الأربعاء، يناير 13، 2010

كيف تصطادين عريسـاً!!!


دهـ موضوع قريته فى أحد المنتديات
لكن لقيته بعد كدهـ فى كذا مدونة أو منتدى
وكذا بلد
بحيث ما بقتش عارفة
مين أو فين صاحبة التدوينة الأصلية
وكل واحدة تحطه
تتكلم بلسان بلدها
مثلاً
بدال :اعملى :سوى
بدال أزيك :ايش لونك؟
كدهـ يعنى
المهم لقيت الكلام لطيف
وحبيت احطه
يمكن يخفف شوية
من (أكتئاب كلامى )
المرة قبل اللى فاتت
وارجو هذا
وكمان وبصراحة
فيه كتير من المعقولية!

**********
كيف تصطادين عريساً
و
تحافظين عليه
حتى كتب الكتاب.
كتاب بقلم
دكتور عبد الرؤوف السباعى
بصوا يابنات:

*لو جالك عريس متقوليش لحد من صحباتك
الحاجات دي بتتنظر وأنتي عارفه البنات عينيها وحشة
*لو واحدة من صحباتك جبتلك عريس إوعي تشوفيه أو توافقي عليه
لوكان عدل كانت خدته هي!
*هتقولي طب لو متجوزة
أقولك هتبقي عاوزاكي تاخدي واحد أقل من المنيل جوزها

*متفضحيش الدنيا أما يجيلك عريس أصبري شوية لما تمسكيه كويس
هتسيّحي لنفسك ع الفاضي وتتحسب عليكي خطوبة

*في أول مقابله لو لاقيتيه بيبص ف ساعته
..قاعد مش على بعضه..
وشه إتخطف وبان عليه خيبة الأمل
إعرفي إنك معجبتيهوش ..
إسبقي إنتي وقولي إنك رافضاه
متخليش واحد زي ده يقول أنه مش عاوزك

*متزعليش عليه ولا على غيره.
الرجالة زي الأتوبيسات واحد عدّى التاني جاي وراه
كمان الرجال زي الدبان هتهشي واحده هييجي عشرة غيره

*عجبتك ؟طب خدي دي: الرجالة زي المطبات
كل ما تفتكري خلصت منهم هتقعي في مطب جديد مش عاملة حسابه

*لو معجبتيش أكتر من واحد إوعي تحسي بالإحباط
بكرة هيجي سيد سيدهم لحد عندك
إلا ما كان واحد..فيهم عدل

*مهما كنتي وحشة متقلقيش فيه اللي أوحش منك وإتجوزوا
الحمد لله الخطوبة تمت على خير
لولولوىىىىىىى
نيجى للى بعدهـا
*بصي ..عذبيه..طلعى عينه..بالأختصار : دوخيه

الراجل يحب يلعب دور الصياد
(من ايام الكهف بعيد عنكم ما أتغيرش)
البنت السهلة يدوبك يفكر فيها يومين ويدور على غيرها

*إوعي تقوليله بحبك أو عينيك عجباني
الراجل ميحبش كده أبدا

*إوعي تروحي ميعاده قبله
حاولي تتلكعي تروحي بعده بربع ساعه أو نص ساعه
الراجل لو إستناكي هيتعلق بيكي أكتر

*لو سألك عرفتي حد قبلي قوليله لا
حتى لو كنت مصاحبة رجالة مصر القديمة والجديدة

*لو حاول يوقعك ويقولك بحب الصراحه وكده،
برضه خليكي ناصحه
أنت عمرك ما عرفتي راجل غير باباكي طبعا

*هيقولك هسامحك وده ماضي
متصدقيش برضه الرجاله قلبهم أسود
وهيمسكها لك ذله العمر كله

*إحترمي أهلك متغلطيش فيهم قدامه

حتى لو كانوا بيئة وربش وحووشّ كمان!
علشان ميتجرأشي عليكي وعليهم
هيقول إذا كان أهلها بتعمل معاهم كده
هتعمل معايا ايه؟
هيعملك فيها مصلح اجتماعي ياروح امه!

*بلاش زن ورنات تليفونات ورسايل حب وهيام دول عالم ....
مش هيقدّر الحاجات دي
هيتغّر ويفتكر نفسه أحمد عز
وهو زي ما إنتي شايفاه قومي بصي لصورته ع الموبايل

*خليكي زي فوزية إوعي يمسك إيديكي
هيطمع فيكي ويفتكرك واحدة من إياهم
يرضيكي واحد ملوش لازمة زي ده يفتكرك واحده من إياهم!
*هيضغط عليكي باسم الحب
بأسم العواطف
بأسم أنكم في حكم المتجوزين
بأسم انتى مش واثقة فيا!!
إنك تروحي الشقه معاه

روحي!!!!
بس المرة الجاية مش هيبقي لوحده هيجيب معاه أصحابه

*سيبيه يرغي براحته
وعدي الفشر اللي هيفشره عن البنات اللي دايبين في دباديب سيادته
إعملي إنك مصدقاه
مع أنك عارفه إنك لولا خايفة لا تبقي عانس مكنتش قبلتي بواحد زيه

*خليكي دايما في أحسن صورة
هيقولك بحبك تكوني على طبيعتك
بحبك من غير ماكياج أوعى تعملى كده
لأنه بيتلاءم عليكي عاوز يعرف أنتي حلوة فعلا وإلا دي بويه ..
خليه على عماه
احنا ما صدقنا وقعناه!
******************************************
ايه رايكم فى الكلام ده
وبجد فى بنات عندهم حرفنّة انهم ينمروا على حد ويتجوزوه؟
طيب لو حصل كده يبقى عيب؟؟
مش عارفة!!!
*******
لحد هنا وخلص الموضوع الأصلى
وانا بسألكم
ايه رأيكم فى الكلام دا؟
هل الزواج قسمة ونصيب فقط
ولا قسمة ونصيب وتخطيط ؟
ولا تخطيط وتدبير فقط؟
رأيكم ايه؟

هناك 106 تعليقات:

هانى زينهم يقول...

الجواز مش قسمة ونصيب . الجواز قدر زى الموت بالظبط . ما حدش بيهرب من قدره . اما اسلوب الكتاب " لو ده اسلوبه يعنى " فيبقى عليه العوض فى كل حاجة !!
على فكرة يا دكتور انا لسة جاى هنا والله من فترة لان حضرتك عارفة الامتحانات وقرفها فاسف على انى ما تابعتش البوست اللى قبل اللى فات وبالتالى ما علقتش عليه . ان شاء الله تكونى دلوقتى زى الفل يا دكتور .

أحمد الصعيدي يقول...

السلام عليكم ورحمة الله

في وسط عقول تشكو من الافلاس

قد يحدث
أا صاحب هذا الكتاب فاعتقد نه لا يقي لمرحلبة الادب

يعجبني اسلوب مدونتك

لــــ زهــــــراء ــــولا يقول...

الدكتوره الجميله نورا
-*-*-*-*-*-*-*-*-*-*-

بصراحه كده مش عارفه ابطل ضحك الرجل ده المفروض كان سألنى على موضوع العرسان والحاجات دى
سامعه صوتك بتقولى ازاى اقولك يا ستى اختك وبلا فخر وبفضل من الله سبحانه وتعالى كانت السبب ان فى بنات من العيله تتزوج مع العلم انى مش متزوجه ولاحتى مخطوبه هتقولى طيب ليه اقولك علشان مستينه احمد عز اللى انتى قولتيه عليه " وش بيغمز "
كلام الرجل ده غلط طبعا
اولا الزواج قبل كل شئ قسمه ونصيب او زى ما هانى زينهم كتب فى اول كومنت انه قدر وربنا سبحانه وتعالى بيكون كاتب فلان لفلانه يعنى مهما عاملنا من خطط وكلام من ده برضه فى الاخر نصيب
ثانيا اسولب الكاتب ساخر جدا يعنى شم ينفع يكون كاتب بجد " انا قولت ساخر ده اكتر وصف محترم لحضرته "
هو انا ينفع ارغى تانى بس معلش بقى ميعاد الكورس ولازم انزل
اشوفك على خير يا نوورااا
تقبلى ارق الامنيات بالسعاده


زهراء

غير معرف يقول...

عسل عسل عسل
You made my day

عايزة الحق طبعا .. 80% من هذا الكلام مع سخريته حقيقى .. قسمة ونصيب نعم .. يحتاج بعض التخطيط الذى لايخلو من الاحترام نعم ايضا ..

فلا يمكن الا تلتقى بأحد ولاتتزينى ووتعرضى نفسك فى ابهج صورة وتزيد فرصك فى التوصل الى انسان يتوافق معك

يقول المولى "لقد خلقنا الانسان فى احسن تقويم" وكان من الممكن ان يخلقه فى اى صورة ويقول المهم الجوهر .. اذا هذا شئ مهم

تريدى احلى نصيحة؟ تعاملى مع المواقف كلها بطبيعيةوشئ من الحذر ولا تنسى سلاحا قويا جدا وهو الا يفارقك الابتسامةو الهدوء

كل تمنياتى لك بالتوفبق والسعادة

mhmdwahab يقول...

بالذمة دة اسمة كلام لا طبعا دة كلام فارغ واحتج على الكلام من نوعية المنيل والمخفى والدبان اية دة.كمان يدعو الى الغش والكذب لو كنتى تعرفى شباب مصر القديمة و الجديدة اوعى تعرفية انتى ما عرفتى الا باباكى مش عارف هو دة نظرة البنت للراجل فى مدونات اخرى يقولون على الرجل ان حيوان و سب ولعنات علية و كراهية لم ارى مثلاها وهنا ابية صاحب الكتاب عايزها تستخفلة.احنا فى اى زمن؟

عمرو جويلى يقول...

السلام عليكم
الكتاب ده مؤامرة على الشباب
ولكن من وجهة نظرى فإن الزواج
قسمة ونصيب لا أكثر
خالص تقديرى

عمرو جويلى يقول...

د/ نور
السلام عليكم
أتمنى تغيير قالب مدونتك الثانية
أغنياتى وحاجاتى ومحتاجاتى
خالص تقديرى

romansy يقول...

الجواز قسمه ونصيب الحواز حب للحبيب
الجواز متعرفيش ازاى بتحبى ولا هو يعرف ازاى حبك
روحين فى زكيبه
هههههههه

mhmdwahab يقول...

وبعدين ازى يقدر الانسان يعبر عن مشاعرة تجاة الانسانة اللى المفروض يكون حبها لو عرف انها تعتبر الكلام دة ذكاء منة من اجل ان يعرف ما بداخلها ايضا ان استطاعت الغش و الكذب فى البداية راح تعمل اية فى باقى الحياة الكذب ليس لة رجلين اغلب الظن ان الموضوع راح ينكشف ينكشف

شمس النهار يقول...

طبعا الموضوع كوميدي جدا

ومن وجهة نظري ان الزواج زي الموت والرزق ماحدش يقدر يفر منهم

يعني اللي مكتوب لها تتجوز هتتجوز مافيش مفر

كان ليه صديقه من ضمن النساء المتزوجات المقهورات
كانت دايما تدعي يارب كل عانس عايزه تتجوز جوزها علشان تندم علي النعمة اللي هي فيها

لا اللي كده مرتاح والا اللي كده مرتاح

المجتمع بقي غريب
شكلنا كده بنلقن البنات من صغرهم ان الدنيا والسعاده بس في الزواج

سلام

هناء محمود يقول...

بوست جميييييييييييل أوى بجد هههههههه

وكلامه صح مية المية مش محتاج نقاش


بس أكيد الجواز قسمة ونصيب وقدر أولا وأخيرا

بس لكل شئ سبب وأحيانا بتفسد خطوبات وزوجات بسبب سوء التصرف من أحد الطرفين

ENG./ELSAYED,PMP يقول...

من أفكه ما قرأت من فترة طويلة ... وهدخل الوقت ابحث عن هذا الكتاب على وعسى يكون مرفوع على اى موقع

انا مش قادر ابطل ضحك

بس بصراحة أنا بشفق على المرأة بصفة عامة إنها يتقال عليها كده ... كيف تصطادين عريساً ... وكأن كل البنات خلاص هيجلهم مناخوليا بسبب إن دى متخطبتش او دى لسه متجوزتش

وكأن اللى اتجوزوا حصلوا على جائزة الدولة التشجيعية

او وسام الإستحقاق من الدرجة الاولى


وأوقات بحس ان وقع الكلمات دى على البنت او الولد بيخليها او بيخليه يرتضى حاجة لو السوق احسن من كده شوية مكنش ابدا اخدها فوق البيعة

د/عرفه يقول...

لا بصراحة بوست
جااااااااااامد


متفق فى معظم النصايح دى لحد كبير جدا

ماعدا آخر واحدة

لانى فعلا بحب الواحدة تكون على طبيعتها
ومش عايز حد يضحك عليا بالبوية اياها
لانها بتخدع جامد
والواحد هيتاعمل معاها بقية عمره على طبيعتها وهى صاحية من النوم
ههههههههههههههههههه

أم أحمد المصرية يقول...

بص بقي يا حبيبتي بما اني ام لبنتين فهذا الموضوع يهمني جدا :))))))))
هو طبعا قسمة و نصيب و رزق و ربنا بيعطي كل واحدة رزقها يعني مثلا قد يكون عدم الزواج افضل من واحد يطلع عينها و عين اهلها لا مؤاخذة يعني
لكن برده فيه جزء تخطيط و ده علي فكرة رأي ماما اللي اقنعتني به من زمان و قبل ما تفهميني انا و ماما غلط التخطيط ده مش من العروسة و لكن من اسرتها يعني الاسرة اللي عندها بنت لا زم تكون حريصة جدا علي سمعة الاسرة و طريقة تعاملها مع كل الناس " مع ملاحظة ان التمثيل مش حينفع لأني بتكلم علي نظام حياة " يكون انطباع الناس عن الاسرة ككل انطباع طيب مش بس البنت لكن الاخ و الاب و ....
ما حدش عارف النصيب حيجي منين
و الام لا تذم ابدا في بنتها حتي مع المقربين مثلا لا تقل دي كسلانة او دي بترد علي وحش كده يعني بل تحرص دائما علي اعطاء الانطباع الجيد عن الفتاة " بعد ما تكون ربتها طبعا "

نجي بقي للنقطة التانية المهمة و هي مشكلة اغلب الاسر المحترمة و هي قلة العلاقات الاجتماعية مع الاسر الاخري و هو ما يقلل فرص البنات في التعارف و الارتباط
و هذا ما اعنيه بالتخطيط اما الكلام اللي علي النت ده فممكن نقراه و نضحك لكن ننفذه و نسعد ما اظنش
فأنت لا تستطيع ان تخدع كل الناس كل الوقت
و في الختام
يارب يسعد الجميع في حياتهم

غير معرف يقول...

السلام عليكم
ازيك يا دكتورة نور
انا هأسألك سؤال
لو عملتي استفتاء بين البنات واخدتي شريحة وسألتيهم
هل فيه حد اتقدم لخطوبتك ولا مافيش
هتلاقي اغلبهم
اتقدم لهم واحد واتنين وتلاتة
بس مش مناسب او او او

بس علي اي حال كويس يعني كده اتكتشفت خطط البنات في الزواج
ولسه مش يعرفوا خطط الرجالة بتبقئ ايه

تامر

SHAPE YOUR LIFE (ABOALI) يقول...

هههههههههههههههههههههههههه
والله الكلام واقعى ومش فيه حاجه غلط من رايى بس يمكن الموضوع اكيد نسبى فى النهايه ويختلف فى بعض الاحيان.
بالفعل الزواج قسمه ونصيب ولكن هناك ما يسمى الاخذ بالاسباب والتخطيط لكل شىء فى الحياه حتى فى الزواج.وبعد ان يتم الزواج هناك تخطيط اخر فكيف يمكن المحافظه على زواج وحياه سعيد.وده شىء يعتبر من الذكاء والوعى والفهم لمن امامك ومعرفه احتيجاته وسياق تفكيره .
سواء المراه يجب عليها ان تتفهم ما قولتيه ونقلتيه لانه بالفعل حقيقه فالرجل يحب المراه جميله المظهر ويحب ان يرى نفسه انه الحب الاول فى حياتها والرجل الوحيد ويحب ان يراها دائما زهره جميله هو فقط يملكها.
وكذلك الرجل يجب عليه ان يجعلها تشعر برجولته ومميزات شخصيته وحبه واحتواءه لها ولكن اهم شىء ان يكون كل ذلك خارج عن نطاق التصنع والكذب والخداع لان الطبيعه والطباع الحقيقيه سرعان ما تظهر ولن تتحقق السعاده ابدا الا مع المصداقيه والشفافيه.

اشكرك على الموضوع وهو بالفعل مهم وياااريت نفهم.

غير معرف يقول...

السلام عليكم
ازيك يادكتوره
معلش مجيتش من فتره المدونه عشان وقت سيادتى كان مش كتير
معلش انتى عارفه باه الناس المهمه

بس ايه الكلام الكبير ده
ده ناقص النصايح انها تعمل له عمل عند ابو رجل مسلوخه اللى سره باتع
وتعمل ححاب وتجيب حاجه من أتره
ههههههههههههههههههههههه

طبعا الجواز قسمه ونصيب
لكن لا مانع من ان الراجل مثلا اذا اعجب بواحده يتقدم لها
اما العكس فاعتقد ان مش من مصلحه البنت انها هى اللى تتقدم وتعرفه بشكل صريح مباشر
لان العقول مش زى بعضها وكتير من الرجاله هايعتبروا ده انتقاص من كرامتها

طبعا فيه كلام معقول من حيث ان مثلا هى متغلطش فى اهلها قدامه
ده كلام سليم
ربنا يوفقك ويسعدك

كلمات من نور يقول...

مافيش كتاب كيف تصطادين عرايس؟ علشان أنا أم لبنين ومحتاجة عرايس مش عرسان .....بس برضه عندي بنات كتير بحبهن في الله واتمنى هم خير العرسان..تحياتي عالبوست الخفيف داه

Unknown يقول...

الزواج قدر ومكتوب مافى هروب منه
اسلوب الكتاب ركيك وفيه سذاجة

نـــــور يقول...

ازيك يادكتوره
هو قبل مااتكلم فى اى حاجه لاحظت ان قبل اسم الكاتب فى "د/" لو ده اسلوب دكتور يبقى حسبى الله ونعم الوكيل والرحمه تجوز على لغة القرآن

اما عن الموضوعية فالكلام فعلا فى شئ من الموضوعيه والعقلانيه لكن...من الحاجه ستوته جارتهم مش من دكتور !!

يارب حضرتك تكونى احسن دلوقت

خواطر شابة يقول...

الزواج زيه زي الموت بيجي في معاده اللي متحدد وبالشكل اللي ربنا مقدره فالواحد ميتعبش نفسه لايخطط ولا يدبلر لانه في النهاية مش حيأخذ غير اللي في نصيبه لو له نصيب ولو مالولش نصيب ولو يعمل اللي ما يتعمل مفيش فائدة

الميكروباص يقول...

اللي مكتوب له حاجه هيشوفها

واللي مكتوب له جوازه هيشوفها

ولا تخطيط ولا حاجه

هي بتكون محاولات لإظهار الشخص لنفسه
وده على فكره بيكون من جانب الرجاله بردو، لأن بردو الراجل ممكن يصطاد مش البنت بس!

موناليزا يقول...

هو طبعا الجواز قسمة ونصيب بس مايمنعش ان النصايح دى حلوة للبنات:)

الفقيرة إلى الله أم البنات يقول...

زى العسل بوست يخفف الضغوط
بس بينى وبينك فى حاجات كتيير صح
يعنى بس هى واخداها من ناحية الكاريكاتير
على فكرة فى واحده كانت بتكتب فى بص وطل
بدأت برضه سلسه لما ىخرجى مع خطيبك اعملى ايه
بوست جميل وحشتينى

انت مخصمانى؟

Lady E يقول...

هي النصايح دي بجد ولا بهزار :) بعضها حسيته بجد وبعضها هزار

وبعدين تصطاد عريسا ليه هو سمكة :)

قلم رصاص يقول...

*متزعليش عليه ولا على غيره.
الرجالة زي الأتوبيسات واحد عدّى التاني جاي وراه
كمان الرجال زي الدبان هتهشي واحده هييجي عشرة غيره

ههههههههههههههههههههههههههههه


دا ظلم

الكتاب ده يحتاج لتحرك مجلس الأمن فورا
هههههههههههههههههه

طبعا الجواز قسمه ونصيب وانا مؤمن بده جداااااااااااااااا

دمتي في احسن حال يادكتور

في حفظ الله

أُكتب بالرصاص يقول...

وبعد كدا ينزل كتاب ، كيف تتخلصين من العريس اللي وقع في الشبكة من خمستاشر سنة


وغالبا بيكون كتاب رعب
:)
تحياتي

حصان المرجيحة يقول...

موضوع جمييل
بس عايز اقولك
ان اوقات الاتوبيس بيتاخر لدرجة انه يفوتك و ممكن متلاقيش مواصله ههههههه

الشاعر الفنان أحمد فتحى فؤاد يقول...

هاهاهاهاهاها

الجواز فى رأيى قسمة و نصيب .... و بعض تخطيط

بس تعرفى الكاتب ده شكله إتقرص كتيييير ... و مش لاقى واحدة تتجوزه

نصيحتى الخاصة لكل بنت ... خلليكى صريحة وواضحة من غير ما تتكلمى على أى علاقة سابقة
خلليكى قريبة بحب و عطف .. من غير ما تروحى شقته
و خلليكى دايما فى النور
و الباقى على الله
هو اللى بيرزق فى الأول والأخر

تحياتى لك

انا مش معاهم يقول...

تصادين هههههههههههه
امال انا عمال اترفض ليه....

غير معرف يقول...

السلام عليكم

بالطبع هناك نساء يتميزن بالنصب باتباع مثل تلك الأمور ، وكذا هناك رجال أساتذة في الاحتيال باتباع ما يُقابلها وأنا ضدهما
نعم الصراحة قد تكون لها بعض العواقب غير المرضية على المدى القريب لكنها أفضل مليون مرة من الغش والتنطع في الخداع

دائماً علينا أن نتذكر قول العزيز الحكيم " ومن يتق الله يجعل له مخرجاً ويرزقه من حيث لا يحتسب "

دمتِ بود

Dr Ibrahim يقول...

على الرغم ان الموضوع مش فيه كيفية اصطياد العريس من الاول وانما فيه ما بعد اصطياد العريس
فالجواز قسمة ونصيب طبعا فيه ناس مبتبقاش حتة فى دماغها الجواز خالص ومعانا زمايل يعنى الحمد لله ملهومش فى اى حاجة وتلاقيهم اتخطبوا واتجوزوا
وتلاقى بنات هامكة فى نفسها وحاطة احمر واخضر وفوشيك وبيعنسوا..
فمش مسألة اصطياد عريس..
والله طبعا قسمة ونصيب

ابو على يقول...

اكتر من كده وهانشوف وهانسمع كلام احلى من كلامك دا

احنا ف زمن فوضى احنا ف زمن التسيب

MǿиY El-Shreef يقول...

ازيك يا احلى دكاتره المحروسه

وحشتيني يا نور

بصي ياستي الكلام ده محسسني انه تبع تنظيم عصابي

الجواز المفروض انه يكون حاجه ع طريق الحب

واحلى حاجه ف الحب التلقائيه ماينفعش التخطيط ده كله ياناس

بس بصراحه انا متفقه ف حوار ان لو جالي عريس ماسيحش عشان ده فعلا بيتنظر وعلى راي المثل داري ع شمعتك تقيد

وزي ماقال الرسول (ص) استعينوا على قضاء حوائجكم بالكتمان

مووووووواه يا قمر

أوراق الخريف يقول...

السلام عليكم يادكتورة انا أول مرة ارسل تعليق ولكن متابعة جيدا للمدونة
اللى خلانى اعلق المره دى ان الموضوع بجد لطيف ومحير
صحيح ان الزواج نوع من انواع الرزق مقدر من المولى عز وجل
لكن نصايح كتير فى الموضوع بجد مفيدة للبنات من حيث ماتصدقش العواطف فقط وتفكر بعقلها اكتر لان فى رجاله سامحهم الله مش بيكونوا جادين فى الزواج وآخرهم خطوبةوبعدها بيفركش والبنت ياحرام تكون اول مره تحب او ترتبط فبتتصرف بطبيعتها بخجلها ومشاعرها وشوفت ده فى صحباتى بس الشهادة للحق فى بيقدر حبها وطبيعتها وبتم وفى الشكاك متعدد العلاقات ومش تتم وبتكون البنت اللى فازت بس بتخسر الثقة فالناس فترة اكون طبيعية ولا احور.........
طولت عليكى معلش

عاشــــــ النقاب ـقــــة"نونو" يقول...

ههههههههههههههههههههههههههههههههههههههههه
وحشاني
يارب تكوني بخير اوعي تزعلي ربنا يبارك لك ويخليكي لينا يارب
بجد نفسي اقعد معاكي
طب على النت حتى

تــركــي الــغــامــدي يقول...

ليس هناك وصفة سحرية لاختيار الزوج/الزوجة ... هناك خطوط عريضة أشار إليها نبينا العظيم محمد بن عبدالله صلى الله عليه وسلم لأي سبب تنكح المرأة وختمها بالظفر بذات الدين ... ولهذا كان هو بأبي وأمي خير قدوة في جميع زيجاته لكي يسترشد أي مقدم على الزواج به صلى الله عليه وسلم ... ولهذا كانت ولازالت النزعة البشرية هي المسيطرة على الاختيار من قبل طرفي العلاقة الزوجية ... وعندما أكد النبي صلى الله عليه وسلم على ذات الدين فلما في ذلك من تغير جميع المواصفات الشكلية والمادية لأي سبب والتي يبنى عليها الاختيار من قبل الطرفين ويبقى الدين هو الخيار الحقيقي .
أما بعد ... ماتفضلت به أختي الكريمة ... حديث الليل والنهار في مجالسنا ومخادعنا ويومياتنا المنفرة ... ولعلي أشاطرك الرأي في ألا يؤخذ بماورد فيه من النصائح الكارثية ... والله المستعان .

Unknown يقول...

هانى زينهم
حمدلله على السلامة
يامستر ومادام انت
جيت فكل شىء تمام والحمد
والشكر لله.بس هو فيه فرق
بين قسمة ونصيب وبين قــدر
متهيأللى لأ؟نورتنى يامستر هانى.

Unknown يقول...

أحمد الصعيدي
وعليكم السلام ورحمة
الله تعالى وبركاتـــه
معلش ياأستاذ ادينا
بنوع مصادر المعرفة.
ارجو ان تكون انت
ومن تحبهم بألف خـير .

Unknown يقول...

لولا وزهراء
قسمة ونصيب أو
قدر المهم انه يحصل:)
مش كدهـ وزى ما قلت
ادينا بنّوع الثقافات:)
ربنا يوفقك يازهراء وتنجحى
فى كل الكووووورسات وتديهم
انتِ بعد كده(تبقى الاستاذة
يعنى )

Unknown يقول...

Sherif
دا ذوق حضرتك
يااستاذ شريف
وروحك الحلوة اللى
بتحس الجمال فى كل شىء.
وشكراً للنصيحة:
سامعين يابنات:)

Unknown يقول...

mhmdwahab
محمد عبد الوهاب
مالك بس ياأستاذ محمد
أحنا بنقرأ كل شىء ولنا
عقل نميز به الكلام الوحش
والكلام الحلو مش كده ولا ايه؟

Unknown يقول...

اللؤلؤة
وعليكم السلام ورحمة
الله تعالى وبركاته
وأنا أعتز بوجهة
نظرك ولكن برضة
(محتاج شوية)تخطيط
دا رايى:)

Unknown يقول...

اللؤلؤة
وعليكم السلام ورحمة
الله تعـالى وبركاته
حاضر فى أقرب فرصة.

Unknown يقول...

romansy
روحين فى زكيبة!:)
ايه اللى جرى
للرومانسية
يارومنسى:)
نورتنى :)

Unknown يقول...

محمد عبد الوهاب
mhmdwahab
بص حاقولك وبصراحة
الصراحة والتلقائية
الشديدة فى زماننا دا
(بيودوا فى حاجات مش كويسة:)

Unknown يقول...

البرنسيـسة
الشمــوسـة
هو كده صح
محدش راضى ولا
مرتاح لحاله:)
نورتينا ياشموسة
***كلمة على جنب
ارجو ابلاغ سلامى
وتحياتى للأستـاذ
عمرو بدر أن كنت
تعرفين وسيلة للأتصال به.
دعواتى له ولكل من مثله
بالشفاء والصحة والرجوع
الينا بموفور الصحة والسعادة

Unknown يقول...

أم..بوبه
وعلشان كده
واجب علينا
نعرفهم الصح :)

Unknown يقول...

ENG./ELSAYED,PMP
مبسوطة انك ضحكت
ياباشمهندس ودايماً يارب
مدونتى ومحتواها تُدخل السرور
الى قلوب ضيوفنا الاعزاء.

Unknown يقول...

د/عرفـــه
طيب ما هو علشان
كده مفروض انها تتجمل
شوية :حتشوفها طبيعية
كتير يادكتور لمّا تزهق:)

Unknown يقول...

حبيبتى أم أحمد المصرية
مش حأقول ولا كلمة
زيادة على كلامك
الأ: ياعاقلة
ياراسية
أنتى :)

Unknown يقول...

استاذ تامــر
عاش من شافك
لعلك بخيـر
طيب قولهم
واعمل
فيهن معروف
يقعد لك فى صحتك
وعينك وعافيــتك

Unknown يقول...

ABOALI
يعنى موافق
على كل الكلام
أو معظم الكلام
اللى فيه بشرط
الصدق والمصداقية.

Unknown يقول...

م/محمود فوزى
كـان الله بالعون:)
زى ما قلت كتير من
الكلام معقول وعلشان
كده أنا حطيت الموضوع.
جزاك الله خيراً على دعواتك
ولك مثلها وأكثر.

Unknown يقول...

كلمات من نور
كان فيه كلمة بتقولها
جدتى لأحفادها الصبيان
(انت تقعد على البساط
وتختار ست البنات:)
معنى كده معندكيش
مشكلة ياأم الابناء.

Unknown يقول...

محمد الجرايحى
معلش استاذنا
مرة كدهـ ومرة كده

Unknown يقول...

نـــــــــــــور
الحمد لله فى كل وقت وحين
ويارب ما أتحرم من زيارتك
ولا كلامك الجميل ياباشمهندسة.

Unknown يقول...

خواطر شابـة
قدر ونصيب وووو
شووووووية تخطيط
دا رأيى معـلش:)

Unknown يقول...

لورنس العرب
لازم شوية تخطيط
دا رأيى بقى :)

Unknown يقول...

موناليزا
القسمة والنصيب
وسماع النصايح الغالية.

Unknown يقول...

الفقيرة إلى الله
أم الـبنات
هو انا أقدر؟
جاية حاااالاً .

Unknown يقول...

Lady E
نصها كده
والنص تانى
كده برضـه:)

Unknown يقول...

قلم دهـب 24
قلبك ابيض ما
تزعلش نفسك كده:)
بس بلاش مجلس الأمن دا
ما بيجيش فى صفنا ابداً.

Unknown يقول...

أُكتب بالرصاص
متهيأللى حيعملوهـ
مسلسل من 100حلقة :)

Unknown يقول...

حصـان المرجيحة
ما أحنا اتفقنا
قسمة ونصيب ممكن
مفيش اتوبيسات
خاااااااااالص
نصيبها كده:)

Unknown يقول...

الشاعر الفنان
أحمد فتحى فؤاد
نصيايح جميلة من
فنان وإنسان أشكرك
عليها بالنيابة عنهن
كلهن كلهن كلهن :)

Unknown يقول...

أنــا مش معاهم
خلص الكلية الاول
وبعدين أتقدم
وانت مش
حتترفض
أبداً.

Unknown يقول...

أحمد شريف
ونعم بالله وليس
بعد قــول الله
عز و جل قول.

لــــ زهــــــراء ــــولا يقول...

انا جيت اسلم واشوف احوالك يا اغلى دكتوره نورا
يارب تكونى بخير وسعاده ياااااااااارب

KEBLAWYAT يقول...

كيف تصطادين عريسا عشان يغسل الاطباق

mhmdwahab يقول...

انتى عايزة الصراحة لما يكون فى حب الانسان لا ينظر الى الماضى و الدليل ان يحى شاهين رجع تانى للبنى عبد العزيز بعد ما عرف عدم قدرتة على بعدها كان فيلم جميل و شريفة كمان اقصد لبنى هى و يحىء ومارى منيب الحماة كانت خرافة ما نفسكيش فى حماة مثلها تكسريلها بندقة و تجذبك من شعرك؟

mhmdwahab يقول...

انا مش فاهم الاستاذ الزعلان من غسيل الصحون اية يا سى سيد واية يعنى لما تغسل الصحون و تكوى الملابس و تقوم بكافة لزوم نظافة البيت و تشترى طلبات البيت كمان و تطبخ اية المانع رجالة اية دى المزرجنة لازم تبقى صاحب عقل متحرر.مثل حسين فهمى فى يا رجال العالم اتحدو.هو ضحى و قعد فى البيت و مراتة هى اللى اشتغلت و هو مسك المصروف.انا شخصيا مستعد اضحى و اعمل زى حسين بس ياريت حد يشوفلى عروسة تكون ايديها فرطة و بحبوحة و لا تكون بخيلة و انا اضحى على الاخر

Unknown يقول...

Dr Ibrahim
فعلاً قسمة ونصيب اولاً
لكن برضه(ومعانا زمايل
يعنى الحمد لله ملهومش فى اى
حاجة وتلاقيهم اتخطبوا واتجوزوا)
ممكن هن ما بيعملوش لكن لهم اسرة
بتعمل بمعنى علاقات عائلية وزيارات
وكده يعنى مش ضرورى من الكلية بس:)

Unknown يقول...

أبو على
مالك ؟
زعلان ليه؟
ماعـاش اللى
يزعلك ياابو على.

Unknown يقول...

MǿиY El-Shreef
الحمد لله ياباشمهندسة
انتِ عاملة ايه؟يارب
تكونى بخير وماشية بالدراسة
ايوووووة(داري ع شمعتك تقيد)
بحبه أنا المثل دا هو وحديث
رسول الله صلى الله عليه وسلم.

Unknown يقول...

أوراق الخريف
وعليكم السلام ورحمة
الله تعالى وبركاته
وتشرفنا بوجودك
وبتعليقك هذه
المرة.الكلام
فعلاً فيه كتير
من المعقولية
زى ما قلتى وعلشان
كده انا نشرته للأفادة.

Unknown يقول...

عاشــــــ النقاب ـقــــة
"نونو" ياأهلاً ياأم يوسف
نورتينى بعد غياب اهلاً وسهلاً
وربنا يهدى الحال لنا ولكِ
ولكل الناس .نورتينى مرة
تانية.

Unknown يقول...

تركي الغامدي
ومن أحسن من هدى
رسول الله صلى الله
عليه وسلم لكن
نزعتنا البشرية
وكما تفضلت وقولت.
نورتنا أستاذ تركى.

Unknown يقول...

لولا وزهـراء
تسلموا وتعيشوا
يارب وما أتحرم من
سؤالكم ولا طلتكم
الحلووووووووووة

Unknown يقول...

قبلاوى
حمدلله على
السلامة
يادكتور
منّورنا.

Unknown يقول...

محمد عبد الوهاب
mhmdwahab
زمن غير الزمن
يااستاذ محمد
ايه دوووونيا!

Unknown يقول...

محمد عبد الوهاب
mhmdwahab
خلاص اديك قلت
اللى انت مستعد له
وربنا يوفقك للى انت
عايز.

osama44 اسامه 44 يقول...

الجواز رزق
واقدر اقولك مثل شعبى بيقول
ام عيالك بتناديك
المهم الزوج يكون على خلق ودين

Unknown يقول...

osama44 اسامه 44
أممممممممم اول مرة أسمع
المثل دا ياأسامة بس فعلاً
كل شىء قسمة ونصيب وغير
نصيبك لن يصيبك:)

جلال كمال الجربانى يقول...

السلام عليكم

أهى ناس بتسترزق
"كيف تصطادين عريسـاً!!!"
ده على إعتبار إن العريس فريسه يعنى !!

ودمتِ بخير حال

Unknown يقول...

واحد من العمال
بأعتبار أنه فرصة
لاشمممممممكن تتعوض:)

mhmdwahab يقول...

اسيبك بقى علشان احضر الرضعة بتاعة الود مونى لازم تكون دافئة وزى دمعة العين

Unknown يقول...

محمد عبد الوهاب
mhmdwahab
:)

اقصوصه يقول...

بصراحه

الموضوع برمته بالنسبه لي

مثير جدا للضحك

لوووووووول

محد ياخذ إلا نصيبه :)

well يقول...

دا احنا طلعنا غلابة يا رجالة

تحياتى

Unknown يقول...

أقصـوصة
صح القسمة
والنصيب هما
الغالبــــــان

Unknown يقول...

well
هو انت
ما كنتش
تعرف ياويل؟:)

محمد عتلم يقول...

بخخخخخخخخخ

Atef Shahin يقول...

قسمة ونصيب وعدم مبالغة اهل الفتاة في طلباتهم

MMF يقول...

:)
ههههههههههه,
موضوع جميل

الجواز طبعا قسمة ونصيب.

rovy يقول...

صباح الفل عل عيونك دكتوره نور ..
وحشانى و بأعتذر لأنشغالى الفتره اللى فاتت كنت مشغوله مع اختى فى زفافها يا رب عقبال ما انشغل معاكى فى فرحك و أباركلك ..
البوست دمه خفيف جداا ..
طبعا الزواج قسمه ونصيب اكيد ..يا رب يسعد كل البنات :)

خالص مودتى و تحياتلى لكى

Unknown يقول...

عتليمووووو
كدهـ برضه:)

Unknown يقول...

Atef Shahin
كلامــك مضبوط
يافندم القسمة
والنصيب أولاً ثم
عمل العقل بعد
ذلك.

Unknown يقول...

MMF
مبسوطة لسرورك
ياباشمهندس والقسمة
والنصيب غالبان دائماً.

Unknown يقول...

rovy
يسعد أيامك
كلها يارب ياأم
ياسمين عقبال ما نبارك
لك على نجاح البنات وتفوقهم
أماالنصيب والقسمة فهما
الغالبان .

mhmdwahab يقول...

لو انسان عايز يكلم انسان اخر عن شىء لازم يستخدم وسيط ولا يتكلم مباشرة معة ولا حسب الموضوع ولا حسب الشخص دة بيحب الكلام المباشر ولا المقدمات او استخدام وسيط

Unknown يقول...

محمد عبد الوهاب
mhmdwahab
على حسب المرسل
والمرسل اليه والكلام
والمكان اللى حيتقال
فيه الكلام:أعتقد هذا!

mhmdwahab يقول...

وان كنت لا اعرف ما فى داخل او عقلية هذا الشخص ماذا يفضل المباشر ام التمهيد و المقدمات وان كان المكان مكشوف للجميع يعنى لو قلت لة شى كانى نشرتة فى اخبار اليوم

Unknown يقول...

أممممممم
صعب السؤال
بس لو فعلاً المكان
مكشوف بمعنى (أخبار اليوم)
يبقى لازمن ولابدن تفكر ألف مرة
قبل ما تسأل واحسن السؤال فىالسر
لعدم أحراج السائل والمسئول:صح؟

لمسة حنان يقول...

الزواج.... حاجة ربنا مقدرها

كل وحدة مكتوب لها عريسها مش هيخطأها ابدا

أما اسلوب الكتاب فهو مرح و فكاهي

وبالنسبه لمدونتك فهي بصراحه روعة

تحياتي لك

Unknown يقول...

لمسة حنـــان
فعلاً هو قسمة ونصيب
اولاً لكن برضة لابد من
الأخذ بالأسباب :الادب
الثقافةالعلم الاخلاق
كده يعنى ياعبد الله؟