الثلاثاء، أغسطس 12، 2008

سبحان الله العظيم ........سبحان الله العظيم


لا يختلف احد فى اهمية الرضاعة الطبيعية للوليد
وكلنا نعلم ذلك ومتأكدين منه
ولكن ما اريد أن اضيفه اليوم هو بعض الحقائق
العلمية عن تكوين لبن الام والاختلافات التى تحدث به
اثناء اليوم وحتى اثناء الرضعة الواحدة
وهى وإن دلت على شىء فأنها تدل على قدرة الخالق سبحانه وتعالى
ففى حديث لاحدى الصحف القاهرية
يقول الاستاذ الدكتور
:أحمد السعيد يونس استشارى طب الاطفال
ان لبن الام فى الايام الثلاثة الاولى لخروجه للحياة وهو
ما يسمى لبن المسمار يتكون من اجسام مضادة للميكروبات و احماض امينية وسكريات لبنية سهلة الهضم وسريعة الامتصاص وهكذا فأن لبن المسمار وكما يسمى يعطى الطفل حمايه ضد العالم الخارجى الذى تعرض له الوليد لاول مرة وكما يمده بالطاقة اللازمة ليوفر للوليد الحمايه والراحة حتى يلتقط انفاسه الاولى ويبدأ جهازه المناعى فى العمل
ايضآ يضيف الدكتوراحمد السعيد يونس
ان اللبن نفسه يتكيف اثناء النهار على حسب احتياجات
الطفل ففى الصباح تكون كمية السكريات اكثر حتى تمده بالطاقة اللازمة خلال اليوم
ولبن المساء به محتوى اكثر من الدهون لتمنح الطفل احساسآ بالشبع تساعده على النوم
والاكثر من ذلك ان تكوين اللبن فى الرضعة الواحدة يختلف ففى البداية تكون كمية الماء اكثر لاطفاء الظمأ ثم تكون السكريات لاعطاء الطاقة وفى النهاية تأتى الدهنيات لتعطى الاحساس بالامتلاء والشبع
فسبحان الله العظيم جلت قدرته وعظم شأنه وتقدست اسمائه وصفاته

هناك 31 تعليقًا:

Empress appy يقول...

عارفه يا نور لما اختى ولدت شيلت لها ايمو ابنها وخلتع=ها رضعته على الرغم من انها والده سيزيرين بس انا صممت على كده والحمد لله الولد بخير ربنا يخليه لها

غير معرف يقول...

سبحان الله ..وشوفى بقه الام بتبقه عايزه تعصر نفسها عشان خاطر ابنها فكرتينى بعبد الرحمن وانا من 3 سنيين يا حبيبى ربنا يبارك فى عمره ويبارك فى عمرك يا نور ويكرمك دنيا واخره على مواضيعك الجميله دى ...فى رعاية الله وامنه وكل سنه وانتى طيبه يا حبيبتى..

اوعى تفكر يقول...

سبحان الله !!!!!!!!!!!!!!!!!!

Unknown يقول...

السلام عليكم ورحمة الله وبركاته
appy
حمدلله على سلامة اختك وابنها
وهذا عين الصواب ما فعلته
وإن كان أن نريح الام قليلا
بعد الولادة فلا مانع ولا ضرر
إن شاء الله.وعقبال ما نبارك لك
ونهنأ ونزغرد ونطبل و
حاجات كتير حتعرفيها
ساعتها إن شاء الله

Unknown يقول...

السلام عليكم ورحمة الله وبركاته
الأستاذة محاسن صابر
مدونة عايزة اتطلق
ربنا هو الخالق للعباد
وهو المتكفل بهم من اول لحظة
من ايجادهم من العدم بس احنا
اللى بنستعجل رزقنا ياأستاذة
ربنا يبارك لك فى ولدكى
واعناك على تنشئته
صحيحآ جسدآ وروحآ
(فى زمن صعب جدآ
واسألينى انا)
وكل عام والجميع
بخير وصحة وعافية

Unknown يقول...

السلام عليكم ورحمة الله وبركاته
اوعى تفكر
(قولى ازاى ؟؟)
سبحان الله نقولها
كلما نظرنا فى الكون
حولنا فقدرة الله حولنا
تعجزنا عن الكلام احيانا
حتى يصير لا كلمة تعبر
عن دهشتنا الا
سبحان الله

عاشــــــ النقاب ـقــــة"نونو" يقول...

السلام عليكم
حبيبتي
وحشاني
بقيتي مقلة ليه
مش واخدة على كدة
صباحك سكر زيادة
سبحان الله
ومن اجمل لحظات الام وقت الرضاعة واللي تقول غير كدة ما تبقاش
ربنا يديم علينا النعمة يارب
سبح اسم ربك الاعلى الذي خلق فسوى
تحياتي

Unknown يقول...

السلام عليكم ورحمة الله وبركاته
عاشقة النقاب
نونو العزيزة
جزاكى الله كل الخير أم يوسف ومتعكى بالصحة والعافية وهدى لكى اولادك
وهدى الامهات لما فيه مصلحة ابنائهم
ولو اتبعوا فطرتهم لهدتهم الى ما فيه خيرهم وخير ابنائهم.
سلامى لكى وتحياتى
على كلماتك الراقية
ومجاملتك اللطيفة .

rovy يقول...

سبحان الله العظيم اختى الحبيبه ..
اكيد لا يسعنا الا ان نقول سبحان الله

كل عام وانتى بخير بمناسبه نصف شعبان و اللهم بلغنا رمضان على خير ان شاء الله .. امين

عاوزه اسلم عليكى كمان لأنى ان شاء الله من بعد يوم 16 فى اجازه وحتى ليلة رمضان و سأعود اسلم و اهنىء بالشهر المبارك ثم اجازه اخرى الى ان اعيد عليكم جميعا حفظكم و اسعدكم الرحمن احبائى فى الله ..
فكل عام وانتى بخير
تحياتى

Unknown يقول...

لسلام عليكم ورحمة الله وبركاته
روفى العزيزة
أم ياسمين
وانا ايضآ اسلم عليكى
سلام محبة فى الله تعالى راجية
أن يبارك لنا الله فى ايامنا هذه
وان يتقبل منك ومنا ومن المسلمين
اجمعين صالح الاعمال وان يجمعنا تحت مظلة
الاسلام والقرآن ويهب لنا ما نرجوه من الخير لدنيانا ولاخرتنا .امين امين
أمييييييييييييييييييييييييييييين

dodda يقول...

موضوع جميل
ربنا سبحانه بيرزق الكبير والصغير
ربنا يهدى الامهات وميستسهلوش وينتقلوا للرضاعه الصناعيه

لازم يكون فيه صبر ومثابره

للاسف كتير من الامهات مش بيتمسكوا بالرضاعه وبيجنوا على اطفالهم

غير معرف يقول...

دكتورة نور


معلومات مفيدة جداا متجيش غيرمن دكتورة

ويا سبحان الله

تحياتى لقلمك

mohamed يقول...

عرض ممتاز
وأسمحى لى أن أضيف ان هناك اسرار تتجاوز الجانب المادى والحسى للرضاعة, نعرف بعضها بتفسير نفسى بحكم الملاحظة مثل الاستقرار النفسى للام والرضيع,او أن الام تكن محصنة فى هذة المرحلة ضدد الكثير من الامراض
ولكن دعينى أذكرك بالاية التالية
بسم اللة الرحمن الرحيم

{وَأَوْحَيْنَا إِلَى أُمِّ مُوسَى أَنْ أَرْضِعِيهِ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلَا تَخَافِي وَلَا تَحْزَنِي إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ }القصص7
والاية التالية
{وَحَرَّمْنَا عَلَيْهِ الْمَرَاضِعَ مِن قَبْلُ فَقَالَتْ هَلْ أَدُلُّكُمْ عَلَى أَهْلِ بَيْتٍ يَكْفُلُونَهُ لَكُمْ وَهُمْ لَهُ نَاصِحُونَ }القصص12
والاية التالية
{وَأَصْبَحَ فُؤَادُ أُمِّ مُوسَى فَارِغاً إِن كَادَتْ لَتُبْدِي بِهِ لَوْلَا أَن رَّبَطْنَا عَلَى قَلْبِهَا لِتَكُونَ مِنَ الْمُؤْمِنِينَ }القصص10

الرضاعة فيها من الاسرار ما لانعلم
مع تحياتى

Unknown يقول...

السلام عليكم ورحمة الله وبركاته
mohamed
لله فى كونه العظيم اسرار وخفايا لا يكشفها لخلقه الا بمقدار وقدر وفى كل يوم يكشف القرآن العظيم بعضآ من تلك الاسرار والخفايا(لكن المهم من يقرأ ومن يفهم ومن يعى ومن يعمل بكل هذا؟)
تحياتى لك يامحمد ولتعليقك المتميز.

maYHam يقول...

دا دوري لأعدي صبح الجمعة ابركة وأقول صباح الخيرات والسعادةوالأمل والحب والنجاح

الرضاعة الطبيعية دي شيء عظيم ... فكرتيني برئيسة قسم الأطفال عندنا ... واخدة الدكتوراة في الرضاعة وماتعرفش حاجة في الطب غير الرضاعة

المهم
كل سنة وإنتي طيبة

Unknown يقول...

السلام عليكم ورحمة الله وبركاته
انت من كنت محتاجآ
واغناك الله من فضله
صباح النور والخير والامل فى الله سبحانه وتعالى والذى لايخيب امل الطامعين فى كرمه ابدآ
وانت فكرتنى بخطيب احدى بنات اخواتى (ماكان يعرف يتكلم فى الدنيا الا عن الدوائر الكهربية ....حياته واكله وشربه ونومه الدواير الكهربيه
لما ياعينى جاب للبت التذبذبات)
ناس عباقرة بس احنا اللى مش فاهمنهم
ونهارك ابيض إن شاء الله وكل سنة وانت طيب وربنا يوفق الجميع يارب.

بنت سيناء.. يقول...

الرضاعة شئ ربانى ومعلومة تانية لا يجب على الطفل ان ياخذ لبن خارجى الا بعد مرور عام علية طالما انة يرضع من امة..والفطم المبكر لا يجلب مناعة للطفل..تحياتى لكى..

Unknown يقول...

السلام عليكم ورحمة الله وبركاته
بنت سيناء
ياأهلا بكِ فى مدونتى لاول مرة
وكمان اهلا بكِ فى عالم المدونات
وكما قلتى لا يختلف اثنين على الاهمية الكبيرة النفسية والعضوية للرضاعة الطبيعية وكل يوم نكتشف جديدآ ...
وسبحان الله كاشف الاسرار
تحياتى لكى
للزيارة
والتعليق

مها يقول...

نوراهاتى
أشكرك على مناقشة مثل هذا الموضوع المهم وتذكير كل أم بأهمية بناء علاقة جيدة مع وليدها منذ اللحظة التى ترى عينيه فيها النور..
وهذه قطرة واحدة فقط من فيوضات الخالق سبحانه وتعالى على الإنسان منذ لحظة الميلاد.. فمعجزة علاقة الأم بوليدها نفسياً وبيولوجياً ما زالت تكشف لنا كل يوم أسراراً جديدة.. وسبحان العلى القدير الذى هو أقرب إلينا من حبل الوريد

Wael يقول...

سبحان الله العليم الحكيم

جميل يا بروفيسير البوست جدا (:

زمرده يقول...

سبحان الله في كل ماخلق الله الخير

الله يجزيك الخير

Unknown يقول...

السلام عليكم ورحمة الله وبركاته
الغالية مها
فيوضات الله
لاتنضب ولا تنتهى
ولكنه يمن علينا بعلمه
بالقدر المعلوم الذى
يرضاه لنا
ومعجزة علاقةالام ووليدها
تُعجز الانسان عن
الكلام فى بعض الاحايين
دامت زارتاك
ودامت تعليقاتك
الحبيبة

Unknown يقول...

السلام عليكم ورحمة الله وبركاته
Dr.WAEL
سبحان الله العظيم
جملة لن تفارقك
فى كل افرع دراستك
وبالاكثر حينما تدرس
علم الاجنة :ستبهر والله
من العظمةوالقدرة الالهية
فى مراحل تكوين الانسان
(شىء لا يصدقه عقل
والله يابروفسييير)
شكر الله لك كلامك
والشكر لله من
قبل ومن بعد.

Unknown يقول...

السلام عليكم ورحمة الله وبركاته
زمردة
وكوكبها الزمردى
سبحان الله جمله لا تفارق
شفتيك كلما نظرت يمينآ او يسارآ
فى الكون الفسيح وتمعنتى فى خلق
الله عز جل سبحانه وتعالى.
وجزاكى الله الخير
على المرور
والتعليق.

بنات صاحبة الجلالة يقول...

حبيبتي وحشتني جدا فيييييينك مش عارفة اكلمك من بدري اية البوست الجميل دا

الاول صورة البيبي تجنن حلوة اوي بتفكرني بنفسي زمان ههههههه بس انا كنت علي اوحش

وحقا سبحان الله ربنا جعل لبن المسمار دا ليقي من كافة الاامراض ويجعل عند الطفل مناعه ربنا يحمي كل الاطفال يارب

وتسلم ايديكي علي المعلومات الطبية الجميلة واسعدني سؤالك علينا منتحرمش منك يارب

خالص تقديري

غير معرف يقول...

اختى الحبيبه نور..كل رمضان وانتى بالف خير انا حبيت اهنيكى بالشهر الفضيل من بدري ربنا يعودها علينا جميعا بالف خير ويتقبل منا الصيام لوجهه الكريم ربنا يصلح حالك وحالنا جميعا..وكل رمضان وانتى بالف الف خير ...فى رعاية الله وامنه..

Unknown يقول...

السلام عليكم ورحمة الله وبركاته
بنات وملكات صاحبة الجلالة
اهلا وسهلا بيكى ياحبيبتى
ومااتحرمش منك ومن سؤالك على وردك كمان علىّ وكمان وكمان وكمان
مهما قلنا لسه فيه اسرار واسرار لم يكشف عنها رب العالمين(وماأُوتيتم من العلم الا قليلا)صدق الله العظيم
وبعدين تعالى هنا بقى الصورة دى شبهك وانتى صغيرة(بس انا كنت علي اوحش )انت بتبعدى عنك العين ولا ايه؟انا اعتقد انك كنتى ومازلتى احلى الف مرة(ياستى انا شايفاكى ده انت زعلانة ليه؟كل واحد ونظره بقى!!!)ربنا يخليكوا لى وماتحرمش منك ابدآ ياريمو يابيبى.

Unknown يقول...

السلام عليكم ورحمة الله وبركاته
dodda
فعلا الرضاعة الطبيعية لا غنى عنها ولا استغناء وكل يوم نكتشف او يكشف لنا الله اسرار جديدة
سبحان الله سبحان الله سبحان الله
لو الامهات بس يعرفوا ويصبروا ما يقربوا من شىء اسمه لبن صناعى ابدآ
تحياتى لكى ودعواتى للجميع بالهداية.

Unknown يقول...

السلام عليكم ورحمة الله وبركاته
الاستاذة محاسن صابر
مدونة عايزة اتطلق
بارك الله فيكى وكل عام وانت وكل احبابك والمسلمين جميعآ بخير وصحة وعافية
اعاد الله هذه الايام علينا وعلى الاسلام والمسلمين وهم بالف صحة وعافية
تحياتى لكى ومايحرمنيش ربنا منك

غير معرف يقول...

دكتورتى الجميله ليكى اسئله عندى او تاج فاتفضلى خديه واعرفى القصه...وليا زياره بتعليق على الموضوع المهمممممممممم قوى ده ...فى رعاية الله..

Unknown يقول...

السلام عليكم ورحمة الله وبركاته
أ.محاسن صابر
الف شكر على هديتك الغالية
وحالآ اروح عندك اشوف الموضوع
وتشكراتى مرة تانية
واحتراماتى ودعواتى.