الثلاثاء، مارس 18، 2008

سؤال واضح وصريح وباقى الى الابد


سؤال برىء وواضح وصريح ودايما كنت باساله لنفسى واخيرا ""وفقت له حل"""

ما سر العلاقه الغريبه من التنافر الشديد فى احدى طرفيها والتجاذب الشديد فى طرفها الاخر؟؟

اقصد التقبل والقبول من الممرضه او الحكيمه لكل ما يفعله الطبيب الرجل

والرفض والكره والتحفز لاى كلمة من الحكيمة للطبيبه السيدة

ليس هذا كلامى وحدى ولكنه كلام عامة الطبيبات(لما تفتح قلبها)

نحن نرى الممرضة وهى تسرع فى تنفيذ طلبات البيه الدكتتتتتتتتتتتور

اما نحن الطبيبات ........ايه ايه مش سامعه 000معلش نسيت000لا مش فاضيه000هذى بعض الردود التى تتلقها الطبيبه عامة من الممرضه (الافيما ندر حتى لا اكون ظالمة)

اريد ان اقول انى توصلت ان الممرضة تنظر الى الطبيب (كفرصه مازالت يمكن الوصول اليها0000بصراحة تتزوجه؟؟؟اه ليه لا, ولو حتى كان متجوز...فيها ايه!!!!0000مفيش ست بتاكل ست 000هذا ما اسمعه لتبرير الزواج الثانى)

فى حين انها تنظر الى الطبيبه كفرصة بل كحياة كاملة ضاعت منها بدون ذنب او جريرة وكمان حتشتغل تحت ايدها!!!ياخررررررابى

اعلم ان كلامى قد يثير حفيظة البعض ويقول لا ابدا (دى تهيوؤات ,وغرور, وتكبر, ومش عارفه ايه)ولكنه صحيح واسالوا زميلاتكم الطبيبات

هذا راىّ000000000ما رايكم دام فضلكم..

هناك 6 تعليقات:

أنا محتاج يقول...

طبعاً زي م أنتي قلتي ... الدكتورة أنثى والممرضة أنثى وفي صراع خفي ما بينهم ... كن الدكتور دا حاجة تانية خالص .... مش يمكن في يوم يحن عليها ويبصلها بصة تخليها لآخر العمر فرحانة ...
مش غرور ... لكن الواقع بيقول كتر من كدا خالص ..

الفارس الملثم يقول...

انا مش دكتور عشان اعرف , بس متهيالي كلامك ممكن يكون صح , بس اكيد علي الدكتورة انها تتغلب علي اي عداء او تحفز مسبق ممكن يكون من الانثي الممرضة . واكيد المعاملة الطيبة ليها تاثير السحر علي الاخرين ..

تقبلي مروري دائما

norahaty يقول...

السلام عليكم وبركاته
**انا محتاج**
يعنى انت متفق معايا انه صراع ولا لا ؟وانك بتشوف الضحكة لجهه والتكشيرة للجهه الاخرى
انا عانيت من هذا كثيرا زمان ,بس دلوقت خلاص فهمت الموضوع وباحاول ما احط فى بالى.
اوتقبل تحياتى
norahaty

norahaty يقول...

السلام عليكم ورحمة الله وبركاته
الفارس الملثم
كلامى صح والله وحتى لو حضرتك كنت دكتور ما كنت حتشوف "الوش التانى"ده مخصوص للطبيبات
ولعلمك ان الممرضه او الحكيمة بيقى عندها خبرة عملية اكثر مننا احنا الطبيبات (فى بداية التخرج)ولو الممرضة حبتك من الاول فعلا فعلا فعلا حتكون نعم المساعدة(وزى ما قلتك خصوصا اول ما بنشتغل)
وشكرا على المرور والتعليق
norahaty

Wael يقول...

انا برضو معنديش فكره انما " سيكولوجيا " اعتقد ان العداء ده طبيعى و ممكن حدوثه
والسبب زى ما قلتى انها ترى فى الطبيبه فرصه ضاعت منها او لانها امرأه مثلها ومن نفس جنسها وغير جديرة باعطاء الاوامر والطلبات , ايا كان السبب
هذا التفسير انا اقبله


اما تفسير ان الممرضات يطعن اوامر الطبيب الذكر لانهم يرون فيه فرصه للزواج ؟!!

مش قادر اقبل التفسير ده وان كان صحيح فى مواقف نادرة .

لكن التفسير فى رايى ان وضع الانثى الشرقيه - برغم المناهضات النسائية وحقوق المساواة وخلافه - ادنى من وضع الرجل وخصوصا فى المجتمع الشرقى . ودى ثقافة عامه فى المجتمع المصرى .

وبالتالى الممرضة الانثى بتنفذ اوامر الطبيب بترحاب لان مفيش تعارض مع ثقافتها .

والدليل ان فيه ممرض او عامل ذكر بيطيع اوامر الطبيبة الانثى , هل لانه عايز يتجوزها مثلا ؟

norahaty يقول...

السلام عليكم ورحمة الله وبركاته
د0وائل
كلامى مضبوط والله وعن تجربةكمان.اولا وبصراحةانا مثلا باروح الصبح:صباح الخير(ولو قلت يامدام فلانة يبقى كتر خيرى,لانى كل يوم رايحه الشغل بالغصب عنى!!!كل يوم!! اه كل يوم)المهم يجى زميلى بعد شويه:بيقول للحكيمه خللى بالك :صباح الخير ياعسل!!!!او صباح الخير ياجميل (لو طبيب محافظ شويه) نهارنا ابيض ...تبقى والنبى بالذمة تضحك فى وش مين فينا؟؟
شرفتنا يابروفيسير.norahaty