الأربعاء، سبتمبر 16، 2009

......أول ميــــــــــــت........



هى تجربة

لا اعتقد أن كثيرين منا قد مروا بها
الكشف على ميت

وتقريرأنه مات بالفعل
دون اللجوء الى الجدل الدائر الأن

من موت جذع المخ او المراكز الحيويه اووو
المهم احكى ما مر بى من....

عدد كبير اوى من السنين
(ربنا امر بالستر)
كنت قد افتتحت عيادتى الخاصة

(الصغيييييييرة اوى )
هى فى الحقيقة
حجرة منفصلة من المنزل لها باب على السلم الخارجى

مما يتيح الخصوصية
لاهل البيت وللزوار او المرضى على السواء
المهم

كنت لسه فاتحه جديد
ووووواخدة التعليمات التمام
من اهل الخبرة وخد عندك
=زملائى
=اهلى
=جيرانى
=اصدقائى
=معارفى
=اولاد الحلال
=(ودول كتتتتتير)
الخلاصة عايزة اقول ما فى حد

الا واشار علىّ بفكرة ما علشان الزباين يكتروا
والناس تبقى أمم
واهم واول حاجة
اوعى

اوعى
اوعى
واحد يجيلك وترديه ابدآ
لو فجر او ليل,

لو مطر او سيل ,
المهم اوعى وحذارى وممنوع
وحسك عينك وكل ما يمكن
ان تتصوره من التحذيرات ان
ارد او ارفض كشف جه لىّ
الساعة كانت تقريبآ بعد الفجر بقليل
التليفون رن...
الو دكتورة.....
لو سمحت

انا فلان جاركم حماىّ عندى وبعافيه شويه
ممكن تيجى تشوفيه؟
كنت رتبت مسبقآ ان زوجة حارس بيتنا

العامر تيجى معايا فى مثل هذه الاحوال
وخاصة ان معظم من ياتون لعيادتى حيكونوا من سكان الشارع
فانا لا ادعى انى مجدى يعقوب او ذهنى فراج

اووووووغيرهم كثير
مما ذاع صيتهم فى انحاء المعمورة وياتى اليهم المرضى
من كل صوب يلتمسون الدواء والشفاء من الداء
ولكنى طبيبة حديثة التخرج

(كان مضى على تخرجى 3اعوام فقط)
وليس لى من جمهور يذكر بعد

وبالتالى مرضاى حيكونوا جيرانى
فقط

على الارجح او اقاربهم كما حدث فى هذه المرة
حضرت الشنطةونزلت صحيت الست ورحنا
دخلت :السلام والتحيات المعروفة

(وانا فى بالى باقول خلصونى عايزة اروح
الحق الشغل والمواعيد بتاعته)
دخلت الاوضة

هدوء غريب واحساس لا يمكنك وصفه
ولكنك تعرفه اذا صادفته يومآ
الموت عدى من هنا

بالاختصار
ولكن قلة الخبرة والتوتر
والعيون المحيطة بك تلتمس منك كلمة واحدة وهى ان
كل شىء تمام
كل هذا يجعلك تعيد حساباتك الف مرة
قبل ان تنطق بكلمة واحدة
طبعآ
(هو)
لازال دافئآ وغير متيبس الاطراف
يخيل لك انه ينظر اليك من خلال اهدابه
يراقبك بمكر ودهاء ماذا تفعل ؟

لم تجُدى السماعة او جهاز الضغط او تلمس نبضات القلب بالاصابع او الضغط على الجبهة
لم تجدى كل هذا فى اقناعى
انه مات
بصراحة فى كل ما فعلت كنت اسمع دقات قلبى انا ونبضى انا من القلق
ولم اجد بدآ من استخدام اقدم وسيلة
المراية

اضعها تحت انفه
ليتكثف الهواء البارد عليها ان كان مازال يتنفس
وقد كان ولم يتكثف شىء
وهنا تاتى المشكلة الكبرى :
إخبار اقارب المريض أنه انتقل الى رحمةالله
وهى اصعب المواقف فى حياة الطبيب
ولا عرضكم الله لمثله ابدآ
ولكنه قضاء الله ولابد من أنفاذه

at
09:42 م Posted by norahaty
Labels:
****************
12 قول وما تجرحش:
ghoneem يقول...
اهلاً بيكي آه كدة فهمت !!!!!!!!
انا لسة متعرضتش للموقف ده الحمد لله
بس ربنا يثبتني لو أتعرضتله ادعيلي
تحياتي بالتوفيق.........

20 مايو, 2008 11:33 م
norahaty يقول...
السلام عليكم ورحمة الله وبركاته
ghoneem
اهلا وسهلا بك انت دكتور غنيم
هو موقف صعب للغايةفى حياة الطبيب
ولابد من المرور به مادمت ستمارس المهنةيازميلى
المهم اولا ان تكون بينك وبين نفسك عارف ومتاكد انك بذلت ما فى وسعك وما قبل وما وبعد ذلك هو قضاء الله.
إمتنانى العميق لصداقتك والتعرف اليك يادكتور غنيم

20 مايو, 2008 11:44 م
Wael يقول...
موقف صعب فعلاربنا يرحمنا جميعا ):
21 مايو, 2008 02:22 ص

الفارس الملثم يقول...
طبعا موقف صعب اوي , عندما تتوقف الانفاس وتتعلق الانظار بشخص وكأنه سيضع كلمة الفصل في حياة انسان او موته وهنا لا مجال لاي خطأ ..ربما كلامك هذا بشئ يدعو للسخريه حيث كان عندنا طبيب في المنطقه كان يتصادف استدعائه في اكتر من حالة وفاء ,فتم اتهامه انه دكتور نحس !!!!كلنا موتي حين يجئ اجلنا لكن لحظة مفارقة من نحب صعبة جدا علي النفس تحياتي وتقديرى
محمد

21 مايو, 2008 05:00 ص
norahaty يقول...
السلام عليكم ورحمة الله وبركاته
wael
موقف فى منتهى الصعوبة جدآ
ولا اراك الله مكروهآ
ويرحمنا ربنا جميعآ
يابروفسيييير.
21 مايو, 2008 05:13 ص
norahaty يقول...
السلام عليكم ورحمة الله وبركاته

محمدالفارس الملثم
هى من اصعب المواقف التى واجهتنى فى حياتى
:إخبار اقارب الشخص.
وفى بلادنا فعلا الناس يتشائمون ويتفألون لاى سبب
,ثم يحاسبون الشخص على اعتقادهم هذا!!
واقولك يامحمد ما ادعو به دائمآاللهم احيينى ما دامت الحياة خيرآلى وامتنى أذاكان الموت راح’لىّ وتسلم للمرور والتعليق
21 مايو, 2008 05:20 ص

nonoymm يقول...
كل نفس ذائقة الموت
الموقف رهيييييييييييب جداااااااااااا
ولم اقفه بنفسي مع أن لي اخ متوفي بس ما لحقتهوش
لكن مش عارفة حاسة اني لو وقفت
ادام واحد متوفي اشعر انها لحظة رهييييييبة
لا تقوى عليها قدماي ربنا يعافينا ويدينا القوة
يارب
ويحسن ختامنا
تجربة مفيدة بحق
تحياتي
يقول...
السلام عليكم ورجمة الله وبركاته

nonoymm
هى تجربة متفردة ليست مثل باقى التجارب ,
لها رهبة شديدة فى النفس لا تنسيها ابدآ
لكن مشاغل الحياة واشتغالها يجعلك تتناسينها
او انها تقع فى الجزء الخلفى من الذاكرة
(لا تتذكريه الا اذا مررت به ثانية)
لكى شكرى وتمنياتى الطيبة بدوام الصحة والعافية.
21 مايو, 2008 01:56 م

Hina wi Hinak يقول...
السلام عليكم ورحمة الله تعالى وبركاته
...الموت بالنسبة لناس كتير، هو حقيقة غير ملموسة،
يجب أن تتحقق أولا ليتحققوا من حقيقته...
كان الله في عونك، موقف لا يحسدك عليه أحد!
21 مايو, 2008 09:41 م
norahaty يقول...
السلام عليكم ورحمة الله وبركاته
Hina wi Hinak
يقولون (ان الموت هو الحقيقة الوحيدة فى الكون)
قابلت هذا الموقف على المستوى الشخصى اربع مرات
وعلى المستوى المهنى قابلته ثلاث مرات
(كما قلت حينما تدخل الى الحجرة لا تخطأ ابدآ فى الاحساس به اذا كنت مررت به من قبل)
ولا اراك الله مكروآابدآ.ولك تحياتى.
22 مايو, 2008 12:49 ص
بنات صاحبة الجلالة يقول...
بجد من اصعب المواقف اللي ممكن تمر علي طبيب انه ازاي يخبر اهله بانه خلاص انتقل الي رحمه الله بجد اكيد الموقف هيفضل في ذاكرتك ربنا يعينك يادكتورة ياقمر ويرحم جميع موتنا اللهم امين تحياتي لاجمل نورهاتي
22 مايو, 2008 09:25 ص

***********

*******

***********
تدوينة قديمة اعيد نشرها اليوم
مع التعليقات التى وردت عليها حينها.
لانها فعلاً تجربة حقيقية لىّ

هناك 49 تعليقًا:

*^*AL.7aAzZeEnN*^* يقول...

حجززززززززززززز اول تعليـــق

هاهاهاهاهاهاها

ثواني استنو

*^*AL.7aAzZeEnN*^* يقول...

حجزززززززززززز تاني تعليق

هههههههههههههه

ثواني اممممممممممممممممممممم

*^*AL.7aAzZeEnN*^* يقول...

الله الله احساس جميل اوووووي

تالت تعليييييييييييييييييييييق

هروح اقرأ و جاي

*^*AL.7aAzZeEnN*^* يقول...

هوا البوست جميل اووووي

و اللهم ارحم جميه موتانا يارب العالمين

بحيكي على النشاط ده كلو

بجد مدونتك جميله اووووي

ههههههههههههههههه

محدش يزعل اني اخت اول تلت تعليقات

و بشكرك على زيارتك ليا

TiTo

*^*AL.7aAzZeEnN*^* يقول...

يلا بقا مش مهم الخامس علشان انا بحب

الأرقام الفرديه

!!!!!!!!!!!!!!!!!!!!!!

Unknown يقول...

! ~ MR... TiTo ~ !
الاول يامرحبا
ترررررررىىىى

Unknown يقول...

! ~ MR... TiTo ~ !
التــــــــانى
يامرحبتيـــن
ترررررررررررى

Unknown يقول...

! ~ MR... TiTo ~ !
يامرحبا يامرحبا
وكمـــان يامرحبا
تررررررىممممممممم

Unknown يقول...

! ~ MR... TiTo ~ !
مستعجل ليه؟خليك
واروح اشوفلى
مدونة تلنيــة
اقعد فيها:)
متشكرة لكلامك
ويارب تبقى زائر
دائم للمدونة .
شرفتنا ونورتنا.

Unknown يقول...

! ~ MR... TiTo ~ !
ولا انا برضه:)
ههههههههههههه

Unknown يقول...

هي تجربة قاسية ان تكوني في مواجهة الموت و الاقسى منها ان تكوني المسئولة عن الابلاغ عنه كان الله في عونك مدونتك جميله و اتمنة ان نكون في تواصل دائم

Unknown يقول...

malika
فعلاً هى قاسية
ولا تنسيها ابداً
مهما مرت من سنوات.
وانا ايضاً اتمنى دوام
التواصل بييننـــــــا

غير معرف يقول...

السلام عليكم
كل سنة وانتي طيبة يا دكتورة
ان شاء تبقئ احسن من مجدي يعقوب لأنك جيزاوية وشخصية تنبئ بكده

يمكن بس التوتر وحدة الموقف هو اللي خلاكي تصورتي انو مات

اكيد عايش لو راجعتي هتلاقيه لسه عايش
والحمد لله تمام كمان


t.w

Unknown يقول...

غــــير معرف
t.w
عليكم السلام
وكل سنة وحضرتك بخير
متشكرة على تمنياتك
الطيبة بس فعلاً هو
مات ولله الامر من
قبل ومن بعــد
الموت علينا حق
كـــــــده ولا لأ!

غير معرف يقول...

صباح الخير يا دكتورة نور
وكل سنة وانتي طيبة

فعلا الموت علينا حق


t.w

Unknown يقول...

غيــــر معرف
t.w
صباح النور
وكل سنة وانت
بخيــــــــــر:)

Yusuf يقول...

ازيك يا دكتورة

فعلا تجربة قاسية

ويمكن دي كانت من ضمن الحاجات اللي بعدتني عن دراسة الطب

أصل انا عقبال عندك عندي 4 دكاترة ف البيت وانا خامسهم

عموما ربنا يرحمه ويغفرله

تحياتي

Yusuf يقول...

دكتورة معلش أنا عندي طلب رخم

انا مش عارف انزل التدوينة الجديدة مش عارف بلوجر عمال كل شوية يقولي Error

لو تعرفي تساعديني ف الموضوع ده ياريت تضيفيني ع الايميل
joooo987@yahoo.co.uk

وجزاكي الله خيراً

قلم رصاص يقول...

السلام عليكم

ازيك يادكتورة

فعلا كان الله في عونك
اكيد كانت تجربة صعبة

عجبني الحتة دي جدا منك

"
يخيل لك انه ينظر اليك من خلال اهدابه
يراقبك بمكر ودهاء ماذا تفعل ؟"

حلوة اوي يراقبك بمكر دي

هههههههههههههههه

يبقى لسه عايش وحضرتك اللي قتلتيه

هههههههههههههههههههه

دمتي في حفظ الله

Pink Dreams يقول...

يااااااااااااااااه بجد الله يكون فى عونك

موقف صعب قوى قوى

كل سنه وحضرتك طيبه

عيد سعيد عليكى وعلى كل اللى بتحبيهم يا رب

تحياتى

من غير عنـــوان يقول...

في حياة كل منا لحظة لا تنسى
سواء في الحياة العمليه أو الإجتماعية أو الإنسانية

وعملك يا دكتوره هو ملاك رحمة
قد تتعرض لمثل هذا الموقف

وما أنا متأكد منه أن إخبارك لأهل المتوفي لم يكن مثل الكثيرين ممن نزعت من قلوبهم الرحمه

أمنياتي لك بالصحة والنجاح

وكل عام وأنتم بخير

لاجئ الى متى يقول...

اسمحي لي اولا ان اهنئك بعيادتك
التي باتت قديمة
واتمنى انها قد صارت اكبر
ـــــــ
قد تكون هي المرة الاولى التي تعانين
فيها من هذا الكم من الضغط
لكنها هنا ولا احاول الاستيلاء على المشاعر
هي فعلا هنا شبه معتادة
ان نرى ميتا او مشرفا على الموت
والاصعب في حياتنا الغير طبية
هي رؤية المشرفين علىالموت لا الأموات
فهم يوصونك من خلال نظراتهم
بشيء من عدم الاكتراث بما نحياه
فما هو الا مجرد ( سحابة صيف وتعدي )

رحم الله المتوفى وغيره ممن لحقوا به
ولا نقول الا ما يرضى الله ورسوله
إنا لله وإنا اليه راجعون

غير معرف يقول...

السلام عليكم
انتي متأكدة يا دكتور انو كان بيبص بمكر ودهاء
عادي والله
ارنست شي جيفارا لما اتقتل صورته مش كانت بتوحي ابدا انو مات
نفس الوصف تقريبا
وراسبوتين اللي قتلوه مش صدقوا انو مات وكانوا خايفين يقربوا
حتي اينشتين بعد موته اخدوا مخه يمكن يعرفوا عبقريته جت منين


t.w

غير معرف يقول...

انا اول مرة اعرف طريقة التكثيف دي
معلومة جديدة
جزاكي الله خير
بصراحة
الجيزة تفخر بالدكتور نور


t.w

جلال كمال الجربانى يقول...

موقف صعب جداً
وأظن إنه سيتكرر معك ومع جميع الأطباء أثناء حياتهم العمليه
لكل عمل سلبياته وايجابياته يادكتوره
المشكله فى الناس التى تتشائم وتتفائل وده قصر نظر أكيد

ربنا يقويكِ ويحفظك ويعزك
وكل عام وأنتِ بخير حال
وكل عام ومرضاكِ طوابير طوابير

funckydoctor يقول...

فيه دكتور واحنا فى تانية قالنا
لما تتحط فى الموقف ده لو فى مكان ممكن تتدبح لو قلت للناس كده لم حاجتك فى هدوء و لا تتكلم إلا وانت على باب الشقة
واجرى بعد كده :S
بس فعلا كلمة الموت عدا من هنا حستها و أنا فى الإستقبال مرة
بس هو قرار صعب جدا
الكلمة ده لو جانبك فيها الصواب تبقى كارثة :(
اللهم ارحم موتانا وموتى المسلمين

فليعد للدين مجده يقول...

كل طبيب او طبيبة تعرض لمثل هذا الموقف الصعب

ولا مفر من هذا مهنتنا تحتم علينا ذلك
ربنا يعيننا

م/ الحسيني لزومي يقول...

تقبل الله منا ومنكم
وكل عام وانتم بخير

حفيدة عرابى يقول...

انت كده بتغرينى ابات عندك فى المدونة
لغاية مااقراها كلها
ادع لى ربنا يكرمنى عندى شوية حاجات شغلانى
وان شاء الله ابات هنا

هو موقف صعب جدا
وانت بجد من غير مبالغة اسلوبك جميل جدا
حسستينى انى قلقانة
وانى بقيس النبض والضغط معاك
ربنا يرحمه ويرحمنا
عجبتنى اوى جملة
الموت عدى من هنا
ربنا يرحمنا برحمته
فعلا ليه جلال
يخلى الكل يؤمن بالله الواحد القهار

ربنا يوفقك

حبات التوت يقول...

دخلت الاوضة

هدوء غريب واحساس لا يمكنك وصفه

ولكنك تعرفه اذا صادفته يومآ
الموت عدى من هنا



يااااااااه اكيد كنتى فى وضع لاتحسدى علية

حد قللك تبقى دكتورة

انا لحقت نفسى الحمد الله ودخلت هندسة الحمد الله لاطب ولا وجع دماغ ووجع قلب

مالها المعادلات الرياضية

ربنا يويقكى على اللى انتى فية يارب

مع تحياتى ويلا

مشروع دكتور يقول...

ربنا يكون فى عونك يادكتوره اولا
وبصراحه لفت نظرى كم التحذيرات عشان الناس تبقى كتير؟
كانك داخله حرب بصراحه مش بتفتحى عياده
وموقف خطير اتحطيتى فيه ولا تحسدى عليه انك تقوليهم الجاح مااااااااااااااات
باذن الله تبقى معاكى عياده كبيررررررره
وفيها نااااااااس كتير ومش تحتاجى تردى كشف ولا حاجه ويبقوا زى النمل

Unknown يقول...

Yusuf
الحمد لله يايوسف
تجربة صعبة يحكى
لك عنها
(من عندك بالبيت)
أخواتك دول يايوسف؟
بـــــــسم الله ما شاء الله
ربنا يخلى ويزيد ويبارك

Unknown يقول...

Yusuf
الحمد لله مشكلك
اتحلت لأما انا
فبقى عندى مشكلة!
الريدر بتاع الاصدقاء
ما عاد يقرأ تدويناتى
الجديدة تعرف لها حل
المشكلـــــة دى؟

Unknown يقول...

قلــــم رصاص
وعليكم السلام ياافندم
الحمد لله أزيك انت؟
عجبتك؟تحب تأخدها؟
(شفت البلاغة :)
ياسيدنا مش عايش
انت عايز أهله
يرفعوا علينا
قضية ولا ايه؟

Unknown يقول...

pink dreams
وى اوى بصحيح:(
ربنا يلطف بينا جميعاً
وكل سنة وانتِ بالف خير
عيد سعيد وعمر مديد
إن شــــــــــــــــاء الله.

Unknown يقول...

من غير عنوان
اهى دى من اللحظات
اللى مش ممكن انساها
ابدا مهما مرت السنين
ومهما حاولنا من تلطيف
الخبر (وبالفعل حاولت)لكن
الخبر قاسى جداً مهما حاولت.

Unknown يقول...

لاجىء الى متى
قلبى معاك وعندك
مما تكابدون وتعانون.
عارفة ومقدرة لمصاعب
الحياة هناك ولكن عزيمتكم
اشد وحبكم للحياة اقوى
بأذن الله مهما تآمرت
قوى الشرالعدوان.
رحم الله موتى المسلمين
جميعـــــــــــــــــــــــاً

Unknown يقول...

غير معـــرف
t.w
ايوة متأكدة !
طيب أعمل ايه
علشان تتأكد؟

Unknown يقول...

غير معــرف
t.w
عد الجمايل:)

Unknown يقول...

واحد من العمال
اوى اوى اوى يافندم
وفعلاً تكرر طبعاً:(
كل سنة وحضرتك بألف خير
وبلاش طوابير دى :هى ورانا
على طول كده!

Unknown يقول...

funckydoctor
حمدلله على السلامة
وكلامك زميلكم ده
نفذته فى تانى ميت
(ابقى احكى بعدين)
الموت له رهبة شديدة
تترك اثارها على
الناس والمكان

Unknown يقول...

فليعد للدين مجده
فعلاً يادكتورإيهاب
لوازم المهنــــــة ما
كنا حطينها فى بالنا
ونحن صغار نحلم بالبالطو
والسماعة والبرستيج
واهم حاجة اللقب.

Unknown يقول...

م/الحسينى لزومى
اللهم امــين
يارب العالمين.

Unknown يقول...

قيس بن الملوووح
لنا ولك وللمسلمين
أجمعين إن شاء الله

Unknown يقول...

لقد خلقنا الله احرارا
بيتك ومطرحك ما تحملى
هم خالص:فووول بورد:)
وزى ما قلتى كده (فعلا ليه جلال
يخلى الكل يؤمن بالله الواحد القهار)
ربنا يرحمنا ويسامحنا ويغفر لنا جميعا.

Unknown يقول...

wella
ماهو محدش قالى :)
كنت فاكرة الحكاية
بالطو وسماعة وخلاص
اتارى الحكاية صعبة
اوى اوى اوى وكمان
اوى:):):)

Unknown يقول...

Take Care
الله يخليك يارب
طيب دا انا اتخصرت
فى التنبيهات والتحذيرات
وشيلت المتكررة منها :)
كان موقف لا يُنسى:(

shaimaa rady يقول...

الله يكون في عونك، بس مقولتيش عملتي اية علشان تقوليهم الخبر ده...
أكيد انتي كمان اتهزيتي من جواكي....

ربنا يوفقك يااااااااااارب ويسدد خطاكي...

صحيح نورتي مدونتي المتواضعة يا دكتورة :)

Unknown يقول...

SHEMOooo
المدونة منــورة
بصاحبتها ياشيمو
عادى اكيد بان على وشى
وهم فهموا وكمان كان الله
يرحمه كان كبير بالسن وكده.
وزى ما قلت هو الحقيقة اللى
كلنا عارفين انه (جاااااااااى)