الخميس، نوفمبر 20، 2008

تعارض!!!



احب انا الامثال الشعبية اوى ودايما اقول انها خبرات وتجارب اجيال واجيال كمان لكن ساعات كتير أجد تعارض بين بعضها البعض بالحقيقة ما بدقش واللى يمشى معاى بمشيه لكن لما الاقى تعارض بينها وبين كلام رسولى صلى الله عليه وسلم يبقى ساعتها لازم ما اسمع المثل خالص وبالعكس اوضح انه خطأ
المثل اللى قصده عليه هو (كتر السلام يقل المعرفة )فى حين ان رسولنا قال(لا تدخلوا الجنّة حتى تُؤمنوا ولا تُؤمنوا حتى تحابوا، أولا أدلكم على شيء إذا فعلتموه تحاببتم؟ أفشوا السلام بينكم)رواه مسلم. اى
انه يحض على افشاء بمعنى كثرة او الاكثار او الوفرة من السلام حتى انه صلى الله عليه وسلم قال( إذا لقي أحدكم أخاه فليسلم عليه، فإن حالت بينهما شجرة أو جدار أو حجر ثم لقيه فيسلم عليه)رواه ابو داوود و صدق رسولى الكريم. يااااااااااخبر لهذه الدرجة ياسيدى يارسول الله بقى لما اكون ماشية مع صديقتى وتيجى شجرة بينا تفرق بينا احنا الاتنين ونرجع نمشى مع بعض لازم اسلم عليها تانى فين ده من الحاصل الحين اللى يمكن الانسان ما بيسلم على اقرب الاقربين اليه الا فى المناسبات
وهو مضطر كمان احيانا !! ياخبر على عظمة ديننا
يبقى مين الاحق بالاتباع ؟ مفيش خلاف كلام رسولك طبعآ
وسمعنا الصلاة
على من سوف يشفع لنا عند ربى وربك ورب الكون كله بأذن ربى وربك ورب الكون كله
اللهم صلى على محمد وعلى آل محمد كما صليت على ابراهيم وآل ابراهيم انك حميد مجيد
وبارك على محمد وآل محمد كما باركت على ابراهيم وآل ابراهيم انك حميد مجيد

هناك 67 تعليقًا:

هانى زينهم يقول...

زمان يا دكتور اول بوست ليا كان عن الامثال الشعبية وحضرتك كنتى اول حد علق عندى وكان تعليقك ممتع وفيه مجموعة كبيرة من الامثال اللى حضرتك كتبتيها الظاهر حضرتك تخصص امثال !!
اما السلام اللى يقصده الرسول " صلى الله عليه وسلم " فهو الامان يعنى ان تجدد عهدك بالامان لاخيك وان تريه من نفسك امنا عليه .
ما فيش شك ان امثالنا منها كتير مفيد جدا ومنها يودى فى داهية . والعاقل بقه يختار .موضوع جميل يا دكتور كالعادة .

mohamed ghalia يقول...

فعلا السلام دائما مدعاة للحب والخير
فى سلوكيات كتير محتاجين نغيرها
تحياتى

Unknown يقول...

السلام عليكم ورحمة
الله تعالى وبركاته
الاستاذ هانى زينهم
نورت يافندم وأجازة سعيدة بأذن الله
اما امثالنا الشعبية او الامثال بصفة خاصة فهى مدرسة اه والله يامستر هانى مدرسة للى يعرفها ويحفظها ويقارن بينها لان بعضها زى ماانت بتقول
(يودى فى داهية )والعاقل يختار
فعلا العاقل يختار
نورتنا يامستر هانى
ودايماً يارب منورنا.

Dr. Ibrahim يقول...

فعلا قد يكون هناك تناقض مع الشريعة
وهذا قد يكون عن جهل

ولكن هناك أمثال صحيحة فى الواقع


ولكن يجب ان يعلم الجميع بالحقيقة

بارك الله فيكم

Kiara يقول...

ي الحلق للي بلا ودان

ده ينم عن عدم معرفه بجد

معاكي حق ياقمر في كلامك

الفارس الملثم يقول...

اكيد السلام يحمل قيمه هامه جدا في الاسلام من اجل اشاعه الحب والود والامان بين افراد المجتمع , ودائما الاسلام مدرك لطبيعة النفس البشريه ويحرص ان تنعم في محتمع يسوده السلام والطمانينه

علي فكره يا دكتوره طلع الزهايمر من عندي انا , انا علقت تاني تعليق في البوست اللي فات اللي هو احلام ضائعه اصلي كنت ناسي اني مسجل في اميلي بتاع جوجل التاني اللي بستخدمه في تلقي الرسايل وده غير بتاع المدونه , ربنا يستر ومنساش اسمي بعد كده ممممممم

سلاممممممممممممم

صباح الصباح يقول...

الرسول الكريم لا ينطق عن الهوى.. اننان لو تمسكنا بهدية ما كنا وصل بنا الحال الى هذا الخلاف والشقاق والحقد

اكبر صح

عمرو يقول...

مش كل الأمثال الشعبيه صح فعلا
مثلا مثل زى عش ندل تموت مستور
و أمثال تانيه تودى فى أبو نكله ههههه
اللهم صلى على سيدنا محمد لا ينطق عن الهوى

Unknown يقول...

السلام عليكم ورحمة
الله تعالى وبركاته
mohamed ghalia
كلمة السلام لوحدها والله
حلوة لما الواحد ساعات بيفكر
كده ولما بتسمعها من اى غريب داخل
عليك بتدى لك احساس بالامن
وحتى بتهدى النفس لو انت
متنرفز مثلا او متعصب.
والسلام عليكم ورحمة
الله تعالى وبركاته

Unknown يقول...

السلام عليكم ورحمة
الله تعالى وبركاته
Dr.Ibrahim Samaha
اكيد طبعاًلانها زى ما
قلت تجارب شعوب وأجيال
فلازم يكون فيها الصحيح جداً
لكن ما يمنع يكون فيها(اشياء
مندسة وغير صحيحة)والناصح من
عرف وعلم والتزم ولزم .
وبارك الله فيكم ولكم

Unknown يقول...

السلام عليكم ورحمة
الله تعالى وبركاته
مولان
ماهو من واجبنا
اننا نعرف من لا يعرف
ماهى دى من اصول الاسلام
ان تهدى اخاك واختك للحق والحقيقة
ونورتينى انتى اكتر يامولان .

Unknown يقول...

السلام عليكم ورحمة
الله تعالى وبركاته
محمد الفارس الملثم
زى ما قلت بالضبط انا لما بسمع الكلمة من حد جاى عليا بيبقى لها تأثير جميل والله يامحمد (بتهدى النفس وكأنها سحر بالضبط)وخاصة لو الواحد مضايق او متنرفز قبلها على طول .
والحمد لله ياسيدى عرفت بقى ان مفيش حاجة عندنا بتضيع ولا بتروح كل حاجة عندنا فى الحفظ والصون كمان ماتخافش!!
وتسلم للمرور والتعليق
يامحمد
ياصاحبى.

Unknown يقول...

السلام عليكم ورحمة
الله تعالى وبركاته
صباح الصباح
بسم الله الرحمن الرحيم
(وَمَا يَنطِقُ عَنِ الْهَوَى3-
إِنْ هُوَ إِلَّا وَحْيٌ يُوحَى4-
عَلَّمَهُ شَدِيدُ الْقُوَى-5-)
صدق الله العظيم(سورة النجم)
وفعلا لو تمسكنا بهديه ما اصبح
حالنا كما هو فيه الان
اللهم اعنا على اتباع هديه
وتسلم للمرور والتعليق

Unknown يقول...

السلام عليكم ورحمة
الله تعالى وبركاته
عمرو
مضبوط كلامك ياأستاذ عمرو
فيها صح الصح وفيها تودى فى
(داهية )على رأى الاستاذهانى زينهم
او تودى فى ابو نكله على رأى حضرتك
واللهم صلى وسلم وبارك عليه وعلى آله وصحبه وسلم تسليماً
لا اول له ولا أخر
ما طلع الليل والنهار

تسنيم محمود حسين يقول...

السلام عليكم ورحمة الله وبركاته

معاكى حق لازم قبل من قول اى مثال من الأمثله الشعبيه أو اى كلام تانى لازم نرجعه للشرع الأول ونشوف ده بيوافق شريعتنا ولالأ....
وبالنسبه للمثال المفروض نغيره ويبقى(كثر السلام يزيد المعرفه والحسنات)

والسلام عليكم

romansy يقول...

عزيزتى
فيه امثال كتير احنا قولناها وصدقناها مع انها متعارضه مع ديننا
بس المفروض اننا مش نعمل بالامثال دى ونحاول نمشى على الطريقه الاسلاميه

نحياتى

من غير عنـــوان يقول...

للإسف كثير من الأمثال الشعبية لو تمعنّا فيها لوجدنا مثل ما كتبت

وعلى الوجه الآخر
داري على شمعتك تإيد( أي تنور)
هو ترجمة للحديث الخاص بالإستعانة على قضاء الحوائج بالكتمان

وأظن أن المعكوسات هي إسرائيليات تم إدخالها إلى مفردات العربية

أمنياتي

صابر وراضى يقول...

وعليكم السلاااااااااام
فعلا فى امثال كتبره حلوه وفى امثال كتيره بتعارض مع الاسلام زى مثلا
يعطى الحلق للى بلى ودان
اومثلا زرق الهبل على المجانين
اعتقد والله اعلم ان واحد مسطول قال الامثال دى

هى فوضى يقول...

فى امثلة كتير
فيها حكم وصحيحة بشكل كبير وفى العكس ايضا كل ومثلة بقى

وفاء بركات يقول...

السلام عليكم
صلوات الله وسلامه عليك ياحبيبي يارسول الله ..
فيه أمثال كتير تتعارض مع الدين ياريت تتناوليها يادكتوره بما لديك من علم وأسلوب أدبي رشيق ..
تحياتي

محمد عبد الباسط يقول...

شوية امثال تحنق

انت بقى اللى هتغير الكون
اللى يبص لفوق يتعب
اللى نعرفه احسن من اللى نعرفوش

الحقيقة كنت كتبت موضوع عن اصنام فكرية كان فيه هذا الجانب
http://7elmkbir.blogspot.com/2008/10/blog-post_16.html

تقبلوا تحياتي وكل عام وانتم بخير

حلم كبير

مها يقول...

نوراهاتى
دايما لك نظرة مختلفة للأمور.. صحيح الأمثلة الشعبية بها الكثير من السلبيات ويحضرنى الآن مثال مشهور وهو: امشى سنة ولا تعدى قناة.. وهو يشجع على الكسل واللى تعرفه احسن من اللى متعرفوش..
وبالنسبة للمثل القائل كتر السلام يقل المعرفة فأنا اعتقد انه لا يقصد ان الناس ما تسلم على بعضها .. ولكن يقصد المبالغة فى السلام حتى يزهق المضيف من الضيف أو العكس.. فالمبالغة مشاعر مصطنعة وغير حقيقة وتصنع حاجزاً بين البشر وقد تقل المعرفة فعلاً نتيجة كتر السلامات .. طيبون.. سلامات.. طيبون..


وسلامات يا نورا من قلبي
وربنا يديم المعروف.....والمعرفة :)

Unknown يقول...

اللهم صلى وسلم وبارك على سيدنا محمد
فى امثال بنكررها ولا اصل لها من الصحة
وفى امثال هى عبارة عن خلاصة تجارب غيرنا
اهم الامثال ما يكون مستدل من واقعنا الاسلامى لا من غيره

موناليزا يقول...

لا اختلف معكى ولكن هذا المثل جعلنى اتذكر رخامات البعض على الاخرين حينما يكونون فى مكان واحد وكل 5 دقايق يقال:اهلا اذيك يافلان:)

أحمد المسلم يقول...

السلام عليكم ورحمة الله وبركاته .

أحب أن أضيف أيضا أن النبي صلى الله عليه وسلم أمرنا بأن نقرا السلام على من نعرفه ومن لا نعرفه ، وذلك لأن رجلا سأل رسول الله صلى الله عليه وسلم أي الإسلام خير ، قال تطعم الطعام ، وتقرأ السلام على من عرفت ومن لم تعرف . متفق عليه .

أغلبنا لا يسلم إلا على من يعرفه ، وربما الواحد منا يرى من يصلي بجواره في المسجد وإذا لقيه في الشارع لا يسلم عليه ، وسبحان الله فرسول الله صلى الله عليه وسلم قال ( إن من أشراط الساعة ، أن يسلم الرجل على الرجل لا يسلم عليه إلا للمعرفة ) رواه أحمد .

صدق رسول الله صلى الله عليه وسلم فيما بلغنا به ، والسلام ختام .

رفقة عمر يقول...

بجد فكرة الموضوع حلوة قوى
عارفه فى بدايه التزامى كانت لى صديقه منتقبه وذهبت لزيارتها كانت كل ما تقوم تجيبلى حاجه وهى جايه تقولى السلام عليكم
استغربت كنت لسه مش عارفه فذكرت لى حديث الشجرة
ففعلا فيه امثال كتييير قوى بعيد عن دينا
زى اللى يطلبه البيت يحرم الجامع
طبعا ربنا قال ويؤثرون على انفسهم ولو كان بهم خصاصه
الايه عكس المثل خالص
بجد عجبنى الموضوع قو لاننا فعلا ممكن ننطق كلام بعيد عن دينا وعقيدتنا
ربنا يكرمك ويزيدك من فضله
اللهم امين

kochia يقول...

موضوع حلو .. ومن فترة والله عاوزة اعمل موضوع عن الامثال
ما ناخذ منها وما ندع
لو كتبته قريب هقولك

فعلا فيه امثال حلوة جدا
وفيه امثال متنفعش خالص
ولازم نختار كويس
خاصة زي ماقولتي اللي يتفق او يختلف مع الدين

تحياتي

rovy يقول...

السلام عليكم
اولا اريد ان اشكرك جدا اختى الكريمه الحبيبه على متابعتك و دعائك لمريم
جزاكى الرحمن كل الخير و اكرمك ..

بوست متميز و فعلا هناك كثيرا من الامثال التى لا يقرها عقل و لا منطق
اما عن اقوال الحبيب المصطفى .. فلا يسعنا الا ان نصلى و نسلم عليه كثيرا عليه افضل الصلاه و ازكى السلام ..

تقديرى و تحياتى

ahmed_k يقول...

السلام عليكم
الحمد لله على نعمة الإسلام وكفى بها نعمه
يا أختنا الكريمه ديننا عندما يحرضنا على إفشاء السلام فهو يقوي فينا روابط التواصل والتواد والرحمه ,
فالسلام هو في الأصل منح السلم للمخاطب بحيث تبلغه الأمان من طرفك فبذلك يحدث الود والتراحم,
فالعدو لا يتم إلقاء السلام له
بل هو موجه للصديق والحليف ,
فالإسلام يدعونا أن نكون جميعا كمجتمع إسلامي متحالفين لا عداوات بيننا ولا عداوه.
بارك الله فيكي على مقالك الطيب

دمتي بكل خير

masternino يقول...

السلام والرحمةمن الله العلى القدير
انا معك يا ختاه وانا ممن يكررون السلام حتى عندما ينظر لى الناس باستغراب من كثر ترديدى السلام
ولكن اسوة برسولنا الكريم صلى الله عليه وسلم
شكرا لمرورك وتعليقك على المدونة
وسوف انشر شرح ابسط وردنى من بعض الاصدقاء لنفس الموضوع
تقبلى تحياتى

أحــوال الهـوي يقول...

السلام عليكم ورحمة
الله تعالى وبركاته

صلي الله علي محمد صلي الله عليه وسلم

تحياتي

مصطفى محمود يقول...

السلام عليكم ورحمة الله وبركاته
شكرا يا دكتورة على الملاحظة الهايلة دي :)

أنا بصراحة مش هضيف حاجة جديدة غير الشكر
بس الاستاذ هاني زينهم قال حاجة مهمة بس يمكن محدش خد باله منها
المقصود بالسلام في الحديث دا الامان ولا السلام اي التحية ؟!
عايزين فتوى في الحتة دي عشان انا مش فاضي أفتي :D

حاجة كمان
يمكن المثل يقصد بالعالم الخنيقة اللي هي بتسلم عمال على بطال ودا بيحصل كتير قوي
ابعدي عنهم أحسن :))

ليا عودة تانية إن شاء الله على ما افضى شوية

سلام :)

z!zOoOo يقول...

السلام عليكم

أزيك يارب تكوني بخير

فعلا الامثال حكم وأختصار لطريق ممكن نمشيه ومعروفه نهايته مسبقا

وفي أمثال فعلا مغزاها حلو جدا وفي أمثال غبيه وفيه الي مالهاش لازمه

وكل واحد بينتقي الي يناسبه ويناسب موقفه

يارب ديما اختارلنا الاصح والاصلح لينا

أتمني من ربنا يصلح احوالنا

ويهدينا ويوفقنا لما يحب ويرضي

شكرا لتشريفك ليا

وأتمني نفضل دايما علي بالك

وفي رعايه الله

نور الدين (محمد الجيزاوى) يقول...

أحسنت ايتها الكريمة
فكم من امر خاطئ مرذول نقع فيه ولا نعى
ولكم من الرائع ان يكون امرنا رده لديننا فى كل شيء
بارك الله فيكِ وحفظ قلبك طاهرا
(مررت على مدونتك الاخرى وبها اكثر من موضوع اعجبنى للغاية فلما اردت التعليق لم اجد امكانية لهذا ترى ما السبب ؟!!)

تحياتى لك
.................
نور الدين محمود

maYHam يقول...

سلامو عليكو من هنا لغاية كوبري سوهاج الجديد

ولتذهب الأمثال الشعبية للجحيم

وصباح الخير

وفاء بركات يقول...

السلام عليكم ورحمة
الله وبركاته
بيغزني( الأقارب عقارب ـ الدخان القريب بيعمي ) أمثله تتعارض مع
دينا الحنيف الذى يوصينا بصلة الرحم
حتي لوكان هناك مشاكل بين الأهل
نحاول الأصلاح ولكن لانعمل علي إتساع التغابن بين الأرحام.
مثل تاني إن كان بختك في حجر أختك إخطفيه .. بمعني مفيش مانع إن الواحده
تاخد عريس أختها مدام عجبها
مثل فظيع .
ياريت يادكتوره تتناولي هذه الأمثله
لأنها بجد أمثال خطيره علي الأسره و المجتمع
تحياتي

Maha Shahen يقول...

عندك حق في امقال كتير بتعارض دينا
ولازم نتجاهلها لحد ما تتلغى وتفنى من اذهان جميع الناس وتبقى كأنها لم توجد
عليه افضل الصلاه والسلام حبيب الخلق والخالق وضح لينا قيمة السلام
فياريت احنا نعمل اقل اللي نقدر عليه واهو اضعف الايمان ونبطل نطول عبارات وخلاص ونفكر دقيقه واحده قبل ما نقول حاجه مخالفه لتعاليم دينا ونقع في غلط بجهاله
تحياتى ليكى

عين فى الجنة يقول...

متفق معاكى مائة فى المائة
ملحوظة : افشوا السلام هو بالمعنى الذى ذكره الاخ هانى زينهم

لكى التحية والسلام

بنات صاحبة الجلالة يقول...

طبعا نتبع اسلوب ونهج حبيبنا المصطفي عليه الصلاة والسلام افشو السلام بينكم
لكن الامثال الشعبية دي نصها غير صحيح يعني في مثل بيسفزني جدا " رزق الهبل علي المجانين" لا والله كل الارزاق علي الله وحده سواء كان مجنون او عاقل

تحياتي ياماي دير فريند

Unknown يقول...

السلام عليكم ورحمة
الله تعالى وبركاته
تسنيم حسين
كلامك مضبوط
كتر السلام والامان والاحساس بيهم
كمان يزيد المحبة والمعرفة بين الناس.
وحمدلله على السلامة بعد طول انقطاع.

Unknown يقول...

السلام عليكم ورحمة
الله تعالى وبركاته
romansy
العاقل من عقل لسانه
وفكر وقدر قبل كلامه
احتراماتى ودعواتى.

Unknown يقول...

السلام عليكم ورحمة
الله تعالى وبركاته
من غير عنوان
الامثال الشعبية
فيها الغث وفيها الثمين
والعاقل من أخذ بالصالح منها
وترك ما دون ذلك .
احتراماتى ودعواتى
لك دائماً يابشمهندس

Unknown يقول...

السلام عليكم ورحمة
الله تعالى وبركاته
صابر وراضى
امثالنا فيها وفيها
والمثلين اللى انت ذكرتهم اكبر
مثال على الغث منها !فالمنح والرزق
من الله وحده هو مقسم الارزاق بين الخلائق

Unknown يقول...

السلام عليكم ورحمة
الله تعالى وبركاته
هى فوضى
أمثالنا الشعبية
تراث لشعبنا فيها
كل الانواع والدرجات
من الممتاز الى (السىء جداً)

Unknown يقول...

السلام عليكم ورحمة
الله تعالى وبركاته
أستاذة وفاءبركات
اللهم صلى وسلم وبارك عليك ياسيدى يارسول الله.ادى على كتفك ياأستاذة وكل شوية نقول مثل من تلك التى تتعارض من ديننا وربنا يهدينا
الى ما يحب ويرضى .
(انا مش اد الكلام
الجميل ده ياأستاذة)
جزاكى الله كل الخير.

Unknown يقول...

السلام عليكم ورحمة
الله تعالى وبركاته
أستاذ محمد عبد الباسط
(أصنام فكرية)موضوع (دسم جداً)
قرأته انا وعلقت عليه كمان
والناصح من قرأ وفهم
واعتبر واستعبر بما قرأ.

Unknown يقول...

السلام عليكم ورحمة
الله تعالى وبركاته
الغالية مها
الله يخليكى على حسن ظنك بى ويارب دايماً اكون عند حسن ظنك.ومش حلاقى احسن من تعليقك اعلق به على كلامك
(فالمبالغة مشاعر مصطنعة وغير حقيقة وتصنع حاجزاً بين البشر وقد تقل المعرفة فعلاً نتيجة كتر السلامات)
ودعواتى وتحياتى واحتراماتى وسلاماتى كتيررررررررررررررررراوى منى لكى لا تقلل المحبة ولا المعرفةولا الاخوة فى الله.
ربنا يحميكى ويحفظك.

Unknown يقول...

السلام عليكم ورحمة
الله تعالى وبركاته
نهر الحب اللهم صلى وسلم وبارك على سيدنا ونبينا وحبينا محمد وعلى آله وصحبه وسلم اجمعين.
صح كلامك فلابد من استمداد الامثال من اصول صحيحة من ديننا الحنيف وتجارب السابقين من الرواد الاوائل فى تاريخنا الاسلامى .

Unknown يقول...

السلام عليكم ورحمة
الله تعالى وبركاته
موناليزا
لا رخامات
لا تلامات
لا كتير سلامات
صح كده.
نورتينى كتير.

Unknown يقول...

السلام عليكم ورحمة
الله تعالى وبركاته
احمد المسلم
يغظنى موووووووووووت
النفر من دول يدخل علينا
الحجرة فى العمل مثلا ونحن جميع فلا
يقول الا (السلام عليكم يافلان!!)طيب ليه؟ والله انا بحزن عليه فى اللحظة دى لانه حرم نفسه من نعمة السلام ورده عليه لكن تعمل ايه فى بعض العقليات
المريضة!!!!!!
واللهم صلى وسلم وبارك على سيدنا محمد وآله وصحبه اجمعين.

Unknown يقول...

السلام عليكم ورحمة
الله تعالى وبركاته
رفقة عمر
وانا برضه (حديث الشجرة )ده لما سمعته اول مرة استغربته اوى لكن تاكدت من انه صحيح عن الرسول ومادام الرسول قال يبقى لابد من الطاعة(وما ينطق عن الهوى).جزاكى الله كل الخير على كلامك الطيب ورزقنا حبه وعبادته واتباع اوامره واجتناب نواهيه.اللهم امين

Unknown يقول...

السلام عليكم ورحمة
الله تعالى وبركاته
kochia
انتى الاحلى ومواضعيك دائماً جميلة
زترتثنا الشعبى من القصص والامثال فيها اللى كده واللى كده واحنا علينا ناخذ الجيد منها ونترك الغث
تحياتى لحضورك وتعليقك.

Unknown يقول...

السلام عليكم ورحمة
الله تعالى وبركاته
rovy
ام ياسمين هنا
مرحبا مرحبا
وكتر خير للكلام
الطيب ده
وربنا يطمنك ويطمنا
على احبابنا جميعا
ويشفى مرضانا ومرضى
المسلمين اجمعين. امين.
وصلى الله وسلم وبارك
على سيدنا محمد
وآله وصحبه وسلم

Unknown يقول...

السلام عليكم ورحمة
الله تعالى وبركاته
ahmed_k
ديننا هو دين السلام
وابلغ مثل لهذا حديث رسولنا
صلى الله عليه وسلم ما معناه لانى لا اتذكره نصاً(الق السلام على من تعرف ومن لا تعرف)حتى اسمه مشتق من السلام
فنعماُ به دينا ومنهاجا وسبيلا.
احتراماتى أستاذ احمد لكلامك الجميل.

Unknown يقول...

السلام عليكم ورحمة
الله تعالى وبركاته
masternino
ونعم الاسوة الحسنة من اتخذته لك اسوة
يحضرنى قول الرسول صلى الله عليه وسلم
هنا عرفت فالزم فالرسول خير من يُتخذ قدوة واسوة فى كل حياتنا .وجزاك الله كل الخير على الشرح لانى طول عمرى اعلم ان (الحداية لا ترمى كتاكيت) وكذلك البنوك لا تعطى قروضالا من قبل ان تستنفذ كافة مصلحتها تماما لكن 3 سنين او 4 تدفع فوائد لقرض ممكن فى اى لحظة يؤخذ منك اصله تبقى حقيقة مشكلة كبيرة جداً لابد من ايضاح كآفة جوابنها للناس فشكراً لك ونحن فى انتظار المزيد.

Unknown يقول...

السلام عليكم ورحمة
الله تعالى وبركاته
اللهم صلى على محمد وآل محمد
كما صليت على ابراهيم وآل ابراهيم
وبارك على محمد وآل محمد كما باركت على ابراهيم وآل ابراهيم
انك حميد مجيد
اللهم امين
اللهم امين
اللهم امين

Unknown يقول...

السلام عليكم ورحمة
الله تعالى وبركاته
TeVe
العفو يافندم
من بعض ما عندكم
والاستاذ هانى معلم ومدرس فاضل منه نستفيد ونتعلم وفى رأيى انه المقصود المعنايين الاول اى الامان والامن والثانى أفشاء السلام بمعنى التحية والسلام
اما (العالم الخنيقة)اللى بتقول عليهم خد منهم وما تديش بمعنى لو فعلا حسيت انه (بيستظرف كل شوية ويسلم)ايه المانع :رد السلام وخد الحسنة بتاعته وكده تبقى كسبت وما خسرتش
والسلام عليكم ورحمة
الله تعالى وبركاته

Unknown يقول...

السلام عليكم ورحمة
الله تعالى وبركاته
z!zOoOo
الحمد لله يافندم ويارب انت كما تكون احسن الحين .وامثالنا متنوعة وكثيرة وعلى قولك(وكل واحد بينتقي الي يناسبه ويناسب موقفه
يارب ديما اختارلنا
الاصح والاصلح لينا
أتمني من ربنا يصلح احوالنا
ويهدينا ويوفقنا لما يحب ويرضي)
اللهم امين مفيش احلى من كلامك نفسه
ارد به عليك .ويارب احنا اللى نيجى
ومش (حابقى طماعة واقول نفضل:)على بالك .شكرا للمرور والتعليق.

Unknown يقول...

السلام عليكم ورحمة
الله تعالى وبركاته
نور الدين
ديننا الاسلام غنى بما فيه من تعاليم حميدة وأصيلة تغنينا عن كل ماعداه(بس مين يسمع ويعلم ويعمل كمان)
والمدونة التانية (مغلق بها التعليق )بصراحة راحة للناس كفايةدى مش كده؟ وحضرتك رابع(حد جميل)يشكر فيها:):):) (اسعدت قلبىىىىىىىىىىىىىىىىىىىىىىى
اسعد الله قلبك كما اسعدتنى بالكلمة دى)

Unknown يقول...

السلام عليكم ورحمة
الله تعالى وبركاته
على عبدالله
اللهم صلى على محمد وآل محمد
كما صليت على ابراهيم وآل ابراهيم
وبارك على محمد وآل محمد كما باركت على ابراهيم وآل ابراهيم
انك حميد مجيد.
اللهم امين .
شكرى للمرور
والتعليق.

Unknown يقول...

السلام عليكم ورحمة
الله تعالى وبركاته
انت من كنت محتاجاً
واغناك الله من فضله
وعليك ولك السلام من
هنا الى مالا نهاية
وصباح الفل لك دائما

Unknown يقول...

السلام عليكم ورحمة
الله تعالى وبركاته
أستاذة وفاء بركات
امثالنا وزى ماقلتى فيها وفيها (الحلو والوحش )الشاطر من يعقل الامور وياخد ويتعظ بالجيد منها ويترك ماعداه.وزى ماقلتلك ادي على كتفك وادينا بنقول اهوه(بس حقيقى اول مرة اعرف المثل بتاع بختك فى حجر اختك اخطفيه ده!!!
تؤ تؤ تؤ نؤ تؤ تؤ تؤ تؤ
غلط واكبر غلط طبعاً).
شكراًياأستاذة
منكم نستفيد.

Unknown يقول...

السلام عليكم ورحمة
الله تعالى وبركاته
انت تسأل والكومبيوتر يجيب
شكراًللدعوة الجميلة
وربنا يقدم ما فيه الخير
(ياعنى اسمى ممكن ينذاع فى الراديون !!!
ياحلاووووووووووووووووووووووة ياأولاد)
مرة تانية شكراً جزيلاًًًًً

Unknown يقول...

السلام عليكم ورحمة
الله تعالى وبركاته
nour shahen
العاقل من اخذ بالصالح والحسن من القول والفعل وما يناسب دينه وتعاليم رسوله كمان .يعنى مثلا شوفتى المثل اللى ذكرته الاستاذة وفاء (ان كان بختك في حجر أختك إخطفيه!!!!)ياخبر ابيض مثل لو عمل به يبقى على الدنيا السلام ربنا يحفظنا ويهدينا للخير دايما.نورتينى يانور بعد طول غياب
فشكرا لكى ولتشريفك وتعليقك كمان.

Unknown يقول...

السلام عليكم ورحمة
الله تعالى وبركاته
راجى
وبعد أذنك استاذ راجى ليه مايبقى المعنايين :السلام والامن والسلام والترحيب للكل والجميع دايما
ولك منى كل التحية والاحترام

Unknown يقول...

السلام عليكم ورحمة
الله تعالى وبركاته
بنات وملكات صاحبة الجلالة
صح عندنا ما ان لو تمسكنا به فلن نضل ابداً كتاب الله وسنّة رسول الله صلى الله عليه وسلم وصدق رسول الله صلى الله عليه وسلم.وتسلموا لى يارب دايما على المرور والتعليق الجميل .تحياتى واحتراماتى دايماً.

غير معرف يقول...

~.....................................................