي هدوء بالرغم من الازعاج !!!
الله يديم عليكم استنجريتكم ياااارب
عندك حق روعة بجد اسكندرية
ربنا يسعدك دوما
يااااااااه متفكرنيش
السنة اللى فاتت مروحتش
واكيد السنة دى كمان مش هروح
اهىء اهىء اهىء
هتخلينى اعيط
يلا خير منتظرين تاجك الجامد اوى
سلام
جزيتم خيرا استاذتنا على تلك المعلومات الجميلة
الاسكندرية اجمل شىء فى الشتاء حيث الهدؤء
انجلترا !!
أمريكا !!
ماااعلينا
بس يا خبر على وصفك للقاعدة عالشط
مقرمشات ومزيكا ورمل وجرنال وانسى الدنيا
norahaty
اكيد كل واحد يرتبط بامكنة معينة و تكون قريبة الى قلبه زيك كده بتحبي اسكندرية
اتمنى اني ازورها عشان اشوف جمالها و اكيد ناسها اللي بيقولوا انهم طيبين
مودتي
اسكندرانية اذا
------------------
الاسكندرية عروس البحر المتوسط ، بس شكلها كده عايزة عريس !!!!!!!!!!
وانا كمااااااااان
هروحها الشهر الجاي لمدة تلتين يوم
هيييييه
السلام عليكم
ومين اللي ما يحبش اسكندرية ؟
بس السيف اللي في آخر المدونة لمين ؟
سلام
اسكندريه دي أحلي مكان
وايوه على اهل اسكندريه
والله اسكندريه دي زي العسل
واعلي وقت لأسكندريه يكون في بدايه الشتا ونهايه الصف
اسكندريه في الشتا ملهاش حل
تحياتي
ايه حكاية اسكندرية اللى كل ما ادخل مدونة الاقى عنها كلام او غنوة
بتغيظونى يعنى ولا ايه ؟؟
اسكندرية جميلة طبعا مقولناش حاجة
بس رفقا بالشعب الدمياطى اللى اقصى طموح ليه يروح راس البر
هههههههههههههههه
ليه بس كده
ههههههههههههههههه
فى انتظار التاج
خالص ودى
سالى
نور
ربنا يسعدك يا بنتى يارب
على فكرة الاسكندرية جمالها فى ذكريات الطفوله
بس هى دلوقت مش زى زمان
انا شفت زمان بير مسعود لما كان الغطاسين ينزلوا وكنا نقف مبهورين..وكان المنظر والكباين
والكورنيش
بقى لى كتيير مرحتهاش
بس يفضل دايما حنين لها..لانها بالنسبه لى هى المصيف الحقبقى
والساحل والسخنه وراس سدر
دول شوية مفعايص بيتمحكوا فى ست الكل
الامور...ابوهاشم...شارع خالدبن الوليد....والفريسكا
لالالا
قلبتى الذكريات الجميله
ربنا يسعدك ويفرح قلبك برضاه
طبعاً اسكندرية من احب المدن وليها طبيعة خاصة و فيها احساس مش موجود فى اى مكان تانى فى اى مكان فى مصر وبحرها اجمل بحر .
فكرتينى بالاسكندرية بقالى كتير مروحتش
تحياتى
أكيــــــــــد
يااااااااااااااااااااااااه
فكرتيني ليه بس حرام عليكي يا شيخه
الاسكندريه وحشاني جدا جدا
مش عارف ليه بحب البلد ديه جدا
معاكي حق باشعر فيها بشعور مختلف
واكتر مكان بصيف فيه بحكم اننا لينا شقه هناك
بس مروحتهاش بقالي فتره طويله
ربنا يسها واقدر اروحها قريب ولا حاجه
تحياتي
تحياتي
انا ايضا من محبي الاسكندرية...و مرسي مطروح...
فعلا الاسكندرية لها روح و خفة تجعل الانسان يتعلق بها ...
تحياتي و تقديري
الف مليون تحية لحبيبتنا اسكندريه
عمري ما رحتها بس ان شاء الله ابقى اروح
ومستنيه التاج على احر من الجمر يادكتورة الدكاترة
بحبك في الله
دكتورة
فكرتينى باسكندرية وبورسعيد كمان
اسكندرية جميلة جداا ويارب الصيف القادم اروح ان شاء الله ومش بعيد نتقابل ويبقى أحلى صيف ان شاء الله
البحر رائع جداا
وعندك حق الواحد بيبقى عايز يبعد عن كل شىء
الا صلاتى ما اخليها
على رأى الشيخ مشارى
دمتى بخير يا دكتورة
تحياتى
السلام عليكم
اسكندرية من أجمل المدن في العالم
عروس البحر الابيض المتوسط
فيه جمال وحب خفي
يشعر به من فيها ولا يستطيع وصفه
لكنه يزيد من حبه لها يوما بعض يوم
تحياتي
كل ده عشن اسكندرية ؟
كل سنة وانتوا طيبين ان شاء الله
تحياتي
الله متشوقة انا اوى للمصيف والسماعات ف ودانى والبحر اودامى وعنيا تسرح لعالم غير عالمنا وصوت المية وهيه بتتش والعيال بيلعبوا بالرملة
رحت اسكندرية مرة واحدة فى حياتى نزلت المية دخلت فى ودانى جيت عملت عملية عشان ودانى كانت اتسدت ومن ساعتها وانا باحب اسمع عنها بس واتفرج عليها فى التليفزيون . ليه فكرتينى يا دكتور تصدقى ودانى رجعت تنقح عليا تانى .
اسكندريه ماريه وتربها زعفران
انا زيك بحب اسكندريه جدا بس في الشتاء بتكون جميله جدا وليا فيها ذكريات كتير في الشتاء جميله
وياسلام لو تمطر وانا هناك
ومين بس بيكره اسكندريه
فى شتاتها ودفها بس ايه الصوره اللى تحت دى
ماشى بطردينا ماشى
ههههههههههه
طبعا مافيش احلى من اسكندرية
بس ازاي تروحي وتكتفي بس بالجلوس على الشاطئ من غير نزول البحر
ماينفعش نشوف بحر المعمورة ولا المنتزة ونكتفي فقط بقراة الجرائد واكل الحمص
تحياتي دايما ليكي
السلام عليكم نورهاتلى
تحياتى
مش عارف انا كنت فين والمدونه دى موجوده
يتزامن بوستك عن اسكندريه مع البوست عندى ايضا عن اسكندريه
مافيش زيها يا نور
انا البوست عندى قدح ونقد لاسكندريه لكنى متفق معاك ان لها طعم خاص لوحدها
بس زعلان عشان اللى بيعملوه فيها والناس اللى زوقهم فى كتل الخرسانه اللى بيبنوها على الشط وعايزين يخبوه عننا وما نشوفهوش
تحياتى يا نور
حبيبتي
احبك الله كما احببت الاسكندرية
هي كمان بتحبك عشان كده سمحت لك تشوفي وجهها الحلو
تحية من اسكندرانية متعصبة ودعوة من كل اهل اسكندرية لزيارتها دايما علي فكرة الجو اليومين دول حلوجدا عندنا لبرد و لا حر
و حيحلو بوجودك
صباح الخير والسعادة والجمال في يوم الجمعة أحسن الأيام
محبوبة الجماهير الاسكندرية
عشقى وكثير من الذكريات
ولكنى احبها اكثر فى الشتاء حيث الهدوء الا من امواج البحر ووشوشات الريح
فكرتينى باجمل ايامى
دمتى مبدعة
السلام عليكم..
اسكندرية مدينة ساحره بحق " ومش تحيذ بحكم التواجد فيها"
لكن بها دفء غريب ووجود البحر يعطي ابداع..
وكل مكان فيها " بس المشكله ان الدراسة والامتحانات بتلتهم الوقت "
دمتِ بخير ..
ربنا يكرمك يارب واسكندرية جميلة فعلا باماكنها وطبيعتها الجميلة وكمان باهلها البساط والطيبين دومتى بود ورضى من الله ولا تنسى الدعاء لنا
طب بس تعالي انت اسكندرية
لك عندي أكلة سمك وانت مدلدله رجليكي في الميه
مطعم جديد وإبمان بنتي هي اللي بتودينا هناك
أمنياتي
السلام عليكم ورحمة
الله تعالى وبركاته
أُخيتى مجداوية
ما غريب الا الشيطان
ونعوذ بالله منه ولكنه بلوجر
يعمل اللى هو عايزة حنقوله ايه؟
*محمد الفارس الف رحمة ونور عليه وعلى امى وابى واموات المسلمين أجمعين
كان انسان من نوع خاص :شديد الكبرياء
لا يثقلك بمشاكله الا فيما ندر حتى لا يحس بأشفاقك عليه وحين ما يحس بصداقتك الحقبيقة يبوح لكِ بما فى نفسه الف رحمة له.
*الاسكندرية :حأفضل اقول جميييييييلة
مهما عملو وحفروا فيها حتفضل جميلة
وهنياً لكِ السكنى فيها والمشى(على الرمل اي وقت تشائين (دى لوحدها متعة)
مرورك اسعدنى ياماجداوية.
السلام عليكم ورحمة
الله تعالى وبركاته
Ola
شكراِ شكرا شكرا شكرا
البلد منورة بأهلها
السلام عليكم ورحمة
الله تعالى وبركاته
افندينا
شكراً يافندم عامر دايما
طيب ضمنا عزومتين اهوه:)
السلام عليكم ورحمة
الله تعالى وبركاته
عاشقة الرومانسية
وتحية قاهررررررررية
معتبرة برضه منى لاسكندرية
ولكل الاسكندرانية واحد واحد:)
السلام عليكم ورحمة
الله تعالى وبركاته
TIMMY
انا فعلا جربتها اسبوع
فى الشتا وكانت روعة وسبحان
الله الجو كان ساعتها ادفى من القاهرة!
السلام عليكم ورحمة
الله تعالى وبركاته
استاذ /عمرو بدر
ادينا شفنها والحمد لله
ببراعة وصفك الجميل ياأستاذ
وفعلا وزى ما بقول مالاقيت فى جمالها!
دانا اللى بشكر حضرتك على
المرور الجميل ده.
استاذ عمرو
يابختك (تاتش ود)
بما شفت وبما عشت
من ذكريات جميلة
ربنا يخليك وتشوف
اسكندرية احلى
كمان وكمان
ونكمل بعد صلاة
الفجر إن شاء الله
السلام عليكم ورحمة
الله تعالى وبركاته
Jonoon 3aqel
صح!احلى بلد هى بلدى صح؟:)
مصر بترحب بك وبأى انسان قاصد
الخير لها ولاهلها.الله يردك لبلادك
سالم وغانم بأذن الله.
السلام عليكم ورحمة
الله تعالى وبركاته
مشتاق
ايوووووووووة لازم طبعا:)
اصل القعدة امام البحر
بتجووووووع وأسأل مجرب:)
ربنا يروق بال الجميع يارب.
السلام عليكم ورحمة
الله تعالى وبركاته
mohamed ghalia
اللهم امين يارب العالمين
احنا وأنت وجميع المسلمين
السلامة عليكم ورحمة
الله تعالى وبركاته
د/عرفه
معلششششششششش
ملحوقة بأذن الله
خلص السنة دى على خير
وانجح وأطلع صيف على مزاجك:)
واظن بقى جاوت التاج :جااامد:)
السلام عليكم ورحمة
الله تعالى وبركاته
د/ابو يحيى وأدم
وجزاكم الله كل خير
بس هى حلوة فى كل وقت:)
السلام عليكم ورحمة
الله تعالى وبركاته
حسام غانم
طب مش عندى حق؟
ينفع تقعد من غير
ما تتسلى بحاجة؟:)
السلام عليكم ورحمة
الله تعالى وبركاته
assafo anaroze
واحنا نتمنى تشرفنا
وتنورنا ياأسافو:)
السلام عليكم ورحمة
الله تعالى وبركاته
مصعب صلاح
ياريت يامصعب ياريت:(
بل قاهرية أذا :(
ربنا يسهل :)
السلام عليكم ورحمة
الله تعالى وبركاته
عاشقة النقاب
نونو
ام يوسف
أغبطك فى الله
وربنا يسعدك فيها
وفى كل مكان يارب.
السلام عليكم ورحمة
الله تعالى وبركاته
جنّى
ماهو السيف بقى
للى ما يحبهاش :)
السلام عليكم ورحمة
الله تعالى وبركاته
مهندس/على درويش
فعلا انا قضيت فيها
اسبوع فى الشتا كان جوها
ادفى واحلى من جو القاهرة !
السلام عليكم ورحمة
الله تعالى وبركاته
حاجات جوايا
يمكن توارد أفكار؟
او الجو الايام دى بيفكرنا بيها ؟
وعلى العموم انا رحت رأس البر مرتين
واتبسط جدا جدا جدا وكمان جدا:)
السلام عليكم ورحمة
الله تعالى وبركاته
الفقيرة الى الله أم البنات
(الامور...ابوهاشم...شارع خالدبن الوليد....والفريسكا)بجد ؟!الامور بتاع الساندوتشات والبيتزا أمام كازينو افلاطوناللى على البحر؟لمدة 3سنوات كنت اسكن جنبه وكان الغدا والعشا من عنده على الاغلب :)
وجزاكِ الله خيرا على دعواتك الطيبة.
السلام عليكم ورحمة
الله تعالى وبركاته
akeed
(فيها احساس مش موجود فى اى مكان تانى فى اى مكان فى مصر وبحرها اجمل بحر)
مش بس مصر ولا حتى برا مصر فى زيها!
السلام عليكم ورحمة
الله تعالى وبركاته
مذكرات مشاغب
إن شاء الله تروحها وتتهنى
كمان وكمان ويروق لك الحال
السلام عليكم ورحمة
الله تعالى وبركاته
مرسى مطروح لسه ما رحتها
ربنا يسهل ونروح لها كلنا .
السلام عليكم ورحمة
الله تعالى وبركاته
بسمة صلاح
(الف مليون تحية لحبيبتنا اسكندريه)
ومنى الف مليون تحية تانية:9
والحمد لله جاووووووووووووبنا
احبك من احببتنى فيه ورزقك
الله الخير كله(ونجحك فى الثانوية
بمجمووووووووع كبييييييييير)
السلام عليكم ورحمة
الله تعالى وبركاته
Gannah
باذن الله كل امنياتك تتحقق
يادكتورة ونشوف بعض مين يعرف؟
الشيخ العفاسى احب صوت كتيييير
السلام عليكم ورحمة
الله تعالى وبركاته
hasona
(فيه جمال وحب خفي )
ايووووه اللهو الخفى ده:)
قصدى الحب الخفى معلش:)
شرفتنا ونورتنا.
السلام عليكم ورحمة
الله تعالى وبركاته
Kochia
متهيأللى تستحق اكتر
من كده ولا ايه رأيك؟
وكل لحظة وانتِ بألف خير.
السلام عليكم ورحمة
الله تعالى وبركاته
زى الهوا
موافقاكِ على كل حاجة
الا(والعيال بيلعبوا بالرملة)
مشكلة علشان كده دايما انزل البلاج
بعد الضهر بتكون الزحمة خفت شوية او الصبح بدرى كمان قبل العيال ما يصحوا:)
السلام عليكم ورحمة
الله تعالى وبركاته
أستاذ/هانى زينهم
ياااااااااااامستر حرام عليك:):):)
كل كل كل ده حصلك من نزول البحر مرة واحدة انت بتلكك ولا ايه؟:)
الف سلامة عليك وعلى ودانك
ياابو ملك.
السلام عليكم ورحمة
الله تعالى وبركاته
شمووووسة البرنسيسة
والله انا بحبها فى كل الاوقات
صيف شتا ربيع خريف ليل ونهار
فى كل الاحوال والاشكال هى جميلة.
السلام عليكم ورحمة
الله تعالى وبركاته
romansy
انا اقدر يارومنسى
بالعكس دا انت حتلاقى
جاتوووه وعصير فى التدوينة
اللى بعد دى على طول ..
الحق اوووووام:)
ونكمل لما نرجع من الشغل
بأذن الله تعالى وبفضله
السلام عليكم ورحمة
الله تعالى وبركاته
mostafa rayan
ماهو اصلك ما تعرفش
كنت حأغرق زمااااااان
ومن ساعتها بأترعب منه
ويادوبك ابلل صباعى الصغير
اول ما اروح وقبل ما ارجع:)
وشكرا على حضورك وتعليقك:)
السلام عليكم ورحمة
الله تعالى وبركاته
اهلاااااااااااااً
بأستاذنا الكبير
فشكوووووووووول
حضورك (جب)ما قبله
ياأستاذ ولا يهمك :)
المهم انك حضرت ووصلت
سلامة الله سبحانه وتعالى .
نورتنا استاذ فشكوووول:)
السلام عليكم ورحمة
الله تعالى وبركاته
أم احمد المصرية
وليكى حق تحبيها:)
إذا كنا احنا القاهريين
بنحبها الحب ده كله :)
حمدلله على السلامة
يارب منورانا
دايما يارب
السلام عليكم ورحمة
الله تعالى وبركاته
أنا من كنت محتاجا
واغناك الله من فضله
صباح النور والخير والرضا
على حضرة الدكتور
فيلسوف مدوناتنا:)
السلام عليكم ورحمة
الله تعالى وبركاته
Dr.A.S.black armor
الحقيقة (هى )ك(هى)
جميلة فى كل الاوقات
بس الزحمة والدوشة
دى اللى بتعمل الفرق!
شرفتنا ونورتنا
السلام عليكم ورحمة
الله تعالى وبركاته
Nour
مش بقولوا يابختكوا
بالبحر والمشى علي
الرمل دى لوحدها
متعة ما بعدها متعة.
السلام عليكم ورحمة
الله تعالى وبركاته
وليد الاسلام
هويتى إسلامية
ومدونون من أجل فلسطين
الله يكرمك ويبارك فيك يارب
وفى الشباب المسلم المؤمن
ويبعد عنهم شياطين
الانس والجآن .
امين .
السلام عليكم ورحمة
الله تعالى وبركاته
من غير عنوان
من معرفتى بحضرتك
وصدقك اعتبر(الغدوة )
وصلت الحمد لله واكلتها كمان:)
متشكريييين للغدوة الحلوة دى :)
إرسال تعليق