الجمعة، يوليو 24، 2009

..................حتة من قلبى مسافرة بكرة.....


جاء فى وقت كنت اصغر من ان احس بالامومة نحوه
واكبر من أن اتقبل اخاً صغيراً لى لم تلده امى
وتسكن اسفل منى ولظروف اسرية بقى معنا انا وامى
فقد انفصلا والداه
عن بعضهما البعض
وتزوجت اختى مرة اخرى

وهاجر والده الى الخارج هجرة ابدية

وبدون ان يكلف نفسه حتى مجرد الســـلام عليه

طوال هذه المدة.
تطورت العلاقة بيننا بمرور الايام وبتغير كلا منا
مع السن والوعى والادراك
نشأ معى كأخى و كصديقى
وكا جليسى وكأبنى وكرفيق للسكن وكأنيسى فى ليالى طويلة
كل تلك المشاعرالمختلطة والكثيرة شعرنا بها واكثر طوال اكثر من ثلاثون عاماً
عاشها هنا حتى تزوج ورحل ليعيش من زوجته واسرتها فى مدينتها
اينعم هى مدينة بعيدة عنا هنا ولكن احس انه قريب منى يكفى انه لا يحتاج
الى تأشيرة ولا طائرة للقدوم فى اى وقت.لم احس ببعده عنا طوال 7سنوات هى

عمر زواجه الى الان ولكنى احس بها الان ولم يسافر بعد!!!!!
فى حياته الدراسية
كان متفوقاً وبتنا نعد العدة انه سيكون معيداً بكليته وذلك لحصوله على اعلى التقديرات
حتى كانت السنة الثالثة من الدراسة رفقاء واعداء
(لا اسميهم اصدقاء بل اعداء السوء)
زينوا له طريق المهالك والعياذ بالله منه


فترت همتها بعض الشىءفى متابعته!!

كاد يضيع منا لولا لطف الله ورحمته بنا عاد بالعزيمة والصير

الى الطريق القويم واكمل دراسته وتخرج وكان اول شىء كافئه الله به ان قيض له عملا لمدة خمسة
اشهر فقط بمكة المكرمة !!!
ليحج وليعتمر ماشاء من المرات وليغسل كل ذنوبه بدموعه وبماء زمزم هناك
عاد ومعه بعض فائض من مال كان بداية للتفكير بالزواج وبدأ البحث عن عروس....
(شاف ورفض نص بنات مصر اما النص الثانى فهن من رفضنه!)

لماذا ؟
لان نصيبه متشال له ؟

!تلك التى تزوجها تسكن
اخر محافظات مصر ولا تعرفه ولا يعرفها ولكنه اشتغل هناك لمدة 3شهور.
ياسبحان الله!!!
فتاة منذ اللحظة الاولى التى رأيناها فيها شعرنا وكأننا

(جميعاً ولست انا او امه وحدها بل كل من بالبيت)
شعرنا وكاننا نعرفها منذ زمن طويل
وكان الزواج والحمدلله
وسارت الحياة به
وجاءت الى
الدنيا
مريم
فأعقبتها
رقية
ثم
الصغيرة
نور
نعم سُميت على اسمى:)
وجاء معهن وقبلهن
العطف والرقة وحنان الابوة
التى حُرم منها هو صغير
حاول كثيراًان يوفر لهن
العيش الكريم
مايصبو كل اب حنون لاطفاله......

فكان لابد من السفر....
بالرغم من رفضه النفسى له تماما!
ولكن لابد مما لابد منه

ليواجه اعباء الحياة
المتزايدة
وكذلك ليحقق رغبة طوال عمره يقولها
نفسى اربى اولادى فى بيتى ملكى
كما نعيش نحن ياخالتى فى ملكنا
احساس اخر انك تعلم انك تمتلك
حيطان وجدران وسقف بيتك
هناك شرط له اشترطه قبل قبوله السفرللعمل
ووعد من صاحب العمل ايضاً
بان تلحق به اسرته فى
اقرب فرصه
مهما كلفه الامر من ماديات
وخاصة ان البنات صغيرات
ويحتجن له وليست هناك
من دراسة لهن هنا
او اى شىء يمنعهن من الذهاب معه..

ادعو الله ان يوفقه الى
ما يحب ويرضى
وان يحقق له
ما يصبو اليه
ويرضى به
(الدعوة بالخير موجهه للجميع)


...........

طولت انا فى الكلام النهاردة
لكن معلش
هى فضفضة منى لاصدقاء
واخوات كمان مقربين
الى قلبى
وكأنى اراهم
heart Pictures, Images and Photos

هناك 89 تعليقًا:

مها يقول...

ربنا يكرمه في كل أرض تلمس ترابها أقدامه
ربنا يصبر قلوب كل أحباؤه على وجع البعاد

بنجاواتى يقول...

يا رب يلاقى فى سفره الراحة والهناء

وبإذن الله يتحقق طلبه فى ان تلحق به اسرته

ويصبر كل المشتاقين له على فراقه

ويرجعه بالسلامة يا رب امين

saragebaly يقول...

ربنا يكرمه ويوفقه الى كل خير وصالح باذن الله

بيقولو ان فاقد الشئ لا يعطيه

لكني دايما بعترض مع ده

وبشوف من وجهة نظري ان فاقد الشيء هو اكتر واحد ممكن يعطيه

لانه اكتر واحد داق قسوة الحرمان من عطاء الشئ ده

فبيحاول بكل ما يملك انه مش يدوق القسوة دي لغيره الي بيحبهم

دي كانت نظريتي
رغم معارضة الكثير لياه فيها

لكن كلامك اكد صحة كلامي
وان فاقد الشئ ممكن يعطي اكثر بكثير

ودة الي انا شوفته في ابن اختك

مش عاوز يدوق بناته قسوة الحرمان من حضن ودفا الاب


ربنا لا رحرمهم منه ابدا

ولا يحرمه هو من بناته ابدا

ويوفقه وييسر له حياته


تحياتي لقلبك الجميل

سارة

د. ياسر عمر عبد الفتاح يقول...

ربنا هيكرمه إن شاء الله
ربنا ييسرله حاله وأمره
ويرجع يحقق كل اللي بيتمناه
وربنا يكرم حضرتك كمان ويوفقك
إن شاء الله مش هيأخر

Unknown يقول...

الغالية مها
الحبيبة مها
العزيزة مها
فرحتى ماتتقدرش
برؤية اسمك الجميل
على صفحة تعليقاتى
حتى أنستنى القول الواجب
السلام عليكم ورحمة الله وبركاته
وحشتينى ووحشنى رؤية كلامك الجميل
الف حمدلله على سلامتك وربنا ما يحرمنى من مرورك الجميل وكلامك الاجمـــــــل
أما البعاد ووجعه فشىء ما أعتقد
أننا كمصريين سنعتاد عليه ابداً
مهما قالوا وعادوا عن بلدنا
فمازلنا وسنظل نحبها ويظل
الفراق ولو (لتانى بيت)
يؤلمنا!!!
نورتينى
وشرفتينى
واسعدتبنى
اليوم يامها.

Unknown يقول...

بنجاواتى
السلام عليكم ورحمة
الله تعالى وبركاته
اللهم آمين يارب العالمين
ماتتصور بناته بيحبهم وبيحبوه
ازاى واد ايه.ربنا ما يكتب على
حد وجع البعاد ابداً ابداً يارب.
ونورتنا وشرفتنا
يادكتور بنجاواتى

Unknown يقول...

Saragebaly
السلام عليكم ورحمة
الله تعالى وبركاته
كلامك مضبوط ياحبيبتى كان نفسه
كل لحظة من عمر بناته يكون معاهم
لكن انتِ عارفة الظروف ارغمته على هذا.ربنا يكتب سلامته وسلامة المسافريين كلهم للعمل
او للراحةأو السياحة
ونورتينا وشرفتينا ياسارة.

Unknown يقول...

د.ياسر عمر عبد الفتاح
السلام عليكم ورحمة
الله تعالى وبركاته
اللهم آمين لكل دعواتك
ياصيدلى يارب وحمداً لله
على سلامتك ورجوعك
نورتنا وشرفتنا
يادكتور ياسر.

غير معرف يقول...

ربنا يوفقه ويبارك له فى اسرته
اعجبتنى طريقه وصف المشاعر المتنوعه التى تربطبك بابن اختك
كونه ابن اختك قد تجعل المشاعر اموميه لكن تقارب السن دمج معها مشاعر اخوه ايضا

كويس انكم لحقتوه
لازم كل اسره تتابع اولادها
ربما تحدث بعض المتاعب للام هنا فلازم يكون باقى الاهل يتابعون خاصه اذا طلبت منهم الام وهنا ايضا موقف اخر ان الاب مهاجر
من المفترض ان هذا ابنه بغض النظر عن اى خلافات بين الزوجين

هذا درس لكل زوجين ان يحاولا تجنيب الالولاد اى خلافات بينهما


معلش انا طولت
ربنا يكرمك دايما

حسن حنفى يقول...

ان شاء الله ربنا يهون السفر

....

جزاكم الله خيرا علي السؤال يا دكتوره

عارف اني مقصر شويه اليومين دول بس مش عارف مش ليا مزاج اعمل اي حاجه اليومين دول

:(

Unknown يقول...

م/محمود فوزى
السلام عليكم ورحمة
الله تعالى وبركاته
الف حمد وشكر لله ياباشمهندس
فعلاً الانسان ممكن حاله يتقلب
360درجة بصحبة سيئة وما تعتمدش
اوى على(التربية والاصل والفصل)لان
الشباب وحماسه وحب التجربة والتقليد
وكمان (وزّةالشيطان)ممكن تزل قدم اى انسان لكن ستر ربنا علينا كبير والحمد
لله .اما عن والده مش حاقدر أقول الا حسبنا الله ونعم الوكيل زوجين انفصلا
ايه ذنب الابن يدفع الثمن؟!!
لكن تعمل ايه بقى فى بعض
العقليات الصغيرة اللى
محتاجة هى تربية
وتوعية مش تربى
اطفال وجيل
قادم !
وادينى انا
اللى طولت يافندم:)
شرفتنا ونورتنا ياباشمهندس.

Somaya Kamal El Din يقول...

ربنا يكرمه فى حياته

Unknown يقول...

حسن حنفى
الناجح يرفع ايده:)
الف مبروك ياأبو على
يارب تكون وصلت للكلية
اللى انت عايزها وربنا يوفقك
فيها باذنه تعالى وماتعتذرش انت كنت
فى فترة شدّعصبى رهيب من مذاكرة لأمتحان
لانتظار النتيجة لتقديم مكتب التنسيق
على ودنه على رأى توفيق الدقن:)كل
ده طبعاً لازم ينتهى بحالة من التعب والارهاق النفسى قبل البدنى وبالتالى
(كشف مجانى اهوه خلى بالك)ابعد عن اى حاجة فيها كتابة أو قراءة يومين تلاتة كده وارجع لنا حتبقى
ابو على زى زمــــــــــان
واكتـــــــــــــــــــــــر

أم أحمد المصرية يقول...

حبيبتي نوراهاتي
وحشتيني جد وحشتيني من اخر مرة دخلت لك و كنت قافلة التعليقات لما سافروا اهل فرنسا كان نفسي اكتب لك و قلت حقترح عليك تضعي chat box زي اللي عندي
بعدها انا اللي غبت سامحني
و رجعت لقيتك لسه بتعيشي شجن الاحباب المسافرين مرة تانية
ربنايجمعكم علي خير حبيبتي
اعلم احساسك تماما فقد مررت به من قبل لكن ما تزعليش كل شيء في اوله صعب و حتتعودي هي الدنيا كده
و ان شاء الله ربنا يكرمه و يجعل غربته بفايدة يارب هو و كل المتغربين
و في الاخر اقول لك بروا وحشتيني

Unknown يقول...

Somaya Kamal El Din
السلام عليكم ورحمة
الله تعالى وبركاته
امين يارب العالمين
ويكرمك انتِ كمان
فى امتحاناتك ومذاكرتك
يافيلسوفة القرن ال21
نورتينى وشرفتينى
ياسمية يافيلسوفة

الازهرى يقول...

يقولون ان من سنن الحياة الافتراق عن الاحباب والتفرق بين اسباب الحياة

ادعوا الله تعالى ان يوفقه فى مسعاه وان يجمعكم به دوما على خير

تحياتى دوما

أبو العريف يقول...

ربنا يوفقه يارب
ويرجعه بالسلامه



ويصلح حاله
ويريح باله
هو وامه المسلمين


تحياتي

Unknown يقول...

حبيبتى أم احمد
الف حمدلله على سلامتك
فعلا بقى لنا مدة ما كتبنا
لبعض من بعد الايس كريم :):)
أما عن اقتراحك فحاضر حاضر
حـــــــــــــــــــــاضر
(اضعه قيد الدراسة والبحث
والفحص والتمحيص )ولو انى صراحة
خايفة منه شوية مش عارفة ليه؟
اما عن غربة الاحباب الواحد بقى مش عارف(الاهل بيربوا اولادهم للغربة ولا ايه؟)والله ياأم احمد ما تتصورى احنا
فى البيت شكلنا ايه؟ووالدته وخصوصاً
انه الكبير بتاعها(وحنين على الاخر )
يارب عقبال ما تشوفى احمد(واخوانه) مخلص ومتجوز ومخلف كمان كده.
حنقول ايه:للضرورة أحكام
وربنا يسمعنا عنهم سمع خير
شرفتينى ونورتينى ياأم أحمد.

rovy يقول...

ربنا يكرمه حبيبتى و ييسر له احواله يارب و يصبرك على بعده و ان شاء الله تتقابلوا و تتجمعوا على كل خير دائما ..
حفظه الرحمن و حفظكى غاليتى من كل سؤ

خالص مودتى و ارق تحياتى

Unknown يقول...

الازهرى
السلام عليكم ورحمة
الله تعالى وبركاته
صدقت ياأزهرى
ما الحياة الا أجتماع وافتراق
وللأسف بالألم وغصباً عننا والله!
لكن حنعمل ايه بقى!ما علينا
الا الدعاء بالتوفيق له
ولكل المسافريين
والمتغربـــين
والمهاجريين
وشرفتنا ونورتنا ياأزهرى.

Unknown يقول...

ابو العريف
السلام عليكم ورحمة
الله تعالى وبركاته
اللهم آمين يارب العالمين
لكل دعواتك الطيبة
وجعل الله لك فيها
ومنها نصيب .
شرفتنا ونورتنا
ياابو العريف

Unknown يقول...

rovy
أم ياسمين الغالية
اللهم امين يارب العالمين
ويكرمك ربنا فى بناتك
وتشوفيهم فى احسن
الاحوال وأعلى
الدرجات.
يارب
نورتينا وشرفتينا
ياأم ياسمين الغالية.

♥نبع الغرام♥♪≈ يقول...

السلام عليكم


ربنا يسعده يارب ويوفقه فى سفره وينعم عليه السعاده وراحة البال

اللهم امين يارب العالمين

وحشتينى قووووووووووووووووووووووووى

اخبارك ايه
طمنينى عليكى

ايناس

موناليزا يقول...

ربنا يوفقه فى غربته ويصبرك على البعاد

شريكة في المطعم يقول...

السلام عليكم ورحمة الله وبركاته

ربنا يكرمه ويوفقه لما يحبه ويرضاه
ويرجعه بألف سلامة ان شاء الله

Unknown يقول...

عاشقة الاحزان
أنووووووونسة
السلام عليكم ورحمة
الله تعالى وبركاته
يارب وكل من زيه
ويجمعنا كلنا مع
احبابنا فى الخير دايماً
ودايماً يارب منورنا
ومشرفنا ياأنوسة
يا جميـــــــلة

Unknown يقول...

موناليزا
السلام عليكم ورحمة
الله تعالى وبركاته
يارب يامونى يارب
هو واللى زيه كلهم.
نورتينا وشرفتينا
يامونــــــــــى

Unknown يقول...

شريكة فى المطعم
السلام عليكم ورحمة
الله تعالى وبركاته
اللهم امين يارب العالمين
له ولكل من سافر وهاجر
يارب.نورتينا وشرفتينا
ياشريــــكة فى المطعم.

مجداوية يقول...

السلام عليكم

نسأل الله له السلامة والتوفيق والعيش الكريم وتحقيق كل ما يصبو إليه
ولك غاليتي مزيدا من هذا الحب الراقي الذي يعلم ويبني ,,ربنا يديم عليكم نعمته ويطمئنك دائما على أحبابك

سلامنا له ولأسرته الجميلة ودعواتنا الصادقة بكل الخير ولقلبك الجميل يا دكتورة نور ألف تحية

Unknown يقول...

مجداوية
أُخيتى فى الله
السلام عليكم ورحمة
الله تعالى وبركاته
ربنا يبارك لك على هذا الكلام الجميل وما تفترقى عن من تحبين ابداً الا فى خير ولخير دائماً وابداً.يبارك لك فى صحتك وعافيتك ودينك ومالك وفى
(غاليتك نسمة) يارب.
نورتينى وشرفتينى
يامجداوية ياأم نسمة

(احمد سكر ) يقول...

السلام عليكم

ازيك يا دكتوره

بجد احساسك بيه عالى اوى

كأنه ابنك

ربنا يوفقه يارب

ويبارك ليه فى اولاده

وصبرهم يارب يارب على بعاده

اكيد هو انسان جميل زيك

ربنا هيوفقه ان شاء الله

كل سنه وحضرتك طيبه


(ابو التشلدرن )

قلم رصاص يقول...

نسأل الله العظيم أن يوفقه ويسدد خطاه الى حيث ذهب

احساس الوفاء والاخلاص لمن نحب احساس رائع لاتضاهيه كنوز الدنيا

دمتم لعلى مودة وحب وتواصل

تقبلي مروري

MǿиY El-Shreef يقول...

ربنا يارب يوفقه ف حياته و ف شغله هناك وباذن الله يتوفق توفيق كبير اوي من ربنا ويجمعه ببناته ان شاء الله

وحشانا

osama44 اسامه 44 يقول...

ربنا ييسر الحال ويقرب البعيد ان شاء الله

أ / أحمد عبد المنعم يقول...

بسم الله الرحمن الرحيم
الأخت الفاضلة :دكتورة نور

بارك الله لك فى إحساسك الجميل تجاه من حولك ممن تحبين
و أبقى الله لك هذه الألفة
وأعاد لك أحبابك إليك غانمين مطمئنين

Unknown يقول...

أحمممممد سكررررر
مش معقوووووووووول
ومش ممممممممممممكن:)
اين انت ياأبو التلشدريـن:)
عاش مين شافك ياراجل ياطيب:)
ربنا يبارك لك فى صحتك وفى
اسرتك واولادك يارب .وفعلا
ياأحمد هو انسان جميل لاجل
كده ربنا سبحانه وتعالى
كرمه وستر عليه بالرغم
من قسوة التجارب اللى
مرت عليه وفى حياته
وكمان شىء مهم جداً
انت ناسيه:انا خالتو
فهو طالع لخالتــــــه:)
بسيـــــــــــــــــــطة)
نورتنا وشرفتنا واسعدتنــــــا
بمرورك وتعليقك ياابو التشلدرين

Unknown يقول...

قلم رصاص
السلام عليكم ورحمة
الله تعالى وبركاته
اللهم أمين يارب العالمين
ربنا يديم عليك نعمة الاهل
والاصحاب والاصدقاء وما تجرب
الم البعاد ابداً.يارب
نورتنا وشرفتنا
ياقلم رصاص.

Unknown يقول...

MonY El-Shreef
السلام عليكم ورحمة
الله تعالى وبركاته
اللهم امين يارب يامووونى
يوفقه ويصلح شأنه هو وكل
شباب المسلمين وأمة الاسلام
كلها يارب.المهم انتى وصلتى
مصــــــــــــــــــــــر
ولا لسه يامووووووووووووووونى؟

Unknown يقول...

osama44
السلام عليكم ورحمة
الله تعالى وبركاته
اللهم آمين يارب العالمين
يسمع منك ربنا ياأسامة
يــــــــــــــــارب

Unknown يقول...

أ/أحمد عبد المنعم
السلام عليكم ورحمة
الله تعالى وبركاته
بارك الله فيك وفى كلامك الجميل
وابقى لك اعزاؤك واحبائك دائما
لا تفارقهم ولا تفترق عنهم.آمــين.

هانى زينهم يقول...

والله يا دكتور البوست ده وكالعادة منك جى على الجرح لانى بافكر بقالى مدة فى الحكاية دى وخصوصا بعد ما ربنا رزقنى بتوأم على ملك فابتديت بعد انقضاء العمر ادور على الاحلام الضايعة واحاول الحق منها حاجة . فانا اكتر واحد مقدر مشاعره فى النقطة دى . ربنا يوفقه فى غربته وادعيله يا دكتور ومش مهم نتعب شوية او نضايق طول ما اللى احنا بنحبهم سعدا فى حياتهم . بنا ما يحرمكوش من بعض ابدا .

Unknown يقول...

أستاذ هانى زينهم
السلام عليكم ورحمة
الله تعالى وبركاته
مبروك ما جالك يامستر
يتربوا فى عزكم كده يارب
ويستر علينا وعليهم جميعاً.
السفر الغربة صعبة والله لكن
ماباليد حيلة نضطر لها احنا
المصريين ولو باليد ماكان
حد فارق اهله وبلده
ابداً.ربنا يلهمك
فعل الخير لك
ولأسرتك.
مرة اخرى مبروك
ما رزقك الله يامستر هانى.

MaNoOoSh يقول...

ربنا يرزقه للخير الحلال دايما يا رب
ويكون مع اسرته فى كل الظروف ومعاكم كمان

EMMY BABY يقول...

ربنا يرجعهلكم بالسلامة ويوفقه الى مايحبه ويرضاه

جميلة اوى مشاعرك

وجميل اكتر انك تشاركينا هذه المشاعر

ربنا يسعدكم جميعا

تحياتى

ايمى

Kiara يقول...

ربنا هيرجعه ان شاء الله بالف سلامه وهيوفقه وهيباركله كمان

مشاعر قوية قريتها في سطورك ربنا يبارك فيكي انتي كمان

محمد سعد القويري يقول...

الأخت الفاضلة :: نور ::

السلام عليكم ورحمة الله
وبركاته
دعيني أسجل إعجابي بهذه المدونة والتدوينة المؤثرة ..
ولعل تدوينتك تحمل في طيها أكثر من درسٍ وعبرة ..
الحمد لله على كل حال ..

أسعد يا أختي بالتواصل مع مواضيعكم ..
ـــــــــــــــــ
كما يشرفني وضع رابط مدونتك على صفحتي

الخبز قبل الحب أحياناً يقول...

قصة مؤثرة وجميلة
اتمنى له الخير
احييكى على البوست

hasona يقول...

السلام عليكم

ربنا يعينك ويطمنك عليه دايما

وادعي له كتير
ولكل مغترب عن وطنه وحضنه

ويرجع بالسلامة
ويحقق كل أحلامه وأمنياته

ويصبر علي بعده

عالم حبيب يقول...

ربنا يعينه يارب وييسرله .. أحيانا الحياة بتحتاج إن الواحد يبعد عن أحباؤه لكن تبقى الذكريتا الجميلة .. ويبقى أيضا التواصل عبر التكنولوجيا الحديثة التي جعلت كل شئ قريب

ربنا يرجعه ويرجعنا بالسلامة :)

أبو العريف يقول...

دكتوره نور
انا جاي ارد هنا
وبما ان الخلاف في الرأي لا يفسد للوز صنيه
فانا احب اقولك
بالنسبه للهنود
بالعكس
انا بحترمهم جدا
وبحترم كل العمال الاجانب
رغم بعض المساوئ اللي انا قابلتها من بعضهم لكن بعرف اتعامل معاها كويس
وبعرف اكسبهم

لانهم ناس زيي جايين بيدوروا علي رزقهم
وكل اللي كنت عايز اقوله في البوست
اننا بنحترم اي حد بياخد موقف
والموقف مكنش ضدي فعلا
دا مجرد هزار
كان ضد الشركه
لاني زيي زيهم



اما بخصوص قناة الجزيره
فانا مبحبهاش
بس مش بكرهها
لكن مش زي كل الناس اللي شايفاها بتقول الحقيقه
لانها قناة تتبع سياسة دوله
يعني لو فيه مثلا خلاف بين قطر واي دوله
تلاقي هجوم رهيب علي الدوله
جايز بيجيبو اخبار حقيقيه
ومحللين بيقولو أيهم
بس بيعرفو ينقوا المحللين والاخبار في الاوقات اللي تخدم سياسة قطر

ودا حصل مع كذا بلد
منها
مصر
واستلموا سوريا فتره
والسعوديه فتره

وهلم جرا

يعني مفيش حياد بالمره
هي قناة قطريه
تخدم مصالح قطر


وتحيا الامه العربيه

نبض الحرف يقول...

الاخت الفاضلة :نور
يسعدني ان اهنئك على هذي المدونة الرائعة وماشاء الله همة الله يبارك فيكي عزيزتي ويرجع كل غايب وعزيز عليج

عصام يقول...

يا الله ..

الحمد لله على كل حال ..

هذه حال الدنيا ..

ففي كل أرجائها وأنحاء معمورتها ..

هناك كل البشر يعانون !

المشاكل موجودة في كل بيت ولكن الفرق في كيفية التعامل معها بشكل أفضل ..

أهنيك أختي نور على هذا الأسلوب الرائع في صياغة الأحداث ..

اندمجت مع القصة بشكل كبير وعميق ..

ولعل هذا نوع من الفضفضة المريحة ..

استمتعت في مدونتك ..

والتي دخلتها من مدونة رشيد :)

وقرأت عتبك له هههههههههه

شكراً لهذه الفرصة أختي نور

Dr. Ibrahim يقول...

إنها خيرة الله ...

المتبهدلون في الأرض يقول...

فعلا قصة من المجتمع المصري ... طلاق , وحدة ,طريق صعب , عودة للتضحية ,وتلافي الخطأ

سرد مخلص ورائع ,

وأروع ما فيه الحب والحنان ...الذي تبقى

وحي القلم يقول...

السلام عليكم
يسافر ويرجع بالسلامة

عمرو يقول...

ربنا يسعده و يرده سالم و يبارك له فى عياله و يعوضه خير عن تعبه معهم ..
صحيح يا دكتوره اللى فقد حنان الأب فى صغره بيكون حريص جدا أنه يكون شديد الحنان و الرقه و العطف على أطفاله و ده من رحمة الله ..
بارك الله فيه و فيكم و تقبلى تحياتى و تقديرى ..

كلمات من نور يقول...

صحيح حتة من قلبك يا نور

حسيت بكل كلمة بتقوليها يمكن علشان عشتها وبرضه علشان كلامك من القلب للقلب

ربي يرده ليكم سالم غانم ردا جميلا ويحنن قلبه دائما و أبدا

اقصوصه يقول...

الله يوفقه ويرزقه الرزق الحلال

ويروح ويرد بالسلامه يا رب

على عبدالله يقول...

اللهم وفقه ووفق كل ((المغتربين))
اللهم أعدهم الى اهليهم وزويهم سالمين غانمين
انك ولى ذلك والقادر عليه

صيدلانيه طالعه نازله يقول...

انتى جيتى على الجرح يا نور انا اخويا لسه مخلص اجازته و رجع سافر من تانى
كم قاسيه انتى ايها الحياه فيما تحمليه لنا من فراق الاحباء و العزاء الوحيد انه فراق من اجل بناء المستقبل و ارساء اسس حياه مستقره
ربنا يهون غربتهم و يرجعهم لينا سالمين انشاء الله

Unknown يقول...

MaNoOoSh
السلام عليكم ورحمة
الله تعالى وبركاته
اللهم أمين يارب العالمين
هو واللى زيه جميعاً يارب.
ويرد كل غايب سالماً غانماً.

Unknown يقول...

EMMY BABY
السلام عليكم ورحمة
الله تعالى وبركاته
انت وكلماتك ومشاعرك
الاجمل الف الف الف مرة.
ربنا يسعد الجميع يارب.

Unknown يقول...

كيارا دليل الحيارى
السلام عليكم ورحمة
الله تعالى وبركاته
اللهم امين يارب العالمين
يرد كل غائب سالماً غانماً
ويحقق لك كل الاحلام
الوردية الجميلة:)

Unknown يقول...

أستاذ محمد سعد القويرى
السلام عليكم ورحمة
الله تعالى وبركاته
ودعنى ارحب بك فى
هذه المدونة
المتواضعة
واهلا بك صديقاً
دائماً لى ولمدونتى المتواضعة
(زدتنى فخراً وسعادة بوضع
الرابط عندك جزاك الله خيراً
بحجم وكم سعادتى هذه:)

Unknown يقول...

الخبز قبل الحب أحيانا
السلام عليكم وحمة
الله تعالى وبركاته
هى قصة من الحياة
تحدث لنا كما تحدث
لغيرنا.شرفتنا
ونورتنا
بالمرور
والتعليق.

Unknown يقول...

hasona
السلام عليكم ورحمة
الله تعالى وبركاته
ربنا يستره هو وكل مسافر
ومغترب فى كل ارض من ارض
الله الواسعة.تحياتى واحتراماتى
(ألم يحن الوقت بعد؟
لامتلاك مدونتك الخاصة!)

Unknown يقول...

عالم حبيب
السلام عليكم ورحمة
الله تعالى وبركاته
صح كلامك وده برضه اعتقادى
ان سفرنا وغربتنا نحن المصريين
لا تكون الا غصباً عنا !كتب الله
لك السلامة انت ايضاً وردك ورد
كل مسافر سالماً غانماً بأذن الله.

Unknown يقول...

قلم رصاص
السلام عليكم ورحمة
الله تعالى وبركاته
صح لا يفسد صينية
بط ولا وز ولا فراخ كمـــان:)
لم اقصد انك لاتحترمهم او لاتقدرهم
بل كنت اسجل شىء عايشته بنفسى
عامين كاملين :فيهم كويسين وفيهم
طبعاً مش كويسين.متفقيييييين ؟ولا
اجيب البراياتـــــــــــــــــ:)
أما قناة الجزيرة فهى قناة أعلامية
مين يديرها؟بشر طبعاً مهما تحروا الصدق او العدل فلابد للاهواء
ان تتدخل فى الامر اليس كذلك؟
فقط العدل المطلق بيد الله
فهو العدل.سبحانه وتعالى.

Unknown يقول...

نبض الحرف
السلام عليكم ورحمة
الله تعالى وبركاته
الشكر والفضل لله سبحانه
تعالى علم الانسان مالم يعلم.
وجزاكِ الله خيراً على دعواتك الطيبات.

Unknown يقول...

عصـــــام
السلام عليكم ورحمة
الله تعالى وبركاته
كلامك صح المحافظة على
علاقة طيبة مع جار سابق
او صديق سابق او(عذراً)حتى
زوج سابق :فن لا يمتلكه الكثير منا(:
وللاسف وخاصة بالنسبة للزوج او الزوجة حتى السابقة الاثنين
بيخدوها مسألة كرامة وكانها
مبارة لازم يطلعوا كسبانين
ومش مهم الاولاد واللى يحصل
لهم.المهم اعجابك بالمدونة
هذا شىء اسعدنى جــــــداً
من بعض ما عندكم يافندم
قرأت عتابى لرشيد :):):)
اصلى صراحة اغتظت اوى
ومقدرتش اسكت اكتر من كده:)
لكنها فعلا مدونة ومدون ممتازين
وكذلك انت وممدونتـــــــــــك

Unknown يقول...

Dr.Ibrahim
السلام عليكم ورحمة
الله تعالى وبركاته
ونعــــم بـــــــالله
والخّيرة فيما أختاره الله

Unknown يقول...

المتبهدلون فى الارض
السلام عليكم ورحمة
الله تعالى وبركاته
هى قصة حقيقية
حدثت وتحدث كل يوم
وللاسف والالم ولا يدفع
الثمن الا الاطفـــال

Unknown يقول...

ونكمل حين العودة
من العمل بأذن الله
سبحانه وتعالى إذا
شاء الله لى العودة.

Unknown يقول...

مصعب صلاح
السلام عليكم ورحمة
الله تعالى وبركاته
امين يارب العالمين
هو واللى زيه كلهم
يــــــــــــــــارب

Unknown يقول...

استاذ عمرو بدر
السلام عليكم ورحمة
الله تعالى وبركاته
والله ياستاذ عمرو ماتتصور
حنيته على بناته حتى احنا ساعات
نلوم عليه فى هذا ونقوله بالبلدى كده
(بتدلعهم دلع مرىء)هو ما يردش لكن نظرة عينه الحقيقة ساعتها بتبقى هى
الاجابة والاجابة الشافية كمــــان.
نورتنا وشرفتنا أستاذ عمرو.

Unknown يقول...

كلمات من نور
السلام عليكم ورحمة
الله تعالى وبركاته
وهو حتة من قلبى فعلا
عاش معايا اكتر ما عاش
مع مامته او اى حد تانى
وكمان حنين اوى .ربنا يكرمه
ويصلح شأنه هو شباب المسلمين
يارب العــــــــــــــالمين
وشرفتنا نورتينا يانور.

Unknown يقول...

اقصوصه
السلام عليكم ورحمة
الله تعالى وبركاته
اللهم أمين يارب العالمين
وشرفتينا ونورتينا ياأقصوصه

Unknown يقول...

على عبد الله
السلام عليكم ورحمة
الله تعالى وبركاته
اللهم امين لكل دعواتك
ياأستاذ على يارب ويجعل
لك نصيباً فى دعواتك الطيبة

Unknown يقول...

صيدلانية طالعة نازلة
السلام عليكم ورحمة
الله تعالى وبركاته
ربنا يكتب سلامته يارب
ويرجع لكم بالسلامة ونقول
ايه؟مضطرين لهذا لبناء المستقبل
بس والله لو بأيدنا احنا المصريين ما
فى واحد يسافر بره لبناء مستقبله
هذا ولكنه الاضطرار والاضطرار بس!
وشرفتينا ونورتينا ياصيدلانية .

Unknown يقول...

نيوز فلسطين
السلام عليكم ورحمة
الله تعالى وبركاته
اهلا بالغالين من الارض الغالية
الله يحفظكم ويقويكم وينصركم على
اعاديكم كلهم يارب ويصلح شأن
العرب والمسلمين اجمعـــــــين
وربنا يوفقنا للى فيه الخير.

TIMMY !! يقول...

يااااااااااااااااااااه !!




يروح و يرجع بالسلامة إن شاء الله ,
و ربنا يصبرك على بعاده

همس الاحباب يقول...

ربنا يوفقه ويرزقه رزقا حلال ويبارك له فيه
وانشاء الله يرجع سالم غانم
انا اسف جدا على التاخير
مدونة رائعة جدا
علشان كده قريت فيها كتير
ولنا عودة باذن الله

Unknown يقول...

TIMMY
السلام عليكم ورحمة
الله تعالى وبركاته
اللهم امين يارب العالمين
ويكتب سلامتك انت كمان
وجميع عموم المسلميـــن

Unknown يقول...

همس الاحباب
السلام عليكم ورحمة
الله تعالى وبركاته
اللهم أمين يارب العالمين
ياأستاذ خالد فهكذا ارى
اصدقائُك يدعونك واشكرك كتير
على كلامك الحلو ده.مرحباً
بك فى كل وقت صاحب مكان
تنورنــــــا بهــــــا

Unknown يقول...

الحمد لله رب العالمين
والصلاة والسلام على
خاتم النبيين وأمام المرسلين
سيدنامحمد صلى الله عليه وسلم
وعلى آله وصحبه ومن أهتدى بهداه
الى يــــــــوم الديــــــــــــن

وفاء بركات يقول...

ربنا يطمنك عليه ويرجع بألف سلامه
لقلبك الحنون ..
وأتمني من الله عز وجل أن يفتح له أبواب الرزق ويحقق له الإستقرار مع أسرته الصغيره ..
رحله عمل مكلله بالنجاح والتوفيق إن شاء الله
حاولت التعليق علي هذا البوست من أسبوع لكن للنت مزاجه الخاص اللي بيتحكم فينا
لك مني كل حب وتمنيات وأمنيات بالصحه والعافيه وراحة البال

Unknown يقول...

حبيبتى مدام وفاء
السلام عليكم ورحمة
الله تعالى وبركاته
اللهم امين يارب العالمين
يسمع منك ربنا سبحانه
وتعالى ويطمنك على
محمد فى الجيش ويتم
له المدة بتاعته
على الف خير .
اما النت
فسيبه
يتدلل علينا
براحته على الاخر
لما نشوف :لاحنا لاحنا برضه:)
شرفتينى ونورتينى بوجودك وتعليقك
يافوفو ياحبيبتى

من غير عنـــوان يقول...

ربنا يوفقه
ودامت مشاعرك واحاسيسك

Unknown يقول...

من غير عنوان
السلام عليكم ورحمة
الله تعالى وبركاته
اللهم أمين يارب العالمين
هو وجميع من خلق ربنا .
حمداً على السلامة
نورتنا.