الجمعة، أكتوبر 09، 2009

..... إنسان يتلاشى ....


أرى إنساناً قريباً لى
يتلاشى يذوب يتحلل

يكاد ان يختفى
لا ادرى كيف ولكن هذا هو ما يحدث
ينقص وزنه ويرق صوته وينكمش عوده
لماذا كل هذا؟

لأنه فقد سبب الحياة
ما كان يحيا به وله
السُلطة
النفُوذ
الهيلمان
القُــــــوة

فى بادىء الامر كان تقاعده على المعاش
ضربة له ولكنه تعافى منها بسرعة
فقد كان هناك شىء أخر يستمد منه زادهـ اليومى
أو قل
شريان حياة
يهيىء له الزاد والزواد
النفسى
كان عضواً بمجلس إدارة النادى الرياضى
والذى هو عضواً به منذ سنوات بعيدة
يستيقظ صباح كل يوم
ليتحضر للجلسة الفلانية او الندوة العلانية
وما كان حضور الندوة هو المهم
لا لا لا
المهم الأِشراف على العمال فى الاعداد
المريّسه على كاتب الجلسة

الجلوس بجانب ضيف الندوة فى صدر القاعة!
ذكر اسمه من انه هو من
(اقنع الضيف بعد طول مطالبة ورجاء بالحضور)

لا تستغربوا فالناس كما يقولون مزاجات!!

ومزاجه لا يراهـ الا فى هذا

لا يرى اولادهـ الموفقين علمياً وعملياً

لا يرى بيته الجميل
لا يرى صحة أنعم الله عليه بها

لا يرى نعماً كثيرة
أكثر من ان تعد أو تحصى أنعم
الله عليه بها

لا يرى كل هذا

فقط السُلطة

والسلطة فقط

هى ما يريد

ولو كانت سلطة عضوية مجلس

إدارة نادى رياضى

(درجة خمستاشر)

طبعاً وبداية عملنا كل

التحاليل والكشوفات

لكى نطمئن عليه

فيزيئياً

والحمد لله رب العالمين

سليم 144فى المائة

حاولنا بكل ما نملك من الكلام والاقناع

اقناعه بأن الامر لا يهم

ولكن هيهات

يريد سُلطة فمن أين

نأتى بها اليه؟

الأن أفهم واتفهم
(وعن معايشة)
وإن كُنت لا أوافق!
تمسك كل ذى سلطة بها

والمحاربة الأ يفقدها

فهو يدافع عن حياته

عن وجودهـ!!

وسبب عيشه!

هناك 88 تعليقًا:

Unknown يقول...

اللهم لا تجعل الدنيا
أكبر همناولا مبلغ علمنا
ولا إلى النار مصيرنا
واجعل الجنة هي دارنا
ولا تسلط علينا
بذنوبنا من لا يخافك
فينا ولا يرحمنا برحمتك
يا أرحم الراحمين
يارب العالمين ..
آميــــــــــن

هانى زينهم يقول...

والله يا دكتور صعب عليا بجد . مش مهم اوافقه او اختلف معاه . اى سبب الواحد بيستمد منه متعته فى الحياة لازم يحترم ما دام مش عيب . السلطة شهوة زى الاكل والشرب فطبيعى ان اى حد يتحرم من متعته يستوجب التعاطف . وجهة نظر ممكن تكون غلط بس ربنا يبعدنا عن اى سلطة لو هنستخدمها غلط .

Unknown يقول...

مستر هــــــانى
ولو شفته يصعب
عليك اكتر وأكتر
لما شفته وعايشت
حالته فهمت ليه
(الكبار)مش عايزين
يسيبوا الكراسى الا
مضطريين!بس لو كده
امتى التجديد حيحصل
وبنفس الوقت الخبرة
لها وزن فى كثير من
الامور :مشكلة يامستر
لماّ بقعد أفكر فيها:
القديم ولا الجديد ؟؟؟

هانى زينهم يقول...

للاسف يا دكتور المفاهيم عندنا مغلوطة . يعنى لا القديم بيفيد بخبرته ولا الجديد بيطور . القديم قاعد عشان عارف انه لو مشى مش هيبقى ليه لازمة والجديد بيمسك عشان المريسة والمميزات انما التجديد نفسه مش حاصل . عشان كدة احنا زى ما احنا وعمرنا ما بنتقدم لقدام وليكى الحق ان الحال يبقى صعبان عليكى وعليا وعلينا كلنا !!

TIMMY !! يقول...

الحمد لله الذي عافانا مما ابتلى به غيرنا , و فضلنا على كثير ممن خلق تفضيلا ,

حب الظهور و تصدر المجالس ده فعلا بلوى , الحمد لله الذي عافانا منها

romansy يقول...

كتير قوى قوى من البشر اللى يتمنوا السلطه مع ان السلطه مش هتكون موجوده فى اييديهم الا ان اراد ربنا كتير منهم عاوز يبقى ريس والناس عبيد علشان يبقى هو السيد
واللى هو حاكم وسيد على كل الناس الضعفاء واكيد برضه فيه ناس حواليه مشجعاه دول بتوع المصلحه بس
مع اللى رايحين واللى جاااين اهم حاجه المصلحه تخلص
دا شئ عادى فى المجتمع المصرى كل من هب ودب عاوز يبقى حاجه فى البدل دى مع ان ربنا قال
فى كتابه
وجعلنا بعضكم فوق بعض دراجات
صدق الله العظيم

KEBLAWYAT يقول...

هى الفكره يا دكتوره بس انه بيبقى اتعود على جو معين وأسلوب حياه معين ، واتعود على ان يومه دايما مزحوم ومشغول

وفجأه لقى نفسه قاعد ف البيت كل اللى وراه يتفرج على التليفزيون

بتبقى صعبه عليه...

المعتصم يقول...

السلام عليكم ورحمة الله وبركاته
تحياتى يادكتورتنا
فعلا والله الله يكون فى عونه
لانه فى مشكله عويصه
وفعلا هو بالنسبه له فقد اهم حاجه فى حياته خصوصا انه طول عمره وهو متعود على السلطه والنفوذ
اقولك انتوا تعملوا جمعيه كده وكده وتمسكوه رئيس مجلس للادارة بتاعتها
وهو اول ماهيطلع النجيل فى عنيكم
هيخف ويبقى زى الفل (وانتوا ليكم رب)
هههههههههههههههههه
ســـــــــلام

عمرو يقول...

السلطه و النفوذ لهما بريق و هما اٍمتحان و محنه من المولى القدير و ما أكثر و أصعب اٍمتحاناته للاٍنسان ..
و ربنا ما يجعل الدنيا أكبر همنا و لا مبلغ علمنا لأنها دنيا غروره و بها من المباهج ما يأخذ صاحب العقل الضعيف لهوة التمسك بأهدابها و فى النهايه لازم يطلع منها خسران لأنه راهن على زوال ..
لك منى التحيه يا دكتوره بارك الله فيكى ..

Heba Faruq يقول...

لوكانت دامت لغيرك
ماكانت وصلتلك
صحيح ناس كتير مش فاهمة ده
وكمان مش فاهمة إن اللي ماسك سلطة حيتحاسب أكتر من باقي الناس
وكل ما زادت سلطته ومسؤليته حيتحاسب أكتر..ولو الناس فهمت أد إيه الحساب ده صعب مكنش حد جري على سلطة أو نفوذ

وربنا يكملها علينا بالستر
ويكفينا شر الكراسي ويبعدها عنا

مع تحياتي

beautiful mind يقول...

اولا ازيك يا دكتور
يارب تكوني بكل خير
حب السلطه اكبر من اي حب في الدنيا
والتمسك بيها يطغي علي التمسك حتي باعز الناس
حب السلطه هو اللي خلا فرعون عاند موسي
وهو اللي خلا كفار قريش يرفضوا دعوة النبي محمد صلي الله علي وسلم خوفا علي السلطه دي
وحب السلطه والنفوذ هو اللي جاب بلدنا دي للحاله اللي احنا فيها
هي اكبر من مرض نفسي وان كانت ملهاش تشخيص ولا علاج
كان الله في عونكم معاه
وتقبلي مني خالص التحيات

Yusuf يقول...

انه داء السلطة

ربنا يعافيه منه

ويبعدنا عنه

تدوينتك منورة الريدر

تحياتي

Che يقول...

السلطه ادمان بغض نوع السلطه او مكانها ... اللى بيكر بيه ده هو اعراض الانسحاب ..... لو كان انسان ذو عزيمه و عرف يفهم ان السلطه لا تدوم يبقى هيعدى من ازمته ... لو معرفش يبقى ربنا معاه

موناليزا يقول...

مين قال انه سليم!!
مثله يعانى من مرض السُلطة وهذا لا يوجد له علاج

اللهم لاتجعل الدنيا اكبر همنا ولا مبلغ علمنا

غير معرف يقول...

السلام عليكم
ازيك يادكتوره
انتى فتحتى موضوع مهم جدا
انا باسميه وهم السلطه
فيه ناس عندها الوهم ده

رغم انه بكل بساطه لو فكر فى الموضوع بنظره دينيه هابكون الامر مختلف
يعنى انه يكون مسئول عن اللى تحته
سواء كان المنصب ده كبير او صغير
دى مسئوليه كبيره جدا

وشفنا فى تاريخنا ناس عرفوا قدر المسئوليه
يعنى مثلا الصديق ابو بكر رضى الله عنه فى اول يوم
قال ما معناه
وليت عليكم ولست بخيركم
ان احسنت فاعينوني وان اسال فقوموني
القوى فيكم ضعيف عندي حتى اخذ الحق منه
والضعيف فيكم قوي عندي حتى اخذ الحق له

والفاروق عمر بن الخطاب رضى الله عنه
قال ما معناه
لو عثرت دابه بالعراق خشيت ان اسال عنها لمَ لم تمهد لها الطريق ياعمر

وللعلم برضه
الكلام ده يسرى على كل مستويات المناصب
سواء منصب كبير او منصب صغير

انما باه لو بص لها من ناحيه الجاه والسلطه والمريسه على الناس
فده فعلا ممكن ييجي له اكتئاب ويتلاشى
وعلى فكره لو تلاشى ممكن تلاقي الناس اللى كانت تحته هاتفرح

ودي المشكله انه احيانا تلاقى شخص عدم وجوده بيريح ناس تانيه
مش حتى قلته احسن
لا ده عدم وجوده احسن عند ناس تانيه

ربنا يسترنا
معلش طولت عليكي
تلاقيكي قمتى تعملى شاى عشان الصداع
معلش خلى حساب الشاي عليا

osama44 اسامه 44 يقول...

اللهم اجعل الدنيا فى ايدينا ولا تجعلها فى قلوبنا
اللهم اشفى كل مريض مسلم
اللهم اهدنا اليك

عمرو جويلى يقول...

السلام عليكم
بالفعل صعبان عليا حاله لأنه
تعود على السلطة والسيطرة
وحب التسلط حتى أدمنها
وأعوذ بالله يا دكتورة من شيئين
حب السلطة وحب المال
وربنا معاه
خالص تقديرى

عمرو جويلى يقول...

السلام عليكم
أنا أعتقد أنه لو حصل على
السلطة وتحمل المسؤلية فى مكان
ما ولو كان البيت وحاولتم
أن تعطوه الإهتمام الزائد
لحلت المشكلة
خالص تقديرى
وأشكر حضرتك على التواصل

مسدس صغير يقول...

حب السلطة يجعل من الشخص بعد فقدها كتكوت مبلول بماء السقاء
مكسور الجناح

ولكن انها سنة الحياة

للتخلص من هذه الافة ان الشخص يعلم انها لو دامت لغيره ما وصلت اليه

احييكى على البوست
سلاماتى

كلمات من نور يقول...

دايما الناس بتخسر كتير يا نور لما تقعد عالكراسي

و أول ناس بتخسرهم أقرب الناس ليهم

يارب ميقعدنا على سلطه ولا يجعل في أيدينا نفوذ على حد أبدا ويجعل دايما فقراء إليه

Abd Al-Rahman يقول...

صدق رسول الله فقد قال " عجبا لأمر المؤمن كل أمره له خير إن أصابته سراء شكر فكان خيرا له وإن أصابته ضراء صبر فكان خيرا له وليس ذلك إلا للمؤمن "
لأن القضية فى النهاية قلبية ، أصحاب المناصب يتلاشون لأنهم إختزلوا حياتهم فى شيء زائل فلا هو شكر ولا صبر
قد تكون وجهة نظرك فى أنهم يتمسكون بحياتهم لكن هذا ليس لهم عذر فهم أصحاب الخطأ من البداية...
ياليت قومى يعلمون !!!!
***************
أسلوب حضرتك مميز
ربنا يحفظك

حاسوباتيه يقول...

فعلا حاله صعبه جدا في ناس حب السلطه تملكهم للاسف هي طبعا بتكون صعبه في الاول زوالها بس لازم يتعود ويعيش وربنا معاه ويهديه

محمد سعد القويري يقول...

الأخت الفاضلة :: norahaty ::
تحياتي العطرة
وبعد
موضوعك حقيقة حساس جدا ومهم وخطير
فأنتِ تتحدثين
عن مرض خفي من أمراض القلوب
ألا وهو حب الرياسة والتسلط
ولا أدري حقيقة ماذا أنصح قريبك هذا ..
فالمرض نفسي ..
ولكن
لفتتك جميلة
تذكر نعم الله الأخرى
وإذا لم يكن بد من السلطة
فليفتتح مشروع بسيط
وليكن هو المعلم والريس

دمت في حفظ الله

حسن حنفى يقول...

كل انسان بيحاول يحقق ما يشتهيه او يجد فيه راحته بدون حساب ما اذا كان هذا صواب ام خطأ

زهراء يقول...

ايه الجمال ده كله يا قمر الدكاتره كلهم
كلامك صح ميه فى ميه اقصد 144 فى الميه
فى ناس تفضل عايشه حياتها علشان السلطه اول ما تبعد السلطه فجاه تلاقى كل الامراض ظهرت وكل الحاجات الوحشه برضه ظهرت وبانت
موضوع من اخطر ما يمكن
تسلم يمناك يا قمرايه
مش برضه تكتبى باليمين

الازهرى يقول...

قليل من فهم حكمة الله تعالى فى قوله

كل يوم هو فى شأن

أم أحمد المصرية يقول...

ياه يا نورا المشكلة اني مصدقاكي مع اني ما قابلتش حد من النوع ده و و ان كان زي ما بتقولي أفهم واتفهم(تمسك كل ذى سلطة بها لكنه صعبان علي بجد علي الاقل ما استغلش سلطته في مكاسب مش من حقه هي بس مساله برستيج
انا بجد شايفة زي معتصم ان يشترك في جمعية خيرية و يبدأ يطلع طاقته دي في حاجة مفيدة
يفيد و يستفيد

غير معرف يقول...

نورا العزيزة
-----------
حقيقى ان السلطة لها بريق .. هذا لدى من يستفيدون ويستمتعون بنفوذها .. أما من يرون ثمنها .. وانها تحدى لخدمة الناس .. فهى مسئولية مهلكة

المضحك فى الموضوع وانت طبيبة .. ان هؤلاء ايضا لديهم ما يفنى صحتهم من الآم وضغط وسكر وربما لايفقدون وزنا .. بل يتلاشون .. لكن الفارق ان المهووسون بالسلطة يزيحهم الناس بعيدا .. أما الآخرون فكلما راحوا بعيدا .. او حتى غابوا .. يستحضرهم الناس فى الحاضر .. ولو بالتمنى او فى خيالهم

فانظرى حب الناس لهؤلاء وهؤلاء .. وانت تلمسى حب الله لهم

بوست جميل فى واقعيته

كريم مصطفي سيد يقول...

السلام عليكم ورحمة الله وبركاته

كلنا تقريبا تابعنا فعاليات يوم الجمعة يوم
الغضب الذي دعا له فضيلة العلامة
الدكتور يوسف القرضاوي
ربنا يكرموالدكتور أبدى رأيو بيها وقال انها
كانت خافتة
فاحنا عاوزين نعرف رايكم انتم كمان فيهاونتناقش


ليه يا ترى كانت على الشكل ده؟

دمتم بخير

http://www.aqsa2001.blogspot.com/

مدونون من أجل الاقصي شارك في هذه

Unknown يقول...

أستاذ هانى زينهم
وكلامك مضبوط تمام
زى عوايدك للاسف:( الكل
قاعد علشان مفيش حاجة تانية
او مش عايزين يعملوا حاجة تانية
وبك قادر يشيل عنا ما نحن فيه
من (إدمان الاعتياد ) انا بسميه
كده لانه فعلا ادمان ويمكن دى
يكون موضوع التدوينة الجاية.

Unknown يقول...

TIMMY
وللأسف ياتيمى
بتوصل مع بعض الناس
لدرجة تعمد مخالفتك فى كل
شىء أو قول عكس العقل ما
بيقول لأ انهم يبانوا وسط
المجموع :ليا زميلة كدا
نقول يمين :تقول شمال
على طول ومن غير ماتفكر:(

Unknown يقول...

romansy
للأسف يارومنسى
قضاء مصلحة المواطن
دى أخر حاجة ساعات بيفكر
فيها المسئول من دول:أهم حاجة
الاداريات والورق والاجتماعات والتصريحات وخلافه.ربنا يرحمنا.

Unknown يقول...

قـبلاوى
عارف كان ايام
الشغل يفضل يقولك
ايه دا انا تعبان انا
زهقان من كترة الشغل لما
جاء وقت الراحة للأسف
ما استريحش :مسكين بجد:(

Unknown يقول...

استاذ المعتصم المنتصر
رئيس حلفنا ابر ايجيبت
الموقر: هوكان عمل مشروع صغير
كده او ما طلع معاش
مع واحد معرفة ولاجل
القسمة والنصيب كان
الشريك التانى:خد عندك
لواء سابق بالجيش اركان حرب
وحاجات من الكبيرة دى طبعاً
اتخانقوا لان الاتنين رؤساء !
والمركب اللى لها ريسين ..
زى ما أنت عارف بقى ..
اتفضت الشركة وضاعت الفلوس
ومن ساعتها قالك توبة من المشاريع الخاصة:(

Unknown يقول...

أستاذ عمرو
وبارك فيك ياأستاذنا
الناس مزاجات واللى تحبه
انت يكرهه غيرك وللأسف
لو ينظر للأمر من جهة
انها مسئولية كبيرة يوم
القيامة ما حيقرب منها
لكن تعمل ايه بقى؟!
شرفتنا ونورتنا .

Unknown يقول...

Heba Farouq
لو الناس تعرف كدهـ؟!
لكن للأسف فاكرة ان
الحال حيدوم الى أبد
الابديين.يسترها ربك
علينا وعليكِ وعلى
الناس كلها يارب.

Unknown يقول...

beautiful mind
الحمد لله رب العالمين
أزيك انت وازى التجنيد
يمر على خير بأذن الله.
تعليقك ممتاز ما اقدر
ازود عليه حرف الا
ربنا يباركلك
كمان وكمان.

Unknown يقول...

Yusuf
داء حب السُلطة
بعيد عنك داء ليس
له من دواء وللاسف.

micheal يقول...

شوبير
عروستي؟
:)
السلطة لها بريقها وكلن لو زاد عن حده يعمي

salma mohamed يقول...

ازيك يا نور؟
انتي فين؟

Unknown يقول...

Che
هو دا اللى
بقوله ان فعلاً
حب الظهور والشهرة
نوع من انواع الأدمان
وربنا يرحمنا ويرحمه بسرعة.

Unknown يقول...

موناليزا
ربنا يرحمنا جميعاً
يامونى من أمراض
ممكن تكون فينا
ومش حاسين بيها

Unknown يقول...

م/محمود فوزى
وعليكم السلام يافندم
مش بس وهم :دا إدمان
بيسيطر على حياتهم وللأسف
وحياتهم بتقف لو فقدوه لانهم
عايشين فقط للسُلطة. ربنا
يرحمنا جميعاً من امراض
الوهم وشهوة الحكم.

Unknown يقول...

اسامه 44osama44
اللهم آمــــــين
يارب العالمــــــين
لكل دعواتك ياأسامة

غير معرف يقول...

السلام عليكم
ازيك يا دكتورتنا العزيزة
افهم
انتي بتغطسي فين
يارب يرجع كل غايب لأهله وبلده





تامر

غير معرف يقول...

من وجهة نظري
السطلة مش شيئ له صفة الحمد او الذم في حد ذاته
هي بتخضع للأستخدام
مين اللي بيستخدم السطلة وازاي
ومقياسها لأي شخص هو حجم انجازه بها



تامر وهبه

غير معرف يقول...

تعرفي الفرق بين سيدنا عمر بن الخطاب وسيدنا عثمان بن عفان
الأتنين نفس اللقب امير المؤمنين
الأول جبروت سلطة بالحق النتيجة صلاح
الثاني لين سلطة النتيجة غرق الأمة في صراع لم ينتهي

الغريب
ميكانيزم العرض والطلب فيها
عمر لم يطلبها فوفق فيها
عثمان طلبها فجانبه عدم التوفيق في كتير منها



تامر

غير معرف يقول...

مشكلتنا في عالمنا العربي
افتقادنا لثقافة السلطة والقيادة
من ضمن ثقافات كتير لا المؤسسات ولا الأفراد بتقوم بيها
حتي المسميات
معهد اعداد القادة وجمعية المستقبل
مجرد مسميات
فيبقئ اغلب المتواجدين فيها او الساعين لها غير مؤهلين لها فتتحول لمجرد نزوات او مكاسب
انا متفق معكي جدا في وجهة نظرك

ايتها السلطة كم من الجرائم ترتكب باسمك
وكم من التكاليف والخسائر تحملناها ممن ليس اهل لها


تامر

Unknown يقول...

اللؤلؤة
وعليكم السلام
ونعوذ معك منهما
لان اعتياد وتعود غبر
حميد فى معظم الاحيــان.

Unknown يقول...

اللؤلؤة
وعليكم السلام
هو جرب مشروع تجارى
خاص زى ما حكيت للأستاذ
المعتصم لكن للأسف فشل فشلاً
ذريعاً خلاهـ وخلانا احنا كمان
لا نبدى استعدادا لمشروع اخر.
والشكر لله ثم لحضرتك انت صاحب الفضل .

Unknown يقول...

مسدس صغير
(مكسور الجناح)ساعات
بيبقى صعبان عليا اوى
مفتقد ما كان فيه طيب
نعمله ايه؟دوام الحال من
المحال!وشكراً لتواجدك الممتاز.

Unknown يقول...

كلمات من نور
اللهم آمين يارب
العالمين ويجعلنا ممن
يستمعون القول فيتبعون
احسنه ويجعلنا عارفين انها
دنيا فانية متغيرة جداً.

Unknown يقول...

Abd Al-Rahman
صدق رسول الله فيما قال.
مازلنا نعيش ونحس بوجود
المخلصين فى عملهم لله زى
الشيخ الشعراوى او الغزالى
بالرغم من رحيلهم منذ سنوات
اما أصحاب المناصب فأين هم بعد
عام من تركهم لمناصبهم!

Unknown يقول...

حاسوباتية
ربنا يسهل ويتعافى
منها بسرعة يارب
لانه موتر جو البيت
بتاعه على الأخر:(:(:(

Unknown يقول...

أ/محمد سعد القويرى
شكراً لك:وصل شذاها:)
واشكرك على كلامك ولكن
جرب مثل هذذا زى ما قلت
للأستاذ المعتصم ولم يفلح
وكانت خسارة مادية كبيرة
ربنا يهديه ويهدينا
سواء السبيل.

Unknown يقول...

حسـن حنفـى
كلامك مضبوط ياحسن
المهم يعمل اللى مزاجه
فيه حتى لو حيضر اللى حواليه.

Unknown يقول...

زهــــراء
الله يخليكِ هذا من
بعض ذوقك وكلامك.
هؤلاء مساكين لانهم
سخروا نفسهم للمنصب
وبالتالى أضاعوا كتير
من المتع الحلال على انفسهم
ربنا يهدى الجميع وشكراً
مرة تانية من ايدى
اليمين وايدى الشمال
كمــــــــــــــــــان:)

Unknown يقول...

الأزهـــرى
ياسلام على الكلام
الجميل للقرآن والاستشهاد
الجميل ايضاً منك به.

Unknown يقول...

حبيبتى أم أحمـد
لأ الحمد لله لم ياخذ
شيئاً ليس له حق فيه
بالعكس يمكن بيصرف ساعات
من جيبه لكن زى ما انتِ قلتى
البرستيج!ربنا يسهل واقترح
عليه هذا ويارب يقبل.

Unknown يقول...

Sherif
الاجمل تعليقك انت
يافنان.كان فيه تحقيق
مرة قرأته:ان الترقية
فى العمل احيان كتير
يصاحبها امراض عضوية
ونفسية :اشحال الرياسة
والمريسة!!نورتنا أ.شريف

Unknown يقول...

كريم مصطفى سيد
عارف ليه؟لن هموننا
زادت اوى وبقينا فى
حلقات مفرغة من المشاكل
كما وان بطش السلطة
قاسى وعنيف ليس كل
واحد فينا بقادر
على تحمله.أغفر
لى صراحتى ولكن
هذا رأيىّ.

Unknown يقول...

salma mohamed
الحمد لله رب العالمين
انـــا بخير وموجودة
فأين انتِ ياسلمى؟

Unknown يقول...

غير معـــرف
أستاذ تامر
وعليكم السلام
أمين لدعائك
وأنا هنا
انا هنا
انا هنا
فأين أنت الأن؟

Unknown يقول...

غير معـرف
تامر وهبه
وجهة نظر عظيمة
ففعلاً المهم استخدمتها
فين وازاى؟

Unknown يقول...

غير معـرف
تامر وهبه
فى بعض المواضع
السلطة لابد لها
من قوة والا فلن
تحترم (وللأسف)

Unknown يقول...

غير معـــرف
تـــأمر وهبه
عارف بيبتدى معانا
من المدرسة لما كان
الاولاد او البنات
ينضموا للشرطة
المدرسية لأجل
الشارة الحمراء
على الدراع
والأمارة على
التلامذة اللى
زييهم :(:(

Unknown يقول...

micheal
أكيد! والا
ما كانت كل
الانقلابات
والحروب اللى
فى الدنيا دى كلها
حصلت :جزء كبير
منها للمصلحة
الخاصة وللسف.

Unknown يقول...

والحمد لله رب العالمين.

غير معرف يقول...

هاقولك قاعدة يا دكتورة
قاعدة مهمة يعني
ممارسة ( خبرة ) + معرفة = انجاز
الشق الأيمن
العملي والنظري عملية تدريب مكثف ومتواصل للعين والعقل والأذن
خبرة الواقع مضافا لها اهم حاجة المعرفة
الشق الأيسر هو نتيجة حتمية له


تامر

Unknown يقول...

غير معرف
أ.تامر
شكـــــراً جزيلاً
للأضافة الممتازة.

عالم حبيب يقول...

سبحان الله في ناس المنصب أهم شئ في حياته فعلا .. بالنسبة له كأن سمكة لو خرجته من البحر اللي هو السلطة ممكن يموت .. ممكن يعمل اي حاجة علشان يظل قاعد على الكرسي .. سواء رئيس او وزير او سفير او حتى رئيس او عضو نادي درجة عشرتاشر

ربنا يرحمنا برحمته

أحمد الصعيدي يقول...

عود نفسه الانانية وحب التملك فعودته أن تفي له طول العمر

وهو في سباق إلا أن يرحمه الله

السلام عليكم ورحمة الله

محمد الجرايحى يقول...

السلام عليكم ورحمة الله وبركاته
بارك الله فيك وأعزك
وأحيى طرحك هذا وأدعو الله تعالى أن يجعله لنا درساً وعبرة وعظة

قلم رصاص يقول...

السلام عليكم ورحمة الله وبركاته

بريق الكراسي يفقد العقول صوابها

هكذا قالها أخي الأكبر

وهي حقيقة فعلا وتفسيرا حقيقيا للوضع الحالي لكل من يتشيس بالكراسي

دمتي على خير يادكتورة

ذكرى رحيل قلم يقول...

السلام عليكم
حاسة كأنك بتتكلمي عن شخصية مشهورة
ذكرت كثيرا لكن ده حال الناس التي تفكر في الدنيا ونست ذكر الله

ربنا يرحمنا ويرحمهم ويخفف عنه ويذكره بوجوده لعل الامر يتغير


اللهم لا تجعل الدنيا
أكبر همناولا مبلغ علمنا
ولا إلى النار مصيرنا
واجعل الجنة هي دارنا
ولا تسلط علينا
بذنوبنا من لا يخافك
فينا ولا يرحمنا برحمتك
يا أرحم الراحمين
يارب العالمين آميــــــــــن

افضل قول
تحياتي

غير معرف يقول...

دكتورة نور
مش تنسينا من دعائك
ربنا يعطيكي الصحة والعافية



تامر

أبو العريف يقول...

ازيك يا دكتوره

انا للاشف الريدر من زمان مهيس

ومش بيجيب الجديد



الراجل اللي بيتلاشي ده للاسف فيه منه كتير قوي


ربنا يهدي الجميع لنا في الخير

ذكرى رحيل قلم يقول...

السلام عليكم

ولا يهمك
كثيرا بتكون حالاتنا النفسية غير متزنة
من كثرة الملل والحياة المتكررة يوميا

عليكي بذكر الله كثيرا واقريء ماتيسر من القرأن الكريم وان شاء الله سيزيل همك وتستقر نفسك

تحياتي

rovy يقول...

ازيك يا دكتوره
وحشانى جداا
يارب تكونى بالف خير غاليتى
اغلقتى التعليقات فى بوست التأرجح و قد اردت ان اخبركى بشده انه بوست رائع حقا يعبر عنا جميعا .. فمن منا لا يتأرجح عزيزتى و اه لو تعلمى مدى تأرجحى حتى فى افكارى .. ادعوا الله ان يعيننا جميعا ..
اما هذا البوست فمعكى كل الحق و احيكى بشده عليه .. ربنا يهدينا جميعا و ينور بصيرتنا .. امين

اعتذر عن تقصيرى ..
مودتى لك دوما

Unknown يقول...

عالم حبيب
اللهم آمــين
يارب العالمين
أهوهـ دا كانت السلُطة
مصدر الاكسجين لحياته ومن غيرها
هو شايف ان حياته ملهاش لزمة!!
ربنا يرحمنا ويرحمه يـــــــــارب.

Unknown يقول...

أحمد الصعيــدى
وعليكم السلام ورحمة
الله تعالى وبـــركاته
اللهم آمين يارب العالمين
يرحمه ويرحمنا معاه .

Unknown يقول...

محمد الجرايحى
وعليكم السلام ورحمة
الله تعالى وبركاته
وبارك الله فيك
وعلــيك ولك
ياأستاذمحمد
وشكراً لكلامك الطيب
جزاك الله خيراً.

Unknown يقول...

قلم رصــاص
وعليكم السلام ورحمة
الله تعالى وبركاته
كلامك مضبوط بجد
المهم عندهم
التشريفة والتعظيمة
والالقاب والهيلمان!!!
فى بعض الاحيان على حساب
صحتهم وسعادتهم وأسرهم حتى!!

Unknown يقول...

ذكرى رحيل قلم
وللأسف كلهم واحد
فى الموضوع دا!وكأنها
قصة مكررة وكمان كأنهم
لا يستفيدوا من تجارب الاخريين!
اللهم آمين يارب العالمين لكل دعواتك.

Unknown يقول...

غيـر معرف
تـامر
الحمـد لله
انا بأدعى
للنـــاس كلها
بالخير كله بأذن الله.

Unknown يقول...

أبو العريف
الحمد لله ياأفندم
ازيك انت ياباشمهندس:)
اللهم آمين يارب العالمين
يهدينا ويهديه ويهدى الريدر
كمــــــان بتاعك وبتاعى:)

Unknown يقول...

ذكرى رحيل قلم
وعليكم السلام
الحمد لله رب العالمين
سحابة صيف وتعدى
بأذن الله كما عدى
قبلها كثير اوى
شكراًجزيلاً
لكلامك
ولتشجيعك .

Unknown يقول...

rovy
أم يـاسمين
الـــرقيقة
حبيبتى لا تعتذرى
عن شىء!نحن أصدقاء:)
ربنا يريح قلبك وخاطرك
ويهديك لما فيه مصلحتك
ومصلحة بناتك يارب
يكفى رقة كلامك
فيه بلسم لاى
مشاكل
او متاعب.