الجمعة، ديسمبر 18، 2009

.........لقمة هنّية تكفى مية.....

صباح الخير والخيرات

Happy Smileys_3 Pictures, Images and Photos

ايوووووووووة
ايوووووة
انا عارفة
وحشتكوا
زى ما أنتوا
وحشتونى وحشتونى وحشتونى
(ياسلام ياست وردة)
المهم انا جاية مؤقتاً
لانى لسه ما دفعتش الاشتراك!!
لكن لقيت النت رجع لوحده
سبحان الله!
سألت البهوات
حد دفع النت؟
لأ ياطنط مدفعناش
سألت الهوانم
حد دفع النت ؟
لأ ياخالتووو
معلش نسينا !
امال هو رجع لوحده؟
العلم عند الله
يظهر انه
(مش واخد باله)
وزى ما كان بيطلع لنا
اننا ما دفعناش شهر وشهريين وأحنا دافعين
المرة دى عمل العكس
وتصور اننا دفعنا واحنا لسه!!
ياحلاااااااوووووووووة

Jump Rope Wires Pictures, Images and Photos


1sm184bRunHappy Pictures, Images and Photos1sm184bRunHappy Pictures, Images and Photos1sm184bRunHappy Pictures, Images and Photos



اووووم بقى الحق اكتب الكلمتين

وأنشرهم قبل ما ياخدووا بالهم

المهم

اولاً

كل سنة وأنت طيبن

بمناسبة رأس السنة الهجرية

اللى اكلوا علينا أجازتها

بحجة انها جت يوم جمعة

وإن شاء الله ربنا يعوضنا

خير عن يوم الأجازة اللى راح منا أونطة دا

ثانياً مش حنتكلم لا فى السياسة

ولا فى حاجة تزعل ولا تقلب المواجع

كفاية حرررررام

الناس مابقتش ناقصة

لكن جاية أقولكم

تعالوا أفطروا معايا

ساندوتش طعمية

جالى هدية

على الميل

اتفضلوا معايا

ولقمة هنية تكفى مية

هناك 110 تعليقات:

Unknown يقول...

بــــسم الله
توكلــــنا على الله
ولا حول ولا قوة الا بالله.

سهيل ولى الدين علام يقول...

بالهنا والشفا ياد.نور..وشكل الساندويتش يفتح النفس

Unknown يقول...

سهيل ولى الدين علام
مليون هنا وشفا لك
يافندم مطرح ما يسرى
يمرى يارب.

هانى زينهم يقول...

والله الواحد جعان مش هاكب عليكى عشان لسة صاحى والجماعة بيحضروا الفطار . ثانيا اتصرفى فى حكاية النت دى يا دكتور عشان المدونة ضلمة من غيرك يا دكتور . بالهناء والشفاء على رأى بتوع العربى .

أ / أحمد عبد المنعم يقول...

بسم الله الرحمن الرحيم

الأخت الفاضلة : د / نورا

كل عام وأنت بخير

وبالهناء والشفاء

هل الكل يفطر طعمية ؟؟( سبحان الله ) لقد حضرت للتو أحضرها ابنى الكبير عمر

لذا سأتركك تستمتعين بطعميتك
وسأذهب لأتناول طعميتى

وشكرا على العزومة

mhmdwahab يقول...

حلو قوى افتتاح التعليقات دة حقيقي حساس اننا امام محل فول وطعمية يا كريم يا رب يا رزاق يا رب استعنا بالله يجعلة يوم تعليق مبروك.يا باشا انا تحت امرك اعطنى رقم التليفون وانا ادفع فاتورة النت سنه قادمة وخلى الطورشى علية.

Unknown يقول...

أستاذ هـانى زينهم
الف هنا وشفا
يامستر هانى
وشكراً لذوقك
ياأبــو ملك

Unknown يقول...

أ/أحمد عبد المعم
كل لحظة وانت بخير
ويوم الجمعة هو
الفرصة الوحيدة
لأكل فطار سخن
مش ساندوتشات
باردة(جبنة بيضا)
متحضرة من الليلة اللى قبلها.
الف هنا لك وللأسرة كلها .

Unknown يقول...

mhmdwahab
الله يخلـــيك
ياأستاذ محمد
مخلياك فى حاجة أكبر
أمـا الفول فهذا له معزّة خاصة :):):)

الميكروباص يقول...

العزومه مقبوله بس القولون يا دكتوره
لولاه لكنت أكلته لوحدي

mhmdwahab يقول...

بشرفى اسرح بعربية فول من بكرة بس اعرف الناصية بتعتكم فين والفول عندى حاجة تانية فول مستوى فى المستود بتاع زمان مش على الغاز يعنى فول لوز والحبية بحبيتها مش فول مياة الف هنا وشفاء

Unknown يقول...

لورنس العـرب
ولا يهمك كله على
مرتين او حتى تلاتة
ساعتها هضمها حيبقى
سهل جااااااااااااااا

Unknown يقول...

mhmdwahab
يافندم متشكريين
على ذوقك ولطفـك
فوووول بتاع زمااان
امممممممممم ما أحلاه

salma mohamed يقول...

كل سنه وانتِ طيبه يا نورتي,
تعرفي أنا بحب الطعميه بس كليها انتِ بالهنا لأني ماعنديش وقت أفطر مفروض أقوم حالا أعمل الغدا,
اتفضليه انتِ معانا (:

donya يقول...

صباح الخير
كل سنه وانتي طيبه
وطبعا وحشتينا اوي كمان

شكرا علي الفطار ممكن اغير انا مش بحب الطعميه في اوبشن تاني

نت رايح جاي ارحم ممافيش نت خالص

تحياتي

عمرو جويلى يقول...

د/ نور
السلام عليكم ورحمة الله وبركاته
كل عام وحضرت بألف خير بمناسبة
العام الهجرى الجديد أعاده الله
عليكم وعلى الأمة الإسلامية باليمن
والخير والبركات ومليون هنا وشفا ولو
أنه سندوتش يفتح النفس
ههههه
خالص تقديرى

محمد سعد القويري يقول...

الأخت الفاضلة :: norahaty ::
كل سنة وإنتِ طيبة
سنة هجرية مباركة علينا وعليكِ
أتمنى أن تكوني بأفضل حال
أتمنى أن تكون هالسنة فاتحة خير علينا جميعًا..

أحلى تحية

mhmdwahab يقول...

اية يا نور حكاية البت الخوجاية المحبوسة دى يا ترى بيسمحو الاختلاط فى السجون كمان لو كان كدة مستعد ابقى محبوس معاة بس اوعى يكون فى جواتنامو او اوعى تكون قتلة قتلى العمر مش بعزقة اتحبس معاة اة تقتلنى لا

لــــ زهــــــراء ــــولا يقول...

نورااااااااااااااا
هو ده الافطار اللى يفتح النفس بجد
والله وحشتينا جداجدا
وحشنا كلامك وبوستاتك وكا حاجه منك
يارب كل لحظه وانتى بخير وسعاده وربنا يحقق لكى كل احلامك ياااااااااااارب


زهراء

لــــ زهــــــراء ــــولا يقول...

صباح الخيرات يا ارق النورات فى الدنيا كلها
انتى عارفه النت رجع ليه
علشان بس نيتك بيضا و زى الفل
مقبول منك الساندويتش وياريت معاه مخلل كمان
وبعدين النهارده اول العام الهجرى الجديد كل ثانيه وانتى بخير
فين الفطييييير والفراخ والارانب واى حاجه حلوه تيجى من ريحة الحبايب

فى انتظارك ...
لــــــولا

Tamer Nabil Moussa يقول...

بتحصل كتير عندنا العكس موجود ديما لية الله اعلم


كل سنة وانتى طيبة وعيد سعيد عليكى وعلى اسرتك الكريمة

ربنا يوفقك ويكرمك

مع خالص تحياتى

حاول تفتكرنى يقول...

يعجبني جدا كرنفال الافكار فى موضوعاتك وفيها عبارة واحدة تفسر العنوان
كل عام وانتي بخير بالعام الهجري الجديد

وبالنسبة لاشتراك النت فهذ من حسن طالعنا ، لعدم التحجج بالغياب

بالهنا والعافية ان شاء الله

blue-wave يقول...

كل سنه وانتى طيبه
ومبروووك على رجوع النت
ويارب ماياخدوا بالهم:))

ليس فقيرا من يحب يقول...

كل سنه وانتى طيبه يا روح قلبى

حمدالله على السلامه يا دكترة

الدنيا نورت من تانى

وبعدين مع انى لسه متغديه دكر عدس

بس الصراحه باتجنن على الطعميه

تجنننننننننننننننننننننننننننننننننن

سلفينى الشندوشت ده محتجاه بشده

ربنا يسعدك يا جميل يارب

اموووووووووووووووووووووواه

Mano يقول...

ازيك يادكتور
متهيألي كده النت رجع علشان رأس السنه الهجريه شفقة يعني هههههه
اما موضوع الطعميه فبألف هنا وشفي انتي
علشان عندي حموضة
تحياتي

تــركــي الــغــامــدي يقول...

كل عام وأنت والأسرة بخير ، ولتدوينك الرقي ، تحياتي .

فكرة من الزمن ده يقول...

يعيني على الجمال ايه السلطنة دي بس يادوك
انا خلاص هاخد ساندوتش الفلافل المعتبر ده اتعشى بيه لاني فطرت من زمان
والكوابيس بقى مسؤليتك انتي اللي هتجيلي لما انام بعد الوجبة دي
يارب بقى يحنو عليكي ويروحو يدفعو لك الاشتراك علشان منتحرمش منك ياجميل
تحياتي

ahmed_k يقول...

أولا كل سنه وانتي طيبه وبعوده عليكي بكل خير
وثانيا بالهنا والشفا لسسسسسسسسه متغدي

غير معرف يقول...

السلام عليكم
ازيك يادكتوره
كل سنه وانتى طيبه

رغم اعتزازى الكبير واحترامى وتقديري للحمه والفراخ
لكن ده لا يمنع اطلاقا من احترامى وتقديري للفول والطعميه
انا من مدمني الفووووول والطعميه
بالهنا والشفا
ربنا يسعدك دايما

Ahmed يقول...

كل سنه وانتي طيبه وبخير وبسعاده

حلوه الطعميه بس فين الفول (معلش طمع بأه)


سؤال وارجوكي عايز اجابه من سيادتك
انا بتابع كل البوستس يتاعتك, بس بتعب جدا جدا عقبال مااعرف اعلق
كتير بخش وبلاقي التعليق مقفول
ده مقصود ولا ايه

الفقيرة إلى الله أم البنات يقول...

كل سنه وانت بالف خير يانور يا حبيبتى
ولكن الطعميه يادكتور تعمل مشا كل فى القولون...لكن لو جبنه ماشى الحال
سنه طيبه عليك على أحبتك يا حبيبتى الجميله

كلمات من نور يقول...

نورهاتي

ربي يسعد أيامك ويجعل السنة دي سنة خير عليكي وعلينا..أما بالنسبة لسامندويتش الطعمية فهو رائع ويفتح النفس بس القولون يا أختاه مجرد ما شافه كركرلي.هههههههههههههه.بألف هنا وشفا يا قمر

بسمه عبدالباسط يقول...

كل سنه وانتى طيبة

وبالهنا والشفا يا جميل

وحلوة موضوع بتاع النت ده أصل الواحد برضة شارب منهم حاجات

:)))

موناليزا يقول...

ههههههههه
عسل يا نور وسكر وشربات مكرر كمان
وصورة العماويداللى بتتحرك دى عسل بجد
ضحكتنى جامد يعنى:)

ويارب يكون عام هجرى سعيد علينا جميعا

Unknown يقول...

كل عام وأنت بخير ودائماً منورة بطلتك
المشرقة....

البيروني يقول...

كل عام عام و انت طيب و بخير و صحة و سلامة
و ربنا يديمها عليك نت كده كتير و ببلاش :)

انا مش معاهم يقول...

هههههههههههههههه
بجد جوعتيني

الشاعر الفنان أحمد فتحى فؤاد يقول...

الله الله يا نورا الله
ساندوتش الطعمية ده هو اللى أنا محتاجله حالا .. لأ و إيه يا سلام لو يبقى من التابعى و اللا أخر ساعة .. إن شاالله حتى من عند عم عبده بتاع الفول الله يرحمه و يبشبش الطوبة اللى تحت راسه ( ماتخافيش ما قفلش مراته واقفة على العربية )
و الله يا أختى مافيش واحد فى الإمارات كلها بيعمل طعمية زى طعمية عم عبده ده غير واحد فى دبى و دبـــى بعييييد

مش هاطول عليكى
كل سنة و إنتى بألف خير و سعادة و فرحة ..
أحمد

!!! عارفة ... مش عارف ليه يقول...

يعني تغيبي تغيبي ونفطر على طعمية

ونبدأ السنة الجديدة بسندويتش طعمية


ولا ده من منطلق اللي نعرفه احسن من اللي منعرفوش

على العموم هو شكله مغري بصراحه

وميرسي على كل حال

وإن كنت أتمنى بصراحه يعني على أول السنة كده نفتتحها بفته ولحمممممممممممممة


ياااااااااااااه الواحد له زمان مقالش الكلمة دي

على أي حال كل سنة وانت طيبة

وربنا يديمها نعمة ويحفظها من الزوال


وليد

Dr. Ibrahim يقول...

بالهناء والشفاء..

mhmdwahab يقول...

الطعمية بردت يا نور شوفى كدة طبق البامية البايت فى الثلاجة من اسبوعين ساخنية وهاتية

خواطر شابة يقول...

اولا سنة سعيدة ان شاء الله وتنعاد عليك بكل الخير انت وكل احبابك
ياسلام على وردة وأغاني وردة وصوت وردة
الا قولي لي الله يخليك بحكم اني غير مصرية ما المقصود بسندويتش الطعمية ايه مكوناته انا اسمع دايما في الافلام ناكل طعمية بس عمري ماعرفت هيا ايه نوريني ينوبك فيا ثواب وهنيالك يا فاعل الخير
تحياتي لك

مجداوية يقول...

السلام عليكم

كل عام وانت بخير
وبألف هنا وشفا
بس ليه الساندويتش شكله محترم أوي كده
ده من فندق سبع نجوم ولا إيه
:)

karim يقول...

كل عام و انتى بخير , وبالهنا و الشفا مع انك جوعتين و اللة, انا بجد مش عارف لية مش عوضونا عن يوم الاجازة بلد عايزة..., حياتى

على عبدالله يقول...

السلام عليكم

كل عام وانت بخير
وبالهنا والشفا
السندوتش شكله مغرى شوية
بس لو تديله شوية شطة على فلفل حار
يبقى مية مية
:)

غير معرف يقول...

ألف هنا وعام هجري كريم مبارك عليك إن شاء الله يا دكتور وعلى كامل أسرتك والمسلمين في مشارق الأرض ومغاربها

مسدس صغير يقول...

كل سنة وانتى طيبة وبخير
عام هجرى سعيد وجديد
اما بقى عن السندوتش
طالما طعمية مش هقولك غير بالهنا
ههههههه
متشكرين

نور الدين (محمد الجيزاوى) يقول...

طيب يانورا
كل سنة وانت طيبة ويارب يفضلو مغمى عليهم وتعوضو اللى نهبوه منكم سابقا
وساندوتش سعيد معلش الطعمية بالليل بتتعبنى لو فى إقتراحات تانية يبقى موافق طبعا
...
كل سنة وانت بكل خير
...
نورالدين محمود

د/ أحمد لاشين يقول...

مبروك عودة النت وكل نت وانتم بخير :):)
وعام جديد وعلي عملنا شهيد وكل عام وانتم بخير
وسعيد برجوعك مدونتك
وسعيد باعترافك بأن السياسة هم فهل ستتوبين الي الله من هذا الذنب في بداية العام الجديد ؟
:):):)
واعلن انا توبتي من هذا الاثم
ومن هنا يا دكتورة :):):):)

قلم رصاص يقول...

كل سنة وانتي طيبة يادكتور

وحمدلله على السلامة

طمعيه ؟

لا شكرا بالهنا والشفا

هههههههههههههه

منتظرين موضوعاتك الجديدة بقى

في حفظ الله

أبو العريف يقول...

ازيك يا دكتوره

كل سنه وانت طيبه

وبالهنا والشفااااا

وووو

اذا النت يوما اراد الرجوع

فلابد ان يستجيب الروتر

micheal يقول...

كل سنة وأنتي طيبة والف هنا وشفا
:)

سجود يقول...

السلام عليكم
اززززززيك عامله ايه ؟
يارب تكوني بخييييييير
طيب يلا بسم الله نبدأ ناكل
ويارب النت يفضل ناسي ويخليه شغال ع طوووول

Heba Faruq يقول...

كل عام وانت بخير وصحة وسعادة
ويجعله عام سعيد عليك وعلى الاسرة جميعا يارب

وربنا يقدرك انشاءالله وتدفعي الفاتورة عشان مانتحرمش منك ومن بوستاتك الرائعة

عطش الصبار يقول...

الف هنا وشفا يا دكتوره

Unknown يقول...

salma mohamed
وأنتِ بألف صحة وسلامة
يارب ويعينك ربنا على
أمورك كلها كما ادعو
الله بالشفاء العاجل
لكل مرضانا.

Unknown يقول...

donya
صباح الفل
كل لحظة وأنت
بصحة وهنــاء
والاوبشن المتاح
الجبنة البيضا
متهيأللى تنفع:)

Unknown يقول...

استاذنا اللؤلؤة
وعليكم السلام ورحمة
الله تعالى وبركــاته
بالهنا والشفا يافندم
مطرح ما يسرى يمرى بأذن الله
وكل لحظة وأنت و الأسرة بألف خير

Unknown يقول...

أستاذ محمد سعد القويرى
كل سنة وأنت بألف خير
وانا أتمنى معاك كل هذا واكثر.

Unknown يقول...

mhmdwahab
دى امريكية حُكم عليها
ب23سنة حبس هى وزميله
وواحد تانى لأشتراكهم فى
قتل زميلة الامريكية
دى فى الجامعة فى ايطاليا
(مش كل الحلو حلو بحق وحقيق!

Unknown يقول...

لولا وزهراء
ربنا يخليكِ يازهرة
وما يحرمنى من كلامك
الحلو.ربنا يكرمك.

Unknown يقول...

لولا وزهـراء
صباحك سكر يالولا
حالاً نجيب المخلل والشاى
كمان ياسلام!غالى والطلب رخيص.

جلال كمال الجربانى يقول...

السلام عليكم

أحلى هديه سندوتش الطعميه
وبالهناء والشفاء

ودمتِ بخير حال

Unknown يقول...

Tamer Nabil
ايووة بيخدوا فلوسنا
حرام عليهم بجد!
وكل سنة وأنت بخير.

Unknown يقول...

حاول تفتكرنى
وانا يعجبنى كلماتك
وتعبيراتك:)كل سنة
وأنت بألف خير

Unknown يقول...

blue-wave
يارب يادكتور
يااااااارب

Unknown يقول...

ليس فقيراً من يحب
رانيا الامورة
عندنا يامرحبا
يامرحبا يامرحبا
ولما كان عندك دكر عدس
مش كنتى عزمتنينا عندك
بالمرة كنا شوفناه وأكلناه:)

Unknown يقول...

Mano
زيك انت يامانو
تفتكر؟وماله انا
راضية شفقة عطف حنان
معنديش مانع ابداً

Unknown يقول...

أستاذ تركى الغامدى
وحضرتك والأسرة
والسعودية كلــها
بألف خير يارب

Unknown يقول...

فكرة من الزمن ده
كوابيس ايه بعد الشر؟
احنا طعميتنا بتجيب
أحلام سعيدة وبــس:)

Unknown يقول...

ahmed_K
كل لحظة وانت بخير
يااستاذ احمد
ممكن حضرتك
تاخده معاك
السكة طويلة من
هنااااااا للغردقة!

Unknown يقول...

م/محمود فوزى
وعليكم السلام ورحمة
الله تعالى وبركاته
ماهم اولاد عم !
كلهم من عيلة
الاستاذ بروتين:)

Unknown يقول...

أحمد ابو العـلا
كل لحظة وانت
بالف خير يافندم
والفولأهوة يافندم
ياسلام!!غالى والطلب رخيص
---------------------
أجابة السؤال :لان ساعات
بكون قافلة التعليقات زى
التدوينة الجديدة النهاردة
بريح الناس من كلامى.
وبالمرة عايزة أقولك
بقى ان مدونتك بجد
مجننانى لانى كتير
ادور عليها مالاقى
الا السيد بار بس!!
اما الكلام او ال
boady نفسه مسش بيظهر
ياترى ليه وهل انى بأستعمل
انترنت اكسيبلور له علاقة بهذا؟

Unknown يقول...

الفقـــيرة الى الله
الغالية أم البنات
كل لحظة وأنتِ بألف خير
يجعلها سنة سعيدة على
آمتنا كلها يارب.

Unknown يقول...

كلمات من نور
اللهم آمين وجزاكِ
الله بمثلها وأكثر
القولون!مشكلة
بس محلولة بأذن
الله أجيبلك مهضم
مع الساندوتش:)

Unknown يقول...

bos bos بسمة عبد العظيم
وأنتِ بألف خير
وصحة وسعادة يارب
ربنا يهديهم وينسوا
كل المشتركين يااااااارب

Unknown يقول...

موناليزا
عجبتك؟اتفضليها
هى ووزارة الكهربا
كلها ما تغلاش عليكِ
يامونى.

Unknown يقول...

أستاذ محمد الجرايحى
وانت بالصحة زالسلامة
يارب.منورنا بوجودك.

Unknown يقول...

البيرونى
وانت بالصحة والسلامة
ويسمع منك ربنا .آمين

Unknown يقول...

أنا مش معاهم
اتــــفضل
بالهنا والشفا:)

Unknown يقول...

الشاعر الفنان
أحمد فتحى فؤاد
اتفضل يافنان
ما يغلاش عليك
بالهنا والشفا
ومطرح ما يسرى يمرى

Unknown يقول...

عارفة مش عارف ليه
مالها بقى الطعمية
يااستاذ وليد؟
نعمة ربنا يديمها
لنا ويحفظها من
الزوال
وأن كان على الفتة واللحمةأتفضل بالهنا والشفا

Unknown يقول...

Dr Ibrahim
الله يهـّنيك
وينجح مقاصدك.

Unknown يقول...

mhmdwahab
لا يافندم ماعندناش
حاجة بايتة كله صابح
وبنار الفرررررررررررن

Unknown يقول...

خواطر شابة
وانتِ بالصحة والسلامة
اهـ دا انتى عايزة تعرفى
سر الصنعة :)ماشى وبالمختصر
المفيد هو فول منقوع فى ميه لحد
ما يطرى وينفع يتفرم ثم يضاف اليه
الخضرة مثل الكثبرة والكرات والملح والفلفل وحاجات كتيرة اوى وممكن
بيضه نيه كمان ثم تشكل اقراص
وتحمر فى الزيت المحمى نارررررر
وبالهنا والشفا ويارب ما أكون
نسيت حاجة من المقادير:)

Unknown يقول...

مجداوية
وعليكم السلام ورحمة
الله تعالى وبركـاته
اصله جاى على الايميل
التكنولوجيا تحكم بقى:)

Unknown يقول...

Karim
كل سنة وانت
بألف خير يارب
وهدى أعصااابك
بلدك محتاجالك
ياابو الكررررم:)

Unknown يقول...

استاذ على عبد الله
وعليكم السلام ورحمة
الله تعـالى وبركاتـه
وحضرتك والأسرة بألف
خير وصحة يارب وعيونى
حاضر نجيب الشطة والفلفل:)

Unknown يقول...

أحمد شـريف
وانت بالصحة والسلامة
يااستاذ أحمد يارب.

Unknown يقول...

مسدس صغير
وانت بخير يارب
ومالها الطعمية
مش عجباك ولا حاجة
دى جميلة اوى اوى اوى.

Unknown يقول...

نور الدين
طيب يانور الدين:)
وانت بالصحة السلامة
يارب. تنفع جبنة بيضا؟

Unknown يقول...

دكتور أحمد لاشين
الله يبارك فى حضرتك
والله هى عودة مش
مطمننانى خالص!
ايه يرجع ويستمر
من امبارح ومن غير
فلوس !تفتكر حيعملوا
عليا غرامة تأخير ؟!:)

Unknown يقول...

قـلم رصـاص
وانت بالصحة
والسلامة يارب
ياجماعة مالها
الطعمية بس؟
نعمة وربنا
يحفظها لنا
ياااااارب.

Unknown يقول...

ابو العـريف
الحمد لله انت أزيك
عامل ايه؟كل سنة
وانت طيب والسنة الجاية
تكون فى مصر بتحضر لعزومة
كبيررررررة اوى للمدونين
وتجيب فيها كل انواع(الزفر)

Unknown يقول...

micheal
وأنت بالــصحة
والسلامة يامايكل
أتفضل معانا
بالهنا والشفا

Unknown يقول...

سجود
وعليكم السلام ورحمة
الله تعالى وبركاته
الحمد لله كويسة
وانتِ طيف أحوالك؟
قلبى متوغوش من رجعوه
كدا من غير ما ندفع الفاتورة
حاسة بحاجة قلقانى :استر يارب.

Unknown يقول...

Heba faruq
وأنت بألف خير
وصحة وعافية
ومتشكرة لمجاملتك
الرقيقة ياهبة.

Unknown يقول...

عطش الصبـار
الله يهنــيك
ويسعدك يارب.

Unknown يقول...

واحد من العمـال
وعليكم السلام ورحمة
الله تعـالى وبركـاته
ايوة كده أخيراً لقيت
حد معجب بالطعمية
وسندوتشها:):)

Unknown يقول...

الحمــد لله
رب العالمين

ريحانة الإسلام يقول...

يا خسارة، خلصتو ساندويتش الطعمية من غيري، كنت حابة أتذوق منه، بس لو خليتيها مية و واحد كان مشي الحال ههههههه يلا غير مرة

كل سنة و أنت الى الله أقرب بحلول السنة الهجرية الجيدة
دمت بحفظ الرحمن أختي نورا

الشاعر الفنان أحمد فتحى فؤاد يقول...

ليه قفلتى التعليقات على البوست الجديد
تصدقى و الله الصورة أدمعت عينى
حبة وجع على حبة ألم على حبة غربة
و الله بكيت

مهرة سالم يقول...

السلام عليكم..
ماليش دعوه عاوزه كبده ...
بس حبيت اسلم يا دكتور
في أمان الله

Unknown يقول...

ريحانة الإسلام
لأ ابداً مفيش خسارة
فى صعبان على حالـنا
نجيب تانى وتالت ورابع
مش انتِ اللى حتدفعى :)
كل لحظة وأنتِ بألف خير يارب.

Unknown يقول...

الشاعرالفنان
أحمد فتحى فؤاد
معلش يافنان
حبيت ما أتعبكوش
اكتر من كده وكمان
استحضر للتدوينة
الجاية قريباااااً

Unknown يقول...

نهــــــــار
وعليكم السلام ورحمة
الله تعالى وبركاتــه
كبدة!مشوية ولا مقلية
ولا اسكندرانى يعنى؟؟؟
انت تؤمرى عيونى
غالية والطـلب
رخيص ياسلام!

rovy يقول...

السلام عليكم
ازيك يا دكتوره .. قافله التعليقات فى البوست الجديد لكت ده مش حيمنعنى اكيد انى اسلم عليكى و اقولك وحشانى و بجد مكسوفه منك جداا لأنى مقصره معاكى و مع الكل تقريبا لكن انا متأكده انك متفهمه ظروفى و قلبك الكبير مسامحنى
دعواتك لى حبيبتى ..متى فى رعاية الله

تحياتى لكى دوما

Unknown يقول...

rovy
العتب علىّ أنا
لأنى المقصرة فى الزيارة
ولا لوم ولا عتب بين الاصحاب
مش كده ولا ايه؟زيارتك تفرحنى
ياروفى وربنا يحقق لك كل الخير
ويفرحك ويسر قلبك ببناتك
يااااااااااااااااااارب

Saly Moussa يقول...

شكرا لمرورك مدونتي
شكرا لتعليقاتك
شكرا للتحية
كل عام وكل يوم وكل لحظه
وأنتم كما تحبين أن تكونى
1431 هـ
2010م
إن شاء الله سنة خير علينا جميعا
وكــل عاااااام وأنتــــم
ب ‏1431‏ خـــــير
و 2010 ســلامـــة
ارجو أن لا تكون أخر زيارة؟؟
ولا أخر التعليقات؟؟
الى اللقاء
بالمناسبة قمنت بزيارة قصيرة لمدونتك..!
ظريفة لكن زيارتى كانت سريعة لظروف الوقت..
انشاء الله الزيارة الجاية سوف اعطيها حقها..؟؟
وشـــــــــــــــــــــكرا ع اللقمة الهنية...!!...

Unknown يقول...

mistersaly
يافندم أنا الأسعد
بالتعرف الى مدونـتك
لانها فعلاً متنوعة وممتعة
احتراماتى وتمنياتى بدوام
الصحة والعافية والسلامة .