السبت، سبتمبر 20، 2008

رئيسة وزراء اسرائيل المقبلة



فيه مثل كانت ستى الحاجة الله يرحمها
ويرحم اموات المسلمين اجمعين دايمآ
بتقول:
لو شاف الجمل سنمه
كان وطى قطمه
بمعنى ان الانسان مابيشوف عيوبه او حقيقته
المثل ده افتكرته وانا بقرأ تصريح
تسيبنى ليفنى
زعيمة حزب كاديما الاسرائيلى(اللى اسسه ارييل شارون
سفاح صابرا شاتيلا بعد انفصاله او انشقاقه عن حزبه
الاصلى الليكود) بعد ما فازت فى انتخابات الحزب
واخدت الزعامة بتاعته من المنافسين لها على المنصب
قالت ايه الست تسيبنى دى
وخدى لى بالك من كل كلمة )
***الاخيار هم الذين فازوا ***

:
:
:
:
:
::: ::::::لاتعليق

هناك 43 تعليقًا:

نـــــور يقول...

معرفش
لا تعليق
قال الاخيار فازوا قال
قوليلها خدعوك فقالوا

هانى زينهم يقول...

الاخيار من وجهة نظرها ما هو الدنيا كدة ناس اشرار فاكرين نفسهم طيبين وناس طيبين فاكرين نفسهم هبل !!
انتى اصلا شوفى اسمها ايه واسم الحزب بتاعها اسمه ايه يعنى ربنا هيعمل فيها ايه اكتر من كدة !!
ربنا يرحمنا جميعا ويا ريتها تتعظ من نهاية شارون والا الناس دى ما بيحوقش فيها حاجة .
اجمل حاجة فى البوست راى ستك امانة تقريلها الفاتحة زى انا ما عملت شكلها الله يرحمها كانت حكيمة قوى اصلى باموت فى الناس الكبار الطيبين دول .

عدنان أحمد يقول...

السلام عليكم

طبعا لا تعليق
ربنا ياخدهم كلهم

اللهم إني صائم

ADMIN يقول...

رزق الهبل ع المجانيين واحدة بقى واحد مش فارقة خالس ةيابخت الروساء كل ماحيقبلوها حيبوسووووووووووو
سلام وليس اخر الكلام

Unknown يقول...

السلام عليكم ورحمة الله وبركاته
حبيبة
حبيبة الحبيبة
اقولك ايه؟
هى شايفة كده!!
ان هى من الاخيار!!!
وكل واحد وشوفانه بقى
على رأى سعيد صالح!!!!
نورتينى بمرورك و تعليقك

Unknown يقول...

السلام عليكم ورحمة الله وبركاته
أ.هانى زينهم
كل واحد وعَلامُه بقى يامستر هانى:
علمِوها انها من (الاخيار )!!
طالما انها(صهيونية متعصبة)!!
وطالما انها تكره كل ما ليس صهيونيآ!!
من نعمةالله على عبيده الاتعاظ بالاحداث
لكن فيه بعض الناس زى ما بتقول كده لا تتعظ بشىء ابدآ.
وتمت قراءة الفاتحة لاموات المسلمين اجمعين
حتى تعم الفائدة ويرزقنا ربنا بمن يترحم علينا إذا حان الاجل
متعك الله بالصحة والعافية

Unknown يقول...

السلام عليكم ورحمة الله وبركاته
أسير حبيبته
حرر الله اسرآنا جميعآ
(كيفك ياعدنان وكيف احوالك
ارجو ان تكون على خير حال )
وربنا ياخد الظالمين اجمعين
امين يارب العالمين يارب
نورتنا بالمرور
والتعليق
ياعدنان

Unknown يقول...

السلام عليكم ورحمة الله وبركاته
شاب اسكندرانى
اممممممممممممم!!
وجهة نظر برضه
تحتاح الى بحث وتمحيص!!
تحياتى وسلاماتى
لاهل اسكندرية
كلهم شباب
وشيوخ
كلهم
كلهم

مصطفى محمود يقول...

يا ستي سيبي الولية تفرحلها يومين

وكمان دا شئ عادي يعني مع اليهود

امال هما يهود ليه ؟!

ربنا يهدي الجميع يارب وينصر المسلمين على انفسهم عشان منخليش العالم دول يتحكموا فينا

ياااااااارب

سلام :)

Unknown يقول...

السلام عليكم ورحمة الله وبركاته
Teva
سيباها ياسيدى زى مابتقول اهوه
وعلى رأى واحد قرأت له مقال قبل كده
إن مفيش رئيس وزراء اسرائيلى جه بعد اتفاقيات السلام الا ومشى بحكاية :واحد اغتيل بيد صهيونى مثله(اسحاق رابين)وواحد فى غيبوبة عميقة (ارييل شارون )واتنين سُحبت منهم الثقة (نتينياهو وباراك)وواحد اتحول للتحقيق بسبب مفاسد مالية !!!(اولمرت) حتى باتوا يسمونها لعنة السلام (دول هم اللى بيقولوا مش انا خلى بالك)
سلااااااام

TIMMY !! يقول...

الأخيار ؟؟

أيوة .. فعلا ..لكن الأخيار في مصلحة بلدهم ..

الأخيار اللي مستعدين يبيدوا شعوب علشان رفعة بلدهم و عصاباتهم ..

فكما أن "خيركم خيركم لأهله" .. فهي خيرٌ لأهلها .. الذين هم شرٌ محض !!!

تحيتي ..

اسامة يس يقول...

قد تتعجبن من رأيي اشد العجب... لكن فكري فيه للحظات اذا سمحت ... وهو غير متعلق البته بليفني ولا ارمرت ..
فقط اقول : لو كان عند العرب انتخابات مثلهم لما كان هذا حالهم...
دمت بكل ود...
خالص تحياتي..

ابوجلال المصرى يقول...

السلام عليكم
بجد لا تعليق ؟
تحياتي
متابع

Beram ElMasry يقول...

سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير

kafrawy يقول...

عادى يا بيه

الاخيار مفردها خيار

وهيا شايفه نفسها خيار
هى حره تقول اللى هيا عايزه
كدة ...كدة هى هتنفذ نفس السياسه
ونفس الطريق اللى مشوا من عليه اللى كانوا قبلها هيا هتمشيه
ويمكن اضل سبيل

ربنا يهدى

Unknown يقول...

السلام عليكم ورحمة الله وبركاته
Timmy
هى شايفة كده
من وجهة نظرها
وكل واحد ووجهة نظره !!
لكن بنظرة مجردة من المشاعر(لو سمحت)
مش هى بتعمل زى مابتقول كده لمصلحة بلادها وناسهاولو حتى على حساب الدنيا!
تبقى طيبة وخيرية وخيارة كمان ولا لأ!!

Unknown يقول...

السلام عليكم ورحمة الله وبركاته
osama
عارف يُجيبك الشيخ الامام محمد عبده
من سنين طويلة لما سألوه عن إنطباعاته بعد رحلته لاوروبا وفرنسا قال ايه؟
(رأيت إسلام من غير مسلمين!!!)
فلو طُبق ما تقول ما اصبحت
(صعبان علىّ حالنا!!!)
تحياتى
ودعواتى
لنا
جميعاً

Unknown يقول...

السلام عليكم ورحمة الله وبركاته
ابو جلال المصرى
ليه؟
لا تعليق ليه؟

Unknown يقول...

السلام عليكم ورحمة الله وبركاته
beram elmasry
نحن بالانتظار

Unknown يقول...

السلام عليكم ورحمة الله وبركاته
kafrawy
ما هو انا بقول اهوه (كل واحد وشوفانه )شايفه كده وحتعمل اللى عملوه اللى قبلها وزى ما بقول بالنظرة المجردة لها هدف موحد من سبقوها والتالى لها خطة الكل ماشى عليها (يابيه) مش كل واحد يجى ويقلب الدنيا من اول وجديد مابين اشتراكية ورأسمالية وخصخصة وكل يوم بحال زى حالنا. شىءيحزن!!!!!!!

Beram ElMasry يقول...

الاخت الكريمة الفاضلة . norahaty
معذرة عن غفلتى والتقصير غير المتعمد فى الرد على من اولانى اهتمامه والمشاركة فى التعليق ، وان كنت قد قصرت ، فانت اهل للصفح والتسامح ، واكرر اعتذارى فقد اجهدنى عتابك ، وان عفوتى فعندى جديد كل ثلاثاء ، وانى انتظر

Unknown يقول...

السلام عليكم ورحمة الله وبركاته
بيرم المصرى
سبحان من
لا يغفل
ولا يقصر
سبحان الله
ونحن فى انتظار
جديدك إن شاء الله

Ahmed Kamal يقول...

و سيعلم الذين ظلموا أي منقلب ينقلبون ..

Unknown يقول...

السلام عليكم ورحمة الله وبركاته
أ.احمد كمال
بأذن الله ياباشمهندس
وكما قال تعالى فى كتابه العزيز:
(لاَ يَغُرَّنَّكَ تَقَلُّبُ الَّذِينَ كَفَرُواْ فِي الْبِلاَدِمَتَاعٌ قَلِيلٌ ثُمَّ مَأْوَاهُمْ جَهَنَّمُ
وَبِئْسَ الْمِهَادُ)
(آل عمران197,196)
صدق الله العظيم

Beram ElMasry يقول...

الاخت الكريمة Norahaty
رحم الله جدتك وموتى المسلمين
( قالو يا فرعون ايش فرعنك قال ملقتشى اللى يردنى )
ليبنى تفوز ما المانع هل نسينا تعليقها على دموع السنيورة ، لكن ماهو رد حريمنا ، وقبلها مائير ، اين اولمرت ؟ ، عزل للاشتباه فى تقاضيه رشوة مش سرق البلد ، واين شارون مرض فعزل ولم يخللوه ، ويغضبون لانى قلت ، ( الشعب فى مصرنا اهبل عبيط سكة )
شكرا لك ومعذرة لازعاجك

tarek alghnam يقول...

نور حياتى
والله عاوز اقول بس اجرح
عاوز اقول للمسلمين اللى كتمين على نفسنا شوفوا الديمقراطيه واتعلموا من اعدائنا
عاوز اقول للستات عندنا شوفوا ليفنى واتعلموا
رغك انها شخصيه لا اشتريها بجنيه الا انهم لابد ان ينعلموا منها كيف تقاتل لمصلحه بلدها وتصل لأعلى المراتب
بصراحه يانور دة درس بس مين يفهم ومين يسمع ومين يشوف وعاوزين نحرر القدس
ابقوا قابلونى بالشكل بتاعنا
تحياتى واسف لأنفعالى
بوستك رائع

لاجئ الى متى يقول...

الله يرحم الحجة اولا
وبعدين الامثال كثيرة بهالموضوع بالذات

منها

لو دامت لغيرك ما وصلتلك

ارى ان القاد بات خطيرا بوصول شمطاء كليفني الى سدة الحكم
يعني ما الكل عارف انه مجرد ما ييجي على كرسي الحكم كلب
بدو يبين قوته

بدلا من مباركة البعض واقصدهم لـ ليفني
ارى ان نتحضر لما ستبدي لنا الايام

نورا شكرا على التميز

Empress appy يقول...

م اكل واحد بيبص لحاله ومش شايف عيوبه والست لسه مش عارفين هتنيل ايه ساعتها نقدر نقولها بصى لنفسك بقى فهمتى سبيها مرايتها مكسورة

غير معرف يقول...

دكتورة نور

انا افتكرت حكمة بتقول

لا تسأل الظالم لماذا يظلم ولكن اسأل المظلوم لماذا يقبل بالظلم

هى تعتقد انها خيرة ولا لوم عليها فلا احد يقول لها أنك أخطأت

تحياتى

TIMMY !! يقول...

*رد على موضوع "حب ايه اللي انت ....*:



و عليكم السلام و رحمة الله و بركاته

أهلا بيكي يا دكتورة ..

منوره الموضوع المهجور ..

و إن شاء الله تكملي بقيت الأجزاء و نسمع رأيك ..

ما احنا ما وراناش حاجة برضه :)

تحيتي

Beram ElMasry يقول...

السلام عليكم ورحمة الله وبركاته
عفوا سيدتى انى لم اخدش حياءا ولم اجرح شعورا ولم انحط فى شعرى كى اسمو ، ان كلمة منشفشى ( ***** ) ليست وقحة ، سيدتى . ان كان فكرك صور لك انى اعنى جمال مبارك ، طبعا لا ، اللهم لا حسد ده مليار دير ( ***** ) نشف ، ولم ولن يدر فى خلدى ان يكون رئيسا عملا بالحكمة ( من شابه اباه فما ظلم )
سيدتى سعيت اليك لزيارة مدونتى لا لافقدك سريعا
خالص تحياتى وشكرا

Unknown يقول...

نورهاتي

ازيك اخبارك ايه يارب تكوني بخير وبألف صحة وسلامة

مش عارف ايه اخرت الحكايات معايا لكن تعرفي اصل مثل بيقول اللي اختشو ماتوا


انا اقولك
كان في حمام زمان بخار زي الساونا كده دلوقتي وspaوالحجات دي كان اهل البلد بيستحمو فيه وفجأة الغاز اتسرب وحصل حريق في الحمام وكانو بالطبع مش لابسين ملابس ساتره يعني

تعرفي ايه اللي حصل
المعظم جري ناحية الباب من غير كسوف وخرجوا المهم ينجو بحياتهم

واكيد انتي عارفه مصير اللي اختشوا

يبقي اللي اختشوا ايه ............؟

عشان كده واضح ان الست دي كانت طلعت تجري من الحمام ومبتختشيش
قوليلها انتي بقي ان اللي اختشو ماتوا

تحياتي يا قمره

برقش

Unknown يقول...

السلا م عليكم ورحمة الله وبركاته
أ.طارق الغنام
كلامك كله مضبوط
ياأستاذ طارق
بس زى ما بتقول
انت مين يسمع؟ ومين
يفهم ؟ والاهم كمان
مين ينفذ الكلام ده؟
كلامك كله مضبوط
ومافيه شىء يستحق
الاعتذار ابدآابدآ
شكرآ لكلامك ولتعليقك

Unknown يقول...

السلام عليكم ورحمة الله وبركاته
لاجىء الى متى
عائدون إن شاء الله
القادم اخطر واخطر واخطر
ولكن ما من مجيب ولا من سامع
ليفنى كسابقيها لا تحيد عن الخط!!!
خط القتل والتدمير الاعمى لكل غير
صهيونى ,فماذا نحن فاعلون ....لا شىء!!

Unknown يقول...

السلام عليكم ورحمة الله وبركاته
ابى هانم عندنا
يامرحبا يامرحبا
(والست لسه مش عارفين هتنيل ايه ساعتها نقدر نقولها بصى لنفسك بقى)وتفتكرى هى حتتغير عن اللى قبلها ؟حبيبتى دول ناس ماشين على خطة واحدة جاء زيد راح عبيد الخطة حتفضل هى هى
مش كل واحد يبتدى من اول وجديد !!!
تحياتى

Unknown يقول...

السلام عليكم ورحمة الله وبركاته
المحارب المتيم
الاديب العاشق
عرفة الاسيوطى
(لا تسأل الظالم لماذا يظلم ولكن اسأل المظلوم لماذا يقبل بالظلم)
اول مرة اسمع الحكمة دى بالصراحة ياعرفة لكن فعلا عجبتنى واجاوبك ليه رضينا بالظلم لاننا بصراحة ليس بنا قوة ولا جلد لمقاومة الظلم!!
يرحمنا ربنا.

Unknown يقول...

السلام عليكم ورحمة الله وبركاته
TiMmy
الحمد لله تمت قراءة الجزء الثانى !!وكتابة التعليق عليه
يسهلها ربنا على الجزء الباقى!!
وربنا يستر ماتعملش زى المسلسلات
ويبقى فيه الجزء الرابع والخامس
ولو ان الكلام الحقيقة ممتااااااز
سلام.

Unknown يقول...

السلام عليكم ورحمة الله وبركاته
Beram ElMasry
(بيرم المصرى
عفوآ إن كنت قد اغضبتك بكلامى ولكنى قلت (اسفة إن كان كلامى جامد شوية؟؟)
استاذ بيرم وعفوآ مرة تانية انا لا اقول كلمة (.....)فى كلامى العادى ولا ارددها وتوذينى ان سمعتها فى معرض حديث ما وبالتالى لم اكتبها ووضعت النقاط بدلآ منها ولم اقل عن الكلمة انها (وقحة )ولكنى لا اقولها وما احب ان تقال .
عفوآ مرة اخرى.
تحياتى

Unknown يقول...

السلام عليكم ورحمة الله وبركاته
bar2ash
نعم يادكتور برقش زى ما قالوا فى الامثال زمان اللى اختشوا ماتوا
وهى شايفه انها من الاخيار!! خلاص بقى
كل واحد وشوفانه والمحاسب هو الله فى النهاية.
متشكرة كتير لمرورك ولكلامك الطيب.
دعواتى وتشكراتى واحتراماتى.

Beram ElMasry يقول...

سيدتى . norahaty
شكرا ان جاء الرد سريعا ، ولا عليك من قول جامد اوخلافه لانه سياق طبيعى فى النقد ، ويحزننى اعتذار سيدة لها هذا الخلق الكريم ، وشكرا لله ولك على عودك الحميد للمدونة ، سيدتى حاجتى لمن له عقل مستنير مثلك اكثر من حاجتهم لمثلى ، فمثلى كثر
لاتحرمى مدونتى الزيارة ، وقولى ماشئت ، ولو قرات ما نشر فى المدونة سيتاكد لكى ان لسانى عف

Unknown يقول...

السلام عليكم ورحمة الله وبركاته
بيرم المصرى
شكرآ لكلامك وثنائك
ولا حاجة للاعتذار بين الاصدقاء
وكلنا نحتاج الى بعضنا البعض ومكملون لبعضنا البعض فى تلك الظروف والتى تمر بها بلادنا بل منطقتنا العربية كلها .
مرة اخرى شكرآ لك ولنطوى هذه الصفحة
ومثلما يقول لاجىء الى متى :القادم اخطر
تحياتى ودعواتى واحتراماتى .

وفاء بركات يقول...

اللهى يخليكي أمسحي تعليقي السابق أحسن تقريبا كتبته وأنا نايمه
حاجه تكسف .....ربنا يرحم الحاجه يارب ويرحم جميع موتي المسلمين
اليهود همه اليهود من خيار الناس من مجارى الناس راح نفتكر ليهم ايه ولا ايه وكل قطمه من البصله بدمعه ..
ربنا يأخدهم كلهم
انا نفسي ربنا يرسل عليهم طير ابابيل
ترميهم بحجارة من سجيل وهذا دعائي في كل صلاة
ربنا ينصر المسلمين في كل مكان ويرد الغائب منهم ويحرر اسراهم ويعود أقصانا الغالي لنصلي فيه صلاة شكر لله
بعودته الينا
تقبلي تحياتي ولا تنسي محو التعليق السابق ...وأرجو قبول إعتذارى

Unknown يقول...

ربنا يخليكى لىّ انا يارب
واهى الست بينت كرامتها
فى حرب غزة منها لله هى واللى
زيها .وسماح ياأستاذة فى عدم الرد
الا الان جل من لا يسهو وينسى:(