الجمعة، يونيو 27، 2008

عفوآ....اغنية قديمة....



سلامات سلامات سلامات
ضيعت عليه العمر يابوى
ده انا لىّ معاه

حكايات حكايات حكايات
وعلى
حسب
وداد
قلبى
يابوى

هناك 18 تعليقًا:

Unknown يقول...

bertoxxx
me toooooooooo

HANY YASSIN يقول...

اغنية جميلة
لثلاثى مبدع
تحياتى لك ولهم
هانى يس يس يس

nanosa يقول...

السلام عليكم
لا علي فكرة هي اغنية حلوة
واحنا بس عايزين نسمعها منك يا قمر
دي تدبيسة
ههههههههه

لكي تحياتي

Unknown يقول...

السلام عليكم ورحمة الله وبركاته
أ.هانى ياسين
هل حقآ تحبها ؟
هى جميلة جدآ فى رايىّ
وانا احبها جدآ
تشكرات يافندم
للمرور والتعليق.

الفارس الملثم يقول...

صباح الخير يا دكتوره

بس ايه اللي فكرك بالاغنيه دي دلوقتي مممممممممم

هو مين صح اللي كان كاتبها ؟؟؟؟؟؟؟؟

Unknown يقول...

السلام عليكم ورحمة الله وبركاته
محمد الفارس الملثم
الافكار والمفكرات كتيرة ما تحمل هم
اما بالنسبة للاغنية :
المؤلف:صلاح ابو اسماعيل
الملحن :بليغ حمدى
وطبعآ المغنى عبد الحليم.....
شفت ازاى عارفه كل حاجة.
احتراماتى.

Unknown يقول...

السلام عليكم ورحمة الله وبركاته
nanosa
يامرحبا يامرحبا يامرحبا
اول زيارة لمدونتنا المتواضعة
وعايزة تدبيسينى!!!
صدقينى نفسى كده موتتتتتت اغنى بس (صعبان علىّ الجيران)
ذنبهم ايه؟؟؟
ولكِ احتراماتى

Amgad يقول...

صباح الفل علي احلي نورا ف الدنيا بجد انا الدنيا مش سايعاني لما بشوفك بتعلقي علي رسايلي والمدونة بتنور عندما تطأها قدماكي
بس نفسي اعرف نورهاتي يعني ايه

Unknown يقول...

السلام عليكم ورحمة الله وبركاته
Amged
صباح النور يافندم
اخجلتم تواضوعنا يافندم
والمدونة منورة بأهلها واللى
فيها
واللى نفسك فيه ده صعب تحقيقه
هههههههه
ليس كل ما يطلبه المرء ينالهُ.
مش هما بيقولوا كده فى الشعر

Unknown يقول...

هو الحبر خلص ولا النت فصل

دانا زعلان زعل

بقي انا اقعد استني البوست اللي هتكتبيه تقومي تكتبي خمس سطور

ينفع كده اي نعم هما حلوين اوي وعجبوني وضحكوني بس انا مستني منك اكتر

عايز بوست يكسر الدنيا

بررررررقش الجن

Unknown يقول...
أزال المؤلف هذا التعليق.
Unknown يقول...

على حسب وداد قلبي يا بوي .. راح اقول للطير سلامات
ضيعت عليه العمر يا بوي .. وانا لي معاه حكايات
على حسب وداد قلبي يا بوي
موال الصبر اهو داب .. من يوم الحب ما غاب
ولا عمري يا عين يا ليل يا عين .. يا ليل ما تقرب لينا احباب
وانا صابر على المقسوم .. يمكن يرجعلي في يوم
وتكون لي معاه تاني يا بوي .. ايام حلوه وحكايات
على حسب وداد قلبي يا بوي

على حسب الريح ما يودي الريح ما يودي
وياه انا ماشي ماشي .. ماشي ولا بيدي
معرفش ان كنت مروح .. ولا امتى الهوى هايهدى
واهي دنيا بتلعب بينا .. يمكن ترجع غناوينا
وتكون لي معاه تاني يا بوي.. ايام حلوه وحكايات
على حسب وداد قلبي يا بوي
(لا هاسلم بالمكتوب) .. ولا هارضى ابات مغلوب
وحقول للدنيا يا دنيا .. انا راجع انا راجع للمحبوب
ونغني اغاني جديده .. مليانه حكاوي سعيده
ونغزل توب الفرحه يا بوي .. واقول يا حبيبي سلامات
سلامات .. سلامات .. سلامات
على حسب وداد قلبي يا بوي








الجمله بين الاقواس بس مش عجباني واختلف معاها لانها فيها شرك بالله لكن باقي كلمات الاغنيه عاجبني

وتشكري يازوق

ولما قلتلك عايز بوست كبير ده من عشمي اوعي تزعلي

Unknown يقول...

يشرفني أن أدعوك لزيارة مدونتي ووضع لمساتك عليها..
أنتظر الزيارة
تحيتي لك
مدونتي هنا
http://kanyatklam.blogspot.com/

Unknown يقول...

السلام عليكم ورحمة الله وبركاته
توضيح وتصحيح*****
مؤلف اغنية :على حسب وداد قلبى
هو الشاعر صلاح ابوسالم
وعذرآ للخطأ

Unknown يقول...

السلام عليكم ورحمة الله وبركاته
(1+2 )bar2ash
اهلا وسهلا ياصيدلى
الحمد لله وبعيدعن السامعين والحاضريين والغايبين كمان النت ما انقطع(بقولك ايه ياصيدلى ما تفتح السيرة دى احسن الهى لا يسيئك النت عندى حساس للغاية واول مابيسمع الكلمة بيقطع على طول تقلش بيفتكر!!!
والبوست ان شاء الله جاى ما تستعجل على رزقك,بس اصل النهاردة الجمعة حبيت اعمل شوية تغير.
وماتخافش انا من مبدأ لازعل بين الاصدقاء ولو حتى حصل فالمعاتبة وتوضيح الامور كافية لانهاء الزعل
وبعدين ايه حكاية براقش الجن دى!!!
واحد يسمى نفسه التنين المحارب بعد ما كان شاعر وانت ياصيدلى تقولى الجن!!
اشتاتآ اشتوت
تسلم للمرور والتعليق
و ماتحججش ياصيدلى البوستات كتير قبل كده علق عليها زى ما انت عايز....بس كش ملك!!!!
سلام

Unknown يقول...

السلام عليكم ورحمة الله وبركاته
كاتب مصرى
تمت الزيارة يافندم والحمد لله وليتها ما تمت !!!!!!؟؟؟؟؟؟
اقولك بالراحة اصل الزيارات دى بتورينى حجم تواضع مدونتى بين المدونات الصديقة وان كل اللى بيتقالى ده من صنف المجاملات الذوقية (اصل ربنا رزقنى بحبة جيران طيبين اوى ما بيحبوش يكسفوا حد وبيجاملوا الناس المساكين اللى زيىّ
المهم انت نورتنا ومتشكريين انك عرفتنا الطريق الى مدونتك.

Blue Nile يقول...

اختيارك جميل للاغنية
انا بحبها اوي واي حاجة عملها العندليب جميلة
تحياتي يا دكتورة

ΜĄЙĄЯ يقول...

أغنية جميلة اوى واختيار جميل كمان يا دكتور نورا.

بس أنا كنت عايزة أقولك أن تصميم المدونة رومانسى والمواضيع بجد أكثر من رائعه.

بجد ذوقك جميل اوى فى اختيار كل حاجة.