الثلاثاء، يونيو 10، 2008

بحث فى....


بسم الله الرحمن الرحيم
السلام عليكم ورحمة الله وبركاته
الحمد لله والصلاة والسلام على رسول الله وعلى آله وصحبه
، أما بعـد:

هو حديث سمعته ونُقل الىّ على انه حديث شريف

ولكنى والحمد لله توثقت بداية ان كان كذلك ام لا

حيث اننى ارتكبت غلطة فى مرة سابقة بمثل هذا
وكما يقال لا يلدغ مؤمن من جحر مرتين


فهذا هو الحديث :
التمس لأخيك 70 عذرا

وهذه هى نتيجة البحث:
الحمد لله والصلاة والسلام على رسول الله وعلى آله وصحبه


، أما بعـد:

فليس هذا حديثا، بل هو قول لجعفر بن محمد، أخرج الإمام البيهقي بسنده في شُعَب الإيمان إلى جعفر بن محمد قال: إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه.وأخرجه ابن عساكر بسنده إلى محمد بن سيرين من قوله أي من قول ابن سيرين، ولفظه: قال ابن سيرين: إذا بلغك عن أخيك شيء فالتمس له عذرا، فإن لم تجد له عذرا فقل لعل له عذرا.والله أعلم.

المفتـــي: مركز الفتوى .




جواب العلامة عبد العزيز بن باز رحمه الله وغفر له :لا أعلم له أصلاً، والمشروع للمؤمن أن يحترم أخاه إذا اعتذر إليه ويقبل عذره إذا أمكن ذلك ويحسن به الظن حيث أمكن ذلك حرصاً على سلامة القلوب من البغضاء، ورغبة في جمع الكلمة والتعاون على الخير، وقد روي عن عمر رضي الله عنه أنه قال: (لا تظن بكلمة صدرت من أخيك شراً وأنت تجد لها في الخير محملاً).

احترامي للج ــــميع

هناك 7 تعليقات:

ghoneem يقول...

أهلاً بيكي

أخبار حضرتك ايه ؟؟؟؟

التورتة طعمها حلو علي فكرة أوي أوي ..شكراً

هاخد جولة سريعة كدة وأرجع أعلق تاني

شكلي كدة فاتني كتييييييييييير

تحياتي ......

ghoneem يقول...

أنا جيييييييييت

لا أجد خير منها بداية
هي خير بداية وهل يوجد أفضل من كلام المولي عز وجل

2000
ألف مبروك
حضرتك ماشاء الله ماشاء الله بتعملي الألفين في شهر تقريباً
هوة الغريب ان عندك جنسيات كتير أوي أوي ....

قصيدة مضناك
أول مرة أسمعها بس حلوة والعود جامد جداً ......

أوباما
الرئيس القادم ماكين الجمهوري
أمريكا لن تنسي التفرقة العنصرية ولن تقبل بأوباما رئيسا لها
ع العموم
كلهم زي بعض وينفذو سياسة واحدة وفقط

أنا أشك اذا أنا أفكر
أي mania أنا ضدها
الشك المرضي متعب جداً جداً ربنا يشفي كل مريض
موضوع متميز درسناه ومش فاكر منه أي حاجة

ياللا نتفسح
مايوركا !!!!!!!!!!!!!!!!1
ربنا يسامحك
بتقلبي علينا المواجع
كلها كام يوم ونروح جمصة
هية شبه مايوركا بردو
فيها بردو أجمل المطاعم أجمل المناظر
شارع أم تيتي من أهم المعالم
هههههههههههههههههه
مش بروح والله جمصة بهزر معاكي
بحلف اه
أصله عار لو بروح جمصة

بحث في....
أنا أول مرة أسمع الحديث ده
ربنا يجازيكي خير للتوضيح

ربنا يجازيكي خير علي مجهودك
اتغديت واتعشيت
آكل التورتة وأروح أنام بقي

ياللا تصبحي علي خير
أشكرك لحضورك وكلماتك وأدعو لكي بالتوفيق

تحياتي
بالتوفيق................

norahaty يقول...

السلام عليكم ورحمة الله وبركاته
ghoneem**
أهلآبك ياطبيب
كيف حالك انت؟ وكيف العمل بالمستشفيات؟
(سر من الكنترول يادكتور غنيم حأعمل موضوع علشان حكاية حضانات مستشفى المطرية التعليمى لو حضرتك فاكره)المهم كلت التورتة؟حنتصور احنا جنب ايه دلوقتى؟ على العموم الف هنا وشفا.
وبرضه انا مش قدك فى التلخيص السريع والمفيد بس حأحاول اجاريك(بقول حاحاول!!!هه؟
*القرآن خير بداية لكل شىْ0(حقيقة لا تقبل اى جدال)
*الله يبارك فى حضرتك يارب
*2000 احنا من شهر فبرايرهنا !!!!انت ناسى .(هات التورتيه بقى!!!)بس فاضلى بتوع موريشيوس لو يجوا بالمره.
*اول مرة تسمع مضناك!!! ياكربنتس!!!
طيب الحمد لله ياعنى مش حتحس بالملل معانا.
*كلهم زي بعض وينفذو سياسة واحدة وفقط .ده الكلام المضبوط ولا كلام بعده
*انا ضدك فى كده لانك فى زمن صعب ولازم تكون (حريص خالص اوى جدآ) فى كل شىء.

*الحق علىّ!!فسحتك ببلاش!!
جمصة بقى لىّ اكتر من 20 سنه مارحتها ,وما عرفش ايه حالها الحين؟بس زمان والله يادكتور غنيم كانت ررررررررررررررررررررررررررررررروعة
ايوة جمصة كانت روعة زمان وخصوصآ الفلل بتاعة المحافظة اللى على البحر مباشرة(ما اعرف لسه موجودة ولا لأ)
*الحمد لله انا ماوضعت الحديث والا كانت حتبقى مشكلة تعرضت لها من قبل.
واحنا اللى متشكرررررررررررررررررين
على طريقتك فى العرض والتحليل والايضاح.
ومرة تانيه بالهنا والشفا
وتقبل تحياتى

nonoymm يقول...

السلام عليكم
ربنا يبارك فيكي دي معلومة جديدة علي فعلا
ربنا يجعله في ميزانك بان الله
تحياتي واعتذاري عن التاخر في الزيارة

بنات صاحبة الجلالة يقول...

الدكتورة الجميلة نورهاتي

كعادتك دوما تبحثي عن دقة معلوماتك وطبعا لازم كل واحد يلتمس لاخية العذر معلش اتلمسي العذر لحبييتك ريمو اني اتاخرت عليكي بس باركلي جبت مايك هههههههههه وحشتني والله جدا

تحياتي لكي

norahaty يقول...

السلام عليكم ورحمة الله وبركاته
nonoymm**
ويبارك فى حضرتك ياأم الابناء
والحمد لله ان هدنا لحمده وهدانى ان استوثق من صحة الحديث اولا قبل نشره
وقد وقعت فى خطأ سابق مثل هذا من قبل
(هل تتذكرينه؟؟؟)
وبارك الله فيك ولك
ولا أعتذار بين الاصدقاء ..اليس كذلك؟؟.
تحياتى ودعواتى

norahaty يقول...

السلام عليكم ورحمة الله وبركاته
بنات صاحبة الجلالة**
الحمد لله ان طمئنا الله عليكم وارجو ان تكونوا جميعآ بالف خير
وفعلآ هو إن لم يكن بالحديث الشريف عن رسول الله صلى الله عليه وسلم الا ان له معنى عظيم لو اتبعناه(لكن فى رأىّ الى حد معين ,وفى ظروف معينة ,ولاشخاص معينة....هل انتى معى فى هذا؟؟)
وتقبلى تحياتى للمرور والتعليق.